2014年5月21日 星期三

澳洲探險自由行之旅2014-03-29第八天Part 2(晴天)

華....今朝起身大雨到呀....學生哥又話唔使番學喇....一番左工......無哂雨落仲要天晴囉.....學生哥仲要唔使番全日....間接d小朋友今日超得閒呀.....咁得閒做咩呀....梗係要黎同我地玩下啦~~~~澳門天文台真係好叻呀~~~~~好多野做呀~~~好開心呀~~~~~好好玩呀咁多小朋友(痴線mode)



2014/03/29
Day 8---Part 2(塔斯曼尼亞,朗塞斯頓 Tasmania, Launceston->開恩茲 Cairns)
我地一出機場~係開恩茲我地係無租車的~無得做型仔就要諗方法去民宿~毛寶睇過機場同民宿都幾近~所以我地選擇左搭的士~我實在係唔記得起標係幾錢~但係又真係幾近...大約10分鐘左右就到....車費係AUD16=112hkd...每人才28hkd...司機仲要超好人的自動波搬行李!!讚!!!值得一提係....的士跳標像心跳一樣快的~~如果路程遠..又人少share車費..不建議....我地呢兩晚既民宿呀~~叫Reef Gateway Apartments...地址:239 Lake Street, Cairns, 4870, Australia....電話:+61-7-4052-1411




兩晚房價AUD296=2072hkd....一晚才1036hkd...每人每晚先259hkd(wifi要另外附費)....平到!!!!!!!!!!其實有d仲平的.....不過毛寶話唔敢租太平的~呢間好正啦~夠大~(其實開恩茲的租房價係比其他地方便宜的~)...個電視本身追極都追唔到台的..但係經朗公子整一整....即睇到...犀利~除左陳豪朗佢又多個新名:機王朗!!






都算乾淨既~不過開恩茲係網上睇已經知係好多螞蟻的...果真係好多~~哈哈~~廚房有好多小螞蟻~同埋係開恩茲係一入屋就一定一定要開冷氣的...因為太熱了~








搞掂好民宿就出街行下~應該係5點幾左右.....都仲係...好熱~~~~我地係d手信鋪買下手信...咩羊脂膏呀~UGG呀~....間間手信鋪都有UGG賣~我開頭睇第一間以為係賣假的...先知原來人地d UGG真係周圍都有得賣的....只不過唔同地方造...就唔同價錢....賣最貴的是美國造(係呢...唔知點解呢?)...澳洲做好似最平.....er....咁梗係買澳洲版啦~同埋澳洲造既都有好多唔同廠出的...超多款...但我唔覺得超平~所以我淨係買左張postcard咋~同埋咁熱無心機睇d咁保暖既野~陪佢地睇~之後行左陣超市~

毛寶說...一條大直路可以去到海旁......所以我地用走路的...但呢條大直路.....真係.....太大了.....由我地民宿行過去....要成20-30分鐘...(20分鐘係夜晚無咁熱....30分鐘係正午太陽勁猛會龜速行)



晚餐地點係食中餐~少可呀le~因為有兩樣黎到開恩茲必食既野我地都覺得以中餐處理會好食d~~~所以就揀左中餐廳喇~~我地揀左金舫海鮮酒家....地址:34 Lake Street, Palm Court, Cairns 4870, Australia...電話:+61-7-4031-8833






朋友介紹黎到必食的!!!就係泥蟹喇~~~~我地仲好貪心~~~點埋龍蝦~~~




我地聽龍蝦個價錢ok嘛咪叫佢攞埋俾我地睇睇先~~~點知勁大隻~~~~~齋睇唔知有幾大~~~~放埋毛寶隻手仔就分到~~~~好興奮呀~~~~~~因為我地係海鮮控~~~~




登登登櫈~~~~龍蝦一味兩吃~~~~AUD388=2716hkd一隻~~神秘團友說好抵~~~~第一味我地揀食刺身!!!!天呀!!!我第一次食龍蝦刺身咋!!!就在開恩茲!!!!好好味呀~~~~~~~~~係勁多勁多肉!!!!!!!!!!!!!!!!!!!!!!!!!!




