2018年11月29日 星期四

毛寶生日會2018@寶雅座(Aux Beaux Arts)

星期五....勁~多~野~做~~做到我頭痛~~唯有快快食藥~~跟住放工諗住同毛寶去Uniqlo買哥隻交叉眼公仔..點知佢話呢日既7點開始派購買劵...無購買劵無得買~好巴閉咩~....買唔到咪去左紫來坊食齋囉~~星期六....中午食左Toff....下午毛寶幫我剪頭毛去旅行...同埋我就黎要換特區護照喇~咁就10年~但本護照都係未吸滿印~剪定頭毛去影相..(重點是要兩條眉都要見到~)....夜晚痴餐~食飽去左UA睇怪獸與葛林戴華德之罪~星期日.......中午起身落雨ing...所以去左唔會濕身既羅浮....查實澳門既朋友有無唔濕身既好推介??....下午無咩做...仲訓左一個鐘美容覺…訓醒覺得自己好靚XXD…悠悠閒咁過~夜晚約左一堆人食中菜~呢個周末過去無咩太唔開心~~因為我要迎接黎緊既旅行周末喇~~倒數ing~~星期一......由於呢日既申請個案都比較複雜...所以呢個blogger都有d頭痛...唔出blog lu~(等你地掛下我~).....星期二....落雨...唔跑步~仲未抽假...但我睇到要同好多人爭...;[....星期三....一朝早宣佈~我地又換老闆~咁短時間狂換~呢度真係好好玩~~(仲係未抽假...希望等我去完旅行番黎先抽)....想跑個步都難...又係成日落毛毛雨....星期四......痴哂線....多野做到痴哂線....遲成45分鐘....不過係人為架囉~(梗唔係我~我邊有咁大既權力~又一好好玩例子)...真係好戇居~生生性性番埋聽日工呀~又可以變開心癲狗喇~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



毛寶今年既公子生日會揀左係澳門MGM酒店既寶雅座(Aux Beaux Arts)....係一間法國餐廳黎既~可以上網訂位~但哥次我上網訂7人就訂唔到啦~要打去先訂到~電話:8802 2319.....同毛寶食之前....其實老夫人之前請我同毛寶食過一次~所以撈埋今次一齊講~好啦~講左老夫人哥次先~(其實好耐之前都有食過一次~不過哥次覺得一般...可能因為哥次係任食)




同埋呢~我好欣賞MGM呢個庭園既!!!因為佢會成日換裝飾既!超靚!有無阿凡達Feel?(我成日都會用阿凡達黎形容一件事好靚XXD)




門口既凍櫃好吸睛~~




同埋呢~~我最鐘意係咩呀~~~我鐘意佢可以揀坐室內定室外位~~~~所謂既室外位係假室外位~~有冷氣既~~我就最鐘意咁樣架喇~~~~夠開揚~有日光~又唔怕熱~(但我食兩次都係夜晚~).....同埋呀!!如果坐假室外位即係對住呢個阿凡達靚景囉~~~~但哥次同我媽食哥次因為太遲訂~所以係室外位比較入既位置~華...呢個女仔真係好靚~~~~靚到成個蒙羅麗莎咁靚~(夜晚著左燈都好靚~~)





入面既裝修就係咁既~其實都幾靚~不過我唔鐘意呢種燈光~~同埋我覺得係室內食就拘緊d囉~~




由於佢地網頁都有寫呢間餐廳係"以三十年代巴黎街頭Brasserie餐廳既韻味為設計風格"....餐具望落都比較隨意~~~




佢地個餐牌就得咁樣一版架咋~




另外仲有個時令既餐牌既~




叫左野食就上麵包~MGM既麵包一向好食!信心保證!!!!!牛油頂瓜瓜!!黑色哥個係黑欖醬!超出色!





