2014年5月7日 星期三

澳洲探險自由行之旅2014-03-25第四天Part 3(晴天)

唔知咁多日無蒲頭有無人想念我呢~(我知你有~)..因為星期一又有d唔舒服...所以休息下無開電腦~(真乖乖~).....噚日好番少少今日起身又再頭痛....去左睇醫生....依家好左少少...但個頭仲係痛緊...其實我都痛左好多日了.....呢幾日都狂貼退熱貼....係時候我要再去香港入貨了.........星期六:去左下環街市哥頭d麵鋪食不過麻麻..但真係好平..鳳爪雲吞撈米...才$23!!勁抵~...->街市買餸->發姣走去買爽膚水...因為部導入機~~(興奮)->夜晚係屋企食蟹->狂玩導入機~....星期日:食左好耐無食既忙裏偷閒...但真係好難食...->毛寶有屋企人養左隻新貓仔~上左去同佢玩~~超可愛....岩岩出世兩個月...細隻貓仔真係好可愛~~~...->又狂玩導入機~......星期一:之前哥晚臨訓已經有d頭痛...到起身仍然頭很痛...胃反....番左成日工都呆呆下->夜晚同diana食左葡國野~.......星期二:哈哈~~好彩又放佛誕節~~休息下~中午食左文哥~..->夜晚食左粥麵莊~今次食雞湯粟米粥又好正喎~又綿又重粟米味~..->去左機場接媽媽番歸~



2014/03/25

Day 4---Part 3(塔斯曼尼亞,荷伯特 Tasmania,Hobart->里奇蒙 Richmond->東海岸 East Coast)
好~今日早左少少到民宿~大約5點幾左右~呢間民宿叫Bicheno by the Bay....地址:The Esplanade Bicheno, TAS 7215, Australia.....電話:+61-3-6375-1171....呢度淨係住一晚.....房價AUD245=1715hkd....每人428.8hkd(wifi要另外附費)...呢間民宿有自己既小山頭...自成一角...有泳池...仲有個小湖撐艇仔~~幾好feel~




其實呢個價錢租到咁大間屋真係沒話說....唯一缺點:話明係山頭....真係有d蟲仔經門縫Lan入屋~~~~好彩住一晚咋~






兩間房~仲要係波點被咁少女~






露台望出去既景觀~~~我諗外國人幾鐘意呢d屋的~真係好大自然氣息~




放低行李~又再出發~同民宿1分鐘車程(你無睇錯~係1分鐘~行就幾分鐘啦~)...我地黎到Bicheno Blow Hole...地址:Douglas Street/ Esplanade, Bicheno, Tasmania 7215, AUS.....呢度其中一樣奇觀就係佢d岩石因地衣而變成橙紅色的~~成個海邊d石都係咁~








另一個奇觀就係:wow~呢度有個噴洞!!!!係因為海水既衝擊力造成的!!!勁!!!






有好幾次噴到高到嚇親我呀d聲~~~~可惜今次我唔記得影短片俾大家睇~我好鐘意睇呢d~~~~~真係好大浪~




有藝術家話呢個係心型水氹喎~




係石同石之間會有水氹既....發現左呢樣生物....我覺得有d恐怖喎.......成個汽水蓋咁...(嘔)




民宿方圓十里....只有一間超市...仲要收六點....所以今晚唔使旨意有蔬菜放題~所以就搵下有咩餐廳啦...本身見到有中餐...想試下的...但係好貴...同一個人都無...無信心~其他d餐廳一無就收左...一係就無人幫襯既....一係就外表唔光鮮既....呢度都幾似一個死城的.......最後又俾我地搵到呢間Gangsters Cafe喎.....地址:81 Burgess Street, Bicheno, Tasmania, Australia.......電話:+61-3-6375-1466....睇外面個餐牌ok...而且室外位又多人坐的~好似可靠~






BBQ Vegetable Lasagna.....AUD18.50=129.5hkd....即係平時食開既意式千層麵啦~但呢個係蔬菜版~感覺無肉咁漏~裏面有茄子之類的~

點解佢地d蔥粒可以咁粗壯既~~~~



Thai Green Curry Chicken with Rice....AUD18=126hkd....咦~~~有驚喜喎~~~~雞肉就鞋架喇無得講~但個汁幾正~~~幾正宗~~~~連埋d煮林左既蔬菜撈飯食幾正~~~(不過食完有d口渴~)




Grilled Alantic Salmon with Wasabi Mayo-Pickled Ginger+Wok Tossed Rice Noodle....AUD24=168hkd...個名夠哂長!!!!不過呢味係最好食既一味!!!個魚煎得剛好~魚肉不怕鞋而外表夠脆~難得~加埋佢下面d河粉酸酸辣辣咁....勁開胃!!!




