2014年2月7日 星期五

我的生日會2013@何韻詩演唱會

好野~好野~今日星期五喇~~~~~仲聽到一個喜訊~~~哈哈~恭喜恭喜~不過今個禮拜無咩野搞~淨係今晚約左舊同學食飯~~~依家已經個肚咕咕叫~~



hehe~~hehe~~講到人地10月生日既事喇~~~正日哥日我之前上網買左毛寶好想睇既何韻詩演唱會飛同佢過香港睇~哥日我地約左係碼頭等~神奇既係...毛寶竟然早過我到喎~跟住佢就話:我好肚餓呀我地上樓上買d野食啦....點知佢就搵個位坐低.......就送左一個好別開生面既吹蠟燭儀式俾我喇~~幾新穎喎~~~請大家細心欣賞個短片~~
哈哈~就係打爛蛋殼上的28歲~迎接29歲喇~~~個idea真係幾唔錯架~~我幾鐘意~~~仲有蠟燭吹~仲要係碼頭吹~個短片我都好鐘意架~我成日都睇的~我同毛寶講:簡直可以攞奧斯卡最佳短片獎~~~~~




好開心呀~多謝你~真係好驚喜~但我唔係好記得許左咩願~應該都係大路野~








仲有禮物收呀~~~~~係毛寶親手整俾我架~~~開頭望...咦..你做咩送對bb襪仔俾我既??




跟住望真d攞佢出黎睇睇.....華~~原來毛寶攞bb襪整左隻公仔俾我呀~~~~佢話係我黎架~~~~好似我呀~~又係齊蔭架~~~我地改左佢個名.....叫炳門~佢有同我地一齊去南非架~~




臨上船前仲收到小公子既祝福~~~哈哈~~你個樣好好笑呀~~你咁趕去邊呀~~~~~




到左香港之後就去左中環間mano食....去食既原因係因為睇到飲食男女介紹的....地址:UG/F, The L. Place, 139 Queen's Road Central, Hong Kong....電話:2399 0737....網址:www.manohk.com




我地好早黎到~不過仍地方都好大~唔使等位~而且見佢有好多自家製既麵包同甜品賣~好似幾吸引~








叫左杯甘筍汁 $38....幾好飲~其實係因為無咩野揀所以先揀呢個....因為好似唔飲咖啡就得d果汁揀....選擇比較少.....佢野飲野食夾埋得一版餐牌...後尾問過原來佢地晚餐同早午餐分開唔同餐牌的....唔怪得我地想試哥樣野搵黎搵去都無~不過店員都幾有禮貌同熱情~佢仲送左佢地自家製既麵包俾我地試下.....好似係用香檳黎發酵麵團的......講真舊麵包真係幾好味喎!




諗住清新下叫下沙律....佢有4種.....一個就$40.....任叫3個就$80...咁我地叫左其中3個試下....d名好長~唔打喇~睇都知咩黎~反正最後既答案係一般般唔算出色~




跟住叫左個egg benedict....一隻蛋的$52....兩隻蛋就$98....呢個唔錯喎~佢寫話係用organic italian eggs...又真係蛋味幾香的~




仲有roasted french grain-fed chicken with lemon, thyme, confit garlic, and roasted potatoes $128......er....味道係幾好味既...不過肉質.....鞋到不得了..................

成間野淨係鐘意食佢既egg benedit同埋佢送既麵包~聽講個老闆係韓籍的~



成個下午就係行街行街再行街~跟住行到實在太攰...於是就去左求其搵間野食坐低抖下...竟然食爭鮮~~不過我係台灣食過好好味既蝦手卷佢無做....連麵豉湯都無....講真真係唔係幾好食~~~~~~~不過真係平到笑...依家仲有$8碟迴轉壽司~真係澳門cheap壽司都唔夠你黎~




食飽6點都未到....我地覺得好攰....諗住早d到紅館坐下算...橫掂毛寶都想買佢d紀念品...買完坐低抖抖都好呀~




點知6點未到去到....已經有超多人排緊隊!!!!!!!!排到黎呢個位我已經係排左成個鐘先黎到呢度!!!!!痴線架!!!!!!前面d人加埋藍色垃圾桶再前面既蛇餅(個蛇餅仲要有10個圈!!!!)....我足足排左3個鐘頭!!!!!!!!!!!!!!!!!!!!!!!!!!!!!!!!!!!!結果係排到臨開場前....我地都未買到野....只係寫左清單要咩..交左俾工作人員完場時再攞......我地後面10幾個人之後仲截人龍添!!(我諗哥d人都排左兩個幾鐘....如果我排左咁諗又買唔到我會好唔開心~).....真係排到超攰!!!!我買左3樣野...一隻杯..一條毛巾..一包貼紙........除左毛巾之外其餘兩樣野我依家諗...到底買黎做咩~~~~~~~