我地開左支Sparkling Wine~係意大利既Rustico~$300/支




不錯飲~飲勝~~~




精選12隻時令生蠔拼盤...$350....wow~




有三款生蠔係度~有兩款係法蘭西黎~有一款係愛爾蘭~(但唔好問我係咩品種~~).....都很!好!吃!....計落都係$29.2一隻~都唔錯~







生蠔有呢3樣野調味~但我永遠只用檸檬~~




生牛肉他他,洋蔥,酸豆,芥末及蛋黃....$130..........隻蛋黃好醒神~





好好味呀~~~~




焗田螺,蒜蓉及香草牛油(12隻)...$140................好好味呀~~食法國餐我最鐘意食呢個頭盤~






香煎鴨肝,蜜桃,焦糖無花果...$140..........一流~




我去食飯成日都叫超多頭盤XXD你地會唔會架?




上主菜我就叫多杯法國紅酒啦~Syrah...$80/杯





焰燒海鮮...$580..........上菜時先黎燒燒~好有氣勢~









有一隻波士頓龍蝦~三隻阿拉斯加蟹腳~四隻海蝦~六隻青口同四隻帶子~~~~好味~尤其蟹腳~好大條~(不過如果咸度減一會更好~)





焰燒海鮮係分享菜式~可以自選其中一款side dish~我地揀左田園沙律~(如果單點呢個side係$50).....好好味~~好新鮮~




法國羊架(4骨)...$280......有4隻汁揀~我地揀左松露鴨肝汁~





我擺落自己隻碟度食都擺得靚過人~不錯吃~




食飽飽就到甜品啦~呢個甜品係時令餐牌度架~無花果撻配香草雪糕...$50.......個甜品唔貴呀!而且做得出色!個撻底好酥脆~加上凍冰冰既香草雪糕~wow~唔怕太甜~出色~(可惜唔係常設係餐牌~)




橙酒火焰班戟...$80........有席前服務!....侍應哥哥整緊哥時我幫餐廳填緊問卷....我叫毛寶:你一到戲玉叫我影相!...........查實都幾難...但毛寶都不負所託!...幾有氣勢~






佢d甜品都唔錯~而且唔貴~推~(突然好掛住星際品味坊個火焰菠蘿)




媽媽叫左杯espresso...$40......聽佢講很不錯~




用MGM卡有折~不過如果你買到多d金額既食飛係最抵~食左$2,278.5...每人$759.5....多謝老夫人~




最想讚佢泊車很大器!有成4小時!




好喇~有左呢次前言~大家都大慨知呢間餐廳d野食點啦~(未見過咁長既前言~)......毛寶壽宴哥日.....就係打10號風球"山竹"既前一日....可以話係:襯個風未打到黎去食餐飽既先~呢日我終於可以坐出d喇yeah~對正靚靚魚缸食飯~仲要安排坐圓枱~超喜歡<3





個時令餐牌咁快已經轉左!好驚喜~




查實我對d小食都幾有興趣~




留意下佢主餐牌~有個晚餐set好抵架!可以揀一款頭盤+一款主菜+一款甜品.....才$380~~~~~抵到爛~於是我地叫左3set~~~~~午餐都有set架!!!仲要再平d!!!!!!!




由於公子唔係咁多人飲酒...我同毛寶揀左叫一杯杯咁既~




我就叫左杯Billecart-Salmon既傷崩!(好喇...改下我d鄉音先~係香檳~我係一個優雅的女孩~)....$158/杯......個經理好像說得佢地有!





又係真係幾好味既~如果你倒多d俾我會更欣賞XXD




毛寶叫左杯法蘭西黎既紅酒~$140/杯





叫左野食就上麵包啦...仍然超出色....我見有人食左好多!!公子都好欣賞黑欖醬!!!食唔哂有人仲打包番去第二日打風食XXD




點解毛寶咁想黎呢度開生日會因為佢話佢好想食生蠔囉~精選12隻時令生蠔拼盤.....$350........有法國有紐西蘭的~有3款不同~都很好吃~呢度仲放左我地另外叫既紐西蘭生蠔(只限星期六日供應)...$20/隻........勁抵~我地又叫左半打~




好~好~味~~~~~佢有話先後次序俾我地知點樣食~








香草脆皮帶子,柑橘沙律...$140.....好味~




套餐頭盤生牛肉他他,洋蔥,酸豆,芥末及蛋黃....如果單點就$130......套餐跟我單點的份量一樣~童叟無欺~




套餐頭盤焗田螺,蒜蓉及香草牛油(12隻)...單點$140.....仍然好吃~(而且套餐係俾12隻唔係6隻堅抵!)




