十二春火煱

上星期日....打佢個肺...Astro Stuffs玩左我成晚...由噚日朝早8點玩到我第二日凌晨5點先買到..期間入左50次地址...集運倉泰國地址我都就嚟識背...去到4點我入到一度想放棄...好彩賭仔心態令我繼續XXXD...好彩買到...5點先訓但我9點幾就起身~中午食牛尾湯米..fika完後做家務...夜晚在家吃同線上看hocc演唱會~~好開心佢有唱出走太平洋<3.....上星期一...今日勁多古靈精怪既人....又多野做~好彩順利收工~.....上星期二....無啦啦又大雨到中午番唔到屋企食...留左係公司食餃子~...呢日正式出左通告喇~公司要我地打疫苗~唔打就要狂驗核酸~....Astro話今個星期六又出番短袖pre orderXXXXXD我要買番黑色大logo..我係咪今周末又要玩到5點XXXD.....上星期三...放左工約左唯三既大學同學仔去食cheche慶祝毛寶生日~....上星期四....我今日生意幾好~好開心~諗住放工食飽飽去攞Souri同約左中同一齊去同仔仔影相..點知去買外賣時爆勁大雨打消念頭~約會取消了~仲諗住帶仔仔去探下佢D兄弟添!....上星期五....放左工到我最期待既畫面!!就係!!我老母請我去鮨玥做節~~~~一如既往無令我失望~~....上星期六...中午帶3隻小妖去左個新景點~好靚~我都幫仔仔影左相~但呢日勁熱流左好多汗...之後去左永利宮飲茶...第一次試飲茶...飲一次不想再去了~....跟住去左睇尚氣...好好睇...我俾潮偉的深情所感動了~之後去左食Fado~....星期日...噚晚算早訓(星期六晚一點訓算早啦可？)....所以9半醒左就開始做家務~唔知係我老左訓唔到咁耐呢?....中午老夫人整牛丸麵...fika完又再做家務...家務後又到下午茶....訓晏覺...夜晚在家吃~.....星期一...番工攰到成個人趴係度..不過好開心有姑媽整既豉油雞食~...飯後做運動...星期二...中秋節快樂~~按照國際慣例...呢日點都少人黎~幾好~放左工之後同姑媽做節~~....星期三..中秋節翌日補假~~晨早9點幾醒左...搞黎搞去到中午食左自制煙三文魚豬仔包~....fika食老夫人朋友整既可麗露...同奶黃月餅...好好食....下午毛寶幫我剪頭毛....夜晚叫外賣食~~整天都懶洋洋~~好舒服~~....星期四....放左工同左七公子去Caffe B為毛寶慶生~pizza好好食~....星期五...番工無乜野...放左工去左同臭蜆慶祝一歲生日~夜晚番到屋企就見到澳門有第64例...然後再有關聯病例65同66....有D不安.......星期六...一起身見到公司WhatsApp Group有200幾個訊息...然後見到話小朋友停課...然後再見到要再全民核檢....本身公司已經話唔打針就要做核檢先可以番工...我一早約左北安做...點知全民核檢免費...公司話唔接受...一定要做收費核檢先俾番工....由於我本身約收費核檢既北安變左做免費全民核檢站....我亦唔知我本身約既有無效...於是成朝就係度約其他收費檢測...但條link又死....好不容易約左另一收費檢測...快快手係屋企食左個杯麵出發去核檢...等左40分鐘完成...做完出黎勁多人...好彩....之後去左奈和美飲炭燒咖啡....幾抵幾好飲~本身約左fine dinning慶生...都打黎話暫時關閉...都明白既~再去攞buy and ship...然後求其食個船麵了事~最後....



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



好喇好喇~要講講我近排好鐘意食既一間打邊爐~就係十二春火鍋~地址：澳門孫逸仙博士大馬路350號泉亮花園(第一座)地下A舖....電話：2883 3103

台式火鍋店~但佢醬料唔算多~連香菜都無~XXXXXD...不過我有時好少點佢D醬料~連圍巾都有~以防你食污糟件衫~貼心~






第一次去食係今年一月~到依家我食左6次~就知我有幾迷戀呢間野啦XXXXD我應該係十年唔飲一次廢水既人...我平時鍾意既野飲係凍或熱既齋啡...暖水~養生系~(但無提自己鍾意飲酒精類)....但係呢度真係飲到痴左XXXD沉迷地飲XXXXD...試過同公子去食...7個人飲左廿杯野XXXXXXD....推薦圖中既話梅檸檬...$26.......隔離杯西柚綠茶就麻麻~...另外我心水係冬瓜茶~同埋走甜既十二春紅茶~優秀~




