2020年10月24日 星期六

奧羅拉 Aurora

星期日...中午毛寶請左我食風雅廚~再去行下aesop~夜晚屋企吃下~......星期一...本小姐生日~毛寶一齊放假陪我玩左一日~好開心~....星期二...今日去睇番上個月份驗身報告...樣樣都達標正常....但醫生叫我留意某樣野唔好俾佢再升高....我成個人梅左..............星期三...有喜~事~呀~...我地貞公子同春艷成左婚喇~~...請左鐘去觀禮~恭喜哂春艷同春艷夫人~好咯~.......夜晚diana請左我去蜀道食生日飯~多謝哂~~.....星期四...順利收工..最開心係咩?番埋聽日我就放3個星期大假喇~yeah~~~~.....星期五...今日打3號風球~啲小孩又湧哂黎~點都好~我終於都放大假了~~~.......星期六...今日雖然係大假第一日...但今日俾一件事搞到我無咩心機..中午食左個好難食既牛尾湯米..夜晚痴痴貢~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



由於今年無旅行去...所以以前無諗住去食既餐廳都悶到:試下啦....之下.........就試左呢間又係哥排見到好多人去食既...因為有D好抵既set lunch呀~就係呢間位於新濠鋒酒店(Altira)餐廳大樓10樓既奧羅拉(Aurora)...電話:2886 8868....呢間無上個禮拜寫哥間雅舍(The Manor)咁難訂~



一入去就有個到天花既大酒櫃~




由於我知道呢間餐廳係有窗既~(即日頭會有自然光透入)...我通常都會揀中午去試~因為我唔鐘意D餐廳燈光黑媽媽咁~會越食越眼訓~睇下幾精神幾光猛~呢間酒店入面既餐廳開左好耐...但係之前既我梗係留番D錢去旅行食好過.....因為澳門D餐廳有時唔係話貴或者係酒店入面就有保證架~...咪拖到依家先黎試~





訂位時要求左窗口位~開心~望出去雖然仲有室外位...同埋有個水池~但望遠少少有海景同埋望到對面岸啦~仲見到觀光塔架~(天政個U形天婦羅枱既窗口位望個景靚好多~可惜我覺得天政跌左好多watt~)





對比起The Manor務實形既餐具...我更鐘意Aurora呢度既~




呢個就係傳聞中好抵食既set lunch~呢間三道菜$258(未加一)....The Manor係$248....為左同The Manor公平比併~我地決定全部單點~(實係個set既內容同The Manor一樣唔太吸引我地XXXD)....佢A La Carte Menu其實都係得5版(計埋甜品)...唔算多選擇...但也不算少~




叫杯香檳爽爽先~Champagne Drappier, Brut, Carte-d'Or, Urville, France...$118/Glass....香檳類別中叫左最平哥杯...侍應說:呢支頭先岩岩先開架!好夠氣!.....我表示開心XXXXD






有人話我:晨早就飲酒!......自己好養生咁叫左杯Earl Grey...$35.....酒店餐廳價黎講算平~....點解要post佢飲茶相?因為我覺得佢飲茶時個鼻哥窿好得意XXXXD





上麵包!上麵包!...意大利餐廳梗係配油醋~好味包~好味過The Manor~





牛肉他他...$158......呀~成幅畫咁呀~整得好靚~可以用藝術品黎形容~




呀~成幅畫咁呀~整得好靚~可以用藝術品黎形容~





得個靚字無用既~要試試佢先~丫~又幾好食喎~康堤芝士同牛肉他他好夾~呢個人都話好食~不過share黎食好D~




雜菜湯...$98....撈勻前既狀態(開頭以為清湯狀...不知得幾開心)




有pat蕃茄醬狀物體...撈勻後全紅色....我地share黎飲佢俾左兩個細碗我地自己分.....個湯其實叫茄湯貼切D~撈勻後飲只飲到茄味~無其他蔬菜味~我沒有很愛(雖然無人關心我愛唔愛)





主菜兩個一齊上~咁呀~合照下先~(右邊個女仔咩事呀生咁多暗瘡既?抵死在鼻樑生瘡)





