2014年5月14日 星期三

澳洲探險自由行之旅2014-03-27第六天Part 2(雨天)

今日真係好鬼熱呀.....公司今日終於都通知可以換夏季制服....可喜可賀....著住哥條裏面有"里"既冬天西褲...真係熱到啤一聲~~~~~~~中午迫媽媽買左個麥叔叔德國辣雞堡食....有d人話唔好食...但我又覺得唔錯喎~$33.5..有兩塊扒加酸菜係裏面.....我覺得ok~今日6點之後同同事既對話...我笑翻了~好低能~~~~~~~



2014/03/27
Day 6---Part 2(塔斯曼尼亞,朗塞斯頓  Tasmania,Launceston->西北地區 North West Coast)
離開The Honey Farm~就驅車去壁畫小鎮Sheffield...個鎮好細....人口得1000人左右...本身經濟不景既..後尾係呢度搞左個壁畫節...經過好多藝術家黎畫之後...越黎越多人黎參觀~帶動呢一區既經濟~地址:Sheffield, TAS 7306, Australia...網址




一落車就跑去個Visitor Information Centre度攞地圖先~有哂d壁畫地圖可以跟住行~




點知一入去....個工作人員就問我地係咪香港黎...我地話我地澳門黎...跟住佢就問我地...識唔識Eason Chan....我地話梗係識啦~~佢指指電視.......原來佢地個電視係不停播住Eason拍既陳年現代塵世美~咦...佢真係好出名喎!我地係度問咁耐野....都淨係播Eason~

當年真係好後生~



仲有呀...原來Eason黎到Sheffield度都有畫過壁畫架~個工作人員話佢好有性格....問我地係咪因為Eason所以黎Sheffield...我地大方的答:唔係XD...........




華.....又真係......幾有......性格喎..........................

我諗有好多人真係為左Eason先黎.....因為壁報版又有佢既介紹!!仲要有中文~



之後諗住行出去睇下......影左一幅之後....好大雨呀!!!




根本大雨到一行無遮擋既地方就一定濕!!




咁鬼大雨....團友們建議食左飯先....可能食完飯無咁大雨~但係係呢度搵野食都係一種學問...因為....係無咩選擇的!!!好多cafe....但係多數飲啡...食批!!...唔想食呢d.....中餐又無開....搵左好耐.....決定食快餐XD




我叫左個Hawaiian Burger....AUD7.20=50.4hkd....樣有d衰...查實ok好食既~因為唔怕太乾哥隻~




薯條加可樂係餐黎既....AUD5=35hkd....薯條還可以......團友們食左三文治好似話唔錯~仲有隻炸雞錘~超鞋肉~但哥兩樣野我忘了幾錢~




食飽諗住試下行....影左呢幅最出名的...係教堂外牆畫的....表達過去係以農業為生.....影完對腳濕哂....堅大雨!!




跟住就係車上面睇同影就算喇~哈哈~~咁先可以唔濕又影到相嘛~~~~~上圖哥個男人係區內既Sender醫生...紀念佢係區內既貢獻~每幅壁畫都好似藝術館咁介紹既牌仔~



落咁大雨都無心機睇喇~所以就離開Sheffield了~


我地去下一站既途中...天氣好似越黎越衰...大雨....仲要加埋大霧.....成日都未停過雨~




到了可以望到Table Cape的燈塔~但............使唔使咁大霧呀...咁近影都咁?!更加唔好講影佢對面座山啦~地址:363 Lighthouse Road, Table Cape, Wynyard, Tasmania, Australia....電話:+61-3-6442-3241




之後清番少少...但都係望唔到對面個Table Cape...毛寶話好可惜~不過我又唔係咁諗~唯有安慰佢:都係睇唔到呢度既Table Cape je...好過係去南非睇唔到佢個Table Mountain呀~起碼諗起Tasmania首先都唔係諗起呢個地標~個天都對我地好好架喇~

跟住佢都覺得係喎~(咁易氹既~XD)



好~首先攞左間民宿先~Stanley Seaview Inn...地址:58 Dovecote Rd, Stanley 7331, Australia....電話:+61-3-6458-1300




一晚AUD220=1540hkd....每人385hkd....其實可以訓到5個人~






其實呢宿民宿景觀唔錯的!!!因為佢係對正我地下一個景點The Nut!!!幾可惜!!!!!又係有大霧遮哂!!!呢個被譽為Tasmania既Uluru黎架!!!(毛寶超想去Uluru的...可惜係澳洲中部...機程不短..唔夠時間)...點知依家連呢個~都睇唔到添



睇旅遊書.....天氣好既時候影過去...超靚的!!



跟住再出去諗住睇下有無機會上到去The Nut...經過一間小型超市....入去買明天早餐先...但真係好小.....







頭先食晚飯....有青椒...
我唔係幾食的....
我媽就搶住食...
媽:我食哂d青椒呀
我:你咪食囉...
媽:青椒有抗氧化呀!!
我:(俾高帽佢帶順便潤佢..以誇張語氣講)華!!!唔怪得你生得咁後生咁靚啦!!
媽:梗係~我呀...就黎可以叫"美魔女"架喇~
我:.........................(成場靜哂)...........................媽....你一隻字都唔識寫唔緊要架...最緊要識寫個醜字呀
媽:呀~我唔識喎~我淨係識寫個叻字喎~
我:.........................................
(你好野~你咁識自娛又自得其樂~我甘拜下風~)



2014/05/14的開心事:
貞今日6點3打俾我...
話好掛住我....跟住要折返公司探我
冧哂~~~~~~~~~~~~
我同i講:好似同貞傾完一陣計~心裏面有一絲絲既歡欣感覺~~
貞~你好叻呀~



報時:距離日本東京自由行之旅2014仲有---39日~

38 則留言:

  1. 飲多D水好呀...熱D重正呀\(◕ヮ◕)/天氣好轉..心情都靚D呢

    回覆刪除
  2. 距離日本東京自由行之旅2014仲有---39日....快快樂樂好容易到呢

    回覆刪除
  3. 民宿碌架床下層咁有壓迫感嘅?坐起身都會撞頭喎......
    伯有真鬼馬,有其女必有其母.
    同貞公子駛唔駛咁寃氣呀?????我留電話俾佢你估會唔會打嚟話掛住我吖嗱?

