鳥取自駕遊&大阪之旅2018-12-05第五天Part 2(陰天及後轉晴)

星期日...中午又食Root XXD...短期內都無得食喇:(...下午又幸福忙...忙下九州又忙下法國...夜晚痴痴貢...仲痴埋人地wifi聽濕爬台灣電台節目......星期一...今日都過得輕鬆...但今日個胃有啲唔舒服......星期二...中午食左個唔飽肚既飯XD夜晚放工番到屋企我仲餓到手震...夜晚睇羅天宇哥時又俾佢電到...點樣抗拒佢唱住歌示愛呀個樣咁認真?(有既...放仕燊係佢隔離唱’是你令我再次找到心跳’危機就會解除XD)......星期三...今日研究左機場lounge成日XXD你都咪話唔佩服我無聊事認真做既堅毅XXD......星期四...今日中午個肉餅飯好好味呀XXD今日又做左另外一樣工作...令我自己覺得由啤酒妹變做OL XXD...夜晚同左毛寶家人一齊食中秋節飯...個先生炒飯又幾好味喎......星期五...中秋節!放工去左同屋企人食風味居做節...之後約埋毛寶在暫居地睇煙花...幾勁呀可...睇到煙花...然後食左一堆應節食品...稜角呀芋仔呀文旦呀甜品呀XD有人話我越食越肥...我恨你......星期六...中午去食Toff...驚覺可以儲AM!...下午在家打下blog...毛寶幫我剪下頭毛之類...夜晚去左食順軒~



2018/12/05
Day 5-Part 2(日本,鳥取,皆生溫泉 Japan,Tottori Ken,Kaike Onsen->境港市 Sakaiminato Shi->大阪 Osaka)
又沿番中國自動車道直駛番大阪~~




越向大阪方向~越放晴~







由於太長車程~都要俾司機大哥抖抖既~~~同埋我地都未食中午飯~停係高速公路上既一個好大型既休息站~~~~買下野食~~~有Food court....又有室外檔仔賣野食~~~~我買左呢個食~~~350円=22.8hkd~~~好好味~~~(令我諗起之前同七公子去釜山...戈巴同二哥帶我地去慶州玩然後停係個休息站買既一串年糕...勁爆好味)





然後我地再行入去food court睇下有咩買~~~~買左呢盒乾貨上車食~~




係咪箱壓壽司黎架?....但佢又包裝得幾企理呀...而且幾好食~





華...終於望到大阪既牌喇~






大約經歷3小時10分左右我地就由鳥取縣境港市番到大阪(Osaka)喇~~~~~回程既高速公路收費加起來是6,800円=442hkd~





番到大阪呢d咁大既城市真係會好緊張!!因為路又細d分忿路又多d人又多d要注意既野又多d~~~~~~~仲有要留意埋有鐵路經過呢~






我知道毛寶一入市區就會緊張....因為始終人生路不熟......我地揀左係梅田還車~Nissan Rent A Car(Marubiru店)...地址：大阪府大阪市北區梅田1-9-20(大阪マルビル１階)....Mapcode：252 487 348*47.....就係搵黎搵去都搵唔到個還車入口係邊!!!!!兜過幾個圈.......之後!!!金晴火眼先見到個標誌!!!!!




然後係連人帶車搭(車立)落唔知B1定B2還車~




今次5日鳥取老爺一共揸左728KM!!!!太利害了~~~~




然後再上番地面層搞埋d手續就完成還車了~




還好車就行番去大阪駅~係還車中心行黎3分鐘左右~方便~(大阪駅外其實整緊d咩?!我去左幾年旅行都未完工既?)




