2014年2月12日 星期三

小公子成長月記@2013年10月(我一歲大喇~)

今日呀~好凍呀~食左個叉燒腸粉做早餐~~正~~~下午兩點半到五點半上堂喎~今堂我又覺得幾好喎~係我要上既60個鐘入面我認為最值得上既~有得著!!明天繼續~噚晚超早上左床...因為太凍...諗住係床做咩都好啦~睇電視又好睇書又好玩手提又好...仲到11點時已經話:都無咩好做....訓喇........今日我仲要番晏....訓左9個幾鐘~精神爽利~~



實在好難想像呀~~~~呢粒人仔一歲喇~~~~~~~~




哈哈~哥日佢個生日會淨係同屋企人食左餐飯~我同毛寶有幸參與~~~有一排唔係成日見佢~呢日見佢突然會跟住兒歌拍手手~感覺好新奇~~bb長大了~




食飽飽就到蛋糕環節~~~係佢最愛既麵包超人cupcake!!好可愛~~



但我發現呢d野都係好睇唔好食的~



呢個場面真係好好笑~~諗住幫佢地影張全家福~個bb淨係掛住整開支蠟燭玩~~~爸媽就慌忙救蠟燭~~wakakakakaka~






呢個係我同毛寶姐姐送俾佢既其中一份生日禮物~~~好似都幾鐘意玩喎~~~~~小朋友真係大得好快呀~~無見一排就會識多好多野~~~令你驚奇~下年生日我諗呢粒人仔識吹蠟燭lu~祝你快高長大~多d同姐姐玩啦~(件衫都係我地送架~~果然呢類型既衫先係最襯你~~~~)




你睇佢~一歲個樣已經咁古古惑惑~

現正考慮為小公子出個一歲特集~因為我睇番佢岩岩出世d相~發現時間過得好快真係.......bb大了~姐姐老了~





2014/02/12的開心事:
今日禁左個籌....係外籍人士黎既..
照正常程序幫佢做好手續之後...
佢用英文同我講話佢約左10點半搞真係好準時..
然後話我服務好好..好有效率
話會打電話黎表揚我....
跟住我打蛇隨棍上:不如...你唔介意既話...
即場寫封信俾我地啦~~~~
wakakaka~佢好樂意地~
送左封表揚信俾我~~~~
雖然我英文唔太好~
好多謝佢聽得明之餘仲咁好肯停低寫信~
謝謝~



報時:距離澳洲探險自由行之旅2014仲有---37日~
報時:距離吉隆坡慶生自由行之旅2014仲有---64日~
er...我係度諗緊....
我使唔使再換多d澳幣呢??
好驚唔夠錢用....

38 則留言:

  1. 哈哈哈...睇佢...一歲個樣已經咁古古惑惑QQ咁

    回覆刪除
    回覆
    1. 無錯~邊有小朋友一歲個樣咁古惑架~

      刪除
  2. 天寒地凍...真係凍到我滕滕震我就乜都唔想做

    回覆刪除
    回覆
    1. 係囉~所以我懶左好多日無上黎~

      刪除
  3. 我要去回覆FB G-Mail...886

    回覆刪除
  4. 佢真係好得意~~~~
    個外國客人好好~~~如果多D客人識欣賞我地既服務就好~~~
    唔好成日投訴~~

    回覆刪除
    回覆
    1. 係啦~好少有客咁好架~就算真係覺得你好都未必會寫的~

      刪除
  5. 原來係外籍人士~~你真係巧叻丫~~~

    回覆刪除
  6. 小公子真係一粒開心果,笑笑口勁得意
    呀姨好想摸面豬登呀~~~

    回覆刪除
    回覆
    1. 哈哈~佢會叫你姐姐的~放心~個女仔好醒目架~

      刪除
  7. 唔好換太多澳弊住,澳洲冇乜野買。雖然而家澳幣唔值錢,但在南亞地區的人來洗銭,都係覺得貴嫁!

    回覆刪除
    回覆
    1. 我就係知澳洲d野貴先諗住換多d~~~驚唔夠錢用~~

      刪除
    2. 帶现金小心朳手!credit card has currency fee, 用銀行咭在澳洲銀行提款要收费

      刪除
    3. 所以我都唔知點好~

      刪除
  8. 可以碌卡架麻, 冇有怕!

    回覆刪除
    回覆
    1. 因為佢地碌卡有d地方會收手續費的~我姑寒~

      刪除
  9. 我住新界,比市區仲要凍2,3度,真係凍到無朋友,連日黎我啲貓都處於冬眠狀態呀!

    回覆刪除
    回覆
    1. 又真係要不停訓減少郁先得~有無幫貓貓著衫呀?

      刪除
  10. 係囉,好鬼凍呀,我噚晚一度瞓一度震,震咗好耐先瞓得著呀,泣~~
    望清楚,哈哈,仲係講緊舊年10月。不過小公子又堅係得意既,錫錫~~
    叻呀,好叻呀,你有人讚,我啲嘢就做到一潭死水,唉!!!

    回覆刪除
    回覆
    1. 點呀~傻人~又食唔夠野呀~~~~食多d先啦~等暖d先還啦~
      哈哈~你都知我架啦~寫得慢嘛~
      唔好唉~你依家已經開開心心的~~~食多d野呀~

      刪除
  11. 全家福幅相好溫馨......古惑樣成個小丸子咁,眼珠喺眼角度.
    話你進取定唔知醜好?兜口兜面要人鳳信表你都有......

    回覆刪除
    回覆
    1. 哈哈~~我都幾鐘意佢地張全家福~~好得意~~
      哈哈~咁佢都話會打電話黎表揚我咯~咁我咪叫佢不如直接寫囉~我地個電話如果長打唔通...咩野有心人都唔會再表揚啦~

      刪除
  12. 妳睇小公子~~~即係睇番妳以前細個咁樣啦.......
    鬼佬都讚妳~~妳巧叻呀、仲寫埋表揚信比妳、有冇掛係度呀

    回覆刪除
    回覆
    1. 點解呀???小公子又唔係我小朋友~我細個仲得意呀~~
      哈哈~我未見公司掛出黎呀~

      刪除
    2. 妳細個似男人頭多d喎~~~哈哈哈

      刪除
  13. Hi小丅,小公子一歲生日喎!真係愈來愈得意!表情仲得意!小朋友大得好快架!有外國人表揚妳工作態度好、妳應該開心嗎?今日妳冇寫blog!是否身體唔舒服呀!bye!!!

    回覆刪除
    回覆
    1. 所以就係度寫下佢d野紀錄低等大家可以慢慢睇番佢大家得幾快~

      刪除
  14. 小公子的嘴仔好靚!眼睫毛好長呢!

    回覆刪除
  15. 回覆
    1. 哈哈~點會~佢又唔係我小朋友~點會似我~

      刪除
  16. 奇怪 我覺得小公子 不似澳門人, 似日本或韓國人多點?

    回覆刪除
    回覆
    1. 係呀le~大家都係咁話~話佢好似韓國人~~~白白淨咁~
      但又真係澳門人喎~

      刪除
  17. Your daughter is as alike as Japanese..;.... So cute!!!!

    回覆刪除
    回覆
    1. 唔係我個女黎架~我朋友個女黎架~

      刪除