2014年2月24日 星期一

日食堂拉麵

岩岩轉左新更食飯.....暫時番早幾好~番晏就唔知~星期五:衝左去食cheap壽司..發現佢加左價...算~加價好正常~不過....佢連茶都收錢......加左價既木魚絲炸豆腐偷工減料!!木魚絲少哂!!失望!!....星期六:去左食開左分店既文哥~好味~仲唔使等位添~....->約左朗公子去買牛蒡茶的...諗住養生養顏~點知哥間野原來係有賣其他花茶....有個女人話原來可以幫我地把脈後執番相應體質既花茶沖服......見哥個女人飲左花茶8年...d皮膚靚到!!!!令架!!!!!我初頭以為佢33..34歲...點知佢已經40....嚇壞我!!!!!!試飲下先!!!哥間野仲有齋食...$28有一碟齋...白飯及湯任飲任食......吸引!!!....星期日:又食譽路八套餐~正~...->周圍行街食埋鹽酥雞~最新價格$17!!...->晚飯食左園林牛肉粉絲~~~~好開心呀今個星期~~



某天咁岩線同朗公子中午放同一更...即刻同佢跑去食飯~~去試左一間當時新開的日食堂拉麵...地址:澳門蘇雅利醫士街1號金樹大廈地下.....咦...佢門口左邊寫住深夜食堂既??!!唔通想抽水??



我地去到哥時得一檯客...不過都幾光猛乾淨既....




朗公子的東京醬油豚骨拉麵 $75....香港價喎~我無試佢哥個唔知湯底點~




我的味噌豚骨拉麵 $75...加多半隻溏心蛋$3....(事實上我係唔記得拉都會有半隻跟...又叫多左...).....聽講又係日本人師傅.....一聽見係日本人煮d人就會一窩瘋去試....可能係求其請個日本人黎做je....我係咪太小心眼?!!?不過湯底係ok既...但係個麵質就我同朗公子都話唔得...林patpat咁....塊叉燒真係....無好過有...薄到.....不過隻溏心蛋就唔錯!!




和風炸雞 $35(送192ml樽裝可樂)...咦~呢個又幾唔錯喎~炸得岩岩好~~內裏的肉嫩嫩的~~點哥個醬又好味喎~仲送埋細可樂~~~好一流~細可樂係最好味的~同炸雞好襯~(呢個配搭咁來自星星的你既~~我食哥時都未做~我真係有品味~)

唔知佢唔係拉麵既其他野會唔會好味d呢??佢有一部份餐牌係5點後先有得叫....哥part叫深夜食堂....可能會好味d喎...哈哈~~不過佢叫得賣拉麵...已經唔再吸引到我去~可能因為我唔係太鐘意食拉麵~



哈哈~11月哥時diana送左d賽車飛俾我同毛寶睇~~係我第三次睇~~但錯過了很重要的三級方程賽事....只係沿路聽到d聲好刺激~~~~可惜周圍圍哂木版睇唔到~~~我地去到淨係睇到電單車既賽事咋!!!!不過都幾好睇~謝謝你的票呢~~




有一次星期日中午去左身之後唔知食咩好...無啦啦就走左去mgm個cafe度食飯...叫左個當日出爐牛角包夾炒蛋與布里芝士 $58....我覺得幾好食~~毛寶就話唔係好夾~可能我係牛角包控~而且呢個價錢實在係幾抵....街外叫個有料既牛角包都係呢個價~依家酒店都係~




仲有個雜錦磨菇與海蝦薄餅配馬蘇里拉芝士 $95...都唔錯好味...不過可惜哥日番工應該係d新請番黎既大學生part time....服務唔係幾掂...佢落錯左單...問我可唔可以要埋佢...咁梗係唔得啦...一來我食唔哂...二來有咩理由要個客幫你要埋佢架...




某次同屋企人係稻庭養助食日本野~好開心~真係好鐘意食壽司~~







今個星期買左好多野呀~~~

又買左一大袋花茶啦~
為左飲花茶又買左個聰明壺啦~
為左去旅行買左個暖杯啦~(仲要係買左姣粉紅色...我又覺得靚喎~)
為左去旅行買左個書包啦...
仲要係我以前中學番學必用的outdoor!!
5舊水有找...一大個書包~算係咁~
今次去旅行就可以見到我用喇~~



轉左新更...
逢星期三既開會...因為早番d既...
所以大家都會買早餐番黎食..
又名早餐會~
成日都會比拼下邊個d早餐正d既~
不過依家無左lu~
食左10年既早餐會就咁就無左lu~
稀噓~(講到尾都係無左機會俾我一個禮拜食一次好d既早餐je~~)



2014/02/24的開心事:

今日開始飲花茶~~
飲完成個人好似神清氣爽哂~~(誇張~)