真係...好...大...隻隻隻隻呀~~~~肉爽爽的~~~鮮鮮的~配wasabi豉油同吃~~~人間美味~我覺得大隻到係大過我平時去飲哥d呀~~~~~重點今次係4人享用!!!!!!!好大....






第一次食澳洲龍蝦~仲咁正~特此影相留念~(我地好似無咩4人照~係經理主動幫我地影~)




第二吃我地揀左避風塘口味~~~食完刺身仲有咁多肉~~好勁~~~好好味~超有獲氣~~聽經理講話廚師係香港人黎的~~~唔怪得避風塘得咁好味~我地其實食唔哂的~之後打包第二日叮番熱再食.....連埋佢d炸蒜黎撈飯....好味到飛起!!!!!!!!!(但隔夜食哥餐係下午茶喎~~好變態~~下午茶食龍蝦~~太high~)




來開恩茲第二必吃~~泥蟹~~AUD168=1176hkd.....個價好似好恐怖~但又真係幾大隻喎~~~~睇下個鉗~~~就黎大過我塊面~~~蟹我地揀薑蔥炒~不過佢薑蔥炒不算出色~蟹質唔錯~好多肉~但無咩膏的~






冬菇豆腐羹...AUD8.80=61.6...華~好細碗呀~我終於係澳洲見到細碗既湯喇~就在中餐館~唔好飲...好似有少少酸味咁~




漁香茄子煲....AUD28.80=201.6hkd...巧貴呀d小菜...但做得唔錯的~~~第二日的隔夜餸下午茶宴都有食番佢~送飯一流~




薑汁意大利芥蘭....AUD33.80=236.6hkd....華!!咪以為加左意大利三個字就可以收咁貴架!!!加上炒得唔好食囉..一d薑汁味都無呀!!!




咕嚕肉(細)....AUD18.80=131.6hkd.....佢無得叫細架..不過我地話好想試埋咕嚕肉(其實得我想試)....但又怕叫太多野食唔哂之下.....我諗佢見我地都有叫貴野先俾我地咁......不過......一d都唔好食.....得舊粉....仲要入口唔香口.....林patpat的~

海鮮真係幾新鮮~龍蝦最好味~其他小菜做得好麻麻~但我真係難忘呢餐隻龍蝦~~~計埋白飯哥d一共食左AUD673.40=4713.8hkd.....算係全程最豪!!!每人1178.5hkd~打包左避風塘龍蝦~魚香茄子~同埋白飯~咁大隻龍蝦其實都唔算貴~


飯後去海旁散散步~驚覺佢地有個超大的公眾免費泳池!!!而且向海的!!!!好豪氣呀!!!!不過晚上不準落水的~之後就早早番去休息~準備第二日的超激活動!!!!!!!(喂~點解夜晚都咁熱架~)







2014/05/21的開心事:
wow~~~~~請容許我認叻啦~~~
明晚約左六位公子食飯~~~
我好開心呀~~~~~
好耐無見貞桃凱喇~
仲要今次七公子齊人~試一間葡餐!!!
正~~~~聽晚我要血吃呀!!!!!!!!!!!!!!!!!!!!!!!!!!!!!
七公子~~上呀~~~~~~~~~~~~~~~~~~~~



報時:距離日本東京自由行之旅2014仲有---32日~

44 則留言:

  1. Hi小t,原來澳門落大雨學生哥唔使返學架!正、香港就黑雨先唔使返學咋!澳洲搭taxi都幾貴喎同日本有得揮!郎公子連電視都攪掂!勁!d民宿間間都咁平又大!鄧鄧鄧!嘩!隻龍蝦刺身巧大隻喎!$2716 一d都唔貴呀!香港邊有咁大隻同咁新鮮喎!唔好意思呀!我睇到流哂口水(失禮)泥蟹價錢都o.k.喎!$4713.8hkd咁多海鮮又唔算貴囉!終於有張四人大合照啦!其實妳一d都唔肥喎!點解成日要減肥呀?bye!!

