2014年5月20日 星期二

澳洲探險自由行之旅2014-03-29第八天Part 1(晴天)

唉...其實肥點解會咁難減架........明明朝早食麥皮架喇.....番工時同事話:喂~請你食薯餅啦......咁人地一番好意我無理理話唔要咁唔俾面架嘛......中午食麵包....但下午3點幾時個肚已經打哂鼓....無哂心機.........有兩樣野我好想好想食...一係煎蛋多或腿蛋治....第二係馬蹄沙....我真係好想食呀...諗到個人有少少唔清醒....哥種肚餓仲傳染埋坐我隔離既同事.....哈哈~~所以人地咪去7仔買左少少下午茶囉~~~~依家又有番d精神喇~~~.......到底我係咪一世都減唔到架喇><.....肚餓真係好難頂..........



2014/03/29
Day 8---Part 1(塔斯曼尼亞,朗塞斯頓 Tasmania, Launceston->開恩茲 Cairns)
呢日就要離開塔斯曼尼亞喇~~~有點點不捨添!呢日我地搭Jet Star既JQ746....09:25班機由朗塞斯頓(Launceston)飛去悉尼(Sydney)再轉機~(我唔知原來tasmania無機直航去cairns呢!)...好彩機場同市區超近的...只需10分鐘車程~我地一早出發....將車既油缸入滿(因要交車)....就慢慢出發到機場~將架泊番係Trifty專屬的停車位...交車(櫃檯小姐俾我地睇超衰的面色...我係唔會再幫襯呢間公司!!)..機場比Hobart的大(查實都係大少少咋)




拜拜喇塔斯曼尼亞~~~我好難忘記你d生蠔既鮮美~~~走的時候還天陰陰呢~





最鐘意係...地面就算點陰天都好~飛到天上總是晴空一片~





飛左個幾鐘~就到左悉尼(Sydney)喇~~~睇黎幾好天喎~





我地應該係Terminal 2落機的....我搵黎搵去都唔見要check in的澳洲航空Qantas既counter....毛寶再說:會唔會唔係呢個Terminal呀??我望望機票...係喎~係Terminal 3喎~今次由T2去T3唔使再俾錢搭車喇~因為有路可以直接行過去~好新淨呀~




因為之前見Jet Star有得自助check in(好多地方都有既)...不過如果你有行李就要再行埋佢counter度做bag drop...於是我地就諗...會唔會其實係你度check埋in會更快呢???不過黎到Qantas度check完in見到....佢地有埋self service既bag drop~~咦~~好新穎呀~~~咁就真係完全的self service喇~~~~唔使又排隊嘛~~~~下次有機會要試試呢~~(唔知會唔會寄唔到去目的地呢><...好低能的想法~)...其實我係第一次見咋...我...係咪好now仔呀~~~~不過需要既空間都幾多喎~可能呢邊既Terminal比較新先有呢d?




距離下一班機仲有時間~所以醫下肚先啦~~~我覺得T3禁區呢度都幾多野食喎~揀左好耐~我地好想食菜~所以揀左呢間Sumo Salad食食~唔記得幾錢任揀3款~都唔錯~滿滿的一盒~





主食就揀左呢間Wok On Air~(因為見佢係食亞洲炒粉麵...聞到幾香~仆埋去食的~)




左邊的Prawn Laksa...AUD17.25=120.8hkd....其實唔平....但真係唔錯喎...毛寶吃得很津津有味~右邊的Singapore Noodles...AUD15.95=111.7hkd...炒得超級香~~~仲有用叉燒炒!!d叉燒味道唔差喎~~~上面的是BBQ Pork Fried Rice...AUD14.95=104.7hkd....超級的香噴噴~不過如果有得再揀...我唔會揀BBQ Pork炒~因為兩個味道好像~可以試下其他~價錢就唔可以話平架喇...但係收得我錢....炒得有獲氣又好食既...我buy!!仲要食完唔口渴喎!




