2014年5月19日 星期一

澳洲探險自由行之旅2014-03-28第七天Part 2(晴天)

哈哈....我今日又頭痛喇~~唔知係咪因為....呢兩日過黎香港太熱....焗親(好無用).....星期六日食左好多野呀~~~食左好多我黎咁多次香港都未食過既野~~去左長洲玩(其實都係食)~去左鴻福食炭爐燒烤加打邊爐~食左華星冰室~食左肥姐小食~食左BBQ7080~當中有d我係鐘意到癲~~~我好想再黎食野過呀~~~華星冰室遲d澳門都會開~仲要開係新口岸~唔係遊客區~好開心~好想快d再過香港食野呀~但我覺得d船飛太貴了~



2014/03/28
Day 7---Part 2(塔斯曼尼亞,西北地區 Tasmania,North West Coast->搖籃山西部地區 Cradle Mountain->朗塞斯頓 Launceston)
去完鐘乳石洞就番去朗塞斯頓(Launceston)....又途經噚日去過的The Honey Farm~~睇下好天影佢間屋仔得意幾多~~同噚日差超完呢~


勁藍天囉~~




好喇~到達左我地係塔斯最尼亞最後一晚既住宿Centennial Hotel....哈哈~~個名叫百年酒店~起初上網訂既時侯覺得佢好唔討好~因為.....個名有d衰~仲要係咁多晚最平既~感覺上好似好舊呀..之類之類...同埋佢間酒店係馬路旁....實在應該係好嘈的~....個大堂舊到呀.....我以為自己住賓館....上房無lip....要拉行李上樓梯....但一入去....咦~~~~~ok喎~~~超光猛~感覺良好~




一晚AUD169=1183hkd....每人295.8hkd!!!!!平到笑!!!兩間房仲要係大到痴左線哥隻!!!!!!3舊水唔使...有咁既享受...我覺得真係要推介下呢間百年酒店喎!!(無廚房和wifi的)....而且好乾淨~



超級大的房間~驚喜~



酒店窗外的景~今天超好天~我諗Launceston都係依山而建的~




呢晚我地會去番前晚食過既Hallums Waterfront~我地六點左右去留左七點半既位先~再行番出黎諗住周圍逛下~行左Target~不過其實無咩野買~好鬼老土d野~好似美國哥間買得開心d~不過呢間買哥隻紅色Lucas' Papaw Ointment最平~AUD9=63hkd兩支!!!!!即係一支先31.5hkd!!!!!好抵呀~~其他地方都要AUD5.X-6.X先有~




點知一過5點...呢度d野係全部收哂架囉................成個死城咁...................連購物街都無一間開.................






周街影下塗鴉好過~






亂行一通+周圍影都仲係有時間淨~咁我去番餐廳附近等~因為佢附近有個公園~咁哥度有好多白鴒嘛~我咪同佢地玩下囉~好曳呀我~






hehe~有位喇~塔斯曼尼亞既人真係超早食飯的....六點幾餐廳就好多人.....一過八點就無哂人....而餐廳既last order係九點半~呢日叫左杯2012 Gilded Lilly Moscato白酒飲飲~AUD8=56hkd....咦~幾好飲喎~甜甜地的~未飲過咁甜既白酒~




呢日叫左另外一支啤酒試試看~Crown Lager....AUD7.90=55.3hkd...之前哥d好似好飲d~




House Made Bread Loaf, Rosemary Infused Balsamic...AUD6=42hkd...wow...個麵包確係整得幾好食的!!!牛油又正~~~我食左好多牛油~~橄欖油加黑醋點麵包也是一絕~~~~~點解佢地d麵包咁好味架~~




Natural Tasmanian Pacific Oyster with Fresh Lemon...AUD34=238hkd/Doz....好貴呀!!!!!呢幾日都食慣左平野架嘛...講真....呢個價....對比起公路旁邊食的....味道也差好遠~大細差好遠~價錢差好遠~但大家係賣緊同一樣既野~餐廳價即係餐廳價~唔抵叫~




