2014年2月17日 星期一

南湖明月

哈哈~有無一絲絲一點點咁掛住我呢~無見我幾日~我唔係病了~只係......呢幾日實在太凍了~~~~咁係係電腦前敲鍵盤確係一件苦差~偷左幾日懶~~星期五:情人節不嬲搞野...人地去食浪漫大餐我地鐘意破格d....上年食麥當勞...今年去左唱k食魚蛋去老麥食雪糕~一樣開心~~多謝你送我的手鏈呢~我好喜歡~(心心眼)....星期六:搵車位搵左超耐~最後食左好耐無食既永安~~雖然加左價...但係煎蛋多+豬扒公落咖哩辣係我兒時回憶裏的好味~無價~...->下午在家睇左套爛戲...好彩唔使錢~~..->萬眾期待終於食到嬴到粥!!超難訂位...食到卜卜蜆喇~~不過卜卜蜆外其他都....唉~下次開文介紹~....星期日:約埋大比佢地一齊食新記->venetian既chocolate有員工半價~買左兩件厚長衫先500鬆~~好抵~~....->下午茶~去左akasaka飲mocha~.....->海榮食上海菜~



舊年放大假時最尾哥日~約左一齊放假既朋友仔一齊飲茶~~唔知點解會揀左呢度呢???位於觀光塔3樓既南湖明月~哥日係上班日...都好多人黎飲~好彩我地有訂位~電話:8988 8700






點心會成日轉~咁就唔怕黎多幾次會食悶~而且款式都幾多~





青芥末三文魚春卷 $35...好正呀~~有wasabi係裏面好醒神~好鐘意呢個~




生拆蟹拑珍珠球 $35.....呢個都幾得意~蟹拑外有蝦蓉包住外面再有d糯米添~




禮雲子三菇蒸魚腐 $33..魚腐很入味呢~




蟹籽蝦仁滑燒賣 $35....細個以前好鐘意食燒賣...反而依家麻麻鐘意~




家鄉粗條蘿蔔糕 $33....蘿蔔又真係幾粗條喎~




姬松茸上湯鮮竹卷 $35....呢個無咩記憶~




牛肝菌燒鴨絲炆鴛鴦米 $118....這個我最愛~~超級好味~~~我好鐘意食炆米的~~~好香呢~~~

呢個係繼永利軒同日麗後(日麗近排水準有退步...)......好鐘意既飲茶地方~~~~~





好濕呀~

雖然今日係暖番d~
不過真係濕到不得了~~
牆都有水珠~
但星期三又話變番凍凍地喎..又落雨咁~
神奇~



2014/02/17的開心事:
我放工呀~
去買左兩包薯片獎自己呀~
我阿媽幾慘呀話噚晚食唔飽所以訓唔著~~
好可憐呀~~~~
仲有呀今日凱公子幫我去銀行換禮劵~
可以換到4張800伴$50禮劵~開心~謝凱公子~



報時:距離澳洲探險自由行之旅2014仲有---32日~
報時:距離吉隆坡慶生自由行之旅2014仲有---59日~
突然得番1個月就出發喇~~~~~緊張ing~~~
得blog友alex提醒....我最後發現...
依家持葡國護照上網簽證係....免費...................
我呆了....我那天簽的要錢的是什麼....
有朋友幫我問佢旅行社的朋友...
原來我地簽哥隻係逗留期長d哥隻....
但係....我唔使咁多逗留期喎...................
我輸了!!!!!!!!!!!!!!!!!!!!!!!!!!!!!!!!!!!!!
呢件事我一定記係我澳洲遊記的"出發前準備"篇!!!!!!!!!!!!
謝謝alex提醒~

27 則留言:

  1. 你哋個情人節過得幾特別喁,最緊要同自己喜歡嘅人一齊,咁就最開心㗎啦,補祝你情人節快樂。唔駛客氣,大家都係互相分享旅遊資訊啫

    回覆刪除
    回覆
    1. 無錯~呢個就係重點~係睇同咩人過~咁就食咩都開心~
      多得你話我知~唔係我下次又做傻仔~

      刪除
  2. 下...永安又加價丫?明明永安已經好貴架啦喎...等我種想去TIM T_T

    回覆刪除
    回覆
    1. 係架~都幾貴~不過我好耐無食~可能佢加左好耐都唔定~

      刪除
  3. Hi小t,真係唔好意思喇!以為妳凍到病咗囉!sorry!星期三又得十度左右昨!小心身體!嘜觀光塔有酒樓咩!我舊年去過都搵唔到呢間洒樓喎?青芥未三文魚卷好正喎!生折蟹拑珍珠球、我在香港 d酒樓都食過呀!o.k.喎!但價錢貴過澳門架!食兩包薯片咁多!小心增磅喎!㸃解妳唔買番個暖風機呀!妳咁怕凍!bye!!!

