九州自駕遊之旅2019-10-09第四天Part 3(晴天)

星期日.....起身阿媽煮牛尾湯米...跟住做家務...3個禮拜無做...勁污糟...夜晚屋企食.....呢3日狂煲毛寶叫我睇既泰劇因為我們天生一對.....天呀!!!好靚仔呀sarawat!!!!!13集太少喇!!!一路睇一路尖叫一路碌床單....甜死人喇!!!!!仲有番外篇因為我們依然天生一對...聽日再煲!!!!.......星期一....今日超多野做....營業額高到等於做左4日野咁XXXD....但今日番工我心入面狂諗sarawat....放左工去左痴痴貢....再番屋企睇sarawat番外篇!!!!.....星期二....好救命...今日全部客一係騎呢...一係怪...一係kai XXD...好彩仲有3集sarawat俾啲温暖我....好唔捨得睇完...我唯有重睇XXD......星期三...番工戇居居咁...成個腦都係sarawat...一個為情所困咁既樣坐係counterXXXD......星期四...妖....個電熱水爐無啦啦滴水...煩屎人...聽日先有人黎整;(..快啲搞掂俾我開開心心同sarawat過周末啦~~.....星期五....下午都幾多野做...放工去左食che che.....星期六...早上去檢查牙齒...去攞番整好既咖啡機....中午食左十世無食既雅馨....真係好...難..............再去試間新啡....巧遇我最喜愛的咖啡師~...夜晚終於可以試北方鳴苑!等左好耐~~



2019/10/09
Day 4---Part 3(日本,九州,大分縣,由布市 Japan,Kyushu,Ōita Ken,Yufu Shi->熊本縣,阿蘇郡 Kumamoto,Aso Gun->菊池市 Kikuchi Shi->大分縣,日田市 Ōita Ken,Hita Shi)
食飽飽鰻魚飯又出發啦~天氣勁好~唔知係咪同個風黎緊有關?

好啦~我地下一站就係我期待已久既溫泉旅館喇~~上山路前就見到路牌喇~




華~好似好大規模咁~






好大個停車場~呢個溫泉旅館規模應該幾大~




今晚我地入住奧日田梅響....地址：大分縣日田市大山町西大山4587....Mapcode：202 553 397.81....由頭先鰻魚飯附近停車場黎呢度21分鐘~




一見到我地泊好車佢就出黎迎接我地啦~~仲幫我地攞埋行李~~




佢帶我地去呢度坐坐~佢幫我地做check in~呢個area其實係bar黎既~但依家未開~






由於bar未開~個擺酒既架關埋左~XXXD




一坐低就佢就幫我地check in~仲叫我地一路享用茶點一路等~哥杯係桃汁~




飲住桃汁開開個茶點~咦~有兩邊既?




一邊係類似黏黏地既菓子...得個甜字~麻麻~(有無密集恐懼症?XXXD)




另外一邊...係一個焦糖味既最中餅!!!超級好食!!!真係超好食~




之前去某D溫泉旅館都會等check in時會俾D小茶點招待你既~但今次係最好食既~~佢附埋茶點間舖既卡片~存下底希望有一日可以去買~(原來係福岡~)...睇卡片仔個圖原來應該要用最中餅夾頭先黏黏哥舊野食~我搞錯哂分開左食~




佢幫我地check好in之後~就同我地介紹左館內設施~發現有個pillow gallery~咁招積~




好喇~上房啦~喂~等埋我呀~





臨上房前都有個小型既pillow gallery~




好囉~黎到我地間房喇~




我地訂既房就係鶯宿セミスイート~



一開門入去有兩邊既~右邊就係入房~




好~入房望望先~好緊張~




華~~




好靚呀~~~呢間房一泊二食價係64,100円=4,551hkd(2人價)....我係佢地官網度訂既...佢仲有好幾種房型訂既...我本身想揀最平最細既...但係爆哂~所以把心一橫訂呢間~(但仲未係最貴XXXD)




梳化對住電視~電視收埋係個櫃入面~




房夠大夠靚又夠開揚~






係床哥邊望番廳個景~




佢張梳妝枱好搞笑~有得打開...打開左之後好似金飾舖咁XXXD





呢個景勁無敵~個露台行出去望對面個山好舒爽~






好~睇埋頭先講既另一面先~玄關位哥度有個廁所~都幾大~




好~頭先左邊係一排大櫃~




打開第一個櫃...係杯呀咖啡機呀水煲之類~






除左可以自己煲水飲之外...仲有提供樽裝水~呢隻水好似好勁咁~世界三大名水....我見澳門都有得買~




仲有自己旅館Logo既杯~





小雪櫃入面有梅酒有啤酒有果汁~仲寫明免費隨便飲~好大器~




呢兩個我幾想試~





堅到有紅酒櫃~(要收費)




另一個係衣櫃~




去溫泉既備品~




行入D就係盥洗室~用雪肌精~其他備品都好齊~







重點：呢度係用大神風筒架~我終於可以試下喇~(不過試用後覺得唔係好岩短髮好靚既女仔用~所以我一直都無話好恨買大神風筒~)





行過左盥洗室就到沖涼既地方~仲要有浴缸~





再行出去就係我地個私人露天風呂喇~~~靚景~行過隔離就係頭先個露台位~





房既鎖匙~超大舊~因為紅色個位兼埋開下面公共空間上房既門卡~




毛寶都應該幾欣賞呢間房~影左咁多相~

********************************************

(網上圖片)睇睇!!!!!!!!!!佢就係佢地兩個泰仔令我甜左成個禮拜!!!!!!!!!!左Win右Bright~.....劇入面叫Tine同Sarawat......我對BL劇查實麻麻......應該話我唔係好鐘意追劇~但係呢套"因為我們天生一對"同"因為我們依然天生一對"....我連煲左兩次......其實我想再煲第三次........放左工輕輕鬆鬆俾佢地兩個甜番都好開心~佢地兩個真係太討喜.....我甚至幻想佢地真實都係愛彼此XXXXD.............然後自己甜笑一輪XXXXXD.....我好想你地呢對地表最強CP可以一直拍呢個系列落去....直到老去.....諗下都夠浪漫~<3




(網上圖片)死啦~~~~~~~電得我最深既係Bright<3~~~~~~係佢令我覺得.....史萊哲林既同學仔可能都唔係咁衰je~~~~可~~




(網上圖片)最近最鐘意同同事玩既遊戲係.....見到同事就會話：你一定係做野做到唔知依家幾點喇...等我開我電話話你知~~(因為我用左呢張做鎖機畫面XXXXD)

我通常哥排鐘意邊個外國偶像就會發花癲要學邊種外語XXXXXD德文假睇過...太難.........日文衝左3次50音都成功唔到XXXXXXD........家陣新興要學泰文詞語XXXXXXD
我：我想學泰式英語發音!
毛寶：你連英式英文都學唔好仲學泰式英文XXXXXD
其實我都幾搞笑.....辛苦你喇毛寶~
我最近仲係joox down左bright既泰文歌聽XXXD
我好耐無Down過唔係濕爬下既歌~~~~~~
我好想即刻衝去泰國親眼望到Bright同買哂佢代言既野發花癲~~~~~~~~~~~~~~~~~~~~~~~~~~~~~~~~~~~~~~~~~~~~
(仕燊你唔好怕...你在我心中仍然是第一位<3)



2021/03/27的開心事：
個熱水爐整番好喇~