好彩仲趕得到入場!!!!!!!!炳門都到此一遊~






何韻詩把聲真係無得頂!!!唱歌好好聽!!!!但係......佢d衫...真係.....坐咁遠都睇到好肉酸!!!!!!!!!!!!!!!敗筆呀!!!不過我同毛寶都笑左好耐~~

毛寶成日怪自己話我生日哥晚搞到我食得好差(爭鮮)....其實我無咩所謂架~都好開心呀哥日~(除左排隊哥部份~).....加上之後你都請我食左好多好野啦~謝謝你的香港中午飯呀~





2014/02/07的開心事:
今日收到ukulele姐姐由葡國寄黎既postcard呀~~
好開心~~~~



報時:距離澳洲探險自由行之旅2014仲有---42日~
報時:距離吉隆坡慶生自由行之旅2014仲有---69日~
星期日記得簽證呀~~~~

27 則留言:

  1. 我成日食爭鮮架~~~~HAHAHA
    真係好好好好好平~~~係好窮但又想食三文魚既最佳選擇~~

    回覆刪除
    回覆
    1. 爭鮮又真係幾抵既~~~
      我係澳門都成日食cheap壽司~正~

      刪除
  2. 生日有好朋友陪住過,真係食乜都冇所謂既。不過你擺到明ong 自己落個氹度咁去排隊,又真係夠傻仔既。擁有左呢幾件法寶又有幾大用途呢?係真心鍾意佢啲歌既,留返啲錢黎買佢演唱會既DVD好過啦。

    回覆刪除
    回覆
    1. 都唔係既...佢出既紀念品係真係幾有型~平時都好少買~

      刪除
  3. 妳make up好似厚粉咗d喎~~~~哈哈哈
    嘩~~~坐山頂咁遠點睇呀

    回覆刪除
    回覆
    1. 打左一層底咋喎...我無查粉底喎...點厚法?

      刪除
  4. 爭鮮其實都OK啦.....(咁既價位)
    用蛋蛋好好諗頭,隻蛋可以企係度先勁呀~

    回覆刪除
    回覆
    1. 咁又係呀~咁平真係仲要有得坐低食真係算係咁~
      哈哈~~我地都整左好耐架~~~

      刪除
  5. 毛寶同你設計嘅生日打爛蛋殼上的舊歲數,勁有創意,激讚!

    回覆刪除
  6. 生日蛋同炳門都好正呀 !!!!!!!!!!!!!

    回覆刪除
  7. 人日或天天都過得歡樂精彩¨• ゚我都出去食飯慶祝✿2Ѽ14✿
    忙碌與熱鬧高興*.•開心的心情延續到每一個明天
    明天神公可以休息啊❀•*¨與歡喜之人聚會永不會倦囉

    回覆刪除
  8. 生日用紅雞蛋好像更合適

    回覆刪除
    回覆
    1. 下....咁佢咁早又整唔到紅雞蛋既....況且佢個意念我已經覺得好正~

      刪除
  9. Hi小t,打爛蛋㝅上的28 歲迎接29歳,毛寶真係好有心思喎!bb 襪好正喎!何韻詩唱歌風格學晒師父梅姐!d歌一定好聴 喇!其實爭鮮d 野食唔差架!bye!!!

    回覆刪除
  10. 毛寶既idea真係好好~~~~ 佢好應該做啲創意工作, 發揮佢既天賦呀~~~
    買紀念品要排咁耐~真係好誇張!!!

    回覆刪除
    回覆
    1. 係啦~~~我都覺得係呀~~~~佢真係對藝術方面同創意方面太有觸覺喇~~~~
      我都係第一次去睇演唱會排成咁...

      刪除
  11. 毛寶叻喎,有創意,氹很你幾開心,hehe~~
    啲演唱會紀念品又確係買嚟唔知做咩~~仲要排咁耐
    佢啲衫簡真係正啦,唔知點解要搞成咁!!

    回覆刪除
    回覆
    1. 佢真係一個好有創意既小朋友~~~~
      哈哈~~講真其實佢d紀念品係幾靚既...衰在排太耐囉~

      刪除
  12. 排咁耐買演唱會紀念品唔知做咩?咪係紀念囉,買咗唔知做乜好似好嘥總好過冇買到係到後悔(我係咁咋).
    爭鮮我成日食,都算係咁啦.

    回覆刪除
    回覆
    1. 好啦~好彩我有買囉~不過真係排3個鐘太攰了~
      咁又係真係幾平既~~睇黎個個都有食過爭鮮~

      刪除
  13. 毛寶有計,安排得好正。但打出來的,應該是27而不是29囉!有相為証!哈哈哈

    回覆刪除
  14. 打爛雞蛋,真係好特別既慶生方式~~

    回覆刪除