2014年5月23日 星期五

澳洲探險自由行之旅2014-03-30第九天Part 1(晴天間中有驟雨)

wow~~~~好野~~~星期五喇~~~~噚晚咪同左七公子食飯既~~~哥間葡餐超平超抵!!!!又大碟~~食左七公子好開心~~~下下下次寫介紹文呀~(唔知幾時XD).....食完仲要過對面食埋糖水~~~好夜先番到屋~咪偷左日懶唔寫blog囉~工作都係咁啦~~一樣的多野做~~~~



2014/03/30
Day 9---Part 1(開恩茲 Cairns)
終於都黎到最緊張既一日喇~~~出發前一早訂左....我地黎開恩茲既終極目標....就係要去---------跳傘!!!!!!!!!!!!!!!!!我其實之前一晚...有少少緊張到訓唔著(加上民宿個窗口冷氣機好嘈)....一早約左7點鐘黎民宿門接我地...要我地早15分鐘係門口等....但係佢就7點15分先到~我地架車~唔算多人~




我地今次揀左Skydive Cairns黎為我地做呢個壯舉~地址:82 Grafton Street, Cairns, Queensland....電話:+61-7-4031-5466.....網址.....其實佢既價錢以高度分的~橫掂去到....梗係跳最高的!!!!我地揀左跳14,000ft.....平時價錢係AUD299=2093hkd(未計入APF的AUD35=245hkd...呢個好似係澳洲既跳傘會...每個人去澳洲跳傘前都要去佢地個網站登記的)......本身我地已經訂左...錢都過埋...點知先見到原來佢無啦啦減價!!!即刻send mail過去問可唔可以取消...好彩可以~咁我地即刻再訂哥個減價價錢~AUD255=1785hkd(另加AUD35既APF費用)..好似唔係平好多..但係兩個人加埋就減左400幾hkd架喇!!!!!仲有另一個優惠係....買DVD幫你upgrade送埋影相!!抵!!本身DVD加影相要AUD155=1085hkd...我地訂哥時只需AUD130=910hkd~記得訂睇下佢有無做特價喇~(其實我見佢依家4-5月都有特價)...咁加埋跳一次傘就要2940hkd...3000hkd有找~抵~比之前無減價都叫平左每人483hkd架~最可惜係...我想影哥隻DVD係有個專人同我一齊跳(唔係我後面哥個..依家影哥d係佢攞handcam幫我影)....因為遠影無咁樣衰嘛~而且佢跳先過我d角度攞得靚d!!....不過原來開思茲無呢個服務..失望!!(我知新西蘭跳更抵~下次跳~)..如果係降落地點係陸地...揀左一早跳...跳既時間預一朝就可以了....如果係降落係海邊時間就要預多d...因為去海邊要坐遠d既車....我地7點15分出發....11點就番到民宿了~夠哂快~




佢首先會車我地去佢地既公司(即係機場旁邊)....填填生死狀!!!填哥時真係有d不安的~~張生死狀超多野填....好彩...有中文譯本...如果唔係咁多有關病既專業名詞我真係唔識睇




填好表...佢會播片你睇教你跳出去時要點做...降落點做....睇完要等....於是出去行下....旁邊就係機場~不過我地唔係坐呢隻飛機~

我地唔係第一隻機跳~係第二隻~等到d人番黎先到我地...等左個幾鐘~如果唔係...仲快~



到我地喇~佢會磅重~然後會揀合適既跳傘員同你一齊跳(就係呢個時候我發現左我既體重去到新高~~哈哈)...到我地上裝備喇~~~~幾醒目~其實如果你有著長褲去係可以唔使著佢條褲的..但因為我地怕落地時屁屁擦草地所以都著~





跟我一起的跳傘員Frank~佢話佢自己係29歲同我一樣喎~~好搞笑架佢~多得佢~不停的鼓勵我~我先無咁緊張~哈哈~我之前第一架機d人叫名...我仲緊張到唔係叫我名都舉左手XD~~~呢日唔戴con唔得啦~~唔係既話睇唔到野呀~




之後Frank教我跳傘要留意既野~一跳出去時雙手要交叉放胸前...當佢拍我手臂一下...我就要張開雙手~試過有個鬼佬緊張得滯無張開雙手...俾後面既跳傘員打佢隻手直至佢張開....因為可能咁樣會過快的下降??因為張開雙手有阻力慢d??




