Supper Moment[Dal Segno]專輯巡迴台北站之旅2018-08-25第二天Part 1(晴天及後轉陰)

星期五...放左工去左食天潮~好耐無食~其實野食係ok的~但係睇個款好似想就執就執咁~其實我真係好鐘意佢個潮粵孖寶..因為幾抵~可惜我今日狀態不佳~食完去左睇"緣來靠八哥"~貨貨真係好得意~星期六....中午約左皮皮同企鵝去日麗飲茶~嘻嘻哈哈又一個中午~日麗d火腩好正~下午在家幸福忙...搞搞入台證..搵搵日本mapcode..又整理下旅行d相....其實我呢日好忙~.....夜晚又痴餐...今晚有浸雞食呀!!!!!好好味呀~~同埋同左菓子軒玩~食飽去左UA睇番星夢情深(A star is born)..好彩UA仲有咋....之前上畫去左旅行幾睇唔到...........好好睇呀~~佢地兩個唱歌都好好聽~星期日.....中午陪人去食左秋刀魚~呢個秋之味好好味呀~~~下午又幸福忙啦~~~~夜晚約左大學同學仔食飯~試左有味有醋~福建野~不過一般~....星期一....今日我心好累...番工好似做左好多野但又唔夠數哥下慘喎~感覺自己做緊保險經紀咁~所以點呀~偷懶囉~(查實重點係我已經無乜後備blog貨仔...周末掛住搞日本d野都唔得閒寫~)...阿媽去左玩呀!我夜晚叫左煲仔飯外賣呀~~~星期二....番工都係咁啦~放左工同左diana去食飯~星期三....番工黑黑的...放左工去左跑跑..跑左3.51km...秋風送爽爽~今日派左出年張假期紙要劃假喇!!!我好緊張呀!!!星期四....今日開始賽車~華!今日夠數之餘仲cover番前幾日唔夠數呀~~今日又有一樣新野話做就做~完美演繹了"朝令夕改"這個詞~呢度真係好好玩~~~~~~好野!!!聽日係我期待了很久的星期五呀!!!約左公子開生日會呀!!!!好開心!!!我要食好多好多野呀!!!!



2018/08/25
Day 2---Part 1(台灣,台北 Taiwan,Taipei)
早晨呀!!!今日天氣好好呀~~我心情好靚呀~~因為我同仕燊住係同一間酒店呀!!!!(仲有呀~我準備左個禮物俾仕燊~)....仲以為今日會陰天添...打風嘛!(同埋高雄好似在下暴雨)




出門口時在見到Supper助手在大堂....我成個人硬左定左格.....扮振定咁行過........仲企左一陣係門口.....諗住睇下仕燊落樓未....點知工作人員推住d架生向會場方向行~推斷仕燊已經去左會場喇卦~咁我都走lu~由於食中午飯地點同酒店話近又唔係好近話遠又唔係好遠(如果搭捷運要行5分鐘去捷運站...再要轉線...出左站仲要行8分鐘...)...如果係酒店行過去就15分鐘...算啦~就咁行過去啦~咁行去食飯地點會先經過表演場地~...門口有個草間彌生既銀色南瓜!!!





行去食飯地點途中我買左兩盒3M牙線~~行到黎已經覺得好熱~~~我今次既台北Omakase揀左匠壽司~~地址：台北市中山區建國北路一段68號......我係佢地FB度訂位的~




如果想食~建議記得訂位~因為都真係幾多人食!有訂枱無訂枱都好多人!我地係呢日第一批入黎既客人~我訂左要坐吧枱~(板前有幾個雪櫃唔記得影下添~)





坐低左之後侍應就問我地想食咩價位...之前係FB訂位時就有問過....分別有每人NT$800=210.5hkd...NT$1,200=315.8hkd...NT$1,500=394.7hkd同埋NT$2,000=526.3hkd........訂位時問左唔使講食咩價位住既...當天決定就得~我一早諗住食NT$2,000的....點知佢係我耳邊說：仲可以你自訂大約想食乜內容再計價錢.......咁呀~~聽到佢提議某食材.....好想食呀~~~好啦~~就揀佢啦~我地指定左要某幾樣海鮮~同埋要食海膽~不要肉~(做法我地無指定)...每人NT$3,500=921.1hkd.....講完食咩...師傅就打開前面既魚缸攞~夠哂新鮮~





料理長是阿治師傅~順便送上卡片~阿治師傅都幾健談~






1.意大利蕃茄+南非鮑魚.....仲有無花果.....超好食~好清新~好開胃~...都幾招積呀可~蕃茄都要用意大利蕃茄~鮑魚好好味好好味好好味~





2.熊本生蠔配水果醋......生蠔係我地指定想食的~呢隻都幾爽脆唔係creamy那種~我心感安慰~侍應說生蠔配上水果醋...唔夠味可再加旁邊的檸汁~但水果醋實在是夠了~不用加~而且很配合生蠔~不怕搶去生蠔的鮮~~很不錯~~~~