第一次去時叫左十二春蕃茄湯同四川麻辣湯~(單湯$50..雙湯$60....有邊個會唔叫雙湯?)....個蕃茄湯我同毛寶都好沉迷XXXXXD...佢個麻辣湯麻麻~




鴨血...$48....我平時好鍾意食鴨血...但佢呢個我沒有到很愛的程度~




班馬花枝丸...$78.....還好~





烏雞白鳳丸...$78....勁推薦呢個~次次去都叫~超重烏雞味~




滷水拼盤...$68.....有牛肚...金錢肚...豬大腸~我去過6次呢個我叫話一次咁大把XXXXD




自家製紫菜響鈴...$38.....佢索左蕃茄湯係一絕.....但唔可以唔放湯食....同灃收哥個係兩個世界...灃收個紫菜響鈴仲未有人可以取代到佢~




蟶子皇...$22/両...呢度4隻係$242...即$60.5/隻...唔係抵又唔係貴~但都算幾大隻同新鮮~




牛舌...$48....又平又砌得靚~但唔算好食XXXXXD又係我叫一次之選~





加拿大雪花牛...$188....正呀喂~重牛味~但係....我地之後發現平D既更好味~XXXD




就係呢個安格斯黑毛牛...$88.....比起雪花牛更好味~~但更平XXXXD...依家次次去都有叫~




豬梅花...$48....又係又平又正之選~又係次次去次次叫次選~~~~




黑毛肚...$88....好似爛地布咁既牛柏葉~但我又係覺得麻麻~




菇菇小拼盤...$48......秋葵...$22......冬瓜片...$30......萵荀片...$30......水晶冰菜...$45......特點係全部都排到好靚~...同埋好開心有冰菜食~







天團聚餐~四個人食左勁多野XXXXXD...好掛住天團既旅行呀；[......我有好多個第一次都係同天團進行...(我鼻窿生左超大粒暗瘡XXXXD)






食左咁多野個價錢都還好啦~




之後再去食左幾次影左D零零碎碎既相XXXXD順便post埋~(迫你地睇XXXD)...試過食呢個回春藥膳湯~但都係最好食係蕃茄湯~之後再試埋松茸雞湯....我之後去食都係叫蕃茄湯同松茸雞湯XXXXXXD我超鍾意~




完全唔記得呢個係咩XXXXD但記得麻麻XXXXD




唔記得乜餃XXXXXD麻麻




美國封門柳...$88...正!勁正!記得唔好烚咁耐!





永遠唔明點解打邊爐會有人叫午餐肉...但叫完我永遠都會食埋一份XXXXD




鹽酥雞...$58.....還好~佢個椒鹽杏鮑菇同甜不辣好食D~




墨香荔芝丸...$78...扮荔枝外表...但完全無荔枝...而且不好吃~




仲有串燒!佢D串燒好味!推介烤豬大腸包蒜($32 2串)...魷魚鬚($26 2串)同粟米($28 10串)






水蓮...唔記得幾錢....有既話一定要記得叫....唔係成日有!同埋澳門真係好似見唔到其他地方有得食~仲有台灣高麗菜!又係有既話必須點系列..特別爽脆好食架!




蜂蜜檸檬愛玉 $36...仙草蜜 $28....只是還好~





其中一次係同我唯三既大學同學食~我記得我哥日重感冒...好多謝你地無嫌棄我XXXXXXD
雖然好似好多野一般或者麻麻...但有好多可取地方都要去食佢~蕃茄湯拼松茸雞湯...廢水...烏雞白鳳丸...安格斯黑毛牛...美國封門柳...豬梅花...甜不辣...串燒...水蓮...台灣高麗菜......正~我一定會再去~








最後........
我響應左你話唔承認全民免費核檢可以上班用...
我去左做左收費核檢....
做完後3個鐘....
你宣布...為左配合衛生局安排...
同埋全民免費檢測其實效果一樣...
所以如果你做左全民免費檢測你就可以番工喇~
恭喜你~
Am I a joke to you?
我俾左錢做...你又話可以唔使錢做了....
錢唔係多...80蚊je
係你既邏輯思維有問題
如果當初你話全民免費檢測唔可以用黎番工...
咁你係咪否定全民免費檢測效果?
咁依家係咪要怪我跟車太貼唔應太留意你既資訊...
一早仆去做檢測?
實在令人大開眼界~高層的思維一向難懂~

唔通你家下黃色衫...又變左著綠色衫咁玩9我

唔通我唔知咩~



2021/09/25的開心事：
試左奈和美的炭燒咖啡~