2014年5月12日 星期一

澳洲探險自由行之旅2014-03-26第五天Part 3(時陰時晴)

今日做到d接更位做到流哂汗~~~尤其中午~~做到嘔血~~~~今日終於一滴雨都無落過~幾好~~~星期六:因為落好大雨~所以去左觀光塔食ca4e on four~無左炆米食喇~~唔開心~~...->好乖咁睇行程~綜合左要去邊度~plan埋幾時去就ok喇~...->去左小公子屋企探佢~同佢玩左好耐~依家大個左~~好玩左好多~~又係不停叫姐姐~又錫錫我~冧哂~.....星期日:終於試了日皇居食屋既午市套餐~麻麻~...->哈哈~~下午個天想落想落雨咁...就留係室內睇番套陳年卡通~騎呢大帝~我相信無咩人識呢套迪士尼出品既卡通~但係我真係好鐘意睇~點知成個下午都無落過雨喎!!->夜晚六點就開始落雨...係勁大雨~去左同姑媽表姐一齊食母親節飯~不過食完番屋企有少少痾~



2014/03/26

Day 5---Part 3(塔斯曼尼亞,東海岸 Tasmania,East Coast->朗塞斯頓 Launceston)
食飽飽又再出發喇~又係行番A3公路~去朗塞斯頓(Launceston)~~~途中係超多的山路...轉超多的S型彎!!!!又上又落狀....坐既人(即係我)..係覺得有點頭暈的....但揸的人(毛寶和神秘團友)....都話呢段路對駕駛人士來說很好玩~咦~又有少少陽光喎~




反而佢去Launceston機場既指示牌真係唔係咁清楚....佢個指示牌有隻飛機的...但佢又無寫係邊個機場...好彩無跟..如果唔係我地會去錯~(因為有可能佢係講緊Hobart個機場..)我地有落車問店鋪既人點去Launceston機場的~記唔記得我地無啦啦做咩要去機場?就係因為係租車公司個GPS壞左..完全開唔到機而去換!!!不過呢日既接待小姐好有禮貌...即刻換俾我地...同埋狂講Sorry..先無咁嬲...不過我都係唔會再揀你地架喇!!!!!!呢個機場有既租車公司仲有呢幾間....建議大家考慮其他的!!!Trifty有我地試過咁衰就夠~




好喇~有個唔壞既GPS喇~再出發番市區~市區其實同呢個機場好近~只需10分鐘左右既車程~方便~之前個GPS我地一直聽開英文...驚覺呢個GPS有廣東話發聲!!!即試~~~英文發聲的:go to the round about, second exit....廣東話會變成:進入圓環,第二出口.....好有趣~~~~~呢把女聲發音仲有點點的...怪?!?!?我地幫佢改左個名..叫:妙嫦!!!妙嫦帶俾我地好多歡樂~~~~其一係佢指示毛寶行某段路時...點知毛寶轉早左一個街口....點知佢個畫面即刻見到佢超亂~~仲要好惡咁話:重新計算﹗重新計算﹗...不過妙嫦真係好用好多!!!起碼帶錯路的機率比較少~~(其實之前個GPS我都有幫佢改名~係英文男聲~我地叫佢做tomtom~不過我地成日話佢無用..咩路都搵唔到~)

終於有番個八爪魚吸吸係個擋風玻璃~之前係靠人手揸住的..好低能..................



好囉~出番市區我地就去攞左民宿先囉~今日呢間民宿都幾大~因為係佢個主樓度check左in要再揸車去另外一邊既民宿....睇下佢仲有個超大的風車~




外表確係幾靚~好似丹麥d屋咁~一間屋有上下兩層不同既房....應該就上層大d~但係我唔buy佢要搬好多樓梯~




呢晚既住宿叫做Leisure Inn Penny Royal Hotel & Apartment....地址:147 Paterson Street, Launceston, 7250, Australia....電話:+61-3-6335-6600.....一晚房價係AUD201=1407hkd...每人351.8hkd(唔包wifi)....不過房內好多樓梯要行就唔係咁好~一入去哥層係廁所(哥層好細架咋就係個廁所....廁所行落一層係廳同廚房




廁所既行上一層就係兩間睡房~雖然咁多樓梯行...但呢個價錢真係無話說了~最緊要乾淨je~






好喇~出發去食飯~民宿附近有條河~幾靚~








去到食飯哥間餐廳先係六點幾七點.....但已滿座...要成八點半先有位.....我地係餐廳隔離個碼頭睇到差唔多日落既景....好靚!!!!






d天色真係靚到dum一聲!!!






