毛寶生日會2020＠天頤 Yí

星期日...中午食左阿媽搵台灣代購買既蒟蒻麵...好難食~下午行行企企咁就係為左等食夜晚哥餐~阿媽請我同毛寶食外賣生蠔大餐呀~呢間生蠔食左5次都無令我失望過~跟住仲有湯+蒜蓉包~然後媽媽再煎牛扒俾我地食~滿足~......星期一...呢日都係假期~醒左見到10點...又落住黃雨...同自己講...唔好翻訓呀...1點都唔醒架喇XXXXD...起身一路睇真情一路嘆左杯啡~跟住媽媽買左驅阿虎詩俾我食~下午打blog同做運動~夜晚在家吃~咁就5日連假完左~~唔緊要~我就快放大假~....星期二....估到你個衰野啦~放左5日假~點會唔多野做丫~中午做到趴係到~但呢日我無放棄自己喎~我飯後仲去做運動~........星期三....本身工作量還好的~但係到下午某時間做到我趴係度!....唔得喇...飯後我要飲少少喇.......星期四....整天都梅梅的~因為頭有點痛~老夫人：咦~果然知道聽日周五喎~放假先黎頭痛~...我：妖XXXXXD.......星期五...今日又係虧虧地....番工都呆呆滯滯....好不容易放工了...行左陣就去左食puffin cafe~~.......星期六...中午起身仲係有少少頭痛~做左D家務等要番工既毛寶接濟我午餐XXXD下午繼續做家務~驚覺秋涼到打開門窗好舒適~聽日都試下下午打開門窗嘆茶先~夜晚出左去食灃收火鍋~我唯三既大學同學同我慶生~多謝哂~

(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇~呢篇食記又搶住出閘...原因：想試好耐...但我唔捨得~...佢開既時候已經想試...但係我覺得太貴~同埋應承左自己..唔準係澳門食D咁貴既餐廳~去旅行先可以~....點知...今年根本無旅行去...呢間餐廳疫情後關左門...到最近先開番~....前排毛寶話：開番喇~去唔去試下?....我：唔好啦~好貴~(其實係想係佢生日時請佢去食)......前言太多~我地都想試既就係摩珀斯既天頤 Yí~位於摩珀斯既21樓~電話：8868 3446
 
 

我地早左少少到~(其實早左好多XXXXD約左6點半但5點55分已到XXXXD)....餐廳都仲未開~(開6點)....於是佢帶我地去坐坐先~
 



得我地咁早到~因為我地去買完野又無野做~又肚餓~(諸多解釋XXXD)....坐定左哥個人就周圍指指貢~指咩je~
 
 



呢度望出去個景咁既~佢指指貢係想話俾大家知COD有好多太陽能發電板~~XXXXD
 



坐左幾分鐘佢地就已經ready好~辛苦哂~
 



除左呢邊之外...去廁所時發現背後都有幾台~~金色鱗片做成既圓拱型框出空間唔會太多枱一齊之餘~其實仲係模仿緊龍既形態~
 
 



餐具~幾華麗咁但我麻麻欣賞XXXXD
 
 



好~講講食咩既先~係中菜~仲要係無單點~得Omakase~我地叫既係每位$1,888既set....另外有個素食既set係$1,388...千三蚊食齋既話....係幾有生活態度...可惜我無.......所以還是選$1,888好了....依家個餐牌算係解釋得好詳細架喇..以前每道菜用一個字黎表達架咋XXXXD
 



上網睇紅白酒哥D無得單杯叫...要一支支咁叫....所以我叫左wine pairing...有六款(每位$888)或四款(每位$588)酒咁配搭...仲好啦佢有埋侍酒師幫我配好哂實最岩大廚設計既菜式架~但我梗係無叫六款酒啦...我驚我飲到round哂番屋企...叫左四款咋(其實我仲要毛寶承諾我陪我一齊試同一set先敢叫XXXD)
 



