鳥取自駕遊&大阪之旅2018-12-05第五天Part 1(陰天及後轉晴)

星期一...今日勁攰...下午做另一崗位企左兩個鐘條腰超痛...我老了...攰到屎屎下番屋企食飽飯有濕爬既kkbox live聽...好開心...聽你地講野真係好歡樂...笑聲很魔性XXXD......星期二...今日放工明顯地睇到日照時間縮短了...放工已經天色黑黑的...近排睇羅天宇同田蕊妮...俾羅天宇的笑容迷倒XD...(放心放心...我仲未變心XD雖然無人關心)......星期三...咦...今日下午另一工作崗位又唔錯喎...我媽前幾日番過屋企望...佢話見到好多磚同泥頭係度覺得屋企細左好多XXD......星期四...今天某項工種令我覺得好似啤酒妹...明知我個人最怕醜...仲叫我氹啲客XXD真係好難搞......星期五...我今日覺得好輕鬆呀XXD...放左工去食老記...因為見到人地食牛雜煲好好味......星期六...早上去左問升盤價...買電器...中午去左買八分目...下午揀磚...同埋係另一間終於買埋升盤...問埋濾水防爆玻璃膜...好忙XD...夜晚痴痴貢~



2018/12/05
Day 5-Part 1(日本,鳥取,皆生溫泉 Japan,Tottori Ken,Kaike Onsen->境港市 Sakaiminato Shi->大阪 Osaka)
噚日下午到左溫泉旅館之後落超大雨~無停過~呢日6點起身....雖然極厚雲...但望到少少晨曦色~感覺良好~毛寶有去浸私人風呂~我懶我無浸~





噚晚係房食晚餐~早餐就落宴會廳~我地被安排坐近窗~對住個景同我地間房一樣的~




早餐餐牌~好彩今日係榻榻米但有櫈坐既je~~




一到場就set好野啦~~~好野~~~終於食到一個早餐唔係自助早餐喇~~~yeah~~~~





頭先上面幅圖d野食右上角咪有個木盒既物體既....佢下面有包唔知咩物體...加左水落去就會發熱(好似去露營用哥d發熱野).......好奇左好耐係咩野食....原來係蒸豆腐~~





頭先大集合幅相未有既飯同湯~個湯仲有蜆仔~~勁細粒~飲落咁細粒蜆都勁鮮~





另一特別係係有粥~~~~~~令我諗起上次去四國時早餐食既早粥~




食物種類都幾多幾豐富~而且都算唔錯好吃~










食飽飽Check out....埋單88,558円=5,756.3hkd(2人)




臨走仲送小禮物俾我地呀!!!又幾貼心喎~~~~





哈哈~~第一站又去巡巡便利店~~~呢個法式燉蛋勁吸引~~~~不過家陣晨早流流又好難食呢d又凍又甜既野既.....未瀨過屎咩~~睇下次後有無啦~下面個布甸雪糕都好吸引~




買番支咖啡先~~~~呢日好似無咖啡提供(如果我無記錯)....所以去清醒下頭腦先~




咦~~某公子又有蛋黃哥小禮物喇~~~~圖中個粟米脆條雖然硬左d但係幾香粟米味~




再出發~~~~~一陣晴天一陣陰天~





今日第一站去左境港市(さかいみなとし)....由溫泉旅館黎呢度大約32分鐘~點解要來境港?因為我地要黎看看水木茂大道....水木茂大道係咩來?就係鬼太郎既妖怪一條街喇~地址：鳥取縣境港市末廣町周邊.....Mapcode：109 762 094*44(水木茂大道附近其中一個收費停車場)...泊好車行出黎....已經見到妖怪處處~~~~~~~





