Supper Moment[Dal Segno]專輯巡迴台北站之旅2018-08-24第一天(晴天)

大~家~好~~~~有無人掛我呀~俾d聲黎聽下先~~(極度需要人附和的Blogger~~).....10月13日-11月2日去左玩~~仲要玩得好開心下~~~~然後夜機一番到澳門第二日就又去番香港睇supper紅館演唱會~~~開心到我呀~~~~~~叫到聲都沙哂~~~(最後仲加埋太攰而病埋)…星期日...食左園林呀~~~~好開心好耐食~~下午毛寶幫我剪頭毛...個頭去完旅行肉酸到呀....夜晚又痴痴貢痴餐....星期一.....放左3個星期大假要上班去了...而且有個巨大轉變......我諗我要慢慢適應了~~~病住番工把聲勁性感XXD…唔緊要啦有仕燊既聲音支持我嘛!放工去左跑跑無寫blog...因為太耐無跑...我決定放棄一天blog~跑左3.53km…依家跑步勁舒服呀~~秋風送爽…跑完我即刻想放棄本身既是日晚餐梳打餅加芝麻糕(係幾九唔搭八既supper組合)…轉而爽實先辣款！(食咁多日西餐真係好難頂)…但摸摸口袋…咦…我身無分文喎XXD…幾時都話跑步點都唔好帶錢XXD.…星期二...呢日幾好丫~上午去數下錢~下午去覆下診~唔使我點理d籌~放左工去左跑3.53km~勁勤力~番屋諗住寫寫blog~點知電腦開極都開唔到!!!!!我用盡力搶救左大半個鐘!!!都搞唔到!!我仲諗緊可能連星期四都出唔到blog既時候........最後憑我既美貌!!無錯!!一定係我既美貌!!!成功咁搞番醒部腦~.....星期三....番工都係咁上下~我都搞唔出咩花臣來~放工去左跑跑子~跑左3.56km...好勁呀我連續跑了3天的步!毅力驚人!(有無人咁讚自己?)....星期四....無咩特別~咁就最好架喇~輕輕鬆鬆又一天~好野~~~~



2018/08/24
Day1(澳門 Macau->台灣,台北 Taiwan,Taipei)
好喇~終於要說說呢個突如其來的台北之旅喇...就係之前因為我話我買唔到紅館演唱會飛...而立定心腸要去台北睇佢專輯巡迴最後一站~難得毛寶肯陪我睇..因為我開頭諗住自己一個去的~(點知後來又買到紅館飛了)....唔緊要囉~起雙飛睇Supper囉~其實今年算睇得佢地好少...因為佢地香港商場show好似都唔係出太多咁......好啦~出發啦~呢日放左工之後我同毛寶就一齊搭車去澳門機場~換好錢就去check in過海關~......點解佢要咁樣影呢張相?因為...毛寶話呢日係農曆7月14喎XXXXXXXD~~~~~~~(我依家注意到我鼻孔有稍微擴了一下)




雖然係臨急臨忙咁出發既~但也不要忘了要上台北入出國事務組網頁做入台證呀~......今次係機場換台幣既匯率係3.8...即NT$3.8=1hkd......



由於今次旅行是突如其來的...所以出發前一個月才買機票........同埋係暑假....傳統航空公司都比較貴....唯有選廉航....而且無買行李~我地就咁樣上機好了~(反正都係短短的兩天兩夜~)...手提行李有10kg嘛~我只用了5.6kg~




又到用盡信用卡優惠時間~去到今年年尾咋~要好好把握~好彩仲有4次旅行要用~~~夜晚比朝早多好多野食~我好耐無係澳門飛過夜機~最開心係咩呀?有蝦片食呀~~~~XXD....沙律既紅菜頭都好正~雞也好吃~食飽d喇~我地今次搭廉航~無買飛機餐架~~~XXD




我地係搭台灣虎航既IT306號航班係20:05由澳門飛去台北~我估唔到既係夜晚8點澳門原來同一時間有咁多班航班會出發........我地閘口既前一班機飛極都未飛到....臨時轉閘口.....飛台北台灣虎航算係最準時~本身21:55會到台北...機上廣播21:45會到...點知最後22:00到~(可能因為颱風關係...我地出發哥日有個颱風係台灣生成...好彩無影響我地班機...唔係我又喊呀XD)..hi~3月先見完~8月又見喇~




今次過關又算極度快喎!排到埋去已經可以過海關~~




都係哥句...我咁懶~梗係搭的士出去啦~




但我無去酒店住呀~去左食宵夜先~怕去完酒店再出黎d餐廳會收喇~我今次揀左竹田居食酒場....地址：台北市延吉街70巷5弄1號1樓.......呢張相我係食完出黎先影~所以招牌已關燈~由桃園機場坐的士黎呢度搭左NT$1,180=310.5hkd




我無訂位呀~因為我都唔知幾點黎到~呢日大約11點黎到~唔算多人~計埋我地應該有4枱人~




木碟仲有呢間餐廳既名~




像皇上聖旨一樣的餐牌~好有氣勢~(竟然賣哂我最想食既水信玄餅...極度失望)




