鳥取自駕遊&大阪之旅2018-12-06第六天Part 1(陰天)

星期日...中午去左食棽莜~又有秋之味食喇~~不過今年哥條細過上年哥條~下午寫Blog....夜晚同屋企人去左京都食飯~席間竟然收到我阿婆係21年前為屋企人準備既一份禮物…貴重在每份禮物都親手寫上我地既名…真係覺得好感動…勁催淚呀大佬…收到呢份禮物…感覺你仲係我地身邊<3......星期一...補假丫嘛~中午去左食沙北~跟住去UA睇"大叔的愛"...還是很喜歡haru pon與maki唷～雖然電影版好爛XD…然後去左金非食下午茶…我終於都食到喇！豬潤麻辣豬紅米好好味…佢啲麻辣豬紅無死辣…好香又入味…佢個脆炸豬扒都好正…而佢枱上既辣菜甫都好盞鬼…我同我媽食左佢半樽…真係真係極推呢間…諗起都想食…夜晚就試左間係我暫居地附近既扒房…勁麻麻……星期二…裝修啲野真係好煩呀…勁煩…我地依家暫居地無咩娛樂…得一部電視係房…呢晚食緊飯後果雪梨時睇既節目係窗外前兩條街既路人…我:依家應該落緊雨…媽:你睇條路…都唔濕…我:但啲人有擔遮喎…媽:係喎…好無聊呀呢兩母女XD……星期三…今日無啦啦又坐全日counter...有啲唔慣...放左工去左揀冷氣...之前買電器又用左一筆...今個月我要打開個口食風喇.......星期四...放左工又去左睇磚....我覺得今次哥間仲靚仲好！...睇完去左japas green…終於都試到！好好味！不過份量好細…星期五…放左工去左同唯三大學同學仔開毛寶生日會…星期六…中午買左Mac book air~~~~~好開心呀…有人送俾我架！話送俾我新裝修入伙喎！但我仲未裝修完XD已經收到禮物了…多謝老爺…跟住去左食潮興隆~~第一次食又覺得幾好食~~然後就去睇地板同廁所~夜晚痴痴貢~



2018/12/06
Day 6-Part 1(日本,大阪 Japan,Osaka)
早呀喂~~天陰陰的............仲好~唔怕曬~





本身呢日一起身所預備既節目係食野!!食野之前...呢個人自己安排左節目!!!!(又行去Lucua XXD)




就係要黎呢個毛寶要買哥樣野既其中一個特約銷售點




想買好耐既一個gip~~~~唔知大家記唔記得呢個牌子~我地第一次見到係舊年毛寶生日去泰國時係Siam Paragon見到~~~當時都好想買....但哥時大家都帶住個中gip....然後番澳門都有睇到...但係澳門賣貴d同無毛寶想要既色!所以最後決定黎大阪時買~




你點估到佢最後揀呢隻色?!?!?!無記錯既話好似係30,000円(稅拔)=1,950hkd.....可惜呢個得番display~




有無人記得....第一日出發...佢淨係帶左個可以hand carry上機既細gip??(仲要係問我借囉).....為既就係黎日本買gip呀d人!!!你贏哂做哂大贏家啦!....好彩係駅內商場買~推番上酒店先~




好喇~去食野喇~我地黎到阪急三番街~我完全忘記我當時係點樣行到黎呢度~




我地今日中午要試既就係呢間Milk Craft Cream (生クリーム専門店) !!!....係食生忌廉甜品的~~~當時係大阪都好hito架!因為係東京開時都係長龍店......我地當時佢係岩岩開係大阪咋~~~(當時大約好似開左一至兩個月左右)....地址：阪急三番街南館一樓.....個地址好抽象...我都好難話你知點行....因為我都係行下行下...就行到黎呢個位.......佢開11點..我10點半到....已經有人在排隊....




牛後面幅牆既顏色又幾sharp醒既~呢個牌子係好多地方商場有雪糕專櫃.....但係可以坐低食既cafe形式(有鹹食)東京得一間...大阪有兩間!!一間就係呢間係梅田既...另一間係難波~





佢另外有一條隊專係外賣既!唔好排錯呀!




我見到我想食哥樣野喇~~流哂口水~~~我好少可去日本會食d要排隊既野架~~~因為我好懶唔想企咁耐~~(但等仕燊試過企左8個鐘)...聽講佢隻生忌廉係由北海道既牛牛生產既牛奶..試左100種唔同既乳脂比例而生產出呢隻超濃厚忌廉~~~~~好期待~~~




排緊隊時有店員黎派餐牌~~太好喇~~可以研究定食咩先~(鹹食一望就覺得唔太吸引....咩係Doria?!)...呢類型餐牌未食已經討好左我先架喇...因為係圖片加手寫字形式~








準時開門11點~~好彩排第三組客人~第一輪就有位坐啦~








餐墊質量超好~唔係一般既紙質~望住呢張餐墊好似有成堆牛會湧出黎~





我地有叫鹹食...跟餐我叫左洋甘菊茶~跟餐價300円=19.5hkd(原價380円=24.7hkd)...d茶少到.......




生クリームカつエラテ(Hot)....580円=37.7hkd.....即係生忌廉咖啡.....毛寶叫既...佢影影下話：好醜...成套杯碟好似茶餐廳咁.......然後西走隻碟影~佢飲完後我問佢評價：er..........然後到我飲....我也：er..........我開頭以為生忌廉好濃郁...又唔係喎....我知喇!!可能因為佢係熱既!唔緊要!