Waterfront Taste Plate....AUD32=224hkd....唔係樣樣taste plate都正的~呢個就係一個例外...三文魚無咩味....上面的蟹餅一陣騷味.....只有蠔係好少少...佢加左d日式淡豉油同一小片薑落去食...確係幾好味~




Green Lip Baby Abalone, Pomelo + Green Paw Paw Salad, Coconut + Lime Dressing....AUD23=161hkd...又真係幾baby喎~~~底下d沙律幾好味既~~~但真係好細~




又叫番之前食過既Blue Lip Mussels....AUD35=245hkd....依然係咁正~~d汁好好味~~點麵包好岩~~




之前都有叫呢個Tasmanian Atlantic Salmon...AUD35=245hkd.....都煎得好好味~但唔知點解好似無之前食哥次咁嫩~




Cape Grim Porterhouse, Silken Mash, Pickled Beetroot, Butter Spinach Caramelised Shallot, Beef Jus....AUD39=273hkd.....牛扒又煎得唔錯喎~真係做到3成熟呢~同埋呢個價錢唔貴喎!!!不過實在太飽...呢晚叫左好多野食...4個前菜3個主菜~(但我地食哂喎.....哈哈~)




我終於知點樣可以延長曝光...原來要揀快門優先...呢張係我地餐廳對開既公園影的....可惜有雲同周圍有光..同埋我較得個光圈太大.....




呢張就係我地民宿樓下影的!!!!周圍無光!!!光圈較番細d....係市區影到咁算係唔錯啦係咪????都有好多星星...不過同我地哥晚係By the Bay哥頭差1000倍呢....><....塔斯曼尼亞既市區已經有咁多星喇...好癲







唔記得左講一件事添...
我星期六去到香港....出左禁區
諗住去洗手間....
點知我一出廁格門口唔知佢岩岩拖好地...
跣腳打側成個人撻左落地下....
手同腳都瘀左....尤其隻腳瘀既面積有成個饅頭咁大..
好彩係側跌.....唔係坐係度跌..
唔係既話我真係驚我跌親腰骨....
同埋又好彩個頭無撞落廁門...
如果唔係可能今日都唔會坐係屋企出blog~
感情老天爺爺!!
大家去完洗手間出黎真係睇清楚地下~



2014/05/19的開心事:
今日頭痛...
但好彩人流唔算多喎~幾好運呀~



報時:距離日本東京自由行之旅2014仲有---34日~

54 則留言:

  1. 這幾日確實好焗,天氣好,旅行都醒神d。

    回覆刪除
  2. 啊, 我星期日下午都喺長洲呀. ^0^ 我系行島, 西灣行到小長城, 再掃制, 袋咗兩個平安包上船 哈哈哈

    回覆刪除
  3. 百年酒店啲房好正呀,又夠大,我都想間房有咁大呀。baby abalone同salmon好味呀。廁所有冇棟個「小心地滑」嘅牌,如果冇,可以告佢㗎。因為以前有個case係咁,所以好多地方拖完地之後,一定會棟呢個牌出嚟㗎。

    回覆刪除
    回覆
    1. 哈哈~真係幾大~打關斗都得~
      好味呀~~~正呀~~~~
      應該...有.......我真係唔知.......就算有....佢地下都唔使咁滑下話~我已經著波鞋架喇喎....

      刪除
  4. 係囉,真係咪以為香港澳門近近地,d船飛真係好貴,通常香港人過澳門會住一晚,酒店加船飛都差不多成千蚊,貴貴!!!
    間hotel係舊d,但夠大又干淨加個開心價,ok啦。d鋪頭咁早收無癮!!!!
    咁我下次去澳洲一定唔响餐廳食oyster。嘩,有星星睇啦,影得幾好呀,讚,叻叻!!!
    嘩,痛唔痛呀,我淨睇你寫都覺得痛><

    回覆刪除
    回覆
    1. 係啦....太貴喇.....如果200來回我可能會成日過黎既~~~
      無錯~夠哂抵~我鐘意~最緊要乾淨同光猛~
      係啦...除非佢平咁就食下啦~.....哈哈~~好可惜前兩晚唔知...唔係既話一定仲靚呀!!!
      er.....瘀左哥d地方痛呀...