我叫左威士忌梅酒濕濕個口~NT$180=47.4hkd




蛤蠣湯...NT$80=21.1hkd




湯既顏色清清的...但極度鮮味好飲!!!!!!!平時飲哥d好寡架嘛!佢完全唔怕喎!而且蛤蠣超級的飽滿鮮味~





鱈魚肝沙拉....NT$180=47.4hkd......我從來未食過鱈魚肝的~有少少似鵝肝~好好味~配沙律中和番漏既感覺~~沙律既菜好新鮮~好味~(我未試過食沙律配木魚絲~但又幾好味~)





一夜干午仔魚.....NT$280=73.7hkd.....非常出色!!!!!!烤得剛好~




三色明太子山藥....NT$160=42.1hkd......睇到網路上很推薦的~我好鐘意食山藥~呢個都整得幾好食~個明太子醬唔怕太鹹~




鹽烤松板豬...NT$140=36.8hkd.....好味!




鹽蔥厚切牛舌(兩串)....NT$180=47.4hkd....成餐最失望就係呢個....期待最高..但最失望~攞到出黎凍冰冰的..而且鹽蔥極度搶味.....(也許太多).....完全食唔到牛味~就算飛開哂d蔥都完全無牛味~




鹽烤櫛瓜(兩串)....NT$80=21.1hkd....烤得不錯~如果椒鹽落少dd會更好~




超豐富的宵夜~我好耐無食過宵夜~





呢餐食左NT$1,408=370.5hkd...每人185.3hkd....都算平~




今次我揀左住華山文旅~地址：台北市中正區金山北路1號......我係第一次住呢間架~之前都鐘意揀西門町住的!...點解揀呢度?因為聽日睇仕燊表演既場地就係隔離個商場入面~~~~~




一晚房價808.4hkd~每人每晚404.2hkd~幾新幾光猛~我唔太敢影太多相呀~~~~因為呢日係農曆7月14呀~~~~好怕影到唔知咩~~~~~~





其實都ok既間房~不過廁所開頭有d渠味~不過淨係得第一晚聞到..我懷疑佢係渠口落左1:99所以先有陣味~(拿~我又唔敢影到有鏡既地方~)




佢d備品放得幾得意~合起黎係酒店個名~


當我梳洗好灘係床玩手提時.............我竟然發現................我同Supper Moment住緊係同一間酒店~~~~~~~~~~~~~~~~~~~~~~~~~~~~~~~~~~~~~~~~~~~~~~~(知唔知我個心情係點?!?!?!?!!?我諗住今次實食無痴牙啦~~~~~~~~~~~~~同埋覺得同偶像住係同一間酒店突然覺得好怕醜呀!!仕燊~~野~~~~~~~~~~~~~~~~~~~~~)...係喎係喎~~~~表演場地係隔離咋喎~~~~~~






人地呀~
終於睇到Supper既紅館演唱會喇~~
感動屎人~~~~流哂馬尿~~
雖然叫到聲都爛哂...
但最開心係咩呀?
係佢地將會係澳門加場呀!!!!!!!!!!!!!
下年!!!2月23日!!!!!
澳門見!!!!!!!!!!好緊張呀又~~~~~~~~~~~~
sunny bb~~~~~~~~~~~~~~~~~~~~~~~~~~~~



我放完大假之後既第一日番工...
完全覺得恍如隔世呀...
因為今次去既旅行又係去d感覺空曠既地方..
一番到港澳見到咁多人行黎行去真係唔慣.....
仲要番工時叫左平時買開既茶餐廳外賣去攞時...
發現自己行過左間野都唔知....
傻西瓜咁樣調番轉頭個樣實kai到不得了.....
我第一晚番屋企仲記得個密碼都算係咁.......
而且第一日番工就要適應新既工作流程~
同事們都已經開始適應緊第三周...
只有我傻西瓜的咩都未上手..
仲要俾某同事窒左我幾下....(係堅窒...唔係講笑哥隻)
好巴閉咩~我總會有上手既一日~
"願你相信 捱過明天的試煉 會在背後發現 天際聚滿飛燕!"
加油呀~仕燊在每日的鼓勵你~
仲有仲有!除左紅館演唱會主題曲"撼動"之外
臨開show前又出左首新歌~~
同來自日本既Survive Said the Prophet合作左一首歌!
叫"To Whom".....因為SSTP既結他手係仕燊由細識到大既朋友~
一齊為音樂路奮鬥~首歌講兄弟情~好正~記得聽~

2018/11/08的開心事：
今朝食左麥老當~
**************************************
由於工作上依家大兜亂...咩都要識收..
今日收左好多唔種類既野~
算係新嚐試左d野~
**************************************
今晚食午餐肉煎蛋飯~~~~~~~~~
**************************************
放完大假番左足足一個禮拜工!!
終於要過周末了~~~~~~~



報時：距離鳥取自駕遊之旅2018仲有---22日~
報時：距離與三大長老聖誕台中遊2018仲有---43日~
報時器少左.....
但日子又近左~
上星期終於都租埋車喇~開心~
原諒我太耐無出blog~今天長氣了點~