2014年5月27日 星期二

澳洲探險自由行之旅2014-03-31第十天Part 1(晴天)

巧攰呀今日~~仲以為今日會少野做過噚日添~點知有多無少....今日工作上又遇到d"好得意"令人"好開心"既小朋友.....真係想搣佢地面珠仔一大下呀!!!!!全世界"最得意"既生物莫過於小朋友!!今日下午至夜有包圍垃圾會活動....4點半打後確係比平日靜左少少



2014/03/31
Day 10---Part 1(開恩茲 Cairns->悉尼 Sydney)
晨早又出發~我地一早請民宿幫我地call的士...真係超準時的~而且又無額外費用~都係大約AUD16=112hkd就出番機場~近~抵~




開恩茲機場叫做多幾間野行下架喇~好過塔斯曼尼亞~有一樣紀念品毛寶好想買~但又唔想拎...諗住係悉尼機場先再買~點知.............你明啦.................我係度買左支鉛筆~




好開心呀~最後一程內陸機喇~搭Jet Star既JQ955...09:25班機由開恩茲直航到悉尼(Sydney)...大約3個小時機程~記得去到悉尼將時間較快番一個鐘呀~出大城喇~好緊張~其實來來回回經過悉尼第三次~




拜拜喇開恩茲~~~~謝謝你的款待~~~你d龍蝦好好食呀~








d水既顏色好靚呀~~~好後悔無安排時間去大堡礁呀~~~~我知錯下次會去架喇~~~~




又到我最愛既雲相~~~好靚~~應該係呢次旅程影得最好睇的~d色好靚~






最滿意呢張~




係機上面睇左套小時代2之青木時代~唔算太好睇~(因為之前去開恩茲哥程睇左第一集~心思思就會想睇埋第二集...想知d主角點~其實有第三集我都會照睇~)......咦~~到喇喎~




呢張好恐怖~~一粒粒既船仔令人好有密集恐懼症~~




hello~大家睇到悉尼既地標未呀~影影下發現原來經過緊悉尼海港大橋(Harbour Bridge)~悉尼歌劇院(Sydney Opera House)~仲有Sydney Tower(呢個塔要考大家眼力~)~~~~~好得意咁樣高空睇~~~~




2小時50分就到左悉尼喇~~~~~又係落係T2....呢個位真係行到熟得不能再熟~~~~~~~~依家行緊去呢個2號行李帶對開哥度落去搭火車喇~~~






都有自助機可以自己買飛既~不過我地無散紙~~都係行埋去counter度買好過~~




由機場出到市場...我諗收費都係分區計架啦下話?!?!?我地去民宿係Town Hall站~~收費AUD16.40=114.8hkd......但聽講大約坐10幾分鐘咋喎...都...幾貴喎~




悉尼火車初體驗~~~原來同巴黎一樣有三層架喎~~~不過澳洲的乾淨好多~~~~~






跟住係火車上有奇事發生......我地搵左個位坐....佢地3個坐同一排....我對住佢地坐....我隔離有個鬼婆...咁架車一路開我地就對住一路傾計......傾傾下我隔離個鬼婆同我地講野....開頭我以為佢話我地講野好大聲影響車廂安靜(其實我有留意聲浪...因為我知外國人唔鐘意係公眾地方例如餐廳大聲講野嘛...)....但係聽聽下....佢話:you should respect the country where you visit.....so you should speak english with you friends(其間佢係望住朗公子..無望過我地其他人)正當佢不停話我地...我地繼續不停咁自己講廣東話傾計....唔理佢.........我心諗你係咪痴左邊條線呀.....佢見我地唔睬佢...佢繼續鬧.....點知有個本地人女人忍唔住出聲話佢:(譯番做中文哈哈)佢地係遊客...今日岩岩第一日飛機到...同埋佢地同自己朋友傾計....點解要講英文???.....鬼婆:我覺得佢地要尊重呢度..佢地咁樣好唔禮貌......本地人:咁你係咪澳洲人??....鬼婆:唔係......之後個本地人反反眼同佢再互鬧左一輪.....先收線....痴線架?!?!哈哈...如果唔係見佢個樣迷迷地啪左藥咁款...真係想問佢一句:Will you speak in cantonese with your friends when you visit Macau????你話會我話你好野!!!!!!




