2021年7月31日 星期六

九州自駕遊之旅2019-10-12第七天Part 2(陰天大風)

上星期日...俾大雨嘈醒~9點幾咋喎...但又訓唔番...起身做家務....中午食麵..fika完又家務..5點無啦啦掛1號風球....夜晚外賣台式小食同pizza~~....上星期一...番工好多野做做做做呀呀呀呀~~不過無計...學校又考完試...同事們又開始放大假~頂住呀好快就到我放~~下午好似開始掛3號風球....上星期二...今日起身都係3號風球...但我又頭痛了~~玩野呀~~....上星期三...頂...仲係頭痛緊~...搞咩呀我呢兩個禮拜~....佢又唔係好痛既...不停地輕微扯住痛~....上星期四....今日終於起身唔頭痛喇~yeah~放左工做運動再食飯~呢個禮拜過得好慢好慢~但我終於都可以講:聽日星期五喇!!!!....上星期五...起身頭又有啲赤...番工今日好ok喎唔算多野做...放工去左食梳打埠~......上星期六...中午出發老夫人請我同毛寶食好西~食左永利皇宮既泓~然後去攞集運~今次買左Bright代言既lays芝士味薯片~又幾好味~~夜晚食左生記~~.....星期日...中午食左糉~係...大拿拿7月尾先食我今年第一隻糉XXXXD....fika完睇左一陣Bright噚晚個live後就做家務~夜晚媽媽煮茄汁蝦意粉~好好味~~~.......星期一...番工順利~~放工食飽飯去左攞Souri~~勁威威呀今次竟然早過香港有~~但未捨得食~~....星期二...頂...我又戴口罩戴到頭痛!!!我頭好痛呀連續3個星期二都頭痛呀嗚嗚嗚.....星期三...噚晚由於太頭痛...我10點就訓左...訓左9個幾鐘起身番工...仲係少少少少咁多痛....所以放工獎自己食熱浪XXXD....星期四...今日終於神清氣爽咁起身~~放左工食左飯就做運動~~今日收到BW既應援物感到好開心!!!....星期五...今日唔夠人都幾多野做....好彩順利收工去左食12春~~~......星期六...毛寶番工...我一早就帶左仔仔s出街玩~~~勁熱XXXD....中午食左真點心然後又忙左好多野~~....夜晚去左探臭蜆~~~



2019/10/12
Day 7---Part 1(日本,九州,福岡縣,福岡市 Japan,Kyushu,Fukuoka Ken,Fukuoka Shi)

番酒店放低就行酒店隔離既博多城AMU Plaza....就係博多駅內~



呢個商場都幾多野岩我同毛寶睇架~仲有好耐無睇你行入Beams喇...我最鐘意睇佢行入beams哥次...係佢生日去台北哥次~




未有疫情前D人係日本買眼鏡架~又去金子眼鏡買左心頭好~





我次次都會入Disney Store搞搞陣~但次次都無收獲~(依家可能會有...因為可以買仔仔D衫XXXXD)






兩條唔同line既北面





又行無印XXXD到底我地有幾鐘意係日本行無印XXXD




好鐘意呢個系列既木筷子~我買左我一對媽媽一對毛寶一對~後尾發現澳門某間我好鐘意既家品店有售~





行完呢邊AMU仲有另一邊叫AMU est~AMU既1至5樓都係Tokyu Hands!!好掛住呀好耐無行!




呢個好好笑XXXXD呢個應該係一張被?但係摺好收好係一個迷你睡袋XXXXD好過癮~




當時我去到話一定要買既保溫無蓋杯~話用黎飲梅酒~(但買左番黎又心諗...保乜鬼溫呀...我就係想D冰溶無咁甜丫嘛XXXXD)...我心水係藍綠色~點知毛寶話最靚就係不銹鋼色XXXXD




怪色萬聖節零食...睇到都唔想食XXXXD




日本D生日卡真係好出色~




毛寶就係買左呢張係2019年我生日時送俾我~





呢張勁出色!諗住小朋友實鐘意~





由於菓子軒鐘意消防車所以我地買左呢張俾佢...點知佢驚XXXXD





我地每年都會送一個Maru既月曆俾大比...無lu...依家斷左兩年...




集哂所有係商場買野既單可以一次過退稅~但要收手續費.....收左我682円=48.6hkd~次次收退稅都好開心~





晚餐揀左係博多城入既人形町今半~係9樓~係食我最最最鐘意既壽喜燒~




我記得我地去食既時候都成8點~但都要等位~等緊既時候我同毛寶鎖定呢個!




都坐左係度等15分鐘~有得入坐時發現~其實無坐滿~不過可能係唔夠侍應serve客~




雖然係好貴!!但我地都叫左最貴哥個松茸すき焼コース入面既極撰ロースととし....19,030円=1,356.8hkd(人)...真心貴...但我無食過松茸壽喜燒~加上又話用黑毛和牛咁...試試佢~(依家先留意到原來呢個餐要20:30前叫...好彩一坐低就叫無左諗右諗~因為我地入坐時其實都20:20XXXXD)




整杯梅酒飲飲先~770円=54.9hkd~有粒梅咬下~幾好飲~





先上旬菜~筷子托好靚~




好味~尤其左上哥舊~





松茸土瓶蒸し....喂!勁鮮呀個湯!D松茸D味係個口度爆開!!同埋本身覺得加青檸(好似有個專業D既名詞)會好搶味...點知加少少再飲簡直就係提鮮!!非常優秀~...不過有D搶心壽喜燒個汁搞round松茸既鮮!





wowowowowowowow~最鐘意食壽喜燒會有人幫我地整埋...一黎生熟度我都唔知點掌握~二黎其實我都驚驚地要自己整既料理(如日式或韓式烤肉...同埋打邊爐)...點解?因為成餐飯要自己整我都會覺得好攰XXXXXXXXXD





好鐘意搞蛋漿支野~




喂!靚女黎喇~pro到有埋介紹卡~~上面大塊哥D係來自鳥取既佳麗!!好久不見!!...下面既細細塊既里脊肉係黎自三重縣!