教我降落的姿勢~其實呢個動作幾攰的~要抱起雙腳不掂地~




準備好~就要出發喇~我其實諗左好耐放唔放相出黎....因為實在係好樣衰的~~XD~~~不過有相有片睇係生動d既~我地會有60秒的自由落體時間~之後就會開傘慢慢落地~點呀~準備好睇我個衰樣未呀~~~XD~~~落足眼力喇~有動態的毛寶~~~天呀~~~我係第一個跳的!!!!!!!!!!!!我唔知點解會揀左我既~~~~不過我想跳第一個架~~因為做後面哥d我會仲驚~~~




我無放成條片出黎~一黎太長~二黎有d樣真係好衰~三黎佢問我野時好明顯係緊張樣唔知答咩~曾經我有諗定台詞對住鏡頭要講d咩~最後忘記得一乾二淨~




哈哈~~俾番d靜態圖片大家睇睇~~~緊張~上網睇人地寫話跳之前聞到飛機機油味想嘔~好彩我地又唔怕好大朕味~




我以為我自己會好緊張...原來並不~聽人講會好暈...有一個人仲一路跳一路嘔!!!!!!所以我連早餐都唔敢食~水都唔敢飲....好彩我一d暈既感覺都無咋~





hehe~呢張仲影到飛機~我真係有開眼望下面架~證明我無劣架~(右面開始扭曲XD)




個髮型實在太靚喇~XD~





睇下我塊面吹到~~~~~wakakakak~左面面容扭曲哂~~~~呈波浪型的~~~毛寶笑我控制得住笑容...但控制不住我的鼻窿~~~佢話我個鼻窿係條片度吹到超大XD~~呢個都係令我唔想post出黎的原因~




之後開左傘都好好玩~佢有俾我控制方向~就係Frank不停的和我擊掌~令我信心大增~開左傘無耐可以除埋護目鏡~但個頭仍然好靚~




落到地~~~好醜呀~~~個頭唔知係咪吸左雲層的水蒸氣~~個頭好lup呀落到黎~




頂~呢張好攞命呀~句台詞好似:遙望青山綠水美如畫XD.....自己譯番做英文啦~~~~~




其實我地係望緊毛寶呀~原來毛寶唔係我後面跳~佢係第4個跳的~睇下個頭幾lup~~~~一梳梳的~~~




咦~睇片先知你係屁屁擦地落~我後尾哥個夠高呀~我係好有型著地的~




yeah~~~~~~~我地兩個完成一個壯舉喇~~~~




企係機倉門口既時候....由14,000ft望落下面...wow~~~有緊張~但不害怕~我從未試過係咁高空...掂到空外的空氣!!!當跳下時....60秒的自由落體時間....真的太amazing!!!!!!!!從未有過咁既體驗!!!!!自由落體哥60秒實在太短喇!!!!!真係好似雀仔咁!!!由咁高空睇世界...真係有一點不同~仲要不遠處係大堡礁!!!!!跳完落到地我好想即刻再黎!!!我好期待我的下一次跳傘~我要在不同的地方再跳!!!!跳完我隻左耳塞了半天才通~我以為我以前話我自己敢跳係吹水~原來我係真的敢跳~(呢張特別的不同色係因為我係澳洲時趕住係FB認叻而係悉尼民宿電視...一路播片..我一路用手機影的~~哈哈~隻腳好似骨折咁)

我很感謝我跳傘的時候是一個大晴天:)...影相很美~(係我個樣不美咋~)





hehe~
我同貞同毛寶噚晚試左柏蒂全口味豆...
真係...
好獨特呀.................................................................



2014/05/23的開心事:
最開心真係可以聽日訓晏d喇~~~
好似上兩個禮拜都早起身..
包括周末~~(上個禮拜過左黎香港嘛~)
仲有呀....
你今日send whatsapp同我講話你搵到工時..
我真係好開心的~~~~真心替你高興~~~
雖然我地從未相見~~~
叻叻豬~~~~~~*3*



報時:距離日本東京自由行之旅2014仲有---30日~
呀~~~~仲有一個月咋~~~~~~~~

52 則留言:

  1. 呢次一啲都唔樣衰,不知幾英又夠薑,女中豪傑!!飛之前冇帶眼鏡肥嘟嘟笑口噬噬都幾得意。
    飛行足本有幾長?而家得分零鐘。。。。。。

    回覆刪除
    回覆
    1. 華華華~多謝你讚我喎~.....你都覺得我得意呀le~~wakakakak~
      有6分幾鐘~不過其他時間太過樣衰~~唔好喇~嚇親人~

      刪除
  2. Free fall時,你個樣算靚仔㗎嘞,面容唔算太扭曲。慢慢降落時,成個超級撒亞人頭更型啦。

    回覆刪除
    回覆
    1. 真既~~wakakakaa~其實有d樣衰既無放出黎咋~~~
      係啦~~哥度好樣衰~

      刪除
  3. 我比你個髮型笑傻左~~~~~HAHA 好似龍珠咁XDDD
    BABY <3 I LOVE YOU !!!!!!!!!!!!
    好感恩識到妳 !!!!

    回覆刪除
    回覆
    1. 咁真係大風呀嘛~~~~~所以先吹到咁~~~~
      love~love~baby~
      我都好高興識到你呢~

      刪除
  4. Hi小t! 點解唔播足本跳傘過程比大家睇呀!好叻女喎!揀咗14000 ft跳喎!其實$2940 呢個價錢一d都唔貴訝!十幾年前跳都要$2500hkd全包喎!妳d頭髮跳之前是否啫過妳呀!跳得好靚喎!60 秒在天空好似雀仔一般真係好正架!話時話妳降落個樣起正喎!bye!!!