好喇~我地搭Qantas既QF926...13:25班機...由悉尼(Sydney)飛去開恩茲(Cairns)~~~~~~Qantas d內陸機收費貴過Jet Star唔係無原因既~服務態度好d....仲要有飛機餐食...不過我地實在太飽....無要到~~~佢地d內陸機空姐年紀都幾大(其實外國好多都係)...咁隻機就飛之前佢地會示範逃生著救生衣哥part架嘛...佢地示範得尷尷尬尬~~怕怕醜醜哥下先可愛~仲好人到問毛寶做咩唔食飛機餐...問佢係咪唔舒服....仲同佢講唔食野點得架....叫佢食個包都要~好人到~之後仲要有得食雪條喎~~條雪條係椰子菠蘿味~~堅好味!!




hello Cairns~~~~開恩茲熱度十足~~~一踏出機倉即刻熱到癲~~唔怪得~~原來有成30度~~~~我地初時以為...死啦...明明話15:25到架....點解差唔多飛到成4點都未有降落既預兆呢?!?!?!嚇左一嚇.......點知好低能呀我地...原來開恩茲係慢悉尼一個鐘架~~~~~~~~~~~~




機場不大~可能因為呢邊係內陸機卦~咦~咁我地今日多日個鐘用喎~







2014/05/20的開心事:
噚晚睇人地個instagram...
話有朋友送左哈利阿波哥個柏蒂全口味豆俾佢..
(巧出名架~有鼻涕味蚯蚓味嘔吐味之類之類)..
見到佢老公話食左耳屎味...
我即時留言問係咩味~
問下問下輾轉之下原來貞都有問佢..
佢話會請貞食~~叫我到時一齊食~
開心到我呀~~~~有得試耳屎味喇~~~~
(其實我都唔知我自己咩心理....耳屎味都好搶既~)



報時:距離日本東京自由行之旅2014仲有---33日~

34 則留言:

  1. 減肥,最緊要係唔好俾自己肚餓,一餓就胡思亂想,俾好多理由自己去食啲暴肥嘅嘢,所以要唔好俾自己餓,要食啲飽肚但唔致肥嘅嘢方為上策(即係難食嘅嘢囉)

    回覆刪除
    回覆
    1. 我真係覺得肚餓好難頂~~哈哈~~
      我諗我唔係減肥既材料~

      刪除
  2. 減肥是講天份的。個天賜你一條皇帝脷~~你要為我地試好多好多美食嗎~~~;) “減肥“~“咩黎架~~"
    我今日都high左一輪~^^ ^^ ^^ ^^~我好似傻婆咁同寶毛同翠斯係咁講“好開心丫!我明天有得試柏蒂全口味豆丫!!“好期待丫~~唔知我地食嘅係咩味呢??:D

    回覆刪除
    回覆
    1. wakakakakak~~~咁可唔可以俾條皇帝脷我...然後俾我食極唔肥呀~~~~~

      刪除
  3. 減肥是講天份的。個天賜你一條皇帝脷~~你要為我地試好多好多美食嗎~~~;) “減肥“~“咩黎架~~"
    我今日都high左一輪~^^ ^^ ^^ ^^~我好似傻婆咁同寶毛同翠斯係咁講“好開心丫!我明天有得試柏蒂全口味豆丫!!“好期待丫~~唔知我地食嘅係咩味呢??:D

    回覆刪除
    回覆
    1. 以~~~~聽晚一齊試食啦~~~~唔好偷步呀~~~~~

      刪除
  4. 我都覺減肥好難減呀~~~~~~~~~~
    點解食野要肥~~都唔明既t_t
    日日夜夜都掛住食~~我地好難減架baby hahaha

    回覆刪除
    回覆
    1. 係啦...尤其我咁鐘意食薯片囉..真係...好難~
      咪囉..明明係享受...食完又怕肥好無癮呀
      wakakakak~咁d野係俾人食架嘛~唔食好浪費架~

      刪除
  5. 美少女,減肥真係要運動架,每日跑吓步啦,夏天咪swimming囉,個body firm d 睇落咪瘦d囉,戒食對你嚟講無用架,你可以唔食咩!!!!!!!!!!!!
    機場食嘢真係貴,個salad bar好吸引呀
    d空姐好好人喎,咁先係pro呀,讚,估唔到你會唔食飛機餐喎。
    去到cairns啦,正呀,好多嘢玩嘅地方^^

