鳥取自駕遊&大阪之旅2018-12-06第六天Part 2(陰天)

星期日....企係暫居地樓下等毛寶黎車我時覺得自己在法國街頭....因為陽光充沛加上終於無咁濕~再來聞到一陣燒雞味~真係勁似走在法國街頭~中午揾左好多間野食...一係無位泊車...一係間野好多人...最後食左興記~但今日我覺得好難食...失望......下午在家寫下blog啦~有新電腦嘛~夜晚又痴痴貢XXD....星期一.....放左工最開心就係番到屋企有阿媽整既榨菜蒸牛肉食~同埋開心既係....呢個女人為左自己買到兩蚊榨菜而開心~可以為左D咁少既事而開心既人~真係幸福~......星期二....好開心呀~~開心在....我去日本可以浸溫泉喇~你明架可~......星期三....華~今日坐足成日counter....周身骨痛....乜原來以前既我係咁攰架~仲要俾個好蠢既律師嫌我蠢發我脾氣....世界怎麼了?俾一個蠢人嫌我蠢而個蠢人唔知蠢既原來係佢自己的感覺有幾難受你懂嗎?咁蠢既律師真係唔知邊度揾~(有...澳門呢度有一個)....今個禮拜放工又覺得個天又黑了一點~冬天好像就快來了~.....星期四.....放左工今日無飯食呀~去左放肆放肆一下下~放左工周圍走走啦~行東行西~好耐無自己一個行街街~我正一外向孤獨症患者~之後就買左肉燥飯同鹹酥雞番去吃~個肉燥飯大到成個吃緊大家庭裝雪糕個杯咁大~嚇親我~........星期五....下午超多野做...企係度連做個幾鐘先至有得坐下~放左工去左同七公子食毛寶生日飯~去左星際食~由於我地個蛋糕寫住狂賀老爺34大壽...星際D人一路唱住生日歌行出黎時：happy birthday to "老爺"~~好好笑~....星期六…差唔多重陽節~去左拜老豆同阿婆~之後中午去左食comma cafe.....下午寫下BLOG悠悠閒閒咁~回想起之前搬屋執野真係好攰~依家咁樣真係己經係小確幸~



2018/12/06
Day 6-Part 2(日本,大阪 Japan,Osaka)
由Hep Five番酒店哥個方向次次都經呢度~又望下聖誕佈置先~





好似係第一次行梅田既Tokyu Hands~雖然心齋橋哥邊哥間大好多....但唔想特登去心齋橋了~因人太多~就係大板駅內既大丸百貨第10-12樓~




我其中一樣好鐘意睇既野係佢d賀卡!!真係好靚!!!






我仲揀左呢張送俾主席!2019年既生日已經送出俾佢~





仲要臨近1月1日新年!!所以已經開始有超多款利是封賣!!!好多都勁爆靚架!!!!!




做咩d人行行下又睇緊gip架?!仲話要買多個細gip!!又係Lojel....可上機既細gip....17,000円=1,105hkd....細gip黎講算幾平.....d人仲特登揀同自己個中gip唔同款...話鐘意佢夠懷舊喎!





新味!!!!!但聞完覺得一般~




幫杯買~




好野~~又有套裝~~我又買~~有細hand cream又係1,200円=78hkd....無既又係1,200円~做咩唔買有既?!




呀哈哈哈~次次都買一堆~~~~~~~~我之前有係Loft買..但Loft退稅比較煩....都係Tokyu Hands買快手d~




行完大丸梗係拎番d戰利品番酒店先~反正大家都係駅內~行你後面就感受到你哥種招積!!華..咁寶貝呀個gip唔可以落地地行呀~XXD




放低野又行去Lucua同Lucua1100啦~~~~~真係好救命....大板駅內哥幾間百貨公司已經夠哂我玩~~~~




今次行Loft睇岩左舊年哭袋既小禮物喇~~~~~~達摩甩皮好可愛~~~~~




又行undercover~~我今次都有收獲~~~




今次仲新增行一個商場叫ALBi!!!!佢好似開左好耐...但我地到舊年先發現~~~~~




佢有分ALBi Fashion同ALBi Outdoor...我地梗係想行ALBi Outdoor啦!!!!!!地址：大阪市北區梅田3-2-135.....呢度有16個品牌~~~~好多都岩我地睇~






有Columbia啦Keen啦~仲有我地最鐘意既Mont-Bell~~呢間都幾大間大家可以放心行~不過Mont-bell一直無做退稅...企得好硬呀個衰妹!