油潤油潤~水亮水亮~




再黎菜盆~哥幾隻松茸肥BB真係不得之了~仲有印有店名既百頁豆腐~







開爐!!!!!!原來個里脊肉要醃醃佢....望落好多野做~好彩有人料理~







佢問我地要唔要上埋飯...要要要!壽喜燒一定要配飯!...其實個餐加770円=54.9hkd...個白飯就可以變松茸飯...其實係抵既!但個人認為壽喜燒一定要配白飯!所以無加錢!




救命呀!!!!!







打你個肺!!勁好味!!!!!不論係牛既本身...汁既調配...仲有控制既生熟度......全部都係第一流!!!!鳥取和牛配上人形町 今半既壽喜燒汁原來個威力可以咁大!!





大佬!!!到主角!!一路係度搶心到底壽喜燒汁會唔會搶fo...無!!搶心得勁多餘!!!痴哂線既夾同香同好食!!食完覺得自己好幸福!!





第二round牛~






第三round就到淨低既里脊肉..菜~







里脊肉都係相當之出色!!!無哂辦法!!配飯配蛋漿無敵!睇見都想食~





食壽喜燒既set dor甜品部份好無食我都無咩所謂所以無咩記憶~




食左43,560円=3,105.8hkd...每人1,552.9hkd~係貴既...但暫時係我人生食過最好食既一餐壽喜燒!之前係台北同大阪食開哥間可以行開XXXXXXD




原來pro到門口有哂今日係咩產地既牛...無黎錯~下次去東京或者大阪都搵搵人形町 今半分店係邊~




今日買左咁多~




係beams買左條褲~好少買褲...因為我好肥好難遇到岩心水又著得好睇既~但呢條著得好睇之餘打你個肺仲要係made in Japan!!係咪要買?...Danton買黎下一個旅行著~配埋前兩日買哥件north face岩岩好~




靚靚筷子~




硅藻泥質地既小匙~我買黎放係咖啡粉樽入面~一舉兩得~非常優秀的設計~




靜止在我家的杯XXXXXD




菓子軒的牙刷~諗起一件事...菓子軒的娘係澳門某好出名既日本代購留名要兩支兩歲牙刷....到代購番到貨小孩已是3歲多XXXXXXD年幾先有貨XXXXXD




咁多日既戰利品~福岡真係幾好買!!!(又見到我D餐具...cry cry~)




夜晚新聞見到...個風真係好勁...大風大雨到訊號中斷.......俾著平時其實我會揀去東京或大阪...今次揀左影響最少既九州.....上天保佑...都希望保佑其他地區既人...









2021/07/31的開心事:
同左仔仔s去玩左成朝~
見到蜆豬子~

16 則留言:

  1. 我都食過人形町今半兩次, 真係好味到痴線, 一路食一路有好幸福嘅感覺...
    好懷念呀ToT

    回覆刪除
    回覆
    1. 係呀係呀!勁認同!
      我都好想再食!本身打算第二年再去時帶老夫人食多次架!

      刪除
  2. 時刻╠╣aΡpy😸🐾開心萬事得

    回覆刪除
  3. 睇見生日卡就想起以前才有人送生日咭,現在各位都以手機短訊來祝福,生日咭個種實體感真是有感情,好多戰利品呀,睇你BLOG時,澳門突然疫情嚴重,Delta 變種病毒真係吾講得少,小心呀﹗

    回覆刪除
    回覆
    1. 都係呀~不過依家七公子生日我地都會送生日卡俾壽星~
      我無事~唔使咁擔心~

      刪除
  4. 從字裡行間完全感受到你有幾咁滿意餐壽喜燒,幸福.
    呢排小心啲,周圍係病毒.

    回覆刪除
    回覆
    1. 係...呢餐心心念念~
      知道~不過都避唔到咁多~我公司我個位對外~

      刪除
  5. 近日澳門有居民確診,多多保重

    回覆刪除
  6. D生日咭好靚、仲係立體添....正
    食店D牛肉好.好.好.....正呀.....好想食但貴左D.......
    記得攝多D奧米加-3既食物試下......

    回覆刪除
    回覆
    1. 日本D生日卡真係一流~
      係真係好貴...但真係值~
      知~道~

      刪除
  7. 睇黎頭痛好似同天氣有關...不過而家疫情仲令人擔心同煩惱...
    唔同樹木做的筷子又幾特別~~不過用時唔知有乜分別~~
    呢個時候應該做完檢測,大家好好保重!

    回覆刪除
    回覆
    1. 其實我都係咁認為架~老餅頭~....都仲係驚緊..越黎越公佈得多佢去過既地方
      查實用時係無分別架XXXXXD
      我估會做多次;[

      刪除