    回覆刪除
    回覆
    1. 我諗我地都應該係黑雨卦...但我無睇佢係咩雨呀...

      刪除
  2. 4人合照你明顯係最肥嗰個啦,睇吓隻麒麟臂?神秘團友幾似某名咀。。。
    啲小菜會唔會貴咗啲呀?去西人地方食中餐總是怪怪的,雖然龍蝦好吸引。。。
    個泳池夜晚咁靚唔俾落水嘥哂

    回覆刪除
    回覆
    1. 我無話我唔肥喎...你唔使咁激動咁攻擊我.......佢唔係名咀...但佢把咀確係幾得~
      貴呀.....其實都係香港人整既~我覺得海鮮其實唔錯的~
      哈哈~~無所謂~我都無帶泳衣~

      刪除
  3. 小菜咁貴,都係單食海鮮好過啦。整多隻蟹仲正啦!

    回覆刪除
    回覆
    1. 依家咁睇番我都寧願叫多隻蟹好過~

      刪除
  4. 龍蝦刺身我只食過一次,真係超好味!
    公眾免費泳池,日頭係咪好多人呢度游水囉!

    回覆刪除
    回覆
    1. 係呀~~我都係第一次食~~好味~~
      超級多~因為哥度超熱的~

      刪除
  5. 間民宿好正!泥蟹和龍蝦超大,但價錢就!!!!!!!!

    回覆刪除
  6. 响外國食中菜超唔抵,二佰幾蚊一碟菜,痴架,海鮮新鮮自然好食喇!
    間民宿外型好有六七十年代feel,張單人床好細呀,不過開心價都ok

    回覆刪除
    回覆
    1. 哈哈~~不過我真係好鐘意呢隻龍蝦~~~
      wakakak~算啦~~平到咁真係無咩好怨~~~

      刪除
  7. 去外國食中餐唔係又貴又唔多好食架咩?@_@
    我之前去東歐見到d中餐餐牌。。。貴到→_→
    不過見到隻龍蝦就覺得抵晒

    回覆刪除
    回覆
    1. 我上次去德國佢有一間d中餐好食到癲喎~好難忘~~
      哥隻野真係超正~

      刪除
  8. 美國一間Decker公司,將UGG註冊咗個商標,所以咪最貴囉,但佢哋係made in china㗎。Decker曾經吿上法庭,話澳洲其他UGG boot製造商侵權,但澳洲本土製造商已經造咗UGG boot好多年,兼且佢哋覺得UGG係一個generic term,形容一種平底羊毛製成嘅boot,唔係trademark,最後Decker好似敗訴,所以澳洲仍然有made in australia嘅UGG,但trademark喺其他地方仍然有效。簡單啲講,即係澳門豬扒包唔係trademark,世界各地都可以整同叫佢做澳門豬扒包,但唔係嚟自澳門嘅,因為係generic term。

    隻龍蝦冇得輸,但咁大隻,啲肉會唔會有啲「鞋」呢。聽講龍蝦理論上係可以長生不老,即係冇被捕捉或者冇嘢食,佢哋係會一路生長嘅,唔知呢隻龍蝦有幾多歲呢?算吧啦,食咗先講,哈哈。

    回覆刪除
    回覆
    1. wow~你搵得好詳細呀~原來係咁~~~
      唔會喎~~幾正喎~~生食哥時尤其正~真架?!?!?!!真係唔知喎~~長生不老~~
      我以為係佢地d種大d咋~~