買完又番去擺低d野~已經見到d人個兩個新gip已經放野擺入去!(大家明佢點解攞一個細gip出發啦...仲要係借我既...買左gip已經隨即還番俾我喇~)




臨食飯前衝出街買多輪~搵左係梅田另一間既ダイコクドラッグ藥妝店(大國藥妝店)既第1ビル店(だいいちびるてん).....地址：大阪府大阪市北区梅田1丁目3-1-100 大阪駅前第1ビル1F.............終於見到充足貨源喇!!!!!雖然貴噚日100円盒...但1,780円=115.7hkd呢口價真係好平~




退熱貼呀~~~~~衝呀~~~~~~




試買埋呢隻雜誌有推介的胃藥~




買完就跑去食飯啦~~~~~好似第一次跑黎東通リ




yeah~~~~又食我地最鐘意食既玄品ふぐ~~今次揀左梅田東通店...地址：大阪府大阪市北区堂山町4-17....




其實近少少曽根崎の関都有一間...但係網上預約只有東通店可以預約埋天然河豚食!!(記得一定要食天然河豚)....曽根崎の関有網上訂位但無得揀天然河豚~咁呀...行遠少少咁多啦無問題~天然河豚餐有3種~由於太想食最尾個粥....但又唔會揀鍋同燒(因為太多同太貴XXD)




呢邊餐牌係養殖河豚既餐...價錢差一倍架~(一般養殖河豚既鍋餐7,884円=512.5hkd....天然河豚既鍋餐15,984円=1,039hkd......但如果你養殖同天然都食過既..你會知道.....你好樂意俾多一倍錢XXD...因為我兩樣都食過)




最後我地就揀左呢個天然鍋餐既~~(網上訂位時其實已經一早訂埋...同埋要預先訂先有得食.....無得即場叫~~我地黎到係等食同埋揀野飲就ok~)....15,984円=1,039hkd....另外哥個價錢係如果個餐加埋白子先係哥個價~我不吃白子了~




野飲唔使講..一定係揀你!!!!!每一次我同毛寶都係揀呢樣~~~~河豚鰭燒酒...864円=56.2hkd....如果會飲酒既一定要叫呢個!!!真係勁香勁好飲!!!!





好~好~味~呀~~~~我依家好掛住~



第一次叫呢個酒有送酒小食!!!!!!我估應該係炸既河豚鰭~





食完小食....剛好個前菜就來了~河豚鰭既涼拌~~酸酸的~好好吃~





先來河豚生魚薄切片....每人有一碟~夠哂食!!!!好味呀配埋個汁~(佢個厚切魚生我都好鐘意食架..不過呢個餐無得揀~)






香炸河豚.....救命呀...炸得好好味呀!!!!!!!!!!!!!!d肉勁爽~~~~天然河豚d肉係特別爽架!!!!!!!





旁邊既銀杏都唔好忽略呀!!!!又係勁好味~




再來就是河豚火鍋~(好鐘意佢紙火鍋~)





點既哥個酸酸地既汁都係精髓~~~




鍋呢個Set比起燒哥個Set多一樣野...就係金箔胶原蛋白....滾左之後會落入鍋....但作用係零...因為係唔會有味XXXD





唔好擔心...入鍋有店員代勞~




實在係太好味喇!!!!!!!!!!!!!!!!!!!!!!!!!!無論係魚肉定魚皮都勁爽勁好味~~~~~~~~~~~~~~~~~~~~一級棒!





食完魚肉食菜菜~




最後就係河豚泡飯了~個調味醬油仲係佢地自家特調~





仲有甜品~毛寶揀左柚子雪葩....咁樣影既含意係...佢想話俾大家知...呢個雪葩有幾硬XXXD簡直可以當石頭攻擊人




我叫左焦糖布甸...正常野~





呢餐食左33,910円=2,204.2hkd.....每人1,102.1hkd....除左壽喜燒之外....河豚係我同毛寶次次黎大阪都想食既野~~~~~~~~~~~~~~~~~~






行回酒店途中~又欣賞一下聖誕燈飾~






番到酒店覺得腳板底火燒咁痛~望下電話....呢日行左成萬九幾步?!淨係梅田咋喎!!!!



夜景~




呢日收獲性甚豐~買左一座山~




呢日既收獲~




我在Undercover的收獲~左短袖右長袖~(但左邊哥件我都有長袖XXXD)




Mont bell的收獲~(之前成日借我媽件冰島66度黎著XXD)




好多Memo~~"同一"Memo呀~~~~~




兩個不同的達摩~




我都買左Retaw既衣服除臭噴霧~(你d衫到底是有多臭?XXD)




毛寶還買了呢隻牌子既香水~另外又買左呢個便攜裝既香水~佢送左一粒俾我~




華~又執得幾整齊喎~用家使用後評語：執野好好執~但你要同毛寶一樣執野咁整齊既先好用~~XXD








2019/09/28的開心事：
食左COMMA CAFE~
因為佢地個冰菜沙律好好味~



報時：距離九州自駕遊之旅仲有---7日~
報時：距離全新飛行體驗法國布列塔尼自駕遊之旅仲有---56日~~~~~~~
報時：距離宜蘭聖誕親子遊之旅仲有---82日~

好開心呀!就快出發喇~

成4個月無去過旅行緊張緊張~

下個禮拜六都會出BLOG喎~

記住黎探我呀~