2014年5月8日 星期四

澳洲探險自由行之旅2014-03-26第五天Part 1(時陰時晴)

哈哈~~今日中午開始落雨~落到依家~勁塞車~搞到北區d野都遲左番.....等左好一陣子先收工~今日話佢好多野做又唔係...唔多野做又唔係....我淨係知好多人遲到!!做到隻手都痺痺地~過埋今個禮拜...我地連續5個禮拜既4天工作周就會完喇~~~我好唔捨得呀~~人地唔慣連番5日工囉~~~wakakaka~~~



2014/03/26
Day 5---Part 1(塔斯曼尼亞,東海岸 Tasmania,East Coast->朗塞斯頓 Launceston)
(自駕遊人士必看)一出發就先入油~唔好睇佢地咁開心呀...其實呢日租車公司又玩我地一獲呀!!!!!我地係民宿出發時發現...個GPS完全開唔到!!!!!(其實呢幾日都覺得佢傻傻地..搵好多地方都話搵唔到...其實我地懷疑佢一開始交個GPS俾我地哥時...其實佢俾錯左個要維修既我地....連吸係擋風玻璃既八爪魚都無俾我地....)咁點呀??無左GPS喎...點去我地d景點呀?點去其他地方呀??好彩...我地有一個寶~叫毛寶~毛寶說呢晚我地會係另外一個大城市朗塞斯頓(Launceston)度住一晚做中轉站...而我地後日離開還車個機場就係朗塞斯頓個機場!!咁我地可以去機場叫佢換過個俾我地!!!但係我地又點去今日既景點呢?.....記唔記得毛寶買左張公路地圖呀????佢真係好叻仔....佢話我地今日既景點~只要沿住A3公路行就無問題~於是佢就問民宿職員邊個方向去A3公路後....佢就完全無驚過~我真係好仰慕佢~~~~~~~~睇佢個樣幾淡定~~你真係好醒目!!
澳洲d油站都係自助入油的~不過無冰島咁變態....一個人都無哥隻....佢係你入完油....行去佢個counter同佢講你係幾號入就會收你錢~其實我地都係唔識入的~成日都咋咋帝問人點入然後哥個人幫我地入埋~(有人入油哥d油站d油好似貴d的~)




好喇~沿住A3公路....就黎到我地要去既景點---Bay of Fire~~其實Bay of Fire沿住一帶有好多個沙灘的~呢個係其中一個叫聖海倫(St. Helen)....Bay of Fire就係沙灘上佈滿左好多橙紅色既大石..遠睇好似俾火燒緊咁~呢個沙灘堅係靚!!一黎到完全俾佢吸住~





雖然天氣不怎麼好~但就係覺得佢靚~佢好似無啦啦有條河流番出個海咁~d海水顏色好吸引~




仲要成個沙灘都係超白又滑既沙~~忍唔住一早脫左鞋~





有一篇文章講過話唔知點解d人要係個景度跳起影相...佢話對個景無咩幫助~跳起係因為我個人開心囉~唔俾咩~





呢個沙灘都超勁大浪~而且水都好凍~呢度對住個海就係塔斯曼海(Tasman Sea)~




而且我覺得呢日雖然係陰天...但我覺得都好靚.....因為我覺得d雲厚得黎又幾有層次~令我諗起一套戲...係Jodie Foster做架...套戲叫Contact...中文名唔記得係咪叫超時空接觸?...講佢係個科學家..自小鐘意天文...主要工作係監聽外星有無訊號傳遞俾地球......中間唔講多...咁之後講得佢一個去到哥個俾訊號佢既星球....佢去到一個海灘邊....個海灘就好似佢細個畫既一幅畫一樣....佢仲係海灘見到佢死左既爸爸...原來只係外星生物為左容易同佢溝通先會用呢個形象出現..........我當時睇呢套戲覺得個影像好靚(應該係10幾年前)........就同呢個一樣咁!!!!d雲又係咁一層層的~~~~(雖然佢套戲d雲係日落色).......見到個咁似套戲既沙灘..令我想到.......會唔會有一個外星人以我爸爸既形象出現(傻)






毛寶的藝術照~靚~




咦~呢度我又記得影短片喎~




我記得我地去哥時係無咩人的~比起其他更出名既沙灘...人迫人的.....我更喜歡這個的寧靜~




又有神秘團友喇~呢張睇得係咪好清楚呢~~~佢地睇緊咩呢??你地睇下舊石上面超多黑色野!!!