明明上車前睇到條線會經Town Hall喎....點解無啦啦又無經到直接跳左去Central既?!所以我地係Central站問職員去邊個月台~然後搭番一個站番黎Town Hall~巧巧天呀~




一出站...毛寶又黎料:岩喇...行呢邊..................你真係自由行達人呀~~~~~~~~你好叻呀~~~我地仲問佢其實係咪澳洲仔~~~~~之前讀書一直都係澳洲~XD~帥帥的背影~每個女孩們不再為搵唔到酒店徬徨~~~




hehe~我地既民宿就係左手邊白色哥棟~~望外觀就幾唔錯喇~~~~其實呢間民宿係Diana推介俾我地架~佢話佢每次番黎澳洲都係住呢間~Meriton Serviced Apartments-Kent Street......地址:528 Kent Street, Central, Business District, Sydney, 2000, Australia....電話:+61-2-9277-1111...其實佢呢個Meriton係連鎖式既apartment黎既~係好多地區都有..我見Bondi Beach都有~就番自己想去既地方租啦~網址....上網睇下佢有咩地方揀啦~我地揀呢個Kent Street就係貪佢去邊都方便~~~~~~同火車站Town Hall又近~3-4分鐘左右~




5晚的4人公寓...AUD1,830=12,810hkd(包wifi)....每人每晚640.5hkd....唔係最平....但一定係最方便同好住!!!!!睇下個廳幾大~~~~~~~~~~飯廳和客廳~~~真係好大呀~~~~~






兩間房都好大~~~其中一間係套房黎架~有埋浴室係入面~~~成間公寓總共有兩個浴室~~~~~勁方便呀~~~~大愛!!!而且可以係網上講定你想要既床型(雙人床或兩張單人床~我地唔記得講~不過無所謂~~~因為好大張床~~)...其中一間房有電視~








仲有廚房是不能少的~~~都有團友係呢度獻過廚藝架~~




我地住係37樓~仲要有露台~露台仲要有枱有櫈~真梳肝~








我上個禮拜做左件好傻既事~
我有個fd既電話號碼同我爸爸差唔多....
所以以前我見有無甩call係我個fd既電話...
我會以為係我爸爸...
如果個無甩call係我爸爸既..
我又以為係我個fd打黎...
上個禮拜我個fd打黎我無聽變左做無甩call
見到既時候我個心跳左一跳...
我以為爸爸打黎呀.............
雖然我知無可能.....
之後我傻到....打哥個好耐無打...但又好熟悉既電話...
(依家你打俾朋友多數都係睇人名襟黎打....我有幾個係真係背到直撥號碼的....爸爸係其中一個)
我好想係爸爸聽...然後同我講:喂?(係咪有d恐怖)
又或者其實我想八下睇下有無將呢個電話號碼俾左其他人用..
電話接通....只響起一句:你所打既電話號碼並沒有登記;]
爸爸....我好掛住你呀



2014/05/27的開心事:
媽媽又整佢獨門既午餐蛋飯了~~~
好開心~~~蛋黃汁香香的~
用黎撈飯最好味~



報時:距離日本東京自由行之旅2014仲有---26日~

30 則留言:

  1. 呀~~D小朋友肯定好"特別"啦XD
    有一個特別既校長,就有一個特別既學制,更有大把特別事發生!唉!!~
    我覺得幼稚園小學先最慘...我地起碼有3張唔同階段校服既全體相,佢地就...唉!
    但我真係好失望LO=_=因為大石級影既同千禧堂影既意義完全唔同
    琴日台灣出結果我驚得制訓唔着又想抒緩下情緒係打咗篇希望補影既文架
    不過我淆底唔敢SEND去學校或者公開
    歌個鬼婆真係...好特別下喎!
    自己同朋友去旅行要用英文傾計
    其實個鬼婆係咪想知你地傾乜咋?XD

    回覆刪除
    回覆
    1. 係超級特別!!!
      都唔係既...咁佢地仲有下次影嘛.....長路漫漫~
      我都明既......大石級影係一個畢業既象徵
      依家唔係話有希望補影咩??
      哥個野擺明傻架啦~

