2014年2月5日 星期三

我和杯的生日會2013@塔巴斯西班牙小館

救命呀~~~~話咁快就初六既?!5日半實在過得太快了~~~可能每日都有安排節目....所以就過得咁快??今年新年唔悶~仲幾開心...不過唯一唔好就係我個頭痛又發作.....5日半痛足3日.....點都好~祝大家開工大吉先~~~~今日多野做就預左架啦~~不過唔使開ot喎~算係咁啦下話~叫做幾開心架喇~起碼下午準時走到先啦~同埋係自己哥邊~



馬年復工第一篇~~就係我的生日會~~~hehe~終於講到10月份我生日時的事了~~~今次同公子們慶生揀左一間想試好耐的西班牙菜~叫塔巴斯西班牙小館...地址:氹仔木鐸街9號....電話:2857 6623






成棟樓都係佢地既~有3..4層左右~好似頭兩層都係happy hour形式多...3..4樓先係食飯~有室外位...但唔算好多檯...而且我最唔鐘意既係....燈光好暗...最憎黑munk munk食飯~





我地叫左sangria飲~不過唔記記得幾錢~幾好飲~




Mojito $70...都幾貴喎~貴過酒店~




首先叫d tapas咬咬~新鮮虎蝦他他 $120....er...味道都幾好既..但我無諗過咁細囉.....你諗下七公子點分?!?!




特式秘制深海八爪魚 $90....我記得味道是不錯的~不過又係得4粒細細粒咁七個人分.....




呢度係有3款tapas的...海鹽慢焗黑毛豬 $45....香煎半生藍鯨吞拿魚$47.....扒亞枝竹伴西班牙羊奶芝士 $50....呢隻都好味的~不過都係只可每樣試少少~




炒雜菜拌炸薯皮$45.....我麻麻...有雜椒~




西班牙海鮮飯 $358 for 2....都唔錯好食~~




慢火焗深海石斑魚 $250...唔係唔好食...係太細舊~




烤西班牙乳豬伴蘋果 $238..以~~唔好味~~完全同西班牙食哥d係兩回事~個皮唔脆又經夠大獲啦....超硬呀佢塊皮....d肉又肥又鞋....講多次唔好味~




凍西班牙芝士泡沫 $75.....0我~這個好好味呀~~~想再食~




西班牙燉蛋 $65.....er...我還是吃法式的燉蛋好了....

呢間價錢偏貴~不過有d確係幾好味....10月之後毛寶話想俾多次機會佢的...佢話可能太多人d野分得太細食唔清~但係個機會俾到依家仲未去~~~~



今次係我和杯一起開生日會架~~我地同年同月生的~~生日太近~舊年大家又太忙好難約所以就一齊搞喇~生日快樂呀~~~當時許的願要靈呀~~~今年我地要快樂奔3呀~~~





舊年..係最後一年2字頭生日了~~~~要珍惜今年呀~~~~





今年既生日禮物講都無人信~~~係吸塵機一個~~~係我自己要求的.....係咪好變態呀~~~~




謝謝公子們在百忙中為我慶生呢~~好可惜今次唔記得左做"就是你"~









講下新年做過d咩先~

年初一:晨早同親戚們飲茶...跟住拜老豆...同表妹下午茶...去姑媽屋企食飯...去賭場....贏左大那那$50!!!!!!

年初二:去左婆婆屋企同表妹們開賭局~打下麻雀仔~贏左$109~


年初三:訓到點幾先起身..4點幾先食野..夜晚又去左打邊爐~


年初四:朝早去左睇金雞...好好笑~~食北方館..第一次食幾好味同幾抵~唔怪得咁多人去食~去左同毛寶的爸媽拜年~


年初五:幾有益身心呀~~我去左行松山~~做下運動嘛~~呼吸下新鮮空氣嘛~(其實係因為book唔到房唱k所以先行~~哈哈~~)....行左兩個圈~又行左上燈塔哥度~~叫做行左個大運~~




真係要講講~
新年入賭場俾人查左3次證~
如果你feel到我有認叻成份~
那是真的~



2014/02/04的開心事:

頭先放工的一剎那~
我露出勝利的微笑~
因為我容許我自己跑去來來..
買了一盒小老闆和一包辣的珍珍薯片~
冬天嘛~要儲少少糧係肚腩度先得架~
好野~今晚開大餐~~
仲有媽媽的煎餃~



報時:距離澳洲探險自由行之旅2014仲有---44日~

報時:距離吉隆坡慶生自由行之旅2014仲有---71日~
弊喇...我仲未搞簽證呀...明明話新年時咁閒..
實搞到...
點知都唔係咁得閒添...