呢餐食左AUD60.50=423.5hkd....每人才105.9hkd....呢個價有呢個質素......毫無疑問我係完全收哂貨架喇~都ok好食~又飽肚~佢地d份量幾大下~所以唔使叫足咁多人頭既主菜~




跟住食飽飯有人提議去睇星...我地去左民宿的免費洗衣房洗衫先(洗衣粉要俾錢)....洗完衫出黎已經見到好多星星...好光!!係澳門一定見唔到的!!!!之後我地就去番我地睇噴洞哥個海邊.....哥度係完全無燈的!!!!!!!行到出去....




痴線架!!超多星星呀!!!!!!我恨我自己我無摸熟自己部相機...成日懶....淨係用Auto....到呢個時刻我完全影唔到星星...完全搞左好耐都唔知點整曝光時間長d.....我都係用Auto影...係澳門應該一粒都影唔到....呢度影到好多粒光亮的...但呢個景象同我肉眼睇完全完全不同!!!!!我真係好後悔俾唔到大家睇!!!!

see~手震哂......其實望真d有好多粒的...因為我無較到長d曝光所以未影到佢地...可惜...



好彩你地仲有毛寶~佢用佢個菲林機一直hold住個快門長時間曝光左30秒以上!!!先影到咁!!!辛苦你!!!雖然都係手震(無用腳架呀!!就咁放係地下影...好叻喎)....但大家可以睇到當晚有幾多星星!!!!!!!!係成條星河!!!!!!!!!!!!!!!!!!!!!!!!!!!!!!!!!!!!!d星多到你會有密集恐懼症........真係好靚...我成世人第一次見到咁多星星!!!仲多過上次係埃及....撒哈拉沙漠哥次.....今次d星好似同我地好近咁樣......真係....完全無法用筆墨形容的震撼....我今次真係好嬲我自己!!!!!!!!!!!!

我好鐘意呢張相....好夢幻.....但係又係真的~你仲影到似流星雨添~~~~~





2014/05/07的開心事:

收到台灣的手信~
有飯團有7仔流心蛋~
謝謝!!



報時:距離日本東京自由行之旅2014仲有---46日~

東京好似有地震呀...怕怕
仲係咩都未plan
依家諗諗下....真係可能到去東京哥日...
我仲未寫完澳洲blog~

43 則留言:

  1. 我都好想食下七仔既流心蛋,但如果叫人買,好似好傻,事關我自己用有機蛋都整到。

    回覆刪除
    回覆
    1. 好好味架~~因為佢d蛋白都有調味的!!

      刪除
  2. 我上次買意粉自己煮!個度夜晚有團睇企鵝!澳洲的天空好似好低,的星星好似伸手可摘!Tas's stars are stunning but most area of Austarlia can see stars very bright and easily.

    回覆刪除
    回覆
    1. 下~係呀~我地懶呀~~係呀我地知呀~不過我地無join到呀~~(其實本身諗住偷偷去睇的~~不過後尾放棄~)
      因為哥個海灘真係夠哂黑~所以我覺得哥度睇星星係呢10幾日黎講係最靚的~~真係好靚~好難忘~

      刪除
  3. 梗係掛住你啦,原來你Monday 唔舒服,仲以為你偷懶。阿美少女,其實你有無諗過睇吓中醫搞好個身体呀,不過呢樣嘢真係要好有恆心,長期戰囉,你成日都小病小痛,你真係要諗吓啦。
    間民宿幾雅緻喎,虫虫我唔驚but驚蛇蛇><
    d小城餐廳嘅佈置真係好街坊吓,不過食物好食都ok
    係呀,好懷念澳洲睇星的情境,靚到震^^

    回覆刪除
    回覆
    1. 無偷懶呀~我咁勤力點會偷懶~
      我有睇緊架依家~就係睇緊花茶呀~不過真係好難keep到囉~
      蛇就好似唔見有~
      係呀~哥晚都係諗住求其食的~無所謂囉~
      無錯呀!!真係好靚~好想再睇呢~

      刪除
  4. 仲有吉隆坡blog呢~~~
    我有想你的^^

    回覆刪除
    回覆
    1. 哈哈~~吉隆坡哥d咩都無搞呢~~哈哈~~
      我都有想baby的~

      刪除
  5. 其實最驚係去到外地,啲鋪頭食店收哂,咁就冇嘢食㗎喇。你下次用TV mode(即係快門先決),唔駛將快門校得大慢㗎,冇腳架,就用4份1秒啦,頂多2份1至1秒,再校大些少exposure,咁應該都唔錯㗎。

    回覆刪除
    回覆
    1. 哈哈~係啦~最驚連超市都收埋囉~~~
      係呀...我地係特登係澳洲send個msg問人....但係點知隔左幾日先知係用快門先決.....
      好後悔無係澳門就一早問人......今次真係好失敗!!

