小t: 九州自駕遊之旅2019-10-09第四天Part 4(晴天)

2021年4月10日星期六

九州自駕遊之旅2019-10-09第四天Part 4(晴天)

上上星期日....一早起身陪人有野搞...勁眼瞓....祝你呢壇野順順利利~...中午食左間唔好食既越南餐~...之後番屋企睇左陣電視要訓下午覺...咁短既下午覺我都發夢見到bright XXD...........上星期一...今個禮拜D實習生走哂...又輪番我做哥個崗位...今朝勁忙...學得一個泰文生字添XXXXD...夜晚食飽飽睇住brightwin兩個仔仔一路睇一路做運動~......上星期二...今日獲得新技能~就係我又為brightwin兩個仔仔發癲...要買佢地劇入面對波衫公仔...所以叫同事教我玩泰國集運XXXXXXD...新技能get~......上星期三...放工攰得不像話...但放工後睇到兩個仔仔啲片...開始睇第三次佢地套劇XXD....又有活力番XXD......上星期四...番工爆攰...啲小朋友早我地一日放假...湧哂黎~...放工去左食密利拿.....好喇~終於開始放假喇~..呢個復活節假同新年一樣放咁多~~大拿拿有5日~~(其實係連埋清明一齊放).....上星期五....中午訓到夠起身食杯麵....做家務...夜晚同左媽媽出街食.....上星期六...起身中午等毛寶收工去食xina cafe....睇盤栽....行一陣已經成頭汗....番屋企抖抖....夜晚痴痴貢......星期日...中午食氹仔千笹...再買咖啡呀蛋糕呀上人地新屋參觀~.....之後又行下ikea呀~再衝去威尼斯人車展....夜晚食左黑沙fernando~我大慨10年無食過.....星期一....好開心...仲係假期....中午買左野食去探臭蜆...隻豬子真係好可愛~....夜晚痴痴貢.......星期二....起身媽媽煮牛肉麵~fika完睇左套戲....然後做運動...然後晚飯在家吃.....Brightwin兩隻仔前幾日做野既地方有人確診....目前居家隔離中...好想念這對CP...希望佢兩個無事啦~~.......星期三...放左5日假番工...好攰呀喂~~積左5日既野無壞機又剩~~~.......星期四...噚晚掛住睇bright與win既interview搞到夜訓....但今日又鬼屎咁多野做...搞到我勁攰~~....但我都有飯後運動~棒~~......星期五....今日心情好靚~~因為周五了~~放左工去左食Lofi牡丹蝦飯~~....星期六...明知正日清明會多人~所以揀左今日去拜老豆~但今日勁大風~燒D衣包時D灰散落四周....我成個頭都係衣包D灰...勁似愛回家哥個頭皮XXXXD......然後去左食文華東方個御苑餐廳...勁耐無去~佢以前係頭盤好食過主菜....依家竟然好食過頭盤~~~之前好鐘意食哥個鱈魚同之前一樣咁好食~我好感動~......但杯啡麻麻~.....夜晚會去同菓子軒慶生~~~呢個小子又大一歲了~

2019/10/09
Day 4---Part 4(日本,九州,大分縣,由布市 Japan,Kyushu,Ōita Ken,Yufu Shi->熊本縣,阿蘇郡 Kumamoto,Aso Gun->菊池市 Kikuchi Shi->大分縣,日田市 Ōita Ken,Hita Shi)
影完間房就出去行行~行下佢其他設備~

天氣好好呀~

行出旅館佢有膠拖借~你硬係唔可以揀對正常D著XXXXXXD係要搶小童鞋著到小腳症咁



係館外佢地有個梅酒工場叫梅酒藏~~行過頭先車經過哥個迴旋處就見到~

好大~除左梅酒~仲有其他伴手禮賣~

有好多好多唔同既梅酒~仲有支令和元年既梅酒~

呢支!!!竟然俾我見到!!呢支係之前哥次同杯既台北之旅食哥餐壽喜燒時...我好鐘意既梅酒!!...哥時餐廳叫150hkd一杯...1,000hkd一支.....呢度只係賣3,667円=260.4hkd!!好平呀!!我當初懶!無係日本抬番黎!!我依家見到澳門賣600幾一支!!我個人就係衰懶!

