2014年5月28日 星期三

澳洲探險自由行之旅2014-03-31第十天Part 2(晴天)

今日同噚日都超辛苦....今日1656哥個位簡直係完全望唔到盡頭....叫極都係1656.........死得未.........................好攰呀...做到快到好似架車開到130km/h咁快.......放工真係頂唔順...我真係好攰....為左令自已開心番d....我走左去7仔買兩條熊仔薯片...都唔算太過份je~



2014/03/31
Day 10---Part 2(開恩茲 Cairns->悉尼 Sydney)
好喇~係民宿搞黎搞去開心左一陣~先發現....好肚餓呀~~飛機無包餐點的~~~~~我地今日一餐正餐都無食過~~~好啦~跑出去喇~~~毛寶一早睇好哂地圖~佢話我地民宿行去環型碼頭(Circular Quay)只需15-20分鐘路程~好啦~咁就出發行過去順便睇下有咩野食~順便熟習下附近有d咩啦~~橫掂天氣又咁好~
話時話...我想講行係悉尼街頭...見100個人......我覺得大約有70個人都係亞洲人面孔的............




行過見到Sydney Tower~~咁近好難影得靚~~~~





行左真係大約15分鐘度~就黎到環型碼頭(Circular Quay)喇~

呢度都幾多人跑步架喎~



望一望對面~咦~hi~終於見到最出名既地標喇~悉尼歌劇院(Sydney Opera House)~地址:Sydney Opera House,Bennelong Point, Sydney, New South Wales....電話:+94-2-9250-7111....網址






不過我地真係堅懶~~~淨係係對面同佢合照咋~~見行過個環型碼頭過去太遠了~~~算啦~~~~




點先~我影既~靚唔靚先~影到你幾隨性呀~




4人照~好開心呀~影到藍天的歌劇院~




環型碼頭既左右兩邊都幾多餐廳架~我地諗住揀日本野食....係環型碼頭...望住悉尼歌劇院既左手邊....一排餐廳....上一樓.....但係佢未開~開6點半.....於是我地係一樓望出去...咦~~~呢度咁樣影出去仲正喎~~推介呢個影相位呀!!!





而且高空影先可以影到環型碼頭~咁岩線呢日無大郵係度~如果唔係都影唔到相lu~好彩~




係一樓一直向悉尼歌劇院向前行.....就會有個位影埋悉尼海港大橋(Sydney Harbour Bridge)~~~個位確係幾唔錯~地址:Cnr. Argyle & Playfair St. The Rocks....電話:+61-2-9255-1788(悉尼遊客服務中心)....網址





影完望落去.....咦....到左岩石區(The Rocks)喇喎~~~行呢幾個景點又幾方便喎~




諗住行落去係岩石區d餐廳搵食...點知神秘團友話堅持要食頭先未開的日本餐~好囉~橫掂呢度咁舒服又唔怕熱~就坐企抖抖兼等哥間野開門囉~




等待期間又走去搵位影相~




寶寶呀~~~~~~~~你好可愛呀~~~真係羨慕你唔使俾錢可以去到咁多地方玩~~~~~





拿~今次囉jer同炳門都威威架~~~除左同護照影相之外都有出黎同景點影架~~~~








噚日下午2-8...有個集會係包圍垃圾會
我雖然無去...但係各社交網站都有留意情況..
睇完覺得好感動......
因為覺得人間真係有情的~
大會有人贊助水同埋餅乾俾參與者...
期間有人情緒好激動....抬住假既棺木衝出示威區外
但係集會人士用大聲公勸佢克制...
佢又乖乖放低棺木係垃圾會門外再自己企番入示威區內...
亦有食肆蕃茄屋送左700個木槺布甸同幾百罐汽水支持...
集會尾聲大家一齊大合唱一首Beyond既海闊天空就和平散去....
而所有垃圾大家都自覺地集合係同一地方...無話亂拋垃圾
睇到大家都好理性咁表達訴求真係令人好感動!!!
但係垃圾會d人真係廢到無朋友....
令人失望......唔聽市民意願既屎員實在太多...
有d企出黎話支持市民既最後又係投棄權票..
認真廢到無朋友!!!!!!咪使旨意下任會投你一票!!
想當年阿陳司長話因為要開源節流...
唔好為庫房做成負擔....所以cut左公務員既長俸
依家....你地做夠5年離任又有補償....
阿凸手你仲要有長俸.....實在可怒也!!!
一個正常既打工仔由22歲做到65歲做足9世先養得起阿凸手....
你話要保障你退休後既生活....咁我地點??




2014/05/28的開心事:
hehe~人家今日見到你喎~
仲唔開心咩~
今日中午媽媽買左我最愛的千層腸粉我吃~
正~(我d開心野都離不開吃)



報時:距離日本東京自由行之旅2014仲有---25日~

28 則留言:

  1. Hi小t!悉尼真係好靚喎!悉尼多亞洲人面孔咁就勁喎!悉尼歌戲院好靚呀!4人合照好得意!神秘人一定好鍾意食日本野喎!澳門人又真係幾齊心呀!包圍垃圾會!同我地香港7月1號一樣要出來抗議、我地港澳凸首一樣咁廢架!澳門凸首退休仲要有長捧!真拉圾!妳地澳門人一定要抗議到底呀!我地香港人都咁支持妳地架!仲有25日就去日本喎!開心喇!bye!!!

