我的生日會2013@天政

今日又係堅多野做~~~攰攰~~好彩都叫無驚無險~~~下午見有人請食好耐無食過既馬荳糕~~即刻超興奮的同朗公子吃~開頭以為係呀某人請架嘛...點知結果係另外兩個人....對我黎講仲係新同事既兩位同事...今天要走了....希望佢地離開我地哥度會有更好既發展!!還有謝謝你們的椰汁糕馬荳糕朱古力糕~好好味~



咁呢~舊年10月生日哥日我係過左去香港睇何韻詩演唱會既...所以係生日之前....毛寶就諗住偷偷俾個驚喜我的...哥日我一上佢架車...佢就問我：咦你點解今日唔化妝既?(但佢平時絕對唔會咁問)......我：下?!我好樣衰呀?.....佢又話唔係...正當我有少少奇怪之際.......我：係咪去食牛肉粉絲?...毛寶：我突然今日過想過氹仔食.....我心諗：咁突然既噚晚唔係咁講架喎.......點知原來佢訂左我想食好耐既地方!!!!!!!!!!!!!!!就係新濠鋒酒店Altira入面既天政!!!!!!!!!!!!!好high呀~~~~~毛寶你就咩唔早d俾提示我叫我化妝呀!!!!仲等我著到垃圾佬咁~~~~~~~~~~位於酒店既11樓!!電話：2886 8868

好開心呀~~我想試左好耐架喇~~~哥度入去用餐區要除鞋入架~好彩哥日唔知情之下我都無著穿窿襪咋~~~

本身佢問我地坐唔坐係入面食天婦羅哥d位...我又扮哂野話唔食....跟住就揀左普通位.....係窗口位來的~不過可惜~本身係對住個海同大橋的...點知哥日天氣有煙霞狀...甚麼也睇不清~~

後尾睇完餐牌....呢間日本餐最出名係食天婦羅的!但佢要叫某幾個特定又貴少少既午市套餐先會有師傅即席係你面前炸的...我又怕太貴....所以開頭扮野~點知毛寶慷慨的說：咪食囉~.......即刻要求佢轉位坐~~~~坐左入間大室哥度~~~u形的檯~咩角度都睇到阿師傅~

救命呀~~d餐具好靚呀~~~日本餐連豉油碟都好靚~~~~

未食已經覺得好吸引~~~~

先黎一個係人都有既前菜~~好味~~

我就叫左個壽司及天婦羅套餐 $688....你地都知我鐘意食d平夾靚既午市套餐架啦...呢個簡直係我既極限黎架~~(小姐..都唔係你俾錢~).....套餐都有個前菜既...wow~~~好精美呀!!!!令我有d唔捨得食呀~~~~

而且三款既味道都很一級棒!!!三文魚籽是我的最愛~

師傅出場喇~~等我講講呢個餐有咩天婦羅食先~有：炸竹蝦兩隻，炸時令海鮮兩款，炸時令雜菜三款

由於我地係兩份食...所以師傅都會細心的壩我地分開兩份~~分好就會放係我地前面個隔油紙上面~~一早就知呢間野最出名最出名係食天婦羅的!!!我食第一口蝦入口時心情都幾緊張~~~到底咁貴既天婦羅蝦會係咩味?!?!?!答案係：100分!!!!!!!!!!!無野可以挑剔!!!!!!!!我從來未食過咁好吃既天婦羅....最憎哥d外層厚厚的粉!!!這個不會~只係剛剛好包住佢!!!天呀!!!!!好幸福呀!!!!!!!!!!!

時令海鮮就兩款都係魚....但係真係好好味~~~~魚肉炸完都唔怕鞋呀!!!!!!!!!時令蔬菜就有露筍...有一個真係唔記得係咩....仲有一個係加d粉漿做左個粟米餅!!!又係好好味!!!!!!天呀~~~~~佢d天婦羅實在太出色~~~~~

個餐仲有茶碗蒸同埋手握壽司5件配麵豉湯...這裏的壽司也很棒!!!

其實食完呢個天婦羅餐我地兩個已經有d飽~~~~



毛寶就揀左個澳洲和牛天婦羅飯 $338...套餐內有：茶碗蒸...澳洲和牛天婦羅飯配麵豉湯及日式鹹菜......講真...佢個和牛天婦羅真係麻麻....首先就係出到黎外層已經有d唔脆...而且個牛炸到好鬼老...鞋呀~我唔鐘意咁樣食牛~牛扒還是煎的好吃~但個飯真係極大!!夠二人吃!!佢d日式鹹菜超級出色!!送飯一流~

飯後...套餐仲有和菓子同雪糕~大滿足~(不過向來我都覺得和菓子都係好睇唔好食~)

謝謝你呀老闆~~請我食左一餐咁好味既天婦羅~~~我哥日真係好地盤佬~~~個人認為.....環境+服務+食物都值$600幾呢個價錢~~~真係唔好慳叫平d哥d.....貴少少試下有師傅係你面前即炸即食哥種滋味啦~真係一個好好既體驗~~加上佢d天婦羅真係好得~連平時唔鐘意食天婦羅既毛寶都話好味~~自從食過一次天政之後...我已經無胡亂係街叫天婦羅食~因為知一定無佢咁好味...咁我留番d quota食其他野好過~

2014/02/06的開心事：
今日係人日呀~
即係人人都生日呀~~~
咁多位~生日快樂呀~~~~~
今晚同媽媽出去慶祝食日本餐~~
依家好開心~~~呢餐我等左成日呢~~
因間我要食三文魚刺身呢~~~~



報時：距離澳洲探險自由行之旅2014仲有---43日~
報時：距離吉隆坡慶生自由行之旅2014仲有---70日~
約好團友星期日上黎我屋企搞簽證~
今次一定搞到架喇~~~~~