    回覆刪除
    回覆
    1. 唔使唔好意思你都係關心blog友je
      驚肥架..不過食左先算

      刪除
  4. 唉,唔係凍就係濕,真係巧討厭!!
    你醒呀,情人節去老麥實有位!!!
    呢間d点心幾特色喎,有新意,讚
    你係咪食埋伯母果份呀!!!!!!!!!!!

    回覆刪除
    回覆
    1. 係啦今日又番凍
      哈哈~~~我覺得唔錯架~因為我唔係好buy千幾兩千蚊咁食個餐唔知做咩~
      總之同佢一齊食就是好的~
      哈哈~~唔係呀~~~佢哥晚無同我食架~

      刪除
  5. MY █▄❤vE 好姊妹•¤*
    $35...三文魚春卷...巧正呀
    $35...生拆蟹拑珍珠球...唔貴呀
    $33...禮雲子三菇蒸魚腐...未見過
    $35....蟹籽蝦仁滑燒賣....我都係細個以前好鐘意食依家麻麻地
    $33...家鄉粗條蘿蔔糕...香港茶樓好久冇得吃呢
    $35...姬松茸上湯鮮竹卷...我未吃過
    $118...牛肝菌燒鴨絲炆鴛鴦米...勁貴呀...小人吃...一定不會叫

    回覆刪除
    回覆
    1. 我地有4個人食所以先叫咋~~~~

      刪除
    2. 4個人食 = 每一個$81 咁就唔貴呀呢

      刪除
  6. 掛呀掛呀, 我有嚟探你架, hehe.
    嘩, 情人節有禮物收, 你就好啦, haha
    間嘢啲點心幾好味咁, 估唔到觀光塔lee啲旅遊點啲水準都高喎
    喂喂, 唔好餓親媽媽喎, 分啲薯片佢食啦

    回覆刪除
    回覆
    1. 好衰架~~~掛人既~~~~
      哈哈~手鏈~我睇中左既~雖然唔係貴野~但都開心~
      唔關我事架~~~薯片我有分俾佢架~

      刪除
  7. 呢啲新派點心好少試,而家就更加冇機會添啦.

    回覆刪除
  8. 情人節唔一定要食貴野,我地都係食快餐
    澳門的點心好有特色,好似同HK有少少唔同

    回覆刪除
    回覆
    1. 食快餐有推屎呀~~~
      都有傳統的~不過又好少約朋友去哥d je~

      刪除
  9. 哩幾日真喺好凍,保重:-P
    我唔知去澳洲短期逗留要簽證??
    仲有一個月出發,好開心:-)

    回覆刪除
    回覆
    1. 要簽證架~好多護照都要簽~
      係呀係呀~好緊張呀~

      刪除
  10. 情人節快樂,後生仔女呢個節日就最高興喇,有得食又有禮物收.
    哈哈,每次你倒數去旅行都成村人'鄧'你興奮!

    回覆刪除
    回覆
    1. 不過我唔鐘意佢中西情人節一齊~
      哈哈~~因為我打鑼又打鼓咁~~

      刪除
  11. 掛住你呢~~我都消失左好耐添^3^
    D點心好新穎呢~~~
    我要快D打遊記先得啦真係~~我覺得你去完返埋黎打埋個遊記我都未打哂 haha

    回覆刪除
    回覆
    1. hehehe~~~~~衰豬~~~~我都掛你呀~~~
      wa~~~有無咁耐先打完呀~~~不過又你要番工番學又真係唔奇喎~

      刪除
  12. 係呀, 我每年情人節前後都會有少少神經質的, 所以我今年整碗長麵俾自己食, 再加蕃茄蟹湯..... 不過呢, 我都係找次回港狂食一次先得了, 見你登咁多好野食

    回覆刪除