九州自駕遊之旅2019-10-10第五天Part 1(晴天)

上星期日...中午食阿宗麵線...fika完又去做家務~....夜晚媽媽煮茄汁蝦~~......上星期一...幾毒呀...噚晚隻蚊咬我腳踭!!...又訓得差喎!!..好彩朝早幾多生意~開心~晚飯後有運動....成頭汗~~.....上星期二...公司有把度高既尺...我將把尺拉去Bright既183cm身高....然後企係度呆望傻笑XXXXXXD...可能D同事以為我痴線XXXXD....放工個頭赤赤地~食飽飽休息下先~.....上星期三...朝早心情勁差.....中午我就知道點解了XXXXXXD.......上星期四...妖...頭痛...獎自己唔食麥皮買包食~....同埋今晚我開始睇第四次既Brightwin~~~......上星期五...起身頭痛好左啲但仲係痛....好彩唔算太辛苦今日~~放左工又去左食味藏~~......上星期六...一早起身有野做....搞完去左Fill Cafe....再去攞包裹~因為我係泰國網買既brightwin公仔寄到黎啦~~~~~夜晚約左公子食澧收~~......星期日....中午訓到成11點8....如果唔係有責任在身...我諗我會繼續訓...食飽fika完做家務....做得勁求其...學我同事話齋...我有春困XXXD.....今日沖完涼用win代言支lotion覺得好好用...感覺brightwin包圍住我咁~~.....星期一...番工今日唔算多野做~幾好~食飽飽做運動~.....星期二...今日既亮點就係有兩個同事幫我買左Esqyure Hong Kong~~係Bright做封面架~~仲要第一次做香港雜誌封面~好靚~~睇完覺得好熱~.....星期三...今日好開心~~放左工約左4位公子去血戰12春!!!好好味~~今晚又笑到我標哂眼水XXXD.....星期四...唔小心噚晚手快快上網買左Bright子同win豬做代言既維他命C同膠原蛋白~呢兩個偶像好危險呀XXXXXXD...下午又俾我搵到野買XXXXXD好恐佈呀XXXXXD....星期五...呢日中午連騎兩個工作崗位做到我pat蔭都出哂汗.....放工去左食梳打埠同我唯三既大學同學慶生~~~.....星期六....中午去左食TOFF~掛住佢杯啡~再係附近行下~不過好熱~所以買左好味手抓餅就跑去毛寶家~求佢幫我剪下個頭~夜晚又同屋企人食葡餐~~我連續兩晚都食葡餐~感覺自己像個葡國人~



2019/10/10
Day 5---Part 1(日本,九州,大分縣,日田市 Japan,Kyushu,Ōita Ken,Hita Shi->福岡縣,太宰府市 Fukuoka Ken,Dazaifushi->福岡市 Fukuoka Shi)
早晨呀~望住山景浸溫泉~睇住日出~

上網睇睇颱風消息...er....好似個風越黎越勁喎....個風圈勁大...強度仲要係猛烈.....媽呀...我好驚呀...




唔諗住喇~浸完溫泉去食早餐喇~噚晚晚餐餐廳食~




我上網時見到有呢個咁開揚既室外位~我開頭以為係用餐區~傻西瓜咁出發前sent e-mail去想預約係呢度食個靚早餐...點知佢覆番我原來呢個位唔係用餐區XXXXXD...佢話食飽飽早餐之後可以係呢度嘆咖啡~期待~因為今日好好天~






又去番噚晚間房食~




靚~醒神~




坐左一陣發現...我憑咩覺得自己可以係室外食早餐XXXXXXD好熱呀喂~~~即刻落簾~~






今朝餐牌~不過唔只咁少~






仲有D野係出面好似自助餐咁既形式自己攞番入個室食~






開動~~~好豐富~~








好~鐘~意~係~日~本~溫~泉~旅~館~食~生~雞~蛋~撈~飯~做~早~餐~




佢仲要有專用豉油~~~落少少~正呀~






食飽飽就出去嘆啡啦~好寫意呀~~(好彩飲啡只係一時~如果坐係度食早餐我會成身汗XXXD)








嘆完啡走喇~拜拜~呢對襪係呢個旅程既職責完左喇XXXXD因為我地住兩既溫泉旅館咋XXXXD...到底我D腳趾係有幾肥~




check out俾錢~計埋晚飯飲既酒...共65,300円(稅込)=4,636.3hkd...每人2,318.2hkd~係貴既~但有設施有靚房有野食~我覺得還好~




臨走前望到...華!車胎人都有推薦你磨~






出發啦~~~又係勁曬勁熱~






上高速~~








呢段高速行左大約半個鐘就出出口~呢段路1,530円=108.6hkd....今次個GPS都顯示得好清楚~






無錯~我地番左大城喇~去番福岡喇~(ふくおかし)






大約42分鐘度就由溫泉旅館黎到太宰府市(だざいふし)....呢度類似商店街咁既~




我地既目的地就係呢間藝術感好重既Starbucks~地址：福岡縣太宰府市宰府3-2-43....附近最近既收費停車場Mapcode：55 364 069.17....








入面既裝修同出面一致~而且呢間沙北都幾大~多人係門口...少人真係入黎坐係度飲~






點都坐低飲飲食食啦!雖然我地一個鐘前先食完早餐XXXXD...個綠茶心太軟...240円(稅拔)=17hkd...同埋waffle...250円(稅拔)=17.8hkd....唔貴...但唔好食XXXXD





好似係呢間沙北入面賣既野特別靚XXXD(其實同出面賣既一樣)






我既目標係呢兩隻迷你小杯~飲expresso岩哂~但我唔飲expressoXXXXXD....但係迷你版我好鐘意~~一隻1,200円(稅拔)=85.2hkd....自從呢次我就好鐘意儲迷你杯~但可惜....新興起既興趣....我淨係儲左日本...同下一個旅行地點...就暫時未有更新；[......呢對日本杯係春天櫻花同秋天紅葉~靚~






毛寶影的帥照~










飲完啡順便行過隔離既












呢度賣平安符既地方都幾大喎~仲有好多款式~






買左呢個俾人~覺得八卦型幾得意~比較少見~




仲有呢個雀型既符XXXXD入面有籤文既~買左黎做手信~




仲買左呢個比媽媽~




除左呢種小型求籤筒~




仲有大型少少既~都係靠自律俾錢再抽籤~咁一場黎到~點都要抽下既~








我地兩個都抽到吉籤呀~~~








掛番係度~趨吉避凶~




聽講摸下門口隻牛牛會發達!毛寶你發左未?




毛寶影的~













我上個禮拜收到泰國寄到過黎既BrightWin公仔...
我痴線到上ig見到有佢地既娃衫買........
我即刻買左超多件.........................................
我自己都無買咁多衫俾自己.......
我為左兩隻仔....
到底仲要洗幾多錢????????????????????????
(但我又甜笑住咁俾錢)
我預計我今晚會再為佢地洗錢...
我就黎痴線..........



2021/04/24的開心事：
我為兩隻娃d娃衫買左個盒裝住佢.....
好想d衫快d到我手中~
我要幫佢地換靚衫衫去玩~~~~~~~~~~
(死啦...幾廿歲人仲學人玩換娃衫XXXXD
仲要樂在其中哥下先死~~~~)