2014年5月1日 星期四

澳洲探險自由行之旅2014-03-25第四天Part 1(晴天)

今日五一勞動節嘛...我講過我係唔會勞動的~呢個日子...應該去酒店用餐~(因為出面實會加二至加三)...應該食飽就番屋企唔好同旅客搶住買野~(同埋仲有遊行...應該會好塞車的)......但我今日真係好慘....要講講....去左試Cafe Mart...不好吃之餘....今日仲要加二(加係正常既~法定假期嘛)......其實我意思係...就算唔加二...個價都係貴~.......跟住....核突我都要講.....今日係我生理期的第二天....其實平時都係肚痛....但今日係痛到個人超暈....隻眼完全mark唔大.....仲要.....痾左兩次.....嘔左六次....我從來未試過咁樣....頭先巧驚....嘔到以為自己就快屎.......................................成身冒汗..發冷完全坐或企都唔得............恐怖.....



2014/03/25
Day 4---Part 1(塔斯曼尼亞,荷伯特 Tasmania,Hobart->里奇蒙 Richmond->東海岸 East Coast)
好喇~住左係Hobart兩晚~依家我地就say bye bye一路向北走去第二d城市玩喇~好彩係用一個晴天送我地走~




出左high way之後d路就好似比較郊外feel~幾舒服~




塔斯曼尼亞d路無咁易令我訓著~因為多d風景睇~而且佢地有好多樹造成既"樹隧道"~好靚~最衰無得停低影相~

唔知點解道路兩旁既樹咁鐘意痴埋一齊生~



黎到里奇蒙(Richmond)...小鎮類型~但感覺幾舒服~







第一站就係黎呢間古法麵包咖啡店Richmond Bakery....地址:50 Bridge Street, Richmond, TAS 7025, Australia...電話:+61-3-6260-2628....營業時間:07:30-18:00...網址....感覺很悠悠閒呢~~~





呢度標榜唔加任何化學添加劑~~最出名就係食呢d酥皮糕點同肉批~




我地揀左Curried Scollap....AUD7.50=52.5hkd....我地買左一個4人分享~但個味一d都唔似咖哩喎~食落似澳門哥d葡汁焗時蔬d味~個人黎講麻麻鐘意食~因為我唔係好鐘意食呢種類既批~因為我覺得好漏~加上呢個批就好似淨係食到一pat醬咁~




食完個批就去百年石拱橋Richmond Bridge~由於早上呢個時候太陽岩岩好係條橋哥邊~背光有d難影~可能黃昏影會靚d~太陽好猛呢~地址:Richmond Bridge, Bridge Street, Richmond, TAS 7025, Australia.....網址




石拱橋對開有個小小既公園~有d鴨仔行黎行去~見途人攞麵包餵佢地~相當愜意~但可惜我地要到下一站~所以無緣悠閒一下同餵鴨仔了~

見唔見到d鴨仔呀~



qm揸左好似大約一個鐘多少少車(呢程我認我有訓到)....就黎到Kate's Berry Farm....地址:12 Addison Street, Swansea, Tasmania 7190, AUS.....電話:+61-3-6257-8428...營業時間:09:30-16:30....網址....咁睇書講...呢度有cafe...有甜品...有得摘生果...有得買果醬..仲有佢親手製既限量朱古力...




佢間cafe前面就係果園......但放眼望去....咁禿................唔似有果摘喎.......明明我上佢個網都話11月-5月有架.....




行到入去見有果醬試~咩都試下~有一邊係有用糖整既....另一邊就無落糖整既......講真...本身我係試有糖哥邊的...都覺得唔錯....但試左無糖之後....發現無糖的係清甜!!有糖再試多次....我覺得係超甜......而且果醬口味有好幾種~由不同的莓整的~幾得意~因為有d莓既名見都未見過~




最後我就買左樽無糖既Mingledberry Jam俾媽媽下午茶查麵包食~AUD7.95=55.7hkd....275g.....唔算太貴~




另外仲買左d朱古力試下~不過.......一小包哥個係朱古力裏面包住士多啤梨.....另外哥樽係Ginger in Dark Chocolate




我估應該係佢自製既朱古力啦...但我想講.........一d都唔好食!!!!!!!!!其實呢種做法既朱古力應該係同無印哥隻一樣???但點解呢度既咁難食架???????????????????????(粒朱古力係咪俾我咬到好樣衰呀~)




最鐘意嘆啡哥個朗公子係呢個旅程又無咩飲咖啡喎~反面我地見到佢有雪糕食我地就買黎試下




咁我地就梗係試下士多啤梨味雪糕啦~話哂黎到Berry Farm喎......點知....er...唔...呀...............................好奶味囉...我唔係好食到士多啤梨味......................好彩我地無投資好大話係度食埋飯je~~~~~~如果純為左買樽果醬而黎.....我完全地唔推介囉...........有d浪費時間~~~~~~~旅遊書都唔係樣樣推介既都係正~



好曬呀~





2014/05/01的開心事:
今日真係巧慘架....
但都有開心事....
就係呢個世上除左爸爸媽媽之外...
仲有你都對我好好~
很照顧和關心我~
我攬住廁所嘔時你擔櫈我坐....
又餵我飲熱水...
又驚我出黎哥時暈扶住我...
仲跑去藥房買蘗我食...
好似好小事....
但係我眼中.....你對我既好唔係應份要有的..
所以我覺得我好幸福....
我會珍惜你對我的好...
謝謝你*3*
(特登寫俾你睇的~知你愛看我blog嘛~)



報時:距離日本東京自由行之旅2014仲有---52日~
毛寶~你好快d睇下本書有咩地方想去喎~
我要plan架喇喎~

27 則留言:

  1. 你都算痛得誇喎,M果陣有少少肚瀉都屬正常,但又痾又嘔就應該有埋其他細菌作怪啦。

    回覆刪除
    回覆
    1. 我真係唔知點解....都係第一次咁樣咋!!