梗係住番Hotel Granvia Osaka.....就係大阪駅入面(正南口哥度)~地址：大阪市北區梅田3-1-1....仲唔俾我捉到你走光?!....見到你左腳突出黎既打底褲喇!!凍呀le~~~呢d叫密實的走光~




今次俾多少少錢揀間大少少既房住~3晚總價3,038.4hkd...每晚房價1,012.8hkd.....每人每晚506.4hkd~間房終於都大d~但點解硬係要用奇特配色XXXD....廁所唔算細..但佢做左個好大空間俾個浴缸俾人浸浴用..令洗手盆哥邊好窄好細~







依家學人有free smartphone俾人帶出街用~




望出窗外景色~日落了~我記得好似住廿幾樓~





其實我去左鳥取咁多日得咁多野買過咋!非常強大~同埋無咩好買~




好囉~安頓好又去行街街咯~~~~首先要去Grand Front Osaka...地址：大阪府大阪市北區大深町4‐1,4‐20,3‐1....係大阪駅內有條扶手電梯一上就見到~




期待~~又可影你入Beams喇~~~~可惜今次你無野岩買~




其實黎Grand Front Osaka最主要係黎北館一樓呢間G-Shock Store....有人話有野要買喎~





有呀!!!!有人想買既野出現左喇~~~~




原來呢度都有無印...咁行行先喇~位於北館4樓




呢間無印幾大下~




呢間無印幾大下~又有刺繡工房...好想整~不過整唔到啦~整左都唔夠時間攞貨....(我好老土...香港依家無印有刺繡工房未呀?)




呢隻之前好多日本妹妹都係網上推薦.....可以夜間厚敷做唇膜~唔錯~950円=61.8hkd(查實我唔知有無記錯價錢XXD)




再買埋呢支細細裝試下先~290円=18.9hkd




行到家品部見到呢個迷你屋好靚~~~~~~~




就咁講迷你有d抽象...有請我既模特黎幫大家比比大小~~~~~~好似去左小人國咁~~~好好玩~~~我地望左超耐~~







又去買我最鐘意食既魷魚~~~~~(咩je....平d丫嘛)




最新發現...除左我平時好鐘意食..食開哥隻之外....呢隻都好好食~~~隻味好幽幽~各100円=6.5hkd




下!!芝士蛋糕添呀???!睇黎我真係好老土...咩都唔知...其實我好想試...但係我仲要食好味野架今晚!!




行完無印就走啦~行經平時我同衰婆周五最愛食既早餐subway......華!!人家日本店仲係店內種菜!!!




經過商場大堂....係喎!聖誕月喎!!但呢個裝飾似生日蛋糕多d~




諗起大阪駅內上次有聖誕燈飾哥個位可能換左燈飾喇喎!!!行過去八下先!!!.....點知......................同上年一樣....





然後行出駅外......諗住今次唔去心齋橋哥邊嘛...咪諗住係梅田搵藥妝店買野囉!....去左ダイコクドラッグ藥妝店(大國藥妝店)既NEW第4ビル店.....地址：大阪府大阪市北区梅田1丁目11-4-B200 大阪駅前第4ビルB2F...係一棟好舊式商場入面既B2層....我地搵左好一陣子先搵到~




重點項目....梗係賢者の食卓啦!!!!!下!!!!!!呢間減緊價呀!!!!賣1,680円=109.2hkd咋!!!!!!!!!!!!!!!!!!!!!!!!!!!!!!!!!平極!!!!!我正準備大手入貨之際....發現.............係得番一盒............................好失望...................




轉攻潤唇膏......呢隻係100分好用!!!!!連毛寶都話好用(點解要用毛寶做比喻?因為佢好憎用同好少用)....之前去d乾燥國家旅行個咀甩好多皮....用呢支上次去摩洛哥無甩過囉!!!好好用!!!....呢度賣378円=24.6hkd....澳門都有得賣...但係賣50mop!!!!!!(其實港紙同我地mop差唔多架咋....所以50mop同50hkd可能差1hkd咋~~)




呢隻係我心中No.2....398円=25.9hkd





又買膏布~




幫阿媽買獨立支裝人工淚液....598円=38.9hkd




行過見到自助機...原來除左平時好鐘意飲既熱辣辣粟米湯之外....仲有兩款麵豉湯呀大佬!!!好想試呀!!可惜我家陣行去食飯喇!!!!




