2014年2月10日 星期一

沛記咖啡室

今日真係好凍呀~~凍到鼻都甩~~澳門仲要凍過香港....我諗係北歐一度數都無我地咁凍~~~星期六:食左味藏set lunch~$45抵食~..->係自己個iPad度睇左套爛戲..天生愛情狂....->去左小公子家晚飯呀~~好開心呀~~佢依家成日叫我地姐姐喇~巧感動呀~......星期日:我由中午12至晚上7點....我一共食左5餐!!!!我覺得好痴線...中午神秘團友上左我屋企買左魚片撈米我食...主要係要佢陪住我網上簽證~...->簽完約埋朗公子3人去左tree cafe食新既粟子窩夫->點知朗公子食呢個甜品之前原來係飯都無食..再去發達食牛肉粉絲..調轉哂d野黎食!!->會合我表妹..佢地痴緊新既電話mon貼....爆高清...跟痴~....再去食埋下午茶...蒜蓉包....wow....->半個鐘後又同paul paul食晚飯.....瘋的!!!!!!!(咁又落雨又凍~係要食多d既~)



呢間係我係氹仔的熱愛食店之一~不過都係舊年先開始鐘意的~應該係好左好耐....不過好似人手問題...之後無開門好耐....到上年既大約10月度先再開番!!沛記咖啡室~我終於可以試到了~試過一次之後就不停咁食~係氹仔官也街架~係正哥條街唔係橫街~唔難搵的~不過佢都唔係日日開架依家...好似係開星期四至日的...電話:2882 7462






係呢度我最鐘意飲既飲品....桔仔水 $15(凍) $13(熱)....開頭係飲凍既先既~已經覺得好好飲~之後飲過熱的~更正!!!因為熱水會更出味!!!冬天飲熱的好正!





第二推介~新鮮出爐蛋糕仔~




提子蛋糕仔同合桃蛋糕仔...各$8......提子我就覺得麻麻~但係我真係好鐘意食合桃蛋糕仔~~~尤其係佢岩岩出爐時食先係最正的!!!!!因為外面脆~內面又軟軟的~~而且合桃好香呢~~





雞蛋牛尾湯米 $25.....牛尾湯好香濃呢~




豬扒牛脷牛尾湯米 $43......超級的多餸~~~~豬扒勁大塊~~又醃得好味喎~牛脷都唔錯~~




沙嗲豬扒撈米 $25...個沙嗲味勁正呢!!!!不過佢唔係我地一般食哥d沙嗲味喎又~佢係重麻醬味的~但我又好鐘意呢種味喎~




試過沙嗲豬扒好味我就再下一城...另一次叫左個沙嗲豬扒雪菜肉絲撈米 $35......雪菜肉絲撈米都好正呀!!!!停不了的吃~~而且超大個~~我都夠飽~~~




咖哩魚片撈粗麵 $19.....上次朗公子叫的...一黎....華.....好四正好似樣喎d咖哩魚片!!!佢既食評係好正~




另一次我去食又唔抵得佢上次咁正....呢次係我最近一次去既....咖哩魚片沙嗲豬扒雪菜雞絲撈米 $43......咖哩魚片真係堅正!!!咖哩超香!!而撈米的雞絲仲要有炒香過~yummy~~不過呢個3餸麵真係超級勁爆大個~~~~~我食到個肚爆開了~

好正呀~我好鐘意食呢間架~





2014/02/10的開心事:

今日番晏嘛~
咪訓多一個鐘囉~
好正呀~凍凍地訓覺係最正架~



報時:距離澳洲探險自由行之旅2014仲有---39日~

報時:距離吉隆坡慶生自由行之旅2014仲有---66日~
差唔多1個月度就要出發喇!!!!!!!!!
好緊張呀!!!!開始要寫定要準備咩去旅行喇~
簽證搞掂!!!!!上網同神秘團友一齊搞左~
要£25.13.....但我唔係好明點解要用英磅唔係澳元囉??
萬事俱備~只欠神秘團友的國際車牌~~

33 則留言:

  1. 聽日再凍D呀~~~~~~~~ ><
    BABY著多件衫仔呀~~~~ 唔好凍親

    回覆刪除
    回覆
    1. 我有著左件厚d既褸呀~~~我有乖呀~~
      今日仲食得比較多野呢~~~

      刪除
  2. 我已經係好唔怕凍,但今日真係凍x到仆街!!係入冬以來最冷一天!!
    呢間成日經過都唔知係好嘢嚟,下次嚟一定會去(佢有開嘅話),因為實在太方便我.
    又會唔抵得人正,自已走去加碼搞到碗嘢幾隻味撞埋一齊唔知似咩(眼見係咁),下次再哂冷吖笨.