    回覆刪除
    回覆
    1. 因為個樣實在唔係好討好
      又真係唔貴既

      刪除
  5. 你算影得靚架啦, 唔算樣衰吖, 但睇你既描述, 好搞笑.

    回覆刪除
  6. 嘩~~~好激呀))))用文字應該好難形容
    個樣由頭到尾都好索,好靚.....睇笑容就知勁開心啦

    回覆刪除
    回覆
    1. 哈哈~~~~係呀~~真係好正~
      wakakak~樣衰哥d我收埋左咋~~~~

      刪除
  7. 話咁快就星期五晚喇喂*☁ •´*明天我可享受二人世界
    MY █▄♡VҼ 好姊妹*。去瞓喇喂.•:。周公子見喇喂

    回覆刪除
  8. 第一次見人跳傘個髮型咁鬼型,同個面容咁鬼端莊既!好鬼刺激呀......!

    回覆刪除
    回覆
    1. 我講真我有努力的hold住個咀~~~哈哈~~
      個頭唔知想點~

      刪除
  9. 嘩嘩...小t 好勁呢...第一個...飛到咁高跳傘

    回覆刪除
  10. 嘩嘩...小t 好勁呢...第一個...飛到咁高跳傘

    回覆刪除
  11. awesome!!! 好羡慕你呀, 太正喇, BTW我覺得你個樣係強風下仍然好得喎,笑容仲夠哂甜,簡直feel到你由心度笑出黎 lol

    回覆刪除
    回覆
    1. 哈哈~~我認我有努力的hold住笑容~~~~~
      真係好開心的~

      刪除
  12. 叻!!!!!!!記得丫!貞報左名架啦:)害羞樣

    回覆刪除
  13. 勇呀,見到你玩得咁開心,我都笑出嚟^^
    唔樣衰,我覺得你笑得超級燦爛,靚過晒你平時d相呀。

    回覆刪除
    回覆
    1. 真係好開心~第一次咁激~
      wakakak~真既~好衰架~

      刪除
  14. 你無寫一天BLOG, 還以為你唔舒服, 也好, 原來去左玩, 那就好了.

    其實, 我跌傘那條片, 都影得你幾靚女呀, 一D都唔樣衰.

    回覆刪除
    回覆
    1. 謝謝你關心呀~我無事呀~
      哈哈~~樣衰哥d無送出黎嘛~

      刪除
    2. 哈哈哈, 唔怕啦, 你自己開心就得, 樣係各花入各眼,

      刪除
    3. 我好開心有d唔算樣衰可以post出黎囉~

      刪除
  15. 小t 叻叻 一啲都無走樣呀 仲係一樣咁靚靚 :)
    你尾二張相 (同毛寶一齊影嗰張) 你哋 full gear 哂咁 仲不知幾型添呀!!!

    回覆刪除
    回覆
    1. 哈哈~~樣衰哥d無送出黎咋~
      真既真既~~~~原來我地真係咁型~

      刪除
  16. 自由落體時,個心會唔會離一離咁o架?覺得快唔快降落咁?
    你呢輯相影得你幾靚喎!靚過好多人啦!

    回覆刪除
    回覆
    1. 又唔會喎~我覺得快呀~~我想自由落體時間長d的~
      哈哈~~樣衰哥d無送出黎咋~

      刪除
  17. 跳傘好型,
    妳真勇:-)
    我無膽,
    超驚:-P
    睇下無妨

    回覆刪除
  18. 你好叻豬呀!~~我想問有高血壓係咪唔可以跳傘呀?我想係我死之前試一次,雖然我畏高.
    你一啲都唔樣衰,仲好靚女,好有自然美.

    回覆刪除
    回覆
    1. 咦~呢個我真係唔知呀~不過填生死狀既時候佢有問到有無高血壓囉~你都好有吉屎!!
      哈哈~~樣衰哥d無送出黎咋~

      刪除
  19. 你好型呀~ 俾我就未必夠膽玩呀!

    回覆刪除
    回覆
    1. 我都以為我自己會驚~但又唔怕喎~

      刪除
  20. 真係好勁呀~~~比我實唔夠膽玩呀~~~
    不過我估個感覺實好正啫~~~如果唔係你都唔會諗住第時再玩一次啦

    回覆刪除
    回覆
    1. 其實真係唔驚架~因為我開頭都以為自己會驚到嘔~
      不過唔試過唔知~原來係咁好玩的~

      刪除
  21. 爽呀!!!!!!!
    一路跳一路嘔?!好驚嚇

    回覆刪除
    回覆
    1. 有呀~~我之前上網睇有人係咁~~所以我唔敢食野~~~

      刪除