2014年2月18日 星期二

我的生日會2013@小南國

今日中午去左搞d銀行既野~搞到無得訓下午覺~依家好眼訓~~~但係銀行真係好鬼麻煩...佢話我個股票戶口太耐無用又無持有股票變左做不動戶.....咩都郁唔到....想改個網上買股票既密碼....佢話要係佢櫃檯買一次先自動開得番....係咪傻架?我點知依家個價好無呀....到我真係想買哥時行到落黎買又唔係呢個價啦.....嬲得滯....連個戶口都取消埋~



又係因為生日~所以有人請食飯~某位神秘團友話要請我食生日飯~當時適逢係大閘蟹既季節~所以神秘團友話要請我去新濠天地COD入面的小南國吃吃上海菜的大閘蟹~同香港應該係同一間啦~行到入去原來係喜迎樓個原址...下?!喜迎樓執左笠喇...好心痛~因為我好鐘意食呢間既荷葉飯架~電話:8868 6661





都坐得幾舒服既...不過望望餐牌...華!大閘蟹餐要成$600幾一個人喎...使唔使咁貴呀....如果係香港....$600幾既大閘蟹餐應該會飛天~所以都係唔食大閘蟹了~改食散點的菜算了~(所以後尾就去左香港吃~)




四喜烤麩 $58...唔錯既前菜~幾好食~我媽媽至愛~




山椒皮蛋豆腐 $58....呢個我幾鐘意食喎~味道好吃~而且豆腐切得很薄很薄的一片片~口感很好~




紹興花雕醉雞 $78....得好少~而且唔夠入味~我覺得唔夠酒香~




砂窩蒓菜餛飩雞湯 $58(每位)...幾好~清清地~夠熱~舊餛飩其實都幾好味~




小餛飩酸辣湯 $48(每位).....酸辣湯都唔錯~不過我會揀雞湯~因為酸辣湯飲得多會有d漏~




清炒野生河蝦仁 $218....一般~收得貴過秀蘭但無秀蘭咁好味~




灌湯生煎包 $48/3個.....一d都唔灌湯...可以話無湯~唔好食~




特製生拆蟹粉小籠包 $38/個.....都幾貴....仲要無蟹粉味哥隻~完全唔好食!!!千祈唔好叫...香港東海哥粒好食過佢1000倍~




外婆紅燒肉 $128.....好似係呢度幾出名既一味主菜....不過我覺得麻麻...唔夠入味又肥騰騰~唔好味~




椒鹽小黃魚 $58/原條......都整得幾香脆~不過又唔覺得係椒鹽味喎~奇怪~




上海桂花拉糕 $48/3件.....一d都唔好食!!!食完入口....一pat野!!!!!口感奇差....有桂花味都救唔到~




酒釀丸子 $48/位....正常~不過唔夠熱~

總結:呢間野d主菜都麻麻...係前菜同湯還可以....而且我覺得呢個價既上海菜可以有好多其他選擇~我地5個人食過之後一致認為...可以唔使再去呢間野~不過都好多謝神秘團友請我食飯~





2014/02/18的開心事:
今日我有貞買給我的新苗壽司盛合做午飯~
好好味呀~~~
仲要超平.....夜晚9點後去買...
買一送一後再七折~~~~
真係好抵~~~貞真係叻~~



報時:距離澳洲探險自由行之旅2014仲有---31日~
報時:距離吉隆坡慶生自由行之旅2014仲有---58日~

26 則留言:

  1. 上網搵唔到間叫新苗壽司嘅?仲諗住憑呢啲蛛絲馬跡推測貞出沒嘅地方添.
    呢餐除咗豆腐同蝦,睇見都唔多開胃......

    回覆刪除
    回覆
    1. 新苗係一間超市黎架......你梗係搵唔到啦...
      不如你唔好搵得咁辛苦啦...直接叫我介紹佢俾你識咪得囉

      刪除
    2. 你講超市又有啲印象?近十月初五街?
      ......喺街撞見有意思得多...要你介紹怕你眼淚在心裡流...同埋你邊有咁好死吖?

      刪除
  2. 個蝦仁好唔抵呀~~~~~~~~~依餐唔係好吸引呢><

    回覆刪除
  3. 嘩嗄,俾咁既價錢,去有大煎堆食既文鼎一號食好過咯。

    回覆刪除
  4. 山椒皮蛋豆腐 $58.都係我鐘意食喎...其他就唔得呢...又貴

    回覆刪除
    回覆
    1. 係啦..好食貴唔緊要...最弊唔好食

      刪除
  5. 算啦有人請~~~唔好咁咀刁啦

    回覆刪除
  6. 神秘團友? 南非同遊果位? 哈哈哈..... 唔知點解, 睇完你講d餸菜品評後, 我覺得你未試前, 心中一早已經有個想法...... 俾著係毛寶請你, 可能你d品評會唔一樣...... 我有無估錯?

    回覆刪除
    回覆
    1. 係呀南非同遊呀~
      唔關事呀~呢餐真係唔掂呀~~~

      刪除
  7. Hi小t.小南國香港都有一間!澳門銀行咁麻煩架、通常好耐冇用架戶口、入番錢就用得喇!小南國地方就一流!生河海蝦仁就貴咗d囉!小龍包$38巧貴喎、但又唔好食!今日得八度咋!凍到傻!妳要小心身體呀!bye!!!!

    回覆刪除
    回覆
    1. 我都唔明間銀行點解要咁...所以我唯有退會

      刪除
  8. 嘩,超多野食喎,五個人食唔食得哂架??
    小南國好貴呀,又唔係特別好食,我都係老闆請先去。

    回覆刪除
    回覆
    1. 食得哂呀....都唔好食既不過~~~~~

      刪除
  9. Lee 間嘢好似麻麻地, 唔吸引。
    我今日好慘呀, 仆親呀, 仲要正面仆, 塊面跌落啲半融咗既雪度, 咬爆咗個唇, 留晒血, 嗚......

    回覆刪除
    回覆
    1. 係唔抵夾唔好食!!!無下次~
      下~~~~你有無事呀!!!!小心d呀!!!!!!

      刪除
  10. 香港小南國又貴又唔食,原來澳門哩間都一樣咁差

    回覆刪除
    回覆
    1. 下...原來香港哥間都係咁呀??
      咁都可以黎澳門開分店既...

      刪除
  11. 欠了生日蛋糕和壽星女個靚靚樣~~~~~~

    回覆刪除