      刪除
  2. 呢d好得意"令人"好開心"既小朋友一定有佢嘅好得意"令人"好開心嘅父母,你應該都好想大巴大巴咁摸吓佢....hehe
    或者個外國女人其實想聽吓你地講咩,join埋一份.............不過佢都應該係痴綫嘅
    個apartment正到暈,有view又大又舒服,very good:)
    你好感性呀^^

    回覆刪除
    回覆
    1. 無錯喇~~~~佢父母都係超級的可愛架!!!!!真係令人好開心架~~~
      擺明佢真係傻的~
      無錯~成個旅程我最鐘意呢度~訓得好好~~
      哈哈~~除此之外我仲好"性感"添~~~wakakakaka~~~~

      刪除
  3. 終於最後一站Sydney。個鬼婆儍的嗎,大家梗係講番自己嘅共通語言啦,點解要講英文呀,上堂咩。可能佢唔識聽,驚你哋講佢壞話囉。你哋嘅民宿地點好方便喎,去邊都得。其實放下比擁有更幸福,希望你明白啦。

    回覆刪除
    回覆
    1. 佢擺明係傻到飛起!!!!!無錯~我地都係咁講~佢可能係以為我地話緊佢~
      係呀係呀~~~又住得舒服~堅推介~
      哈哈~會放下...但總會在心中.....呢個人唔係一般既人嘛

      刪除
  4. 你地遇到哥個咁嘅鬼婆真係世界十大奇聞!呢個世界上乜野怪人都有~都好彩有人為你們伸張正義!

    回覆刪除
    回覆
    1. 我覺得佢擺明以為我地講緊佢~所以佢先咁緊張~傻的人太多了~

      刪除
  5. Will you speak in cantonese with your friends when you visit Hong Kong~~哈哈哈
    妳又嚟咁啦~~~我明白感受放開d啦~~~總有一天會想聚

    回覆刪除
    回覆
    1. 哈哈~~佢唔傻既話我真係會咁串佢的~
      我都知~但係呢個唔係一般既人...佢永遠係我心中~

      刪除
  6. 嘿, 你令我想起我細時D姐姐, 個個都走來搣我塊面.... 哈哈哈, 有個TIPS俾你, 你下次最好係枱頭, 放些糖呀, 零食呀, 再見到佢地時, 記住請佢地食一粒, 一粒好了, 多了人地家長不喜歡的. 然後, 你一搣落去, 佢地個樣甜到你永世難忘.

    係呀, 澳洲係移民國家, 通常本地人都會渴望遊客, 你們講廣東話, 他們反而高興, 你們講英文, 他們會不高興, 驚住你地去爭飯碗, 那個唔順超的女人, 一定唔係本地人, 講D英文唔夠地道澳洲口音, 給當地人排斥, 所以對你們講外語, 就不滿了. 查實這些人都唔湊米氣, 你地係遊客, 帶外來資金俾澳洲經濟繁榮, 咁都來對你地阿芝阿佐. 可以看出, 他們英語人仕中間, 都分開很多種, 有些人會不滿其他不同英語口音的人.

    這間Meriton APARTMENT, 只有澳洲才有呀, 不過, 我下次去澳洲, 一定考慮佢, 你地係果度, 煮過幾多餐?

    回覆刪除
    回覆
    1. 其實我係超憎我公司遇到既小朋友......唔乖到不之得了!!!!!!係討厭...唔知依家d人係點教仔的
      哈哈...個女人就擺明係傻架~~~所以我地一句都無答佢~
      下~我以為佢其他地方都有添~

      刪除
    2. 哦, 原來係討厭D小朋友, 我那時好乖咖, 坐定一個人.

      刪除
  7. Welcome to Sydney . 以前謮U時,我地三個女仔在𨋢講廣東話,跟著下一層有個鬼婆入𨋢,就鬧我地not speak English。當時真是只有三個hk人係𨋢,講乜話又關乜佢事呢!而家做事班菲人一日到黑都講菲律賓話都冇人理!由我家去機場是20元,所以我不搭火車的!airport to city is a loop line, 而家多數是Central to town hall.可能不是busy hour so it goes to museum station first. 我就是住在這線上。