      刪除
  5. 酒店那幅玫瑰花好搶眼
    D鋪頭咁鬼早關門....真係無野好睇,咁咪9點睡05起身

    回覆刪除
    回覆
    1. 哈哈~~~間房夠大先係主要呀~~~
      實在無咩好做~行街哥度可以話無野行~

      刪除
  6. 廁所地濕, 應該放個當眼的告示牌. 而且, 地面的用料, 也應該遇水不能滑的.

    係呀, 西人小城市, 好早收市, 不過5點又太早了, 可能佢地開早上8-9 點.

    D醋有ROSEMARY浸過, 所以應該好香的.

    生蠔係當地產區即收即食, 就最好, 城裡餐廳, 就無咁好味了.

    你上次舊三文, 好似係用醬汁煮, 現在這舊係煎出來, 一定會鞋一D咖啦, 我地煎呢, 通常係先水煮佢一陣, 再煎番香個表面, 這樣就不會OVERCOOK, 但外脆內滑囉.

    莫講那裡是小城市, 我這裡靠近大城市, 都係一樣咁多星星.

    你頭痛呢, 可能真係要注意下飲食和出入冷氣了. 食炭爐燒烤, 係好燥熱呀.

    回覆刪除
    回覆
    1. 我已經著波鞋...我唔明點解仲咁滑..
      唉~真係無咩好行~
      我真係好鐘意橄欖油加黑醋呢個點麵包既組合~
      唔係呀...同一煮法黎架....但就無上次咁滑囉~
      你就好啦...成日都有咁多星星睇....
      哈哈...久唔久一次咋~

      刪除
    2. 我今天流了鼻血, 幸好好快就收了,

      刪除
    3. 你地冬天相對濕度唔知係幾多呢??

      刪除
    4. 因為冬天室內開暖氣, 我要用加濕機, 但濕度都係30%左右, 好乾. 有時太乾, 就乾脆洗完衫, 掛乾佢, 唔用乾衣機.

      現在無開暖氣, 就無開加濕機, 又開了窗, 自然風呀, 我流鼻血的那天, 濕度是37%. 現在就算有51%, 我都要搽些潤膚膏上鼻孔裡, 才不會太不舒服.

      刪除
  7. 香港一向是美食天堂.
    反而覺得澳門消費比香港仲高.
    船票事實是貴了點.
    遲D港珠澳大橋接通就會減價了.

    回覆刪除
    回覆
    1. 係呀...其實澳門d野好貴架...
      所以我過到黎香港就會覺得d野食好抵食~
      係啦...如果可以200來回就最理想了~

      刪除
  8. 澳門D天氣...唔同香港...小t 可能水土不服了
    ・゚゚・。☁。゚♦・゚゚・。☁。゚♦・゚゚・。☁。゚
    .∧∧
    (・ω・)
    .⊂ノ。・゚゚MY █▄♡VҼ 好姊妹...甜夢

    回覆刪除
  9. 跌親要好好休息呀... 唔好周圍走,乖乖地出BLOG~~^^ 保重呀~~

    回覆刪除
  10. 我都好耐冇去長洲~~~好想食呀^^
    BBQ7080都好好味~~你下次黎可以試喜來稀肉~~仲好味呀^^

    回覆刪除
    回覆
    1. 哈哈~~但我地好早去到~好多野未開~
      我其實覺得我食哥間7080麻麻~
      咁我下次會去試下哥間喜來稀肉(個名咁得意既~)

      刪除
  11. 香港真係好多好野食架!又平過澳門喎~不過我覺得澳門有人情味d
    而且你今日放工之後係咪行八角亭附近歌條馬路?我係到諗歌個係咪你:-P

    回覆刪除
    回覆
    1. 不過船飛太貴了~
      哈哈~~應該係我黎架喇~你無睇錯~

      刪除
  12. 仲乜咁唔小心跌親~~有冇睇鐵打呀~~下次小心啦
    妳去長洲有冇睇見人扒籠舟呀
    成日頭痛、check下啦喂~~~~take care

    回覆刪除
    回覆
    1. 無睇呀~淨係瘀左咋~
      無喎~~~無人扒喎~~~~
      應該都係焗親~依家無事~

      刪除
  13. 我都好想過澳門食野, 但船飛真係好貴....

