九州自駕遊之旅2019-10-11第六天Part 3(晴天及後轉陰)

上星期日.....中午去試左間日本野...但好難食XXXD...去左toff嘆左陣啡....再去買日用品零食之類...夜晚痴痴貢去南湖明月食父親節飯~整日在街..其實好攰~.....上星期一....都多野做~攰~做某崗位做到頭毛計仔都濕晒~......上星期二...好驚呀今朝好大雨又大風!!!!好驚我隻假窗頂唔順!!!!!再加厚紙皮再包膠!!!!.....上星期三...今日又係落好大雨...不過加左紙皮安心好多XXXD......頂...夜晚上上下網上唔到......上星期四...今日又係落雨~~仲要唔記得帶大遮XXXD...硬住頭皮用縮骨遮衝番公司~~....今日下午個口mark到好大咁傾計~~....好開心呀今晚有人黎整番個上網喇~~~.....上星期五....中午好忙...又做到出晒汗~~放工去左試山里~~.....上星期六....毛寶番工我自己帶左仔仔去附近影相~~好開心~不過好熱~~中午食左Lofi....下午超忙好多野睇~~夜晚食日與夜~~...星期日...中午食阿宗麵線....fika完做家務...夜晚去食葡餐慶祝姑媽生日~~~.....星期一....凌晨落好大雨...仲紅雨添...好彩紙皮窗仲頂得順~~...以為中午落大雨無番屋企食點知又無落雨~...放工番屋企食左飯就去左攞SOURI~~~好開心~今次哥隻好好味~好開心澳門有代購~~....星期二...唔知搞咩個頭又有啲痛.....中午放工前又灑左陣大雨~~.....噚晚大叔的愛好好笑XXD......星期三....唔知呢~硬係個頭都有啲實實地~但又唔係痛既~今日收左包裹~仔仔又有新衫著~好開心~~....星期四....放左工同左diana去mgm慶生~....星期五...我發現我番公戴足7個鐘口罩隻耳仔真係好痛....放左工去同我唯三大學同學慶生~~....星期六...節目豐富~~10點半已經係條街度行黎行去~中午食左潮興隆~~下午又行黎行去...之後去左探蜆豬子~~夜晚食左pizza同炸雞~~



2019/10/11
Day 6---Part 3(日本,九州,福岡縣,福岡市 Japan,Kyushu,Fukuoka Ken,Fukuoka Shi->糸島市 Itoshima Shi->福岡市 Fukuoka Shi)
我地還左車就去左博多駅行下~因為有好多好多手信舖~好似仲多過大阪駅~

華華華~

買左D野番酒店放低先~呢個查實先係我地酒店正門~




我買左呢D~




我覺得福岡D野食手信好似出色D~呢個一睇就知好食!可惜我送哂俾人~




買俾人~




平時好鐘意食呢種菓子~但呢個口味唔ok~得個辣字~




呢個信我!買!...我唔鐘意甜野食...呢個一開我同毛寶一野食哂!!個mochi質感好軟~入面既caramel cream令我心軟~有機會再去我會爆買~




食左成盒mochi再出發~由於我地已經還左車~所以去今晚既食飯地點要諗諗點去~一係地鐵~一係行去~搭地鐵之後都係要行...於是直接係酒店行過去好喇~過馬路時見到靚靚日落~




由酒店行過黎餐廳大約20分鐘~我地今晚揀左呢間餐廳叫鮨 なにわ....地址：福岡市博多區住吉四丁目6-21.....(我上網見佢寫休業改裝中....要2021年12月先開番)






間舖唔大~我有上佢fb預約~...佢官網都可以予約~




我係睇雜誌介紹呢間餐廳既~因為佢有自己漁船~同埋有河豚食~可惜上網訂位時我問有無河豚食~佢話我地去既呢個月份無河豚~咁都唔緊要啦~因為佢有omakase~我未試過係日本食omakase~試!黎到...梗係試最貴哥個Special chef’s choice course...8,000円=568hkd~(個價一D都唔貴)




食omakase梗係坐板前位啦~師傅~




查實師傅D英文超好...仲有本簿有哂D貝類同魚同我地逐樣介紹~




望到呢盤野~點會對你無信心~




唔通熟魚哥part燒呢D~




好可愛既筷子座~




然後我地每人叫左一杯食河豚時必點既燒河豚鰭酒~1,000円=71hkd.....超級好飲超級勁爆香~~~








先來Appertizer~




我覺得鮟鱇魚肝同螺好好味~另外兩個一般~




到Sashimi~~~我同P'Bright一樣咁鐘意食日本野架~




華~華~華~以為佢一樣樣上~原來豪氣地一次過成碟黎~今日貝類為主?海膽~鮑魚~赤貝都好好味~






我其實一直都覺得鮑魚呢舊係唔食得既XXXXD以前係屋企打邊爐我都唔會食XXXD我老豆就好鐘意食既~但我覺得呢舊係屎XXXXXD....不過上次同公子去釜山時見佢都有serve出黎就知應該係食得既....咁今次係刺身類見到就試下啦...(如果用以前既邏輯黎諗...以前係熟既屎...今次呢舊野係生既屎XXXXXXD)....又無咩特別感覺...唔會想再食XXXD)




收左碟再上....下?!貝類同魚類既刺身分開上呀???咁又幾多喎!!!...好味好味....但我想講...我食到呢碟...已經有少少飽XXXXD廢柴XXXXD




食完刺身已經飲完杯酒~我再追叫梅酒~700円=49.7hkd...幾好飲喎~




毛寶既第二杯就叫左hot多sake~一合750円=53.3hkd




到cooked fish.....同Japanese steamed egg custard....咦!係食蟹!!!正喎!!




茶碗蒸就麻麻啦~鮨玥好食好多~






燒蟹每人一隻好慷慨~膏好好味~








cooked fish都分兩partXXXXXD我暈喇XXXXXD....係好味既~




再來係6-8kinds of sushi~




再來係6-8kinds of sushi~先上薑~薑超級勁爆好食!超嫩!




樣~樣~都~好~味~


















rolled sushi~真心飽到上心口XXXD




個卷入面個蝦頭佢俾埋我地食~




dessert~好開心係生果~唔係甜品XXXXD




食到好飽好飽都係行20分鐘番酒店當做運動~再留意新聞...個圖顯示九州係強風域內...但不在暴風域內...保佑日本呀...仲會係關東地區登陸後再衝上北海道!















2021/07/03的開心事：
去左探蜆豬子!