    回覆刪除
  2. 做咩唔行埋去個地標影~~真係好懶豬啵你地 HAHA
    如果有大郵輪泊起碼頭又會係另一番既感覺~~
    唔知我幾時先肯動手打打BLOG呢~~~不過每日對住電腦~~返到屋企都唔係太想玩~~

    回覆刪除
    回覆
    1. 係呀~好熱又攰嘛~~梗係唔行啦~~~
      如果有大郵輪個風味就係....遮住成個歌劇院影唔到~~~哈哈哈哈~~~
      慢慢習慣左番工可能就會好d架喇~~~你睇我日日都係咁~~~

      刪除
  3. 你哋去咗the rocks,有冇經過一個大coca cola廣告大燈箱牌,嗰度附近就係紅燈區喇。我哋都係嗰次去澳洲玩,個fd車我哋夜遊Sydney至知咋。不過唔好落車呀,經過見識下就算喇,嗰度應該幾雜,跟住仲去咗royal botanical garden(即係徐子淇嘅婚禮嗰度呀)。嘩,你哋做凸手竟然有長俸,唔係呀嘛,難怪你哋咁「慶」啦。

    回覆刪除
    回覆
    1. Alex, 去Rock 同去 Kings Cross 係數完全兩條路,一徐直行,一條打橫上山喎。

      刪除
    2. 好似...無呀~~~~~~~
      梗係嬲啦!!!!我地做生做死..佢就印印腳!!

      刪除
    3. sydney~可能佢係朋友帶佢玩所以唔知條路咁呢~
      話實在...我唔係朋友帶我去玩我都係矇查查~

      刪除
    4. 哈哈,因為個fd車到我哋去到嗰個位,mention過去埋the rocks,但因太夜(我哋搭夜機到),最後冇去到,所以我以為好近囉。多謝sydney,我又學多樣嘢。

      刪除
    5. 你就好啦~你哥時有朋友帶你去玩~~~~~

      刪除
  4. 藍天的歌劇院好靚,遠遠地影先好呀,太近無景睇....哈哈(支持你地懶)
    千層腸粉未見過呀?有好野食真係好開心,

    回覆刪除
    回覆
    1. 係呀le~你真係有見地~
      哈哈~~~個名其實係我自己改架咋~~~

      刪除
  5. Sydney Tower好似澳門塔喎
    講明垃圾會、所以d人都係垃圾唔怕羞

    回覆刪除
    回覆
    1. 哈哈~其實我諗個個塔都係差唔多~
      係啦....班人真係堅垃圾!!

      刪除
  6. *。゚話咁快又晚安喇喂★・゚゚☆・。☁☾・゚
    ┏┓┏a Ρpy。・゚゚☀・。♡
    ┃┗┛┃. 。゚。¤\(◕ヮ◕)/
    ┃┏┓┃。❥天天向快樂前進♥ ˚ •。
    ┗┛┗┛。。♩¤♫。♬.♪°

    回覆刪除
  7. 係呀, 係東方人的特性, 喜歡住市區, 所以市區特多東方人, 西人大多住在郊區, 我家最初移民來時, 就住市區, 但一年後, 就住這裡西人區直到現在.

    如果我一天無食過一餐正餐, 我會暈低咖, 你地好好野, 仲可以等到6時半間日本餐廳開才食野.

    香港D人初頭遊行, 都好刻制, 但現在你睇王沃文和大舊, 就知道澳門D人遲早會好噪好激囉. 無法了, 下層無保障, 跟上層差咁遠, 一定有很多人唔開心.

    回覆刪除
    回覆
    1. 原來因為哥度近唐人街呀哈哈~~
      其實我哥日都幾肚餓~可能已經餓過飢~
      依家我地成功左喇!!

      刪除
  8. 悉尼地標差唔多一炮過ko,方便快捷,爽。
    要向蕃茄屋致敬,真係夠哂沙pop,希望唔會俾人算帳。
    “話支持市民但投票又……”香港有批禮義廉都係咁,要認真記低佢,唔好善忘。

    回覆刪除
    回覆
    1. 係啦~我都估唔到咁方便~~係幾好~
      下...咁都有人算帳??唔係卦....不過有一個集團既野我就真係唔會再食...因為個唔知董事定主席超乞人憎!!罷食!!
      係呀!!!就算我地今日勝利....我都會好好記低呢班垃圾

      刪除
  9. T, 你第一張相右手邊行過去三個街口就是唐人街喎,當然多亞洲人!其實近Opera House 有間Opera Bar , 貴但環境一流!

    回覆刪除
    回覆
    1. 華~巧勁~得條街都認到~係喎~~~諗諗下又係喎~~~下面係唐人街梗係多唐人啦~傻仔黎架我~
      最弊我地懶行過去呢~~哈哈~~

      刪除
  10. 越嚟越多「正虎」唔識做「正虎」.......

    回覆刪除
  11. 話明係垃圾會,入面個啲都係一樣野啦!除非全澳門居民都享有同阿凸手嘅退休保障囉!

    回覆刪除
    回覆
    1. 無錯!!!我地做生做死..佢印印腳攞長糧..佢就想!!

      刪除