套餐頭盤香煎鴨肝,蜜桃,焦糖無花果...單點$140....好味~




頭盤黎個小合照先~~~呢個位影係咪好靚呢!




套餐主菜西冷扒配自制薯角....單點$230.....不錯的牛扒~




套餐主菜香煎黑鱈魚,鱈魚舌,蕃茄意大利飯...單點$220.....意想不到的好吃!個魚算係做得很不錯~飯都唔怕漏~出色~




套餐主菜自製松露帶子意大利麵....單點$210.....這個不推.....得個漏字




然後我地再單點主菜....呢個係時令餐牌入面的豬腩配烤蘋果蓉,磨菇及榛子...$200.....整得好好味~~豬腩一層層的~配上解膩的蘋果蓉~一流~




法國羊架(4骨)...$280.....同上次一樣好味~




同埋公子最鐘意叫一系列既Side Dish~~~~田園沙律(新鮮好味)...法式薯條(炸得不錯但巴黎人間法國餐廳做得更好)...炒菠菜(不錯)...炒蘑菇(好味!)...蔬菜雜燴(又靚又好味)......以上每款各$50....以酒店既法國餐黎講~不貴~








超~豐富的生日餐~





套餐甜品法式燉蛋....單點$60.....一般~




套餐甜品三款法國芝士,自製蜜餞及多士...單點$78....好味!




套餐甜品自製雪葩.....單點$60......真係唔記得當日係咩味~但記憶中好清新同好食~




食飽飽生日蛋糕就出黎喇~~~~不過嚇左我地一跳~~~~~~因為.....其實我地係MGM餅房訂左一個既!......咁我打去訂位時講左有人生日......佢之前都有再打電話黎同我Confirm係咪黎因為已經為我地準備左生日蛋糕.....我開頭以為係細細個哥d....點知一黎.....佢送既哥個蛋糕同我地自己俾錢買既哥個一樣大!!!!!!!!!!!!!!!勁大器!!!!!!!!




呢個係我地係mgm餅房訂既檳城風情......係斑蘭味既~值得一讚~勁香斑蘭味既!又唔怕太甜!....同埋提提大家...如果你訂mgm餅房既蛋糕係呢間餐廳慶祝係不收切餅費的...但如果你帶其他地方既蛋糕黎會收每位!!係每位!!係每位$150再加服務費!!!!!!!!記住!




呢個我地本身都有諗住訂架!因為我地都鐘意食海綿生果蛋糕!點知佢就係送呢個俾我地!超開心!!!!!!!




生日快樂~身體健康!!




像一隻猩猩吹蠟燭~~~~~





兩個大蛋糕真係吃不消~不過又有打包回家第二日打風在家吃~個檳城風情真係好靚~






一系列的瘋狂自拍及合照~~~~~~~











拿~切左生日糕又大一歲喇~乖乖地喇~





呢餐食左$2,913....即係每人$416.1.....都幾划算~套餐堅抵~試計下$380一個套餐如果單點焗田螺,蒜蓉及香草牛油(12隻)...單點$140+西冷扒配自制薯角....單點$230+三款法國芝士,自製蜜餞及多士...單點$78=$448....足足平左$68~~好抵~~(我係咪好婆仔呀)




呢篇係去旅行前蜜蜜加推~送俾大家我之前上淑女課程既花絮~~~~~~~之前介紹過啦~~~有敏灰~




有油牆~~~~





唧玻璃膠~~~我唧得幾靚呀可~~~~~





裝門鎖~




用電鑽~(咦..但呢個好似係鑽螺絲咋喎..叫咩呢...)




