懷舊老街

今日輕輕鬆咁~~因為朝早去左參觀~~又當係升職上堂既鐘~幾好~今日參觀完之後發現....公司既另一個大樓好好~~好開揚好正~搞到我好想.................係哥度做野......今日仲見到好耐無見既chlo子~



前排呀~(即係舊年~).....10月至11月左右.....係十月初五街頭呀~聽人講話搞左個咩懷舊老街~~梗係去睇睇~

確係人頭湧湧~幾熱鬧的~




好多檔仔~其中有d係賣野既~口立濕呀玩具呀....米上刻字都有~~~仲有好經典既花露水~~~

最吸引我永遠都係野食~~買左d茶葉蛋咬下~不過可惜唔夠入味~章魚燒就無買~

仲有個叔叔係用糖黎倒d圖案出架~~~好有趣架~~我睇左好耐~~~~

我仲影左短片俾大家看看~

不過佢拉完個花~~我唔係咩公仔~~唔知咩味呢~~我無買齋睇咋~~~



跟住就去左買紅豆餅食~~~呢檔係真經典~~~毛寶話以前小學放學成日都會買黎食~係賣草地哥頭擺街邊的~之後搬左去下環街市裏面既熟食檔就好少食~依家又食番~我以前就好少食既~不過依家食下又覺得真係幾好味喎~

我以前小學時係買毛寶買紅豆餅隔離既叮叮糖架~~超鐘意食~~~以前$5包~依家$10包~我都有買黎懷念下~~~以前食到成個上顎損哂的~~~

呢種棉花糖我細個又係超級愛~可能覺得佢得意~

仲有細個成日有個伯伯叫基記....推住車仔周圍賣麥芽糖架~~我勁愛食~~~一定係麥芽糖加餅乾走椰絲~~~~以前$2~依家$5都唔算過份~~不過我覺得以前好味d...因為依家係輕甜版~無以前咁痴牙~~~不過我都好滿足~~

呢個懷舊老街真係唔錯~~~希望佢今年秋天時會再搞啦~~





2014/02/26的開心事：
今日有同事請左兩個由台灣空運回澳既飯團請左我食呀~~
好開心呀~~
因為我好耐無食過台灣d飯團~~~
好好味~~我真係好鐘意食~~



報時：距離澳洲探險自由行之旅2014仲有---23日~
報時：距離吉隆坡慶生自由行之旅2014仲有---50日~
好慘呀~~~今日收到航空公司既電郵...
馬來西亞番黎班機改左時間.........
改早左3個鐘...................................
本身飛5點....依家飛兩點.....
食完早餐就要出機場....
殘忍!!!!!!!!!!!!!!!!!!