緊接住就到我叫既生クリームカつエラテ(Iced)....580円=37.7hkd.....凍既pat cream仲多d咁~~~~~~~




一飲.....同冷熱無關.....pat cream真的不濃郁呀......係口感幾幼滑.......但飲杯啡....無味...無啡味又無甜味.......以為溝埋飲會好飲d..係無既....成杯野好似洗碗水咁.....唔湯唔水......




我個心已經涼左一截......好喇....主食到了~我地叫左兩個Doria Plate....有Doria...有個沙律...有個湯.....其一係明太子とお餅の和風ドリア......1,180円=76.7hkd...個面類似麵包糠咁脆脆的....裏面類似有d飯咁....呢個口味算不錯...但唔會想食多.....沙律正常....個湯係哥種日式即沖湯包咁...勁味精....




另外叫左個3種チーズのクリーミードリア....1,380円=89.7hkd......




用左3種芝士(Mozzarella...Parmesan...Cheddar)整成既Doria....唔使講啦~~勁漏~~~~一樣面脆....內有creamy既芝士同飯...再有火腿...第一啖食...還好...第二啖食....可以入口....第三啖....已經好唔想食......................................





唉~咸食唔好食都算啦~呢間野最主要食甜食嘛~好~打起精神試甜食~~~呢個出發前已睇定好想試~~~ふわとろツっオンクーキ(原味).....780円=50.7hkd...生忌廉既戚風...揀左原味~~~~華~~成個屁屁咁~~~




一食...食幾輕軟既戚風...但....我又唔覺得pat生忌廉好正喎...點解呢?!




ミルキーンっトパっエ....780円=50.7hkd...又係揀原味既雪糕....er......佢唔係唔好味...但唔會一食我就：華~~~~~....咁囉.....佢仲古靈精怪.....個底有珍珠.....唔夾囉....(但證明到日本人依家係真係好鐘意食珍珠囉~)






有時d野....都係試一次好喇.........................................呢餐食左6,024円=391.6hkd.....每人都差唔多成200hkd...但唔好食





食飽就行去Hep Five啦~地址：大阪府大阪市北區角田町5-15




hahahaha~不過竟然無野岩買囉....去beams好極端架...一係好多野買一係就完全無野買~




好似係Lowrys Farm度見到呢隻崩壞既米老奇....50周年同呢間時裝店crossover出左呢隻蝦肉面色既米老奇~好好睇~毛寶有買~我就買左條褲~




有人仲要去呢間Ciaopinic度買佢最愛既香薰Retaw~~其實我都好鐘意~




然後我仲黎到disney store幫Kapo baby睇下有無佢想要既野~~~家陣呀.....佢地又興出一隻迪士尼公仔呀....然後又幫佢換衫XXXXXD呢樣真係識搵錢XXD即係你明明係米老奇你又要扮下做毛毛或者大眼仔....救命XXXXXD





Kapo叫我幫佢心愛既唐老鴨睇下d衫仔~又真係幾靚幾多選擇既~~~~~~~~~






我有諗過唐老鴨再著唐老鴨既衫會係點XXXD




最後選定左豬仔衫衫~~~~~~~我叫左米老奇示範俾你睇~不過真要講聲Sorly~因為我成日忙忙的到依家仲未得閒寄俾你~*3*







我覺得依家有埋貓貓狗狗既頭套同埋頸圈超!得!意!!!!!!!






之前有出呢個形態既櫻花瓣貼紙...依家出迪士尼版~好可愛~不過我長大了~我無買~




新年款達摩版米老奇~幾靚!





覺得幾好意頭!買左俾毛寶大姊~




你真係估佢唔到架...佢係beams買唔到野...佢係呢度買左隻鵬鵬呀!公仔喎!佢喎!佢話望到佢好開心喎!佢話要借俾菓子軒玩喎~(人地都無話要玩)




行到Sanrio...又要為某公子謀福利喇~我決定抽兩隻~抽之前覺得呢兩隻係最醜最醜既!你地估下我抽中邊隻?




大佬呀...叫你黎拍笑片既咩.........................笑到我同毛寶抽筋




再買個小小新年禮物俾同事~包到勁靚靚~





細粒懶熊同雞雞喎!!!!!!!!!!!又手痕~結果?妖!夾唔到呀








雖然依家係揀左換里數搭商務..
但我最初儲里數既動力係...
要換日航既頭等由日本去美國航線..
目的就係要試特定航線先有既"龍吟"套餐..
咁今次換唔到...唔緊要啦我安慰自己..
總有一天會換到..
但係......突然驚聞....
原來今年年頭.....
日航已經無再同"龍吟"套餐合作...
咁......................我個初衷..
還是實現不了~



唔知大家有無睇金宵大廈呢?
我做之前諗左好耐睇唔睇好...
因為睇預告覺得有啲恐怖...
但我覺得普通話版既今宵多珍重好好聽...
所以我決定鼓起勇氣睇...
不停游說自己無事既...
係奇幻片je~
睇左一個禮拜...
好好睇呀~~~
李施嬅飾演既alex.......
空姐裝超靚女!
希望呢套最後唔會變成壞左既劇啦XD



2019/09/21的開心事：
梗係有新電腦用啦~~~~
不過還在適應中~~~

今日呢篇BLOG就係用新既電腦出架喇~

係咪特別好睇呀~



報時：距離九州自駕遊之旅仲有---14日~
報時：距離全新飛行體驗法國布列塔尼自駕遊之旅仲有---63日~~~~~~~
報時：距離宜蘭聖誕親子遊之旅仲有---89日~