    回覆刪除
  14. 哎呀,你跌親仲有無事呀?退左瘀未,整隻熟蛋晚晚'look'吓佢,會快啲散瘀.

    回覆刪除
    回覆
    1. 未退咋~唔理佢等佢自己散係咪...其實...都ok...架......

      刪除
  15. 好彩只係瘀咗咋, 唔係就掃晒興啦.

    回覆刪除
  16. 又頭痛,咁慘豬,快啲好返啦。
    我啲同事都咳得好勁,公司啲冷又壞咗成幾個月都未整,我好驚呀~~
    上年12月去過一次長洲,多人到唔敢再去。
    個天好藍、個包 & 牛油 & 醋都好想食。
    喺廁所跌親好慘啫,要小心呀~~

    回覆刪除
    回覆
    1. 熱親je~今日好番好多喇~
      幾個月都未整好!!!!!想熱死人呀!!!!!
      哈哈我哥日好早去無咩人...早到d野食都未開~~~~
      我真係好鐘意食黑醋加橄欖油點麵包...好正!!
      知道~

      刪除
  17. 長洲有冇去五行石張保仔洞踩單車去沙灘呀?去得長洲就過埋夜啦返咩市區吖.肥姐正吖,不過以前有朋友食生腸都爭啲唷死(唔係低能做唔出)......你食啲嘢超熱氣.
    你又跣親唔會係有blog友邪到你呀嘛?睇你會唔會睇醫生......

    回覆刪除
    回覆
    1. 哥日咁熱仲踩單車我驚我無命....................好難係長洲玩咁耐喎.....
      肥姐真係好好味...我好回味..好正~~~~
      我真係唔知係咪哥個blog友邪親我....但哥一野真係好痛..

      刪除
    2. 其實喺沙灘呆吓呆吓都可以過全日......

      刪除
    3. 但哥日真係熱到人溶囉...完全無耐性係室外~

      刪除
  18. Hi小t!原來去咗長洲玩呀!嘩長洲咁多美食!妳一定食得巧滿足喇!有有試下即炸沙翁同大大粒墨魚丸!去長洲必食架!華星冰室好多人喎!妳要等位嗎?香港有特僄飛$250套來回船飛架!去程仲係頭等位架!在澳門都可以買架!如果妳下一次再來香港玩,我比珍姐電話妳!可以在澳門取票架!Centennial hotel地方好大喎!但d舖頭下午5 點就收!妳個日咪好悶囖?成日頭痛!是去check下喇!bye!!!

    回覆刪除
  19. 竟然成個跣低左...*O*..而家好番D 未AR? 仲有冇好痛ar?! 我之前向home都試過, 我以為自己隻手斷左tim ar...痛左我成個星期..茅陰公..不過鬼叫自己貢論盡咩....wuwuwu
    好彩你地最後肯試呢間"百年hotel" jar, 貢平但貢乾淨...抵ar!!!
    wow..你2日1夜hk 之旅食左好多野wor, happy屎 la

    回覆刪除
    回覆
    1. 手腳瘀左囉......少少痛啦
      好慘呀!!!!!!又係手落地先呀??
      哈哈~都係毛寶叻呀~~~
      哈哈~~都真係幾多架~

      刪除
  20. 真係要小心身體呀,還有一個月就去日本,病了就唔低啦!
    您個「勁藍天」 key 上去架!叻~~~~~~
    Target 澳洲都有,勁!
    白鴿眼都同您玩,正!

    回覆刪除
    回覆
    1. 知道喇~~~我會架喇~~~~~
      無架~無key上去架~真架~
      係呀~不過無咩野買~
      哈哈~

      刪除
  21. 你去咗長洲?!我朋友係長洲居民,佢會帶我地搵好嘢食,有間豆腐花+芝麻糊巧巧味
    好彩跌得唔嚴重,不過都要小心,我上年跌一跌,SL咗3星期,健康真係好重要

    回覆刪除