    回覆刪除
    回覆
    1. 真係堅凍囉今朝......
      哈哈~~我鐘意食囉~~~我成日都食既~~~一諗起想去氹仔食野都會揀呢間或者文哥~
      哥次其實叫錯....上面最尾哥個麵應該係有4餸係度先岩~

      刪除
    2. 唔係呀~你都唔係我忠粉黎既
      http://tiffanylei.blogspot.com/2013/10/blog-post_29.html
      呢間呀

      刪除
  3. 去澳洲唔駛一定要國際車牌架,只要車牌有英文翻譯就ok架喇~~ 香港車牌係中文對照,所以就咁去澳洲就楂得車,澳門車牌就唔清楚~~

    回覆刪除
    回覆
    1. 我地澳門官方語言係中文係葡文架~唔會有英文架~

      刪除
  4. 回覆
    1. 係呀~一路去開哥個不過佢唔想現身所以就叫神秘團友~

      刪除
  5. 都話妳超大食啦~~~~哈哈哈....
    呢間我之前都想去試下食合桃蛋糕仔....下次嚟澳門一定會去試

    回覆刪除
    回覆
    1. 都幾架~我無掩飾架
      不過要新鮮出爐時先好食~一凍左就麻麻~

      刪除
  6. 原來澳門仲要凍過香港...•*¨齊齊保重喎
    香港大埔區冇八度...凍凍呀...我開暖風機呢

    回覆刪除
    回覆
    1. 係呀~~澳門真係凍d架~~所以我過黎香港有時會覺得好熱~

      刪除
  7. 你呢個大食積真係好犀利,佩服^^
    真係好多餸喎,個牛脷真係成條脷呀!!!!!!!!!!
    咖哩魚片撈粗麵 $19,加多兩個餸要加$24,都少少貴喎.....

    回覆刪除
    回覆
    1. yeah~~~~我大食~~~~
      哈哈~~~成碗都係脷呀~~~
      其實.....哥度係加多左3個餸~~~~~哈哈~~~係4餸黎架~~

      刪除
  8. 呢間我有去過,只係食完附近間葡國菜,等人黎車我地去碼頭前未夠鐘,又熱史辣辣既情況下,先入去整返杯凍飲。果陣都有見到蛋糕仔,但飽飽就冇興趣試。

    咖哩魚片沙嗲豬扒雪菜雞絲撈米,你真係超貪心啊!

    回覆刪除
    回覆
    1. 0我~下次黎試下囉~不過新鮮出爐正好多~凍左就麻麻~
      我認呀~~~有成4個餸係度~~

      刪除
  9. 食得是福~~~你簡直係食神呀~~

    回覆刪除
    回覆
    1. 我係鐘意食野~~~~不過唔係食神~~~我都唔識煮野食~~

      刪除
  10. 我下次都要學你叫咖哩魚片沙嗲豬扒雪菜雞絲撈米, 好似好正!
    蛋糕仔都係我至愛
    tree cafe的粟子窩夫好食嗎?

    回覆刪除
    回覆
    1. 正呀~~不過4餸你頂唔頂得順呀~~~
      熱的蛋糕仔真係好正~~
      都ok好食~~~不過唔算多栗子囉~

      刪除
  11. 今日仲凍呀,有無著夠衫呀?
    你食幾多餐都唔會嚇到我,知你食力強,wakaka
    沙嗲豬扒雪菜肉絲撈米、咖哩魚片撈粗麵、提子蛋糕仔同合桃蛋糕仔都好想試呀,點算呀??

    回覆刪除
    回覆
    1. 我有著件厚d既褸囉~
      哈哈~~~~睇黎我大食既形象太深入民心喇已經~~~
      下次黎澳門試啦~~~~~

      刪除
  12. Hi小t,沛記咖啡室,我都有去過,嘜原來有咁多好嘢食架、我只係食過豬扒麵同豬扒鉋咋!等我下次去都仄下妳介紹d飲品同野食先!香港今日得7 度咋、澳門一定凍過香港喇!妳小心身體喎!記得箸多d衫呀!仲有一個月就出發去澳洲自由行喇!緊張嗎???bye!!!!!

    回覆刪除
  13. 咦,澳洲visa應該AUD20,頂多150港紙。要20幾英磅,double咗喎。你應該上eta.immi.gov.au申請visa㗎,係咪?

    回覆刪除
    回覆
    1. 我睇到你咁講我都嚇左一嚇...因為我係維珍航空俾既link度簽既....
      於是我去你俾我個網址度睇..佢真係寫aud20
      但係我再假填埋資料揀埋係葡國護照之後....佢個價錢係aud39..未計信用卡手續費~
      所以我諗一樣~

      刪除
    2. 因為葡國passport喺eta唔on list,所以要經agent或airline申請。我諗你係經維珍,所以比GBP,同埋會貴d。但你嘅葡國passport,可以申請eVisitor (subclass 651)嘅visa,仲要唔駛錢㗎。你去check下啦,如果係嘅話,下次再去澳洲,咪唔駛比visa費用囉。

      刪除
    3. 係喎。。。我上討論區都係咁講。。我今次輸了;[
      點解我唔睇清楚先喎。。無左200幾蚊

      刪除
    4. 所以話你哋嘅葡國passport正囉,去美國又免簽証,去澳洲visa又唔駛錢。哈,我以為你一早知,先至續番本葡國passport咋。其實澳門人扲著嗰兩本護照,真係世界通行㗎,羨慕ing。

      刪除
    5. 都唔係架~有好多我想去既地方呢兩本護照可能都好難入.....南美哥d呢~

      刪除