26 則留言:

  1. 都叫做發過少少新年財啦,預左幾日假眨下眼就過晒架啦,尚算hea過黎啦。煲晒套韓劇Good Doctor,算幾好睇。金雞我都睇左,麻麻地,阿哥頓哥太縐皮。水準同第一二集比,差得太遠。

    回覆刪除
    回覆
    1. 係呀~我嬴少少諗住攞個意頭架咋~~~
      算啦~新年既戲預左係笑下就算~

      刪除
  2. 222222222222222222222222222222222
    咁細篤....真係好難分7分
    祝新一年頭痛遠遠遠遠遠遠遠遠離你.........................(認真的)

    回覆刪除
    回覆
    1. 係呀le~我地都好難做呀~~
      多謝你呀~我真係好憎頭痛!!

      刪除
  3. 這個新年假期對我來說很差, 因為奉賭皆北. 嗚<><>鳴......
    杯杯好靚女 可惜緣咗人.

    回覆刪除
    回覆
    1. 噢~唔緊要~新一年就會嬴到唔停手的~加油~
      嫁左人之外仲生埋女喇~

      刪除
    2. 佢地一家又真係幾幸福架~
      我成日係度講既小公子咪佢個女囉~

      刪除
  4. D份量好細呀真係~~~~~~點夠食呀~~~~~
    我都睇左金雞sss, 真係幾好睇 haha
    我都賭左兩日~~~賭上癮呢haha

    回覆刪除
    回覆
    1. 所以毛寶就話食唔真囉~~~
      幾好笑既套戲~不過就無咩劇情可言~
      新年時多人玩係幾開心既~

      刪除
  5. 上面位'風暴'兄話杯杯好靚女.....我就會話杯杯同 小t 都咁靚女.....

    點解蛋糕上寫'雨文杯'嘅.....係咪 小t 你叫做'雨文'....杯杯叫做'杯'呀...

    金雞我都有睇......我覺得笑中有淚囉.....


    回覆刪除
    回覆
    1. 哈哈~~咁又真係杯靚女d既~不過我好多謝你架~
      係呀~我係雨文公子嘛~杯係杯公子~我地合搞生日就變做雨文杯小朋友囉~
      都ok幾好笑套戲~

      刪除
  6. 許願:白馬王子快啲出現啊WWWWW??

    回覆刪除
    回覆
    1. 哈哈~~~我多數都係大圍野架~好少淨係許願俾自己~

      刪除
  7. 發新年財喎,真係恭喜發財喇^^
    呢餐西班牙餐都好貴喎...................我想問你.....其實你呢餐飽唔飽呀???

    回覆刪除
    回覆
    1. 多謝~我叫攞下意頭咋~
      er....終於有人發現個問題喇...真係唔飽的~

      刪除
  8. 西班牙菜好似冇咩特色......
    吸塵機,正吖,最鍾意收到電器.
    乜麥公子都戴眼鏡嘅?
    北方館係咪金沙城賭場入面?遲吓會有詳述架呵?

    回覆刪除
    回覆
    1. 都唔係架~我好鐘意食西班牙既tapas架~係呢間貴左d je~
      但我到依家都未用過~我好懶~
      係呀~佢平時出黎食飯化妝咪無帶囉~
      係威尼斯人賭場隔離~梗有~不過要等等囉~

      刪除
  9. 開工大吉﹗生日快樂呀~~ 祝你繼續吃喝玩樂、享受人生~~!

    回覆刪除
    回覆
    1. 我都祝你開工大吉呀~~~
      仲有大家身體健康~

      刪除
  10. 妳真係要去check下個頭啦、成日頭痛............
    查妳身分証可能想識妳喎~~~哈哈哈
    祝妳明日"生日快樂"

    回覆刪除
    回覆
    1. 其實我check過喇~不過佢又話無野~
      係大叔黎架喎~~~仲埋係尼泊爾人黎架~~我唔認為呀~~~~
      我都祝你今日生日快樂~

      刪除
  11. 發個新年財,正呀~~ 今日人日,祝你生日快樂、病魔遠離
    你係咪3月21飛呀? 我都係嗰晚飛 ^.^

    回覆刪除
    回覆
    1. 多謝你~我都祝你生日快樂~事業更上一層樓~
      我係22呀~

      刪除
  12. 你天生孩子相,實會俾人查證啦!
    祝你新年進步,身體健康呀!

    回覆刪除
    回覆
    1. wow~係就好喇~我想一世孩子臉~
      謝謝你~祝你今日人日快樂~

      刪除