佢仲有D加入自己元素既cocktail~
 



先來開胃的餐前飲~叫頤加(諧音"依家"..叫你living in the moment呀~享受呢餐呀~)...用左台灣石榴同茉莉~酸酸甜甜~好開胃~
 
 



飲完話俾我地知~原來隻杯既底座係12生肖黎架~我哥隻係雞~毛寶哥隻係狗~
 



每間中餐都唔少得師傅自製既醬料~綠色哥個係潮式...我覺得隻味幾特別~最近眼前既紅色醬料係酸酸辣辣咁...有少少泰式咁~
 



仲有呢隻特別介紹：唔係XO醬!係海鮮醬~用左馬介休同菇整既~...都幾特別~....不過就算D醬有幾好味都好...我都無用過~因為我係食飯過程中覺得無咩需要~
 



毛寶叫左杯天頤Yijito...$128....Mojito變奏版~幾好飲幾清新~
 



餐前小食...華!好靚!(唔係講緊個器皿)...睇落去講~
 



我講好靚就係呢個貝殻酥!兩樣中叫我地先食呢樣~整得好靚~有個貝殻形不特止!仲要整3隻色間層!黃色係本身既色...黑色用上竹炭汁...紅色用紅菜頭汁~食既時候還是熱辣辣~蜆餡~好好味~
 
 



除左個貝殻酥好食之外...佢底下D正宗爆"米"花...用米粒整~超香超好食!記得食哂佢~
 



另外一個另外一個!估唔估到係咩?係皮蛋酸薑呀!係用日本既薑~下面粉粉地紫色哥塊係薑花~好夾~
 



俾大家睇睇個器皿...仲有野食上餐哥時係咁樣既形態黎既...係蓮蓬頭?但我對住個器皿有D打冷震XXXXD(應該得毛寶先知我諗起D咩XXXXD)
 



我既第一款wine pairing來了~N.V丨Henri Giraud, Esprit Nature, Brut, Aÿ, France....香檳~無專業資訊XXD好飲~其實侍酒師解釋得好詳盡...但我真係無呢方面既知識同研究...所以記唔住~
 



第一道：龍蝦 魚籽丨雪梨
 



魚籽係用上伊朗魚籽!好老土呀我!!我係第一次食來自伊朗既魚籽架~(感覺上用上伊朗魚籽成件事高級好多XXXXXD...雖然都有等級分)...入面仲配上萵筍...天津鴨梨及蛋黃醬....整體口感同味道都一流~配埋香檳成件事道係好夾~
 



第二款wine pairing...2017丨Sancerre, Domaine Vacheron, Loire Valley, France...比較淡口既法國白酒~
 



第二道：蟹肉 蟹肉丨豆腐丨西班牙火腿
 



蟹肉係用日本毛蟹...西班牙既火腿絲...豆腐用雞湯煨....個質感好特別...比較唔專業既形容係有D似百頁豆腐既質感XXXD但係係好食既...而個汁係用膏蟹整出黎~係幾咁講究~
 
 



第三道：湯 花旗參丨桂圓丨烏鷄
 



除左佢餐牌所寫既材料之外...入面仲有石斛...澳洲珍珠肉...關西刺參~條刺參都幾大條!個湯勁夠熱!好好飲飲完好舒服~飲完仲好似有少少飽~
 



第四道：魚 欖豉丨蜆湯丨玉乳
 



魚係龍脷魚(唔排除我聽錯架XXXD)....魚下面係蜆湯蛋白~好滑好好味~欖豉加上蔥花查實都無得輸~(佢地D蔥我懷疑都係用日本蔥...因為無平時D臭青味XXD無臭青味既蔥我先會食XXXXD)...連D豉油都好味~
 



第三款wine pairing...2017丨Grüner Veltliner, Ried Renner, Schloss Gobelsburg, Kamptal, Austria...呢款奧地利白酒幾好飲~甜少少既~
 



上下一道時好隆重咁有刀叉~係咩呢唔知~
 



第五道：鮑魚 鷄油菌丨黃燜鷄汁丨酥炸
 
 