然後就係我地前面放上日式漬物~~~好期待~~~




左邊既洋蔥我無望過~人地今晚要睇仕燊架嘛~(霞~~~~).....薑是比較普通的一種~其他的都好好吃~~~~尤其係紫蘇蘿蔔~(但佢地無上次食既山肴鮨咁細心...我上次一食完佢就不停補....但呢間無補過...失望)




3.北海道干貝.....好好味~~~




師傅開始打開佢盒武器~~~




4.真鯛配上水果醋+蘿蔔泥.....好味~




5.島鰺魚.....好肥美呀!!!好好食!!!!!




6.鰤魚壽司....這肥美的女郎...值得我俾佢轉身再拍一張相出街~但我覺我壽司的飯粒偏乾......





咦!!!唔通師傅整緊我係網上見到人地有食而我又好想食既野~~~~~~~~係呀~~佢整緊魷魚呀~~~~有時我覺得....魷魚好無食...除左佢既新鮮度之外....口感都好重要~仲幾講師傅既刀功!阿治師傅個整法都幾特別!





7.魷魚北海道馬糞海膽配紫蘇壽司.....我上網睇人家係食魷魚+紫蘇既刺身~雖然呢個都好味~但我更想試淨魷魚刺身+紫蘇~可惜呀~~~~早知明言我想試刺身啦~




8.牡丹蝦壽司....上面既係蝦膏+岩鹽.......超級鮮味好食~~~蝦膏好香呀~~~




仲要即刨岩鹽落去~




然後阿治師傅說要整大拖羅既不同食法俾我地試~




9.灸燒大拖羅壽司配岩鹽及柚子胡椒......個人認為岩鹽同埋柚子胡椒落得重手左!太鹹!...或者只落其中一樣會更好!.....因為兩種味一齊太花..同埋過鹹影響左拖羅哥種魚油香味~灸燒過既拖羅口感好似食緊牛肉咁~




10.鹽烤紅喉配紅酒蕃茄.........一條魚我同毛寶兩份~我梗係食魚尾啦~我都唔識食骨既~...不過重點係.....佢烤得唔夠......魚油仲未出哂黎.....又濕又油又唔熱既咁..你會喜歡嗎?我覺得呢種魚烤唔哂佢d油出黎食到成口過多既魚油...很難受......(重點係又油又唔熱)





倒是旁邊的紅酒蕃茄很不錯~




11.北海道根室馬糞海膽壽司.....我地指定要食海膽~好好味~~~但我覺得俾得比想像中少~




12.呢樣就係佢係我耳邊輕輕講完我好想食既法國龍蝦喇!!!!!!!!!!!佢用蒸既方式!!!!配上酸酸的汁!!!!一流!!!!





此龍蝦一人一隻.....超級多肉厚肉新鮮爽甜!!!連個頭都超多肉同膏...真係一絕!!!!讚!




13.老闆招待唔知咩螺......當時我係咁樣打係電話memo度...然後毛寶睇到就話：你可以問下老闆係咩螺喎~......我：唔使啦.....我就係咁隨性與不羈架啦~(因為我是一個美麗而不負責任的blogger)..............好喇...講重點：好味!




14.烤北海道干貝.....上面唔知係咩醬....海膽醬定明太子醬?似海膽醬多d....呢味做得十分不出色~老實講...唔好食~味道不配....個醬重味過干貝.....食兩粒漏到飛起




15.左口魚邊壽司....永遠都覺得呢個壽司好食~




16.日本北海道白貝麵豉湯.......一黎既時候覺得好誇張!個殼好似就黎大過個碗咁!非常鮮美的麵豉湯~白貝也很好吃~





17.可爾必思味芝士蛋糕配自制覆盆子醬...先吃水果..一點都不甜~蛋糕不錯~但甜品外觀可以改善一點.....吧~




呢餐食左NT$7,700=2,026.3hkd....每人1,013.2hkd.......唔.....如果要我係呢間匠壽司同今年3月同我媽媽去食既山肴鮨做選擇.......我諗我會想再去幫襯多次山肴鮨~之前覺得山肴鮨少左d熟既料理....偏向生既野多....但想想...佢地生既材料比較特別而且真係搭配得好好!...而且每一道都出色~(除左個勁咸既麵豉湯).....而今餐貴在隻龍蝦...但隻龍蝦真心好食!.....呢餐同上次山肴鮨差唔多價位....(但呢餐係中午喎同埋我呢餐咩都無飲上次有飲酒~)








2018/11/15的開心事：
梗~係~出~blog~啦~



報時：距離鳥取自駕遊之旅2018仲有---15日~
報時：距離與三大長老聖誕台中遊2018仲有---36日~
日本d野搵得都七七八八既~好開心~