    回覆刪除
    回覆
    1. 咁係咪澳洲人都鐘意人講英文呢???但同自己朋友都講英文係我世界係叫扮哂野喎...尊重佢但唔尊重我朋友....傻架
      咁人地講咩語言佢有自由架嘛~只要唔係對住我講
      係啦~我地後尾悟出真諦無搭火車出機場喇~
      係喎..可能哥時真係唔係busy hour喎~下午4點左右咋~

      刪除
  8. 個女人好恐怖好得人驚呀
    間apartment靚靚呀 好大 好warm:)
    你仲有一個月又飛啦 hahaha

    回覆刪除
    回覆
    1. 傻架佢~所以我地先至唔同佢講野由佢自己自言自語~
      係呀~~重點係舒服和方便~
      yeah~好開心~

      刪除
  9. 火車上的經歷好奇怪,
    我地喺外國人,用番自己語言好正常,
    同尊重無關,佢又唔喺朋友,點解要知人地講乜,八卦訧真!
    咁佢嚟到我地哩度,咪應該用粤諮!

    回覆刪除
    回覆
    1. 無錯..所以我地一致認為個女人係傻既~
      我覺得佢可能以為我地講緊佢..所以佢咪咁囉~

      刪除
  10. 好彩十幾分鐘車程啫,耐啲嘅話隔離坐著個癲嘅都咪話冇心理壓力
    究竟你係讚毛寶定笑佢架?
    我心戚戚然,明明熟悉得不能再熟的一下子沒有了,不是說過時間會沖淡一切嗎?

    回覆刪除
    回覆
    1. 哈哈....其實我地無理佢呀佢有佢自己講~我地有我地自己講...(其實佢開金口之後我地狂用廣東話佢痴線)
      我讚佢呀..佢好勁喎
      唉~有d人...就係一輩子都抹唔走

      刪除
  11. 火車o個幕好爆笑, 遇到一個痴線o既, 同一個正義之士!
    呢排又忙, 又要趕blog都好少周圍visit, 話說我老公係妳fans (如果去澳門要搵妳簽名, 呵呵), 佢昨晚同我講, 我地幾多號o係sydney呀? 小t同我地住埋同一座apartment呀咁, 原來我地大約差唔夠兩個星期就可以o係sydney見面 ^^
    我復活節個trip都係住kent street間meriton ^0^
    http://venushk.blogspot.hk/2014/05/meriton-serviced-apartments-kent-street.html

    回覆刪除
    回覆
    1. 佢真係傻得好交關~費事睬佢~
      好多謝你老公捧場呀~~~~華~~我地住埋同一間呀~~~~如果真係同一時間又撞到我覺得我地要一齊食餐飯先得~~~~哈哈~~~
      如果真係見到...個感覺真係好奇妙~

      刪除
  12. 無去大堡礁,咪留番下次先囉.
    個鬼婆八掛嗜,想知道你地講緊乜,嘩,如果好似佢咁認為,咁小t你地咪變哂語言專家,精通全球方言?
    思念至親係人之常情,你爸爸在遠方會一樣掛住你嘅.

    回覆刪除
    回覆
    1. 係呀~我都係咁諗呀有藉口去多次~
      咪係囉~不過佢擺明係傻既~費事理佢咁多啦...唔知佢會唔會發癲嘛
      知道~我會係心入面記住佢架~

      刪除
  13. WOW...澳洲既景真係好靚A, 綠油油,,海水又綠....睇你既澳洲之旅真係睇到好想去AR!!!!!
    個民宿又正又平,至緊要係真係有2張大床AR, 你知好多都係有BED提供, 不過係SOFA BED...
    SO 呢間真係值得推介....
    我自己都時不時諗番天堂上面既阿FA 同狗仔...仲諗佢地而家應該舒服地環遊世界冇野煩...WAKAKAK

    回覆刪除
    回覆
    1. 哈哈~~都幾靚架~我好鐘意係機上影相~
      係呀係呀你岩呀!!!!真係梳化床又當係一張床~~呢間真係超舒服呀!!!
      其實我試過及夢見到爸爸...我問佢近排有咩搞~佢就答我:無呀~周圍去下旅行啦~
      夢到佢安好...我都好安慰~

      刪除
  14. 澳洲既景真係好靚...由其你在飛機看下去
    MY █▄♡VҼ 好姊妹★・゚゚☆晚安甜夢・。☁☾・゚

    回覆刪除