呢度除左有梅酒賣之外佢仲有自釀梅酒既地方~~~利害~

佢仲有個俾住客預訂既自釀梅酒體驗~~呢個幾好~~我其實想試~不過又唔想帶住支重甸甸既梅酒走XXXXD好煩呀我~

行另一個入口番旅館~似唔似千與千尋~

咦~乜你原來有買野架XXXD我都唔記得你買左D咩~

番到房又嘆下先~望住個靚景嘆陣啡先~野飲好大方~但間房真係一粒零食都無~

飲飽又做少少館內參觀~頭先一入黎介紹既pillow gallery~

佢地仲有個area俾小朋友玩~~都係木製的~

仲有個向山景既gym room~~對住都做得精神d~(但我才不想住溫泉旅館做運動XXXD)

重頭戲梗係浸溫泉啦~佢有兩個溫泉...一個緑宝一個青軸....男女湯每日交換~入去前記得睇清楚去男湯定女湯~

我地係靚既女仔~所以我地去女湯~今日女湯係緑宝~

(官網圖片)由於入面唔影得相啦~所以去左官網搵D圖片俾大家睇睇~大浴場實唔少得啦~佢仲有個溫泉有蓋既...有D好似曬太陽咁既櫈俾你訓住浸...向山~哥日日落去浸....好靚~

仲有個露天風呂~仲有桑拿房~

仲有一樣特別!有個活盤浴....下面墊哂D熱既陶粒...訓上去促進血液循環~

仲有教你要點做~第一次去溫泉旅館有呢個~幾新鮮~同埋幾熱XXXD....重點都係叫你記得補充水份啦~

番上房放低D野~順便影下我地又著到套浴衣核核突突既樣~XXD

落一樓餐廳"白加賀"食飯~

有個室~~~

是晚餐牌~

1.食前酒...好靚~一高一低酒杯~高酒杯好靚~分別係一年熟成同三年熟成晚既梅酒~...一年同三年個味真係有差~三年哥款好濃香~(濃香唔係你形容咖啡既專有名詞黎既咩~用落梅酒度都得架~).....不過就咁飲其實好甜~

2.先付と前菜-秋の味覚....乜都有D~幾好~....佢張餐紙好靚~好山水畫feel~令D野食更靚~

我地另外叫左兩杯野飲~係用梅酒整既sparkling cocktail~叫Ume...600円(稅込)=42.6hkd...用3年熟成梅酒整既~唔貴不過我覺得一般~

然後吸物同造里一齊上~

3.吸物-秋の土瓶椀...熱辣辣清清地幾好~

4.造里-旬の鮮魚....有間八..天然白身..鮪..烏賊.....ok啦~

5.燒物....正呀~~最鐘意燒小魚~~

6.蓋物-唔個乜野芋万頭....我覺得麻麻~因為我唔鐘意個質感好phere既野~

7.洋皿-有國產牛有馬肉....好好味~~

8.鍋.....望下張餐牌...係鴨肉!!!好驚喜!!好好味!!毛寶仲話我燙得塊肉好好味~~~生熟度剛好~

9.香の物...呢個時候上飯同漬物真係一流~鴨肉同飯都好配~

10.甜品....唔....朱古力蛋糕我唔好XXXXD...左邊哥杯勁似酸梅湯XXXD

呢餐幾正~估唔到有馬肉同鴨肉食~好好味~

夜晚再經大堂番房~個酒吧開喇~D酒出哂黎喇~毛寶：仲要唔要飲番杯~....我：唔喇~好飽~