成8點半先有位....影完相仲有成個鐘.....所以出番去...係Coles超市行行~打發時間~



都幾大幾好行~仲買左少少野~



行完就夠鐘番去食飯啦~餐廳叫Hallum's Waterfront...地址:13 Park Street, Launceston, Tasmania 7250, AUS...電話:+61-3-6334-0554....網址...民宿有派張紙俾我地話我地知附近有咩食...呢間亦榜上有名...而我地本旅遊書都有介紹...係食海鮮的~由於我地話咁開心換番個GPS解除危機~所以要開心d食海鮮慶祝~(成日都有藉口~)




我地六點幾七點訂位哥時成間野超多人...但八點半黎到就無咩人喇喎....我諗佢地鐘意超早食飯!!!!!






叫下塔斯曼尼亞出既啤酒試試看先~Boags Draught...AUD7.20=50.4hkd.....呢隻好重麥味~神秘團友大愛~




Boags Wizard Ale.....AUD8.70=60.9hkd....呢個就比較易入口~塔斯曼尼亞既啤酒都好正的~




Tasmanian Spring Bay Blue Lip Mussels Steamed Open Saffron Broth.....AUD35=245hkd....這個超好吃呀!!!!!!青口大隻又嫩嫩的!!!!汁也好吃!!!點麵包真係一流!!!!




我地叫左侍應推介的Today's special....Panfry Snapper....中文是鯛魚嗎???AUD40=280hkd.....下面墊住泰式既沙律~醒胃~不過團友們話呢條魚麻麻~同埋唔抵~




Oven Roasted Tasmania Atlantic Salmon, Pickled Daikon, Carrot + Cucumber, Chilli Peanuts + Herb Salad.....AUD35=245hkd.....天呀~~~呢個三文魚真的超好吃~~~未食過咁好食既三文魚!!!以前我淨係食生的..因為之前食到的熟三文魚都係鞋鞋的....呢個係外皮脆脆的...但內裏係嫩嫩的!!!!!!!!正點呀~~~~~Chili Peanuts + Herb Salad也配得超好~很好吃~呢間餐廳很值得推介~點解有人可以將三文魚可以整得咁好吃的?!?!

呢餐食左AUS133.10=931.7hkd...每人233hkd...正!!值得!!



係超市就係買左呢個應該去澳洲旅遊都會買的藥膏吧?!查咩都得~刀傷又得敏感又得蚊蟲又得曬傷又得....我係澳洲查過我個敏感額頭~又真係得喎~支裝係中size...大約好似係AUD5.XX一支....一大樽哥個好似要12X港幣....中size買黎做手信不錯~







2014/05/11的開心事:

唔~頭先岩岩睇電視~(J2七點鐘哥個娛樂新聞報導)
何韻詩透露話想今年內開cafe~~
但會係台灣開喎~~~(咁我咪有藉口去下台灣囉~~)
見佢係電視講佢生日收到哥份佢好鐘意既生日禮物..
甜笑哥個樣....wakakaka~~
我都有一齊跟笑~(關你咩事呀小姐~)
我都係鐘意佢菇頭個造型je~



報時:距離日本東京自由行之旅2014仲有---41日~

43 則留言:

  1. 個民宿同埋周圍既環境都好靚呀~~~~
    好鍾意個大風車呢^^

    回覆刪除
  2. 嘩,澳洲人真係好早食晚餐,8點半就可以包場咁食飯,一流。哦,你可以試吓slow cook三文魚,都好嫩滑㗎。咁犀利,蚊叮蟲咬,敏感曬傷,一支搞掂哂,有機會去澳洲,入番啲貨先。

    回覆刪除
    回覆
    1. 係塔斯曼尼亞d人勁早囉~估佢地唔到~~~不過last order都好早喎~係2130~
      有呀~我番黎有係澳門食過slow cook三文魚呀~~好好味~~
      哈哈~~我都係聽人講~不過聽人講好似搽濕疹唔錯~

      刪除
    2. 濕疹啱我呀,不過ointment好lup喎。

      刪除
    3. 你講得岩呀...佢真係好lup..質地極不討好..但我岩岩有蚊咬..好痕...查完依家唔痕喇~

      刪除
  3. 紅色藥膏上個月都收到一支,幾日前大爺出蜂"懶",搽左一陣即刻無事,多好神奇呀!!
    個黃昏真係好靚,有火燒雲的感覺

    回覆刪除
    回覆
    1. 咁果真係搽咩都得喎~~~~哈哈~~
      係呀~~哥日的黃昏景確係唔錯~

      刪除
  4. 妙嫦wakaka!夠晒老土丫!!我唸起愛回家哥個阿嫦XD

    回覆刪除
    回覆
    1. 其實係有段古既~之後可以再同你講下~

      刪除
  5. 我去玩時, 如果用膳間餐廳要等, 又俾我見到超市, 我通常都不會等, 直接去超市買些其他野來食.