報時:距離澳洲探險自由行之旅2014仲有---25日~

報時:距離吉隆坡慶生自由行之旅2014仲有---52日~
點算呀~~~~
就到喇~~~~~~~~~
好緊張呀~~~~~

23 則留言:

  1. 呀~完全估唔到日食堂咁貴呀!突然之間覺得雀仔園入口歌間拉麵店都唔係好貴姐HAHA~
    唔知MGM PART TIME請唔請中學生呢?好心動想做呀7___7

    回覆刪除
    回覆
    1. 係呀!!!我都覺得幾貴~同埋麻麻好味~~哥間我都無試~~~有人過好油~
      我諗呢d應該通常中學畢業就ok啦~

      刪除
  2. 嘩,D花茶好勁!好似我小說的噴霧器。飲完變翻十八歲,哈哈哈
    希望您的新工作安排事事順利啦!

    回覆刪除
    回覆
    1. wakakkaka~希望我變番18歲啦咁~
      係啦~希望咩都順利啦~

      刪除
  3. 今日篇blog~~~~haha~~介紹左好多好多餐丫:P~~~搞到我有d亂tim~~
    花茶係邊,我又想買:):):):D

    回覆刪除
    回覆
    1. 係咪睇到有d飽呢~
      我下次覆診帶你去玩~

      刪除
  4. 花茶呢家嘢我都試過,不過我就三分鐘熱度,同埋我都係覺得出面沖得好飲d
    我同你一鬼樣,每次去旅行前硬係要買d新用品,嘻嘻...

    回覆刪除
    回覆
    1. 哈哈~~好飲就一定唔好飲架喇~叫做盡下人事救下自己既健康咁~
      hehe~~要同你撃掌喎咁~~

      刪除
  5. 想看上去年青, 有一個方法, 你每次洗完面或沖涼後, 當皮膚還濕潤時, 就快快搽潤膚膏, 封住D水份係皮膚裡頭, 這樣, 你幾個月後, 就會見到好大果效.

    這樣, 即是你每天要早點起床, 唔可以趕住返工.

    想再好D, 你還可以做多樣, 每天早餐飲杯奶, 食2塊麵包, 再飲杯水, 上完廁所, 排清一晚裡的毒物才出門口, 如果你原本身體沒有太大毛病, 這樣一年半載後, 你皮膚就會白裡透紅, 唔洗用化妝品, 連唇膏都唔洗用.

    如果想除去眼袋的皺紋, 臨睡前, 用個小杯載滿水, 再腑身下去, 把眼貼在杯裡, 讓水浸著眼睛, 浸2-3分鐘, 再沫乾眼睛, 再搽眼霜, 立刻上床合眼睏覺, 隔幾天做一次, 就會眼睛明亮, 去皺去黑圈, 只是要留意, 如果出現眼腫, 即是太密了, 要減少一點咁做.

    哈哈哈, 我係咪好似一個大姑娘呢? 我想貪靚, 是每個人的權利

    回覆刪除
    回覆
    1. 眼哥個想試喎!!!!!唔知係咪真係得呢~
      無野呀~貪靚就人人都貪架啦~

      刪除
    2. 我試過, 效果唔錯, 不過, 只杯要乾淨, 而且要岩眼型, 我這裡藥房有一種專用來洗眼的杯賣, 你可以試下問澳門的大藥房. 我這裡都係2-3加元一只

      刪除
  6. 有得去旅行都緊張~~~我都想緊張下喎

    回覆刪除
    回覆
    1. 哈哈~~我記得你之前去泰國架喎~~~

      刪除
    2. 妳一年去幾次、我一年去得一次喎

      刪除
  7. 小t...我去的這間自助餐係不多野吃啊...好彩我真係細食呢
    大契仔和其他她們說: 一D都唔豐富...得幾樣海鮮吃...又唔新鮮
    熟食檔得十幾總類食咋...係甜品好小小...不過都要$310 一位

    回覆刪除
    回覆
    1. 係呀...望落仲以為好多野食添!!
      仲要咁貴真係唔抵!!!!!!

      刪除
  8. Hi小t,澳門愈開愈多拉麵店喎!今個星期濕平大出血喎!買咗巧多嘢呀!買定大書包去旅行!心情一定好緊張喇!我都六月份去旅行我都唸緊去邊度旅行囉!我想問澳門䏲大賽車門票貴嗎?bye!!!

    回覆刪除
    回覆
    1. 應該係睇你買邊段觀賞區..有d好平咋幾廿蚊都有文易

      刪除
  9. 花茶間嘢喺邊架?見到有湯任飲好有興趣,嗰度環境唔會太靚呀嘛?

    回覆刪除
    回覆
    1. 俾個地址你喇
      柯利維喇街45a地下...叫天然居
      外面睇唔似食野係賣野...但中午夜晚有得食一份份齋~
      不過我哥晚番到屋企有覺得肚餓

      刪除
    2. 你食完放題都會嗌餓架啦死肥仔

      刪除