      刪除
  6. 常常頭痛就要多休息了, 唔好弄壞自己身體, 你還咁後生, 人生漫漫長, 健康過日子, 總是好得多呀.

    錢還可以向朋友借, 健康就借不到回來.

    回覆刪除
    回覆
    1. 知道喇我~我會好好休息~早d訓~

      刪除
  7. 當然有掛住你, 都估到你身體唔舒服, 我有為你祈禱咖.

    回覆刪除
  8. 你個頭都好麻煩喎,成日都痛!
    去日本都未寫完澳洲.......唔制呀,仲有吉坡坡呢??

    回覆刪除
    回覆
    1. 我都唔知佢搞咩!!
      哈哈~~吉隆坡咩都未整過~~~~

      刪除
  9. 其實在外國睇星星係好正呀~~~尤其是睇月亮、人哋講外國嘅月亮又大又圓、開頭唔信.......
    但我在Grande Prairie睇過又近又大嘅月亮~~~真係好靚
    Take Care

    回覆刪除
    回覆
    1. 係囉..真係堅靚呀!!!!我仲覺得塔斯曼尼亞既天空特別大添~(可能因為佢無高樓大廈~)

      刪除
  10. 小T 知否吃得太多味精是頭痛根源, 所以奉勸妳少吃為妙.
    記得當年吃了一碟 黑椒牛柳絲飯, 吃時已覺太多味精, 待吃好后
    即時覺得頭痛.

    回覆刪除
    回覆
    1. 下~原來味精都會架..我會留意下~
      謝謝~

      刪除
  11. 晴天去旅遊真係好呢...好舒服...風景都靚好多呢

    回覆刪除
  12. 當然有掛啦 不過仲有加埋擔心...因為常聽到你話頭痛......
    好想見吓毛寶屋企人養嘅新貓仔呀 唔知遲啲會唔會有相睇呢 :)

    回覆刪除
    回覆
    1. 係啦...我都唔知佢搞咩....唉~
      heheheeheheh~有架有架~~我有影相~~遲下post出黎呀~

      刪除
  13. 小T,take care呀!好多星星呀!

    回覆刪除
  14. 陰公豬 x 2, 因為我都病咗
    嗰隻生物好得人驚, 怕呀!
    星星好靚, 好想睇

    回覆刪除
    回覆
    1. 下~你點呀!!!好番未呀~
      其實我都好驚..好似外星生物~
      我都想再睇~

      刪除
  15. 要小心身體呀!
    間民宿好正!您怕拋浪頭架!來自星星的您!

    回覆刪除
    回覆
    1. 知道~
      哈哈~哥間真係幾大~~~
      星星好靚呢~~

      刪除
  16. 小t你要保重身體,一有頭痛就要休息,乜都唔好做喇!
    我一世人都係見過一次滿天星咋,係我17歲左右,凌晨4點咁上下,個時同初戀男朋友仔相約晨運,都幾拾年前嘅事,不過我仲好印象深刻,個時香港無咁多燈同高樓大廈.

    回覆刪除
    回覆
    1. 知道~我會乖架喇~依家無咩野喇~
      wow~~~~澳門依家太多高樓太多燈..一定睇唔到...
      好浪漫呀衰豬~

      刪除
  17. Hi小 t!真係唔好意思喇!我又估中妳一定唔舒服先唔寫bldg喇!其實大部分妳d fans(blog友)都咁想念妳架!放心喇!間民宿大到同靚到!我睇到都嘩咗一聲正呀!噴洞奇觀如果拍埋短片就100 分呀!流星雨張相好正!比十個like毛寶先!頭痛問題要好好檢查原因呀!take care!!!

    回覆刪除
    回覆
    1. 謝謝大家的關心!
      係啦最衰唔記得拍片

      刪除
  18. 好耐沒見甘多真星星.偶然夜晚在家的窗望出去,抬頭都系望到一粒...

    回覆刪除
    回覆
    1. 係呀...係澳門更加無可能望到添啦!!!咁多賭場!!

      刪除