    阿詩呢, 佢係我這裡同一城市大的, 只是不明白佢有這家野, 女人怎會唔喜歡男人咖?

    我想呢, 我這裡D人一定有少少怪怪的, 連我群這些人耐左, 都令我怪左.

    回覆刪除
    回覆
    1. 哈哈~~因為好攰喇~呢日佢地揸左好耐車~又唔想洗野咪出街食囉~同埋哥日我地諗住慶祝下嘛~
      0我...我係鐘意佢既歌聲同才華je~至於佢其他私人方面如果唔影響到其他人又其實無咩野既~

      刪除
    2. 當然呀, 佢係一個非常好的歌手, 我只是有種免死狐悲的感覺, 比如說, 她如果以前在我這裡, 見到個英俊的靚仔, 佢會否人生唔同左?

      刪除
    3. 咁又唔知喇~
      咁我諗鐘唔鐘意一個人除左佢英俊靚仔之外....仲要睇睇內心既

      刪除
    4. 其實, 佢係唔喜歡男人喎, 就唔係內心世界, 人人都知道, 這個世界乜人都有嘛....

      刪除
    5. 哈哈~唔鐘意男人佢又無搞到人~無咩野呀~

      刪除
  6. 呢個民宿好正喎,個view巧靚呀
    真係好抵死架,咩你地都改個名俾佢,妙嫦,正
    我朋友話呢隻藥膏好work,尤其對濕疹,識貨呀你!!!!!!!!!!!!

    回覆刪除
    回覆
    1. 係呀~都唔錯~最緊要平嘛~
      係呀~~因為我地覺得佢講野好惡好好笑~~我地有時仲特登行錯路聽佢鬧我地~~~~~
      哈哈~原來真係咁神奇~~其實我都唔知要買架~係聽呀神秘團友講咁神奇我先買~~~

      刪除
  7. 香港天天都落雨濕濕,,,我冇去邊度玩呢

    回覆刪除
    回覆
    1. 唉~我地呢邊都係呀~我都無咩出街~

      刪除
  8. 香港呢邊呢,母親節晚就勁大雨,我地帶左重型武器先出街,出入都冇事,但超多人,要輪位。

    回覆刪除
    回覆
    1. 我地都係呀~你地出街食飯無訂到位呀?

      刪除
  9. 騎呢大帝..我識我識(舉手)..我係戲院睇左兩次仲買埋碟睇...古斯高國王..HAHAHA

    回覆刪除
    回覆
    1. wow~~~~~好開心呀~~~有個人識呀!!!!!!!!!!!我地真係朋友喇~~~
      我回頭一擔就擔番你上黎~原來你就跌落去粉身碎骨~但係~有我係度~
      呀下~呀下~呀下呀下呀下~
      頂!!!!!!!!!!!!!!!!!!!!!我真係笑足咁多年!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
      堅鐘意呢套卡通!!!!黃子華同苑瓊丹既配音真係一絕~

      刪除
    2. 佢哋既配音真係一絕!!!貓貓食餅餅...

      刪除
    3. 我好high有人同我一樣咁鐘意睇呀~~多謝你~

      刪除
  10. 個三文魚好正,我口水係度流緊!

    回覆刪除
    回覆
    1. 呢個真係好正~~佢地煎魚真係有一手的~

      刪除
  11. 好靚呀啲景,你又一次搞到我慚愧,我啲醜相係咪唔應該 po 出嚟,羞~~
    好大間超市,我都好鍾意旅行行超市的
    哈,lee餐又引我唔到lu,因為我唔太like青口,又唔鍾意三文魚,hehe

    回覆刪除
    回覆
    1. 下~唔好咁講啦...其實你睇d好靚哥d相...都係毛寶提供架~~我仲係傻仔機影緊~
      無錯~超市真係逛逛都覺得有樂趣~
      omg~衰豬有咁多野唔食~

      刪除
  12. Hi小t!第三次回應妳喇!對上兩次d文字唔見哂呀!碼頭日落景好正!d青口又大又正!真引死人!但啤酒就貴咗d!食咁多嘢食每人都係$233超平呀!原來澳洲食野都唔貴喎!bye!!!

    回覆刪除
    回覆
    1. 係呀可能係個blogspot有問題..因為我之前都試過咁

      刪除
  13. 日落好美,....好耐沒睇J2台啦.何歌手,我都很喜歡.

    回覆刪除
  14. 我個frd都買左支藥膏俾我做手信~~

    回覆刪除
  15. 妙嫦,好鍾意哩個名
    民宿附近好靚呀

    回覆刪除