連燈都見到有鬼太郎阿爹阿目玉先生~~




而且呢度附近勁多呢種樹!!!!我覺得好襯鬼太郎style!!!!有點點的陰森~





hi~其實我唔係鬼太神忠粉黎架~不過覺得佢畫既妖怪都幾趣怪~所以來看看~呢兩個像係鬼太郎和作者~作者肩上還有目玉老爹~






見你兩個手指指咁睇下你地指住d咩先~~~~~0我~~~~原來佢地指住就係對面馬路既水木茂大道的開端~~~~~~~~~~~




呢條水木茂大道有好多賣鬼太郎商品既商舖~~仲有百幾多個鬼太郎入面既角色既銅像~~~~~係忠粉既話會好忙~聽講話係水木茂大道會不定時出現人扮劇中角色既扮演者出沒~但係幾時同咩角色都無定向~睇下客官的運氣如何咯~(但我呢日係一隻都見唔到~)





我地唔係忠粉丫嘛~不過就點都要同主角影影啦下嘛~~~~~~鬼太郎同後面棵樹好夾~






同埋影下目玉老爹啦~咁岩線朝早落完雨~搞到佢個碗真係有好多水~




仲有影下棚牙好出位既鼠男~




第一件事...就係要黎水木茂大道上的妖怪神社~~~




我蠢左!!!忘了目玉眼球係可以轉動的!!!做咩唔轉好先再影~~~




其實妖怪神社行入去係得咁多架咋XXXXD




參觀下佢d繪馬囉XXXXD幾靚架~





門口有個架俾你擺電話係度自拍架~~~~自拍不求人~~~(我地當日去又陰天又想落雨條街又一個人都無XXD)




咁神社咁細....d繪馬呀~御守呀~係邊度買?望住妖怪神社既左手邊間紀念品店就有喇~





佢整左一角賣神社d野~





佢d御守都幾kawaii架!!!!!我忍唔住買左第一張相哥個~~~~








望住呢套細粒丁....覺得好靚.....毛寶好欣賞最左邊哥幅灰色牆...我就最想要目玉老爹!




點知原來係要抽扭蛋!!!!毒呀你!!!!!抽囉!!驚你呀?!?!?!




抽左5次........er.....得一塊灰色牆成功...雖然抽中主角鬼太郎同埋我有少少欣賞既幽靈廁紙(我唔知佢叫咩名...但抽中3粒有點兒多)....我個目玉老爹呢?




原來扭蛋係連埋求籤~~~~




好叻咩!!!抽唔中我唔識自己買粒御守呀~




除左賣神社d繪馬同御守之外...仲有紀念品賣~(其實成條大街有好多好多間紀念品店....d野都係大同小異架咋...呢間算係幾多幾齊~)....呢個系列既杯幾靚..但諗起屋企好狗屎屁...所以我唔買~依家睇番又有少少鐘意~




我講過..我唔係鬼太郎忠粉...同埋我依家好少買公仔(哈波除外)......但係我竟然對你產生興趣仲入埋手...成件事都好恐佈~~~~~(d肉鬆泡泡好可愛~~同我一樣~~<3)




呢個糖都造得幾精緻~但糖真係唔會買啦~




查實我有少少想知入面係點架XXXD不過算喇~唔好咁八卦喇~




妖~~~~~~~我仲買左髮夾~~~~~夾係頭髮就會好似目玉老爹爬係你個頭咁XXXXXXD...Cosplay呢d野我真係忍唔住架XXD





仲有一樣推介活動呀!!!!!就係買佢呢間鋪既明信片寄番屋企!!!因為佢呢間d明信片激靚!!!!用哂鬼太郎d角色黎介紹全日本各地方!!!!有古舊味又靚!!!!!買完佢仲提供地方俾你坐係度慢慢寫仲要俾好多顏色筆你用~~~~~~~~超好~我今次淨係寄俾自己同埋成日去旅行都寫postcard俾我既朋友仔~~~不過我地淨係寫左地址同簽名咋~內容再推介你整咩呀下~(其實係懶寫)







毛寶好鐘意畫公仔做簽名~~~做咩事呀!做咩聽到我唱我既名曲"Party Time"你就走左去呀!!!!番黎呀!!!(畫到我成條jer咁)




雖然我成條jer咁...但你正面原來都唔好得我好多XXXXD




毛寶d畫真係好靚~




寫好哂地址簽好名就走啦~要去寫埋內容嘛~....佢地間間鋪外表都好靚~~~~而好多間鋪既出面都有..........................