    回覆刪除
    回覆
    1. 係架~不過無人訓哥格~唔使驚~
      咩呀...係有其母必有其女呀
      關你鬼事....你自己諗下會唔會囉...係女仔見你咁寫都怕左你

      刪除
  4. 落雨真係掃興,好在有架車咋,如果唔係就真係唔知做咩好
    d畫都幾靚喎
    你媽咪真係堅,轉數快嘅美魔女!!!!!
    所以朋友有時就好似一份甜品^^

    回覆刪除
    回覆
    1. wakakak~咁又係呀~~~咁樣影相都唔錯呀可~~哈哈~~
      我要行出去讚讚佢先~~哈哈~~~
      無錯~感激有志同道合的朋友~

      刪除
  5. 唉,去旅行遇着落雨天,都幾掃興。間民宿幾乾淨企理。哈哈,你阿媽好正,我終於知你似邊個喇。

    回覆刪除
    回覆
    1. 好彩可以係車上影相咋~幾唔錯~
      唔錯啦~其實如果佢好天係唔錯的..因為佢對住個景幾靚~
      wakakaka我想講...其實我老豆仲癲過我阿媽~~~~

      刪除
  6. 燈塔都幾好型吖~~~
    妳兩個大細路...........

    回覆刪除
    回覆
    1. 哈哈~有幾型呀~
      佢咋~唔開我事架~

      刪除
  7. 你地下次來加國的BANFF/JASPER, 好玩好多, D景宏偉好多, 又唔洗開咁遠車.

    回覆刪除
    回覆
    1. 你去過那裡之後, 好多地方都不用再去了, 因為D景一定唔夠果度咁正....

      刪除
    2. 咁就真係要睇過先知~

      刪除
  8. 最怕d山卡拉搵唔到好野食~搵到間快餐都算好叻喇
    民宿個景唔錯喎,第二日天氣有無好轉呀,有就靚晒

    回覆刪除
    回覆
    1. 我都覺得係..好過去食批....
      都有架~~~轉好左天氣確係靚囉!!

      刪除
  9. 呢個鎮好特別呀~~ 好彩你地揸車, 都算影到幾幅相吖~~

    有機會下次再去參觀過~

    我都好想去uluru呀, 諗左成十年, 都未有機會去添...希望係我有生之年去一次就好喇~~
    ---------------------------------------
    麥記個包原來咁大份架.........兩塊扒咁多~~~搵日有機會我都去試下先~

    回覆刪除
    回覆
    1. 無錯~係車上影都唔錯~~我懶呀~車行咪仲好~
      下次未必去lu~因為...無咩野食...
      哈哈~毛寶都係咁講呀~~~~~佢真係好想去的~話等下次要去~
      wakaka~試下啦快d~唔係佢又好快就無~

      刪除
  10. 睇到第6日都好似無咩野食咁....

    回覆刪除
    回覆
    1. 都唔係呀~係呢日d野食差左少少je~之前有好多生蠔呀青口呀三文魚都唔錯架~

      刪除
  11. Table Cape的燈塔都好鬼靚,可惜毛寶睇唔到佢想睇嘅景.
    哈哈俾媽媽吋親,認輸啦阿囡!

    回覆刪除
    回覆
    1. 算~啦~有時未必事事如人意既~
      我一早對住佢認左輸好耐~~~~~~

      刪除
  12. 我地呢邊雞包餐$31.8, 出遊落大雨其實幾煩, 有幾多對士啤鞋吖? 我試過廿幾年前澳門一日遊, 大雨又水浸, 我地打死都唔落車.

    回覆刪除
    回覆
    1. 真係無帶多對鞋呀~其實隻腳無濕既~不過係褲哥d濕

      刪除
  13. Hi小t!首先!香港天文台話星期六會好天喎!妳就放心哂啦!璧畫小鎭真係好細喎!去旅行遇著下雨就好冇引囉!間民宿又係幾靚同價錢好平呀!妳媽咪都好風趣喎!又識攪笑!要比個like比伯毋喇!bye!!!

    回覆刪除
  14. 旅行遇著落雨係超級煩,翳住對腳好難受~~
    個夏威夷漢堡好吸引,大愛菠蘿
    哦,你唔食青椒,你係偏食鬼,wakaka

    回覆刪除
    回覆
    1. 鞋就無濕既..係條褲囉~~~
      我都愛菠蘿呀~~~~
      我係呀~~哈哈~我係蠟筆小新黎架~~青椒和苦瓜都唔食~

      刪除
  15. 換夏季制服?無相睇架!
    去玩遇上落大雨,好無癮!

    回覆刪除
    回覆
    1. 哈哈係無架~~~太醜~~
      都係既~不過算啦~人生不得意是十常~八九~

      刪除
  16. 你地有冇經過queens town ? 個鎮d水係黃色家 ( ̄∇ ̄)

    回覆刪除
  17. 落雨真掃興﹗不過D畫真係好靚~~

    回覆刪除