龍蝦扁意粉...$298.....呢個係餐牌寫住係廚師推薦...所以好想叫黎試~.....龍蝦係OK既...可惜扁意粉個汁極度creamy加漏...淨得忌廉味無其他味...我以為個汁係蝦濃湯味添...好失望




羊架10盎司(配紅酒汁)...$388....無叫side...我地哥日查實唔肚餓~....問佢推薦幾成熟...佢竟然話:6-7成熟......6成熟喎XXXXXXD....我唔太識野都知無6成熟啦....何況一間望落pro pro地既西餐......係6成同7成熟之間咁我唯有叫7成啦~你自己話有無7成熟喇XXXXD....medium都俾多你XXXD




你話係7成熟咁我咪試下囉~(自己倒左D汁係旁邊懶靚咁)...舊羊架係有D脂肪哥種....但佢又煎得唔夠...煎唔夠既脂肪點呀...難食囉...成口油囉....嘔......(我係唔會叫你攞入去再煎XXXXD我唔會俾佢離開我視線XXXXD)




regular coffee...$35.....叫個啡送甜品~都ok~價錢都很ok~




見到餐牌寫開心果梳乎厘...$128......即叫!未食過呢個口味~





非常可怕既梳乎厘質感.....畢落去裹面全部都係咁樣...好似食緊D未焗好既醬狀物體....我係要食梳乎厘輕柔質感唔係食醬呀..........呢pat醬狀質感仲要極度甜....實在好難過




埋單...見到有牛他他又有龍蝦扁意粉...就埋左張單




點知張單係隔離枱架XXXXXD呢張先係我地XXXXD....呢餐有消費卡單點有75折~折後$1,066...減左600蚊消費卡...呢餐$466...每人$233....折後再用埋消費卡....試下都ok既呢口價....但你問我會唔會想再食?唔會~......但如果你迫我係The Manor同埋Aurora之間再食多次既話........我會揀aurora啦咁~因為個羊係未煎夠但唔係The Manor既完全無味...加埋個海景同牛肉他他...我唯有食多次Aurora啦....The Manor單點仲要貴話呢餐...諗起都唔開心~




哥日食完仲順便去galaxy間Aesop陪毛寶買野...但我發現呢間野D人真係勁搞笑XXXXD次次去都覺得好歡欣...我依家好少買護膚品但我都買左一袋走XXXXD今次黎仲要有cocktail飲XXXD痴線到~...同埋當時打卡有野送...我地影相時佢隆重推介後面個架...佢地話佢地俾好多心機砌~係靚既~(同埋佢地好慷慨送sample俾人用問哂我地想試D咩...我次次用完佢D野覺得好好用就唔小心下次再買XXXD好好既戰略)










2020/10/24的開心事:
大假開始了
(其實本身今日係打算出發去阿根廷)

12 則留言:

  1. Happy Birthday Tiffany !
    Congratulations to the Newly Weds !

    回覆刪除
  2. 生日快樂呀! 我以前都經常有暗瘡, 後來轉咗 physiogel 就少咗. 試下轉另一隻洗面

    回覆刪除
    回覆
    1. 多謝~
      我其實都係用physiogel架XXXXD

      刪除
  3. 今次個餐唔錯、有羊扒、龍蝦。食完仲有折扣添......正呀
    妳皮膚咁好唔使買護膚品啦.......

    回覆刪除
    回覆
    1. 有折係幾抵既~
      我D皮膚其實衰左好多~(哭哭)

      刪除
  4. 又要講⋯⋯生日快樂啦小T...
    好鬼正咁喎~

    回覆刪除
    回覆
    1. 到出我D生日BLOG時你又再祝福我丫~

      刪除
  5. 生日快樂!(好似遲左好多...)
    牛肉係生嘅?
    好似唔係全部都係暗瘡...
    阿根廷?之前冇報時嘅?

    回覆刪除
    回覆
    1. 無所謂啦~最緊要有心~
      係呀~生架~
      查實好多暗瘡印XXXXD
      因為年頭開始爆肺炎諗住睇定D先買機票~然後就沒有然後了~
      一早攞呢段時間大假就係為左去阿根廷的~

      刪除