話明黎睇Bay of Fire咁耐都未見係咪好奇呢~因為我懶影~我見毛寶有用菲林機所以無影~點知佢個相機有d問題有d相無開到快門....曬唔到~所以.....其實上面呢幅相d石既最左邊有少少紅色石架~~~~睇住先啦~~~



(呢張相如你有密集恐懼症勿看!!)....近影....以~~~~~好恐怖呀!!!!!全部都係小青口黎架!!!!!滿佈成舊石呀!!!!我打左好多個冷震呀~~~呢d石離海幾遠下喎...令人聯想到潮漲既話d水應該會湧過黎呢d咁遠既石度~




我真係好鐘意呢個沙灘呀~如果我有機會再黎塔斯曼尼亞...我好希望係晴天再黎睇一次不同的畫面~(其實仲有令外一個私心理由想再黎架~下篇講~)









2014/05/08的開心事:
媽媽整左係日本買番黎既廣島蠔飯~
好香呀~~~~
好好味~~
仲有呀~~聽日就係星期五喇~~正呀~



報時:距離日本東京自由行之旅2014仲有---45日~
仲有個半月咋~~

33 則留言:

  1. 無人沙灘喎,d雲好厚呀,如果晴天就更正喇
    嘩,今集連腳指都出埋:)
    毛宝真係超醒,好叻呀你!!!!!!!!!!!!!!!!!!!!!!!!!!!!!!!!!!!

    回覆刪除
    回覆
    1. hehe~都ok既~因為我覺得有層厚雲都幾好睇~有d憂鬱感呀~~(唔知講咩~)
      wakakakakak~見笑了~~~
      係呀佢真係好叻呀~~真係要多d讚下佢先得~

      刪除
  2. 沙上啲字用腳寫架?咁……嘅?

    回覆刪除
    回覆
    1. 唔係我寫架~應該係用石仔寫的~

      刪除
  3. 嘩,毛寶真係幾有男仔嘅特質喎。外國人工貴,有人serve嘅油站梗係貴啲啦。哈哈,你啲團友好似做緊地質研究咁。

    回覆刪除
    回覆
    1. 因為揸車?定因為佢既應變能力?
      哈哈~~我地就係無人入油哥d度借d意問路過既哥d人~~~
      wakakaka~~~佢地八卦嘛~~我唔想行咁埋睇...因為我覺得有少少核突...(太密)

      刪除
    2. 當然係佢嘅處事手法同埋組織力啦,分析力都唔錯,仲有淡定嘅組織力。

      刪除
    3. 哈哈~~等我話佢知你讚佢先~~
      佢又真應變得幾好~

      刪除
  4. 好靚呀~~~冇乜人好正~~~
    好想快D知係咩私心嘿嘿嘿 XDDD

    回覆刪除
    回覆
    1. 無呀我都鐘意佢無咩人~
      今日哥篇blog有講架~~wakakakaka~~~

      刪除
  5. 今日冇去邊度玩呀...香港整天都是下雨
    *¨•⊹我10:00 吃飽回家紅雨加雷電信號
    呵...夜晚10:30 天文台...改掛...黑雨...啊
    現在落咁大雨┈甜夢安睡好過┈Zzz┈

    回覆刪除
    回覆
    1. 我地今日都係成日落雨呢~~~
      今日你地有無掛黑雨呀?

      刪除
  6. 對住個咁靚景...我都跳起影相...開心囉

    回覆刪除
  7. 個沙灘上D雲層好靚喎~~咁先有層次!!
    成個沙灘比你地玩晒

    回覆刪除
    回覆
    1. 無錯~雖然陰天~但我覺得都好靚~你真識貨喇~~
      wakakaka~~無錯~無人~

      刪除
  8. 好靚好靚, 羨慕死人喇~~~

    我都好鐘意沙灘, 特別係無乜人既沙灘~~~~~呢個沙灘真係好正~~好似童話世界入面個啲咁

    回覆刪除
    回覆
    1. 我都幾鐘意呢個沙灘呀~~好靚~
      哈哈~~無人哥下先玩得開心~

      刪除
  9. 又要讚下毛寶,好叻~~
    沙好白,好想去下lee個沙灘,但我啲旅行腳無人識駕,死心好了 :-(

    回覆刪除
    回覆
    1. 真係要多d讚下佢先得~
      下...咁無人識揸車又真係...難左d既...

      刪除
  10. Hi小丅,香港昨天、今天都黑雨、紅雨呀!澳門有冇紅黑雨分架?外國好多時入油係自助式架!但要有人入油d油貴d就妳講先知!毛寶巧醒喎!連GPS壞咗都冇有怕!勁!我覺得舊石好特別呀!妳好鍾意個沙灘喎!又影短片又影相、但個沙灘就真係幾大同d沙好靚囖!仲有個無敵大大大海景呀!正!bye!!!

    回覆刪除
    回覆
    1. 我淨係知今日d學生唔使番學咋
      我都幾鐘意呢個沙灘

      刪除
  11. 尾二張相,水退的沙灘好靚!

    回覆刪除
  12. 我早早已經話毛寶係寶架啦!

    回覆刪除
  13. 回覆
    1. 係呀~最緊要係無人~影得好開心~

      刪除
  14. 毛寶真係堅犀利,佢已經係一個人肉GPS~~

    回覆刪除