又黎到Lucua 1100 10樓既モリタ屋~~~上次要等6張枱~今次又唔使等了~




梗係食我最愛既sukiyaki啦~~~~~~記得!!!!揀"特上"得架喇!!!揀"特上"得架喇!!!揀"特上"得架喇!!!...因為最貴哥隻"極み"同"特上"牛既等級係一樣....其他野食一樣....只係多左一個季節料理(上次係魚).......而且食極み太飽喇..大食如我都食到勁飽....貼士真係不要選極み~特上價錢7,800円=507hkd(每人)




我叫左高千穗梅酒...600円=39hkd....黎番大城市...變番好細杯~毛寶叫左可樂飲呀....因為佢愁緊.....其實佢唔想食呢餐架...因為鳥取和牛嚇怕左佢~佢想用可樂黎麻醉自己~




前菜五種盛~~好味~有菇食~~




華~牛呀~(每人有150g)





有專人服務~放心~唔使自己整的~









真係好救命呀...我黎親大阪都放棄唔到佢!!!!!!而且次次係大阪第一晚就會食~~~~~毛寶食食下之後又唔愁喇~佢都話好好味~....配上雞蛋同吃真係.......同仕燊一樣係世界級!!(咁都可以提起心愛的偶像)





第二吃同蔬菜一齊煮~如果叫d等級低d既牛...第二吃因為同蔬菜一齊煮...煮得耐d...因為牛脂肪少d...會鞋鞋地.......但食過3次最貴既肉第二吃時牛肉脂肪多d所以咁樣煮都唔怕老~~~~~好好味呀喂!!!!毛寶：咁食咪幾好....每人有兩片就剛好啦~配白飯吃係上品~






實在係太好喇~甜品今次係生果~




食左17,874円=1,161.8hkd...每人580.9hkd~好抵玩~




食飽去左駅內哥間好大有埋手信賣既便利店串下門子先~Jagabee完全無吸引既味....夾硬入手第一幅圖哥杯!但唔好食!





下!!!!!番左黎大城市我反面見唔番我想試既公主紅茶味!!!!!!???仲有布甸味呢?!?!?!?(我係打blog時都無為意...出blog依家先見到布甸味咪係度囉!XXXXXD)




好彩你仲係度~買左番酒店嘆~不錯~呢個Ohayo牌子出既布甸網上評價很不錯的~下次要試~





本日之戰利品~(無印買左件羽絨狀物體)..盒賢者得一盒簡直係失禮人!!!




買左呢個口罩試下.....聽講黑色戴左睇起黎會瘦面d....但毛寶笑我老土....所以買左一直不敢用......(但係濕爬阿達都有戴喎XXXD)




哈哈~有人就係想買呢隻錶....我：隻錶幾靚喎~..................於是.....有個人就送左俾我...........................我依家日日都有戴架~多謝~(因為佢話我好難得會睇中一隻錶....所以佢話一定要送俾我~~~~~~~~~~~~~~~~~~~)...不過我真係好鐘意呢隻錶~因為戴左自我感覺型仔左~番工係同事面前仲要刻意Show手錶XXXXD(朗公子話我戴新錶隻手特別作狀XXD)....但同事們都係戴名錶XXXXXD...咩呀!我哥隻都係名錶黎架!!卡西歐你唔識咩!XXXXXXXXD做人只要有自信~手上戴的就是名錶喇~(但有時我是過份自信XXXD).....點解呢個Blogger一隻錶都可以打咁大段野????XXD....呢隻錶幾抵玩架~13,500円=877.5hkd..仲有稅退~










2019/09/14的開心事：
梗係放3日假啦~~~~星期一有補假~~~~
開心仔~~~~~~~~



報時：距離九州自駕遊之旅仲有---21日~
報時：距離全新飛行體驗法國布列塔尼自駕遊之旅仲有---70日~~~~~~~
報時：距離宜蘭聖誕親子遊之旅仲有---96日~