麥公子生日會2018@當奧豐素1890意式料理(Don Alfonso)

星期二....今日我係公司樓下叫左個腿蛋包....然後....佢俾漏左火腿我....今日已經開始執行李~~我發現我好多野要帶~~~..................星期三.....無咩特別野發生~也是好事~收到我今日第二同第三封生日利是~~~~星期四.....收到生日第四封利是~差唔多喇差唔多喇~~~~到我做癲狗喇~~~~~~~此刻已開心到彈起~



係咪好耐無見過七公子呢~係咪好掛住呢~知你地架喇~去片~~~~~~~~~~~~~~~



(先旨聲明此blog並非專業食評blog~只係一篇食記~我係真金白銀俾錢去試~好食唔好食只會直講~同埋係我個人口味意見~口味既野人人不同~我覺得好食又唔代表你覺得好食~我去哥次好食又唔代表你去哥次好食~佢保持唔到水準係絕對關我屁事架~要睇咩整法咩食材呢d專業意見呢度絕對絕對唔岩你~拜拜~接受到先再睇落去啦~)



當時由於麥公子生產在即~提早幫佢慶生~佢點名!要食Don Alfonso~~~~~地址：新葡京酒店3樓....電話：8803 7722




一入去就見到大個酒櫃~




但係個裝修同我兩年前黎完全唔同哂!!之前就比較華麗而拘緊....依家無論係裝修同餐具就平易近人d囉~同埋我鐘意咁樣既光線食飯囉~想睇番之前既裝修...請收看七公子澳門一天遊2016~





咁佢有set食既~頭盤呢...係精選傳統頭盤(自助任食的).....仲有主菜同甜品揀....每位$320....以酒店入面意大利餐黎講....都算係幾平~老實說...麥公子點名要黎呢間....因為佢係衝住佢個自助頭盤而去架~~~同埋呢....佢可以就咁點佢個任食自助頭盤架....淨係食任食頭盤就每位$180......佢set lunch d主菜我地唔係樣樣岩~所以我地7公子就叫左4個set lunch...再單點3位既自助頭盤.....同埋再另外單點某d主菜~




點左野食就上麵包盤啦~呢度既麵包盤不嬲都好出色~今次都唔例外~




重點要來了!!!!我記得呢度既黑醋係超!級!出!色!!!!之前係上麵包時侍應倒係你麵包碟...當然你唔夠時可以繼續問佢攞啦...但我咁怕醜...最多咪問人攞多一次咁大把~依家......橄欖油同黑醋....都!放!係!枱!任!你!用!!!!!!!...我依家先知佢地個橄欖油同黑醋都係自家出品黎架~~~~~~~~~~




係哥種超杰杰甜甜的既黑醋!!!!!!!!!!!!!!!!!!!!!!!同佢d出色麵包可以話係一絕!!!!!!!!!!!!!!!!!!!!!!!!





點解麥公子咁咁咁想食呢度個自助頭盤呢?我之前唔係好明既.....因為我唔係好鐘意食自助餐的~但......當你一去到現場時.....華!......又係幾有氣勢噃~(我講緊遠處張枱哥d女仔~)....依家寫緊都猛流口水~~~~~~




d女仔仲講緊野我無理佢地出去巡下先~(講到好似我最為食...其實唔係我最為食....我為左影相俾你地睇咋~)....華!!!!!芝士好大器呀!!!!!!!!!!!!!!!!!!!!係哥種我超鐘意食既腳皮芝士(個名自改架咋你唔好出去同人講你要腳皮芝士~~~我驚你出醜~~~~~~XXD....係哥種好乾好乾哥隻芝士呢....唔識講).......不過唔好齋食~~會好咸~~配沙律或麵包同吃一流~





如果你見到呢個...一定一定一定要食!!!!佢叫法邊豆配豬面頰......係超級好味!!!!!!!!我未食過法邊豆呢個食材....我開頭以為佢係豆角(好市井呀我).....然後以為豬面頰係煙肉(起碼都係豬先~).....佢煎到豬面頰超香...包住法邊豆食真係好好好好好好好好味呀~~~~~我地七公子一致推介~(我個人最少食左5件~)




其他唔細講~自己睇~不過我未影哂全部~








我既第一碟~~~~~~~~左上角哥個類似PIZZA咁既餅皮極度好味!!!!!!!!!同芝士同吃或點佢個黑醋超級一流!!!!!!!露筍好味!!!




第二碟~~~~佢d烤彩色椒都好正~~~~~~~磨菇都好味~(其實往後仲有三四五碟....我無再影咋~~~~)




查實食左好幾碟頭盤...我已有飽意.................................佢見到你食到咁上下...就上主菜了!最開心既係咩呀?你食緊甜品都仲可以繼續出去攞前菜頭盤繼續食架~~~~~~~~:D



呢個係set入面既pizza.....蕃茄水牛芝士，車厘茄，辣香腸，紫蘇薄餅.......華...好大個呀!!!!




由於我地想係set入面叫兩個pizza...但pizza選項得一個....佢又好人到俾我地係餐牌入面揀一個pizza黎改喎~我地揀左水牛芝士，蘑菇，豬面頰，紫蘇薄餅......但......極度漏.....................................................




Pizza就是大!七公子就是帥!(有無人留意到有人換左新髮型?)





第三個set我地就揀左香煎鱸魚配波菜及地中海汁....魚又唔錯喎今次做得~




第四個set就揀天使幼麵伴海蝦.....大路味~




單點既主菜有牛仔膝配紅花意大利飯....$280.......個牛仔膝都唔錯既...但個飯既味我真係未食過咁既味...可以話有少少怪~~




蘑菇意大利飯....$150.......唔錯~但食得多會漏~




由於孕婦當時不想吃太多的甜食~所以我地無買蛋糕啦~意思意思咁叫餐廳幫我地係個lunch set既甜品度幫我地寫寫生日快樂~祝麥公子願望成真~~~~~~呢個係Tiramisu~都ok啦~






是日傳統蛋糕....er...我麻麻地~而且忘了是什麼~




另外兩個set既甜品就叫左雪葩和雪糕........我完全忘了有咩口味~只記得毛寶說：雪葩好味~雪糕一般~(但佢隻手係