用鷄湯整既黃燜汁超香~塊蠟腸係四川麻辣蠟腸~個味好有趣~鮑魚係用南非鮑魚~酥炸外層仲灑上左椒鹽!...勁好味勁嫩!再點埋黃燜汁再夾少少鷄油菌同吃...香氣四溢~
 
 



到清清味蕾時間~用石榴汁整既紅色波波質感好特別同清新~旁邊仲有D話梅冰碎同埋汁~好喇~我準備好下一道喇~
 
 



第四款wine pairing...2015丨Cabernet Sauvignon Merlot, Kalavinka, Leagcy Peak, Ningxia, China....我第一次飲中國出既紅酒~侍酒師說：我地呢度食中菜嘛~今日試下來自中國寧夏既紅酒啦~(唔個點解我諗起young living既寧夏紅XXXXD)
 



第六道：花膠 牛丨沙葛丨土芹丨黑椒
 
 



牛肉係用黃牛肉...用黑椒炒...仲有花膠同沙葛....成件事係幾九唔搭八同埋好大排檔味~個黑椒炒牛肉D黑椒好搶味...搶哂所有食材既味(而且我覺得大排檔小炒炒得好食D添)...最好食係上面塊炸野...係鋪左銀薄既薯餅絲~讚唔落既一道餸...
 
 



而係我享用緊最好食哥part薯餅絲既時候....我發現左一條有D曲折既毛....係茶餐廳梗係就咁挑開佢唔理啦....咁成個餸我已經食哂架喇...因為條毛我都睇得出唔係人體既毛黎既....但由於呢個係每位$1,888既set喎...咁...係收碟哥時我同侍應表達：拿~我唔係投訴呀~我唔係投訴呀下~(非常強調)...er...我發現左條毛~或者下次注意下~.....然後無耐有經理過黎：真的不好意思...剛剛廚房了解了...那是刷鍋子那個刷的毛~真的很不好意思...我們下次會注意的!......好啦~查實我無嬲~不過如果有餐廳過黎真心問客意見時...若果我平時因為鐘意而成日去既餐廳...或者我覺得間餐廳好食而想為佢地好時....我都真係會表達乜野覺得好乜野覺得唔好~....相反...睬你都有味~我會虛應：好好呀~ok呀~XXXXXXXD
 



第七道：乳鴿 香茅丨吊燒
 
 



一打開蓋...就先聞到墊底既煙燻香茅乾葉既味...好香呀~用23日大既乳鴿...吊燒用香茅同鹵水汁醃...真係要左影一張右影一張...
 
 



侍應建議：如果用手食~會滋味D架~.....你知啦~去高級中餐廳好怕失禮架嘛~你咁講就得喇~咁我地唔客氣喇~~~
 
 



一扯開....超!級!香!...超多汁汁流出黎!!!...一入口...超級皮脆肉嫩!!....而且食到超香既香茅味!!仲完全無搶到乳鴿本身既味....爆勁出色!!從來無食過咁出色既乳鴿!!(戴定頭盔先...可能我見識少呀唔好行出黎串我)....本身食完頭先哥味爆炒牛肉我仲擔心佢地處理肉既料理無咁出色~好彩je~~信心又番哂黎~佢D肉仲有粉紅超嫩既狀態但隻翼尖已經脆到可以送酒~配上來自寧夏既紅酒可謂夾到痴哂線~有侍酒師真係可以令味餸再升一個層次...呢個應該係佢地既招牌菜...收碟既時候已經表達100分好食....侍應表示如果好鐘意食既話下次黎哥時如果哥日個set有呢道菜既話可以要求想要食一隻~~(不過真心講以食一整個set黎講其實半隻個份量係剛剛好~).......私心希望呢個菜式會成為呢系列既無菜單料理入面既常設菜式~
 



第八道：菜 象拔蚌丨辣椒葉丨大根
 
 



個湯係廚房特製高湯...象拔蚌好食~日本大根同辣椒葉再配上少少既烏魚子~第一次食辣椒葉~幾特別~
 
 