都有印仔吸呀!!!!!!!!!!!!!!!!!!!!!!!!!你仲可以買本集章簿去集印仔架~




於是我地就係利用呢d印仔~去填湖明信片既內容喇~唔使寫野嘛~







拿~寄到俾你~你明哂我想講咩啦XXXXXD...d印仔好出色呀~~




同埋最緊要係咩呀???就係吸完印仔攞番去街頭呢間郵局去寄呀~~~~~~~~




點解一定要係呢度寄埋張postcard佢?梗係有原因啦!!!因為個郵戳好靚架!!!!!!你話係咪靚喇~好彩無寄失~




然後我地就揸車去另一個停車場喇~因為我地要去呢個妖怪食品研究所~~~~~~~~地址：鳥取県境港市本町4.....(由於本身諗住係頭先間郵局行過黎又覺得有d遠..我地最後睇mapsme搵附近停車場泊..要錢架~~~~由於臨時睇的所以提供唔到mapcode)




點解我要黎?!因為我要買佢!!!!!目玉老爹和菓子~~~350円=22.8hkd




買完就攞過隔離影下搞怪相~~~~其實隔離就係水木茂紀念館呀~不過我地唔係忠粉就無入喇~




點呀~夠唔夠搞怪呀XXXXD





咁呢?又夠唔夠搞怪呀~






玩完自己玩埋人地XXXXD....BB版鬼太郎好可愛~~~





好開心影完玩完一輪就食喇~er......好甜呀~XXXXD但買黎玩同影相係幾開心~




諗住係附近搵中午飯食....行過好想夾...點知中招~~夾唔到~~我想要目玉呀~~~~




行入某間紀念品店發現的~~~超靚呀佢地用石頭畫d角色出黎!!!!超出色~~~~~





行下行下行到黎呢間.......以為佢有野食~







點知又係另一間手信店...




唔買野lu~不過見到呢個幾過癮買番去搞下笑





搵左好耐都搵唔岩心水餐廳...算喇~飲罐熱辣辣粟米湯頂住先啦~反正今朝又飯又粥咁都未肚餓~




雖然我同毛寶都唔係鬼太郎粉絲...但我地係度都玩左成兩個鐘XXXD......如果係粉絲仲得了?!




好喇~我地又出發喇~~~~我地會係境港市呢度直踩番大阪喇~~~~~~~~~去到米子就上高速公路~











2019/09/07的開心事：
今朝一早起身去買電器.....
見經過哥間我想問既升盤......
所以順便去看看....
點知我去睇升盤.....
遇上了比上次百貨公司進撃的阿姨進撃100倍既...
"進撃的大叔"!!!!!!!!!!!!!!!!!!!!!!!!!!!!!
我去睇升盤變Sell我成組廚櫃......
我話我搵左裝修喇喎...
佢就教我話：你話原來你有親戚做廚櫃既推左個裝修咪得囉.....
我心諗做生意做得你咁衰既....
佢哥種係不停疲勞轟炸你哥種...
勁似d美容院銷售手法~
又話搵佢做廚櫃個升盤平一半俾我..
你當我流既咩~
我用我非常堅定既意志行左出門口~
然後係另一間以八五折買左~~
仲平過佢話計平d賣個現貨升盤俾我個價~
恭喜夫人~賀喜小姐~
(但我今日碌左好多錢買電器同升盤呀XXD要乞食了)



報時：距離九州自駕遊之旅仲有---28日~
報時：距離全新飛行體驗法國布列塔尼自駕遊之旅仲有---77日~~~~~~~
報時：距離宜蘭聖誕親子遊之旅仲有---103日~
華!仲有28日就去日本喇!
開心仔~