    回覆刪除
    回覆
    1. 哈哈哈~哈哈哈~我都知~不過咁熱既天氣做運動又真係好辛苦~~~~~~~
      唔可以呀~~唔食一陣已經手軟腳軟喇~~~
      都ok啦~好味既話既價我都可以接受~好過佢唔好食~
      無錯!!我都係咁話~成日有d空姐好似我欠左佢咁~
      都幾多野玩架~不過樣樣都係錢~~

      刪除
  6. 其實想減肥要做運動,唔係唔食嘢㗎。終於到開恩茲,可以有動態嘢睇喇。

    回覆刪除
    回覆
    1. 哈哈~我知呀~不過知道又好難做~人懶~
      大家係咪忍得好辛苦呀~~~~

      刪除
  7. 你要食多D高纖, 咁就唔會咁快肚餓, 也不會吸收過多熱量了, 可以唔洗節食減磅了.

    租車公司是連鎖店, 不同店有不同老闆和管理, 我上次係加國CALGARY租車, 都係咁, 態度差到死, 我後來寫信去COMPLAIN佢地, 因為這些欺善怕惡, 我地唐人唔出聲, 佢就以為好蝦, 對西人又唔見佢地咁.

    你這個旅程又真係由涼到熱喎, 由南走到北呀.

    回覆刪除
    回覆
    1. 例如有邊d呀~~~~~
      唉...我覺得哥間野使唔使咁衰呀...d配件已經夠衰..點知d人仲衰!!
      無錯呀~玩左3個地方~

      刪除
    2. 紅蘿蔔, 西芹, 唐人芥蘭, 菜心, 白菜, 全麥包,
      係呀, 服務態度差, 就投訴佢地,
      3個地方, 還有仲更熱的地方嗎?

      刪除
    3. 咦~好彩~呢d我都鐘意食~
      無喇~開恩茲係最熱的~

      刪除
  8. blog友講晒啦~~~~咁妳覺得如何呢?........減肥、食嘢、減肥、食嘢~~~哈哈哈
    我諗妳想減一定得呀......

    回覆刪除
    回覆
    1. 我想就一定得~
      我之前都試過~不過呢~好似恆心仲未番黎~

      刪除
  9. ...∧_∧...MY █▄♡VҼ 好姊妹*。゚ღ*゚
    (`・ω・´)つ話咁快又晚安 laa。•ೋ♦
    ▓░∪▒▓░▒▓░▒▓░▒▓░▒▓░▒▓░▒▓░▒▓✿

    回覆刪除
  10. 嘿,减乜鬼呀。好似我咁小月巴,好呀!

    回覆刪除
    回覆
    1. 我都有咁安慰我自己的~
      不過我依家年紀大喇..又想keep下~~~

      刪除
  11. 減肥呢家野我通常會係身體檢查前3個月先會做,費事俾醫生哦!
    肚餓真係好難頂.

    回覆刪除
  12. 我有時"早晚"都食麥皮,瘦都未瘦過,真係易入難出
    今日轉機再轉機.

    回覆刪除
    回覆
    1. 所以我有考慮過你家大爺之前個減肥餐~不過好多野要準備~所以...又停下了~
      無錯~狂轉~

      刪除
  13. 增肥容易減肥難呀,我好辛苦先減到叫做見得下人,其實好想減多幾磅囉。
    啲人都話澳洲啲中國/亞洲菜OK架,見你啲炒嘢,又真係幾好樣咁喎。

    回覆刪除
    回覆
    1. 你就好啦~d恆心仲係度...我放下了多時.....好難拎番起..你記得唔好放低呀~
      真架~~~咁真係唔錯喎~~~幾好味~~~

      刪除
  14. Hi小t,現在好番d未呀!其實妳上次在香港洗手間跣腳趺親!其實可以告管理處架!如果有水積同冇放小心滑倒個牌就贏硬喇!可能妳成日做好事喎!個天都保護妳喇!好啦終於到咗Cairns可以玩水上活動正!bye!!!

    回覆刪除
  15. 鍾意天空果張相
    我都有果個哈利波特糖,有嘔吐味,食落真係好想嘔>.<

    回覆刪除
  16. HELLO Tiffany
    Sorry !我想請問你是否可以提供塔斯曼尼亞行程,住宿資料 to me
    email : hongkongbetty886@yahoo.com.hk

    回覆刪除