Diana生日會2019@永利宮

星期日.....中午起身又頭赤.....佢都算俾面.....生完日先黎痛.....中午本身想試一間茶餐廳.....點知坐滿哂人但個個枱頭都無野食既.....於是去附近一間cafe.....點知佢竟然可以激嬲我家毛寶.....平時出街食野係我發火先.....呢間野好極都有限.....之後去左買梳化:]因為要造.....所以要早啲訂.....又要捱窮了.....然後陪毛寶佩眼鏡遇到八寶.....好開心心.....然後毛寶幫我剪髮.....晚上痴痴貢..........星期一....都係有少少頭痛.....今晚阿媽整鮑而我吃...厚厚味........星期二....放左工去左傾間屋啲櫃既間隔...之後去左食八分目....食飽再番屋企望下裝修進度.......星期三...裝修真係好多野煩~~好彩唔係得我一個面對~~.......星期四...放左工去左同DIANA去食我餐生日飯~好開心~去左食灃收火鍋~(岩岩好呢篇就出到我幫佢慶生哥餐XXXD)....星期五.....放左工陪人去買iPhone~之後陪人買埋機殼同mon貼...佢話之後去旅行可以幫我影靚相了~我:華!你之前用壞鏡頭既電話都可以影到我咁靚~我真係好仰慕你呀XXD...然後去左食日與夜...然後再去睇小丑...我覺得個演員好犀利...到底要幾專業既演員先可以承受呢個咁極致悲慘既角色;[.....星期六...中午食左巴黎人~順手去睇鞋....點知又俾我撞到極品XXXD....再走去威尼斯人買鞋.....然後去MGM沙北飲左杯生日贈飲佢...點知...佢話佢地個系統用唔到個app...轉左金沙城間沙北~(今日去左4間酒店XXXD)....夜晚去左菩提園食齋~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



今年Diana生日~揀左同佢去永利皇宮既永利宮慶祝~電話：8889 3663




入口哥個位都幾靚~




餐廳既裝修係幾靚既~




岩岩到哥時一個人都無~包場同女仔慶生咁!幾咁有氣勢!!!(圖中個女仔咪Diana囉~)




好開心今次訂位話想坐靠窗位又真係坐到~yeah~




咦!乜你咁似京花軒架甜品車仔既~(唔係好似~係一樣~我估成個永利集團d中餐都係咁~)





因為佢對住佢個噴泉....每隔20分鐘就會有一次表演~~~坐左一陣就睇第一次表演~~~~~成個場都無人~~睇我地幾有氣勢~






其實岩岩開永利皇宮時我已經黎過呢度食過一次....哥日仲要係中秋佳節.....哥日既晚餐簡直俾呢間餐廳毀左!....初開時....野難食....服務又生疏....所以我一直都無再去呢度!....直到舊年凱公子話我知譽瓏軒個大廚過左去永利宮..我就想去俾多次機會佢~(佢地d餐具隻花我幾鐘意)




坐左一陣....咦~依家你又玩呢套呀?...永利宮特調茶.....由高茶杯倒落細杯....先聞聞高茶杯留低既茶香味~再飲飲特調茶~都不錯飲~





我就叫左鐵觀音飲~(我真係好鐘意飲鐵觀音...對鐵觀音有情意結)...$80/位......Diana叫左桂花烏龍...$50/位




好~飲住茶黎睇睇餐牌~




譚師傅過左黎~永利宮即刻有Signature Dishes~




叫左野食即上小食同埋醬料~(醬料都幾好味~)....小食係我鐘意哥d甜甜合桃~




仲有送既餐前小食!....唔記得咩釀油炸鬼.....嚴重失憶...但我記得一般~





黃魚蟹皇窩貼伴話梅小蕃茄...$190.....呢個係Signature Dishes其中一樣.......我本身想扮下d網紅要影到出面噴水池又影到碟野....但我不是網紅...所以影不到




都係正正經經影碟餸好了~話佢係窩貼其實似蝦多士多d...不過個餡變做黃魚同埋蟹皇.....魚肉超多..同多士都幾夾....但蟹黃我就唔係幾食得出~如果鐘意食黃魚其實係唔錯既...不過一人食一舊就還好囉....一人食兩舊會過漏~而話梅小蕃茄就係我平時玥龍軒好鐘意食哥種~~~~小清新~






松露醬素鵝.....$90........華~~~真係有松露片係面架喎~同埋入面都有......都幾新穎幾香~唔錯~




蜜汁黑豚叉燒....$290.......我最期待就係叉燒....呢間用左花椒八角果皮同酒一齊醃製....味道其實不錯....不過我稍嫌個味蓋過左黑豚~~~~~(我都係鐘意玥龍哥個~~~又偏心~~~~~)






食食下又黎表演~




釀焗鮮蟹蓋(每位)....$240.........我好似次次同親佢食飯都會叫~~~~因為我好想試~~~呢個都整得唔錯既~~~~蟹肉好多~





二十年花雕蛋白蒸海斑球...$490




呢個都係其中一個譚師傅招牌菜式~~~一上枱超香既花雕味!!!!老虎班配上西班牙黑毛豬一齊食真係好好味~~~~~我平時唔食魚皮既我覺得連魚皮都好好味~下面既花雕蛋白超香超好味(用日本雞蛋)...如果有碗飯就好喇~





沖繩涼瓜炒鮮腐竹....$160...加左豆豉去炒~都炒得好食...但唔使去酒店食XXD我阿媽其實都炒得唔錯~




食食下又有表演~影下先~坐窗口位真係唔錯~







影完坐番低食野....突然爆勁大雨(哥日既中午放工我已經俾哥陣大雨打到我成身濕哂!!!!!!).....個噴泉d水都吹到歪哂......個造型無哂....大雨到連對面COD都見唔到喇







然後就上生日雪糕了~~~~~我同餐廳講左有人生日~餐廳話幫我安排~以為係小蛋糕~~~點知咁有新意係雪糕~多謝~




但後尾我問經理可以可以俾支蠟燭我地....因為硬係覺得生日有支蠟燭吹下許下願會開心d~於是經理話佢地無....佢去左隔離自助餐問人攞左支~仲幫我地影相~




經理謎之角度~~~~~




生日快樂呀小姐~~~~~~~~~~~







Diana影既好靚~




我地仲叫左甜品~




牛油果鮮奶布甸...$90....er...食落好古怪




燕窩芝麻球....$90.......我覺得呢個佢地整得好味過巴黎軒...仲要我地影左超耐相但個流心餡仲keep到~而且唔怕太甜~






好~petit four喇~




不過我覺得d小點心麻麻~




埋單前仲去下廁所...睇下人地廁所幾咁金碧輝煌~




埋單仲有個永利宮特色茶送番俾我地~






呢餐食左$1947.....比起第一次黎服務同埋野食都好左好多....應該想衝米芝蓮啦~不過我覺得比起玥龍軒還是有差~








陪人買完iPhone.....
之後陪人買埋機殼同mon貼...(我自己都順便換埋mon貼)
佢話之後去旅行可以幫我影靚相了~
我:華!你之前用壞鏡頭既電話都可以影到我咁靚~
我真係好仰慕你呀XXD...
(定還是係壞鏡頭先影得我咁靚XXXXD)



2019/10/26的開心事：
食左巴黎人牛扒~



報時：距離全新飛行體驗法國布列塔尼自駕遊之旅仲有---28日~~~~~~~
報時：距離宜蘭聖誕親子遊之旅仲有---54日~
下?!?!仲有唔夠一個月咋?!
要開始準備下先~