      刪除
    2. 因為當年去澳洲玩,佢話想買對UGG,咁梗係上網揾資料,費事買咗冒牌貨啦。

      刪除
    3. 你地真係乖喇~~搵哂資料~~

      刪除
  9. 我我我我都好想食隻龍蝦呀~~

    中餐真係好貴呀,不過無計啦, 外國食中餐係咁貴既~~

    個泳池好似好正呀~~

    回覆刪除
    回覆
    1. 係呀~~~好好味呀~~~~~
      哈哈~~我覺得中餐整龍蝦應該會好味d~~~
      朝早睇超靚~

      刪除
  10. 澳洲龍蝦、泥蟹~我個人應為貴咗d喎~~~可能以前係加拿大中菜餐館做個啦、覺得中餐一般都係呃人又貴、所以我在外國一定唔去中菜餐館食呀

    回覆刪除
    回覆
    1. 咁大隻龍蝦喎~港澳呢個個價一定食唔到咁大隻~我覺得ok~不過d餸一般般就係事實~~

      刪除
    2. 噚晚去左食飯呀嘛~

      刪除
  11. 泥蟹+龍蝦...好滋味呢
    你咁叻女...做到唔怕呢...當上學
    MY █▄♡VҼ 好姊妹 。・゚゚晚安甜夢・。☁

    回覆刪除
  12. 嘩! 開頭都唔覺隻龍蝦咁大 但係一見你拿住佢影相 先知原來真係咁巨 仲要咁好味 太正啦!!!

    回覆刪除
    回覆
    1. 係呀~~~我都未食過咁大隻既龍蝦~~~好開心~~~

      刪除
  13. 真喺好大隻龍蝦,
    我咁大個人都未過(見識少)

    回覆刪除
  14. Well,神秘團友終於現真身,都係靚人一族呀,唔駛神秘啦!
    龍蝦外國人有啲唔食架,佢地話龍蝦係食瘸爛左嘅肉,好污糟喎,不過我地中國人唔怕呢啲,
    好味好食就ok.

    回覆刪除
    回覆
    1. 哈哈~~佢唔想俾人知同我去旅行~~可能我個名臭哂~~~~
      唔係紅色殼哥d先係架?!?!?!我真係唔知呀~~~

      刪除
  15. 嘩,我都超 "鍾意" 細路架,睇住佢地橫衝直撞啦,喺地鐵扭計要人地讓住俾佢地啦,我都會好想同佢地玩打交囉。講堅,好彩我份工唔駛對住啲細路啫,你加油啦。
    仲咩你個樣咁憔悴既,好攰呀?
    雖然我唔太like 龍蝦,但lee隻咁大,我都想試下喎。咦,隻蟹多肉無膏,啱我喎。
    聽人講,中菜最出色既好似係 Melbourne。
    你地7公子,我估一定係血吃得嚇死人嗰隻啦。期待你遲啲po嚟嚇我,呵呵!!!

    回覆刪除
    回覆
    1. 係呀le~我都好"鐘意"小朋友~佢地真係乖架~又可愛~...你就好啦..唔使見到佢地....
      唔知呢~~~可能燈光整到我咁樣衰~
      係咩~有d咁既事~下次去食下先~
      無錯...好抵...7個人....9個餸~~~~唔過10個已經好叻~~

      刪除
  16. 嘩~!!! 隻龍蝦食乜大o架?? 咁鬼大隻o既??

    回覆刪除
  17. D小菜水準真係不能接受, 但龍蝦剌身, 又真係好新鮮

    回覆刪除
  18. 成3百幾蚊一隻龍蝦...好貴啊~我只係係日本食過龍蝦刺身咋

    回覆刪除
    回覆
    1. 哈哈~其實我覺得ok啦~港澳呢個價咁會食到咁大隻~~~

      刪除
  19. 我見到隻龍蝦覺得好肚餓呀~
    點算呀,而家成點喇>_<

    回覆刪除
    回覆
    1. 哈哈~~我都成日深夜肚餓的~~唔怕架~~訓著無事架喇~

      刪除