第九道：麵 豚肉丨半乾濕鮮魷丨花菇
 



麵係日本烏冬...入面仲有冬菇蝦米洋蔥木耳~係客家風味既~肉醬入面既豬肉係西班牙既黑豚肉~個面仲有D炸瑤柱絲~非常好吃~食到一半我終於有落少少辣醬~換下風味~好少食到呢度都唔覺得漏仲想追住食落去~
 
 



第十道：黃桃 文君雪糕....日本既黃桃~用檸汁冰糖煮~但味道我沒有很愛~底下有柚子芝士幾特別....相而文君酒雪糕深得我地歡心~
 



食飽飽甜品一陣~yeah~尷尬moment又來了~
 
 



幾有氣勢既炮彈蠟蠋!
 



祝老爺生日快樂身體健康~
 
 



最後來個petit fours~個南瓜仔係用南瓜汁做皮..入面有蓮蓉哥種中式甜品~中間係山楂牛奶糕...隻味好怪~最後係紫薯撻....三樣小甜點我都沒有很愛~唯一可以讚係紫薯撻好精美~
 
 



最後仲有席前泡茶~都係整D煙做下聲勢je~應該一早泡好左XXXD
 
 
 



餐後茶係一杯叫樂"頤"忘返既蕎麥茶
 



係一杯飲左令人好舒服既蕎麥茶~我都想樂而忘返呀XXXD但我無咁多錢呀XXXXXD....隻杯係琉璃工房既出品~但我想講...隻杯花樽咁既形狀係會令你飲唔到最後一口蕎麥茶架XXXD
 
 



佢地服務態度實在太刻苦XXD我企起身想去廁所...佢地其中一個好似怪責自己留意唔到有個客企左起身既需要....佢係用飛撲既形式衝過黎幫我拉櫈再帶我去廁所....我ok呀傻豬XXXD...relax d啦~其實你地已經做得好好~廁所都幾簡約~唔錯~
 



呢餐食左$4,320.4....每人$2,160.2...食前食後都係覺得貴~但係親愛的毛寶生日無計啦~呢間餐廳環境服務都唔錯~但你話食材值唔值$1,888一位?...係無既~但野食既處理都幾驚喜~而且好味~味道又夾~最鐘意佢個香茅乳鴿~雖然係貴...但我應該會番轉頭XXXXD八卦下佢有D咩新鮮野~~~
 



至於點解我地係佢開門前就到左?因為我地本身想上去摩珀斯23樓個藝賞二十三(Art on 23)望望~點知入左𨋢...23樓粒制按極都唔著燈~然後就無奈咁去21樓餐廳~我地一到21樓時發現有樓梯去23樓...所以我地就問可唔可以上去~咁我地食完飯佢地就帶我地上去喇~
 



無錯喇~就係想影佢喇~大大隻cow叉眼呀~仲要一大一細~黑色~好有型~
 



佢推介我地呢個方向影~但係影唔到細細粒喎~
 



咁難得上到黎梗係要同cow叉眼合照一個啦~(令我諗起上次去香港食omakase哥次睇既cow叉眼)
 
 



仲有另一件藝術展品~
 



呢層影番出去既夜景~
 



好啦~走喇~唔阻住人喇~(帶我地上去既人無催我地架佢靜靜企埋一邊等我地咋~仲問我地有無需要幫手影相~)....我問佢...部𨋢lock住左23樓去唔到喎...咁咪即係一定要係你地度食飯先可以參觀囉?....然後回答係：都唔係既~任何人想睇只要同摩珀斯front desk講聲就會有人帶你上黎睇架喇~....哦~原來係咁~...下周將會試多一間呢度既餐廳~好緊張~
 



好啦~希望你今年生日過得開心啦~不過有我陪住你~又點會唔開心喎~可~祝老爺身體健康~帶我去多D地方旅行同玩~(生日篇未完XXXXD)
 
 











2020/10/10的開心事：
噚晚發夢見到仕燊<3
好掛住佢呀~