最有用係咩呀?換電制呀~~~~~~~~我覺得我真係好利害~~~學完成個淑女哂~~~~~著到燈哥下真係贏左全世界咁~












怪獸與葛林戴華德之罪(Fantastic Beasts:The Crimes of Grindelwald)......
有人話好睇有人話唔好睇....
對我黎講梗係好睇啦~~~~~
等左兩年又拉番我入魔法世界~
Newt好帥氣呀~~~~~



喂!!!Supper出左新歌呀!!
應節歌呀~~聖誕呀~~~~
叫LOVE is NEARBY~~~~
快d上JOOX聽啦~~~~
呢排你地d新歌出得好快下喎~



2018/11/29的開心事:
梗!係!去!旅!行!啦!!!!!!!!!
仲要係日本喎!!!日本喎!!
食蟹喎!浸溫泉喎!睇紅葉喎!



報時:距離鳥取自駕遊&大阪之旅2018仲有---1日~
報時:距離與三大長老聖誕台中遊2018仲有---22日~
報時:距離六公子峴港嘆世界之旅仲有---125日~
你地記得要掛我喎~但又唔好太掛住我食唔落野喎~
要掛得我剛剛好~好嗎~(無人掛你呀)
等我番黎就快快出blog過你地睇~乖~

16 則留言:

  1. 毛寶生日快樂。啲食物真係好吸引。

    回覆刪除
  2. Happy Birthday~~~!!!!
    個場幾grand幾靚,海鮮類幾吸睛....
    著燈果張你似中了六合彩XXD
    睡美人覺係緊要,但回來記得加速寫多啲blog^^

    回覆刪除
    回覆
    1. 代佢多謝你~
      係呀~我都幾鐘意~~~
      如果中左六合彩就唔上咁既樣架喇XXD
      哈哈~~12月咁凍好難令人提起勁~~~~~

      刪除
  3. 祝毛寶生日快樂﹗好掂喎,以後家居有甚麼需要更換,你就可以大派用場^_^話咁快又出發囉,玩得開心啲,等你回來呀﹗

    回覆刪除
    回覆
    1. 代佢多謝你~
      WAKAKAKA~即管搵我~~~~
      番左黎喇~

      刪除
  4. 法國大餐正呀.....多舊魚呀
    鐘意妳大笑既樣.....可愛呢

    回覆刪除
    回覆
    1. 不過食法國真係好得閒先食~玩好耐的~
      wakakak~好衰架~

      刪除
  5. 祝妳
    朋友生日快樂
    非常豐富嘅
    慶祝生日聚餐
    睇你哋食得好開心
    咁就非常之好。

    回覆刪除
    回覆
    1. 代佢多謝你~
      我地就最鐘意食野架喇~

      刪除
  6. 件斑蘭蛋糕又幾得意喎,表面望落好光滑,好似芝士又好似糖果~~
    淑女課程都幾全面,好快有機會用到~~
    應該就快回來,等聽你報告~~

    回覆刪除
    回覆
    1. 好好味呀個蛋糕~重點係唔怕好甜~鐘意~
      哈哈~~依家已經還番哂俾老師~
      番左黎喇~~~開心~

      刪除
  7. 生日禮物係現金?你同凱公子有冇意思轉吓個髮型咁呀......
    你笑口噬噬個樣真係正,不過都係貞公子明艷照人.

    回覆刪除
    回覆
    1. 係呀我地轉左現金好耐~幾好呀~無喎~呢個髮型好方便~
      係你心中je~

      刪除
  8. 補祝毛寶生日快樂!
    o個篇花絮好睇呀,學成真係好有滿足感嘅。

    回覆刪除
    回覆
    1. 代佢多謝你~
      wakakak~不過用起上黎就會好怯~

      刪除