      刪除
  2. 快去睇醫生啦~~~順便check下......take care

    回覆刪除
  3. 嘩,假期澳門食肆加2加3,真係難揾食喎。所以話,每人感受唔同,盡信書不如冇書,旅遊書作者嘅喜好,未必啱每一個人。再保險啲,喺旅遊書抽選行程後,上網再睇下口碑,咁應該穩鎮啲。唔舒服有人照顧好幸福呀,那人必定感受到你對佢嘅謝意。

    回覆刪除
    回覆
    1. 係呀...凡係法定假期...即五一呀十一呀之類...一係唔開..一係加二加三..
      咁又係呀...正如我寫既...都係我個人喜好~
      哈哈~~唔知呢~問下佢feel唔feel到先~

      刪除
    2. 咁你幫我問吓佢啦,哈哈。

      刪除
  4. 今日咁慘慘丫>.<好快無事架啦^^
    明天就係happy friday ar~~~太好啦

    回覆刪除
    回覆
    1. 我今日成個人都好梅呀...
      是的~~~太好了~~~

      刪除
  5. 小T, 你平時要做些帶氧運動了, 要鬆下你D肌肉, 你D肌肉因為M而抽住緊住, 令你又嘔又痛.

    咖哩有很多種, 因為咖哩係由幾十種香料混合成, 某幾種香料落多些, 就味道不同了. 我們平時食到的是黃咖哩, 加辣了, 就有辣味, 有些咖喱是青色, 可以是甜的, 看你圖中的批餅裡餡料, 可能是青咖哩來. 澳門葡國雞D汁, 也是咖哩汁, 是甜的.

    睇你乾STRAWBERRY CHOCOLATE 幅相, 佢地可能因為保健食物, 無落動物油或PALM OIL, 所以比無印D難食, 只是好食就未能夠標籤為保健食品了.

    回覆刪除
    回覆
    1. 我平時都有痛...但無試過今次咁樣的!!恐怖!!
      又唔算青咖哩喎...怪怪的!!
      但係佢自製包裝都無標籤架喎~佢有無落我地都唔知架~

      刪除
  6. 晴天之旅...好曬呀...我鐘意啦

    回覆刪除
  7. 攬住廁所嘔......唔攬會唔會好啲?

    回覆刪除
    回覆
    1. 唔攪我會成個人中左入去個廁所度~

      刪除
  8. 真慘,痛死人地個乖女囉!我女女都係咁架,真係見到都心痛呀!
    鬼佬咖哩真係一啲都唔掂,其實佢地唔係好食得辣嘅!

    回覆刪除
    回覆
    1. 下...佢又係咁架!!好慘呀!!!俾d朱古力你囡囡甜一甜啦
      係啦...我都係麻麻呢個批~

      刪除
  9. 小t,你好乖呀,放假都出blog,我就......,唉,不過今日終於出咗嘞。
    哈,你lee篇啲嘢唔吸呀~~
    係囉,有時都會諗自己點解咁幸福有人對自己咁好,學你話齋,唔係應份架嘛,所以我好珍惜架,我都會對佢好好囉~~

    回覆刪除
    回覆
    1. 哈哈~~其實我都有諗過懶架~~不過毛寶成日都好想睇我個blog我咪俾心機d囉~
      d野唔吸到我自己都唔想食呀~~
      咁就岩喇~我地都乖~

      刪除
  10. 保重呀!希望你快啲好番,同埋記得多啲做運動,強身健體呀!

    原來澳門放假,食巿要加二,好在香港冇呢啲野呀。

    (題外話:你係澳洲件褸好靚呀)

    回覆刪除
    回覆
    1. 知道~我真係第一次咁咋...超痛
      係呀...法定假期一係唔開...一係就加二加三~
      咦~真架~北面(north face)~童裝~網上買~上次冰島都有著~好著~

      刪除
  11. Hi小t!首先現在妳好番d末呀?睇咗醫生未!病仲寫blog!妳應該息多d呀!有時間做下運動會對身體好d架!有個咁細心同咁𨶹心架明友!妳要好好珍惜呀!妳食士多啤梨味雪糕張相妳個樣好似食得好正喎!原來唔好味架!好d好番喇!take care!!!

    回覆刪除
    回覆
    1. 無睇醫生呀
      其實我都係第一次咁痛..唔知點解

      刪除
  12. 保重呀~~
    不過病左有人照顧真好Sweet既~

    回覆刪除
  13. Take care ar
    不過如果持續經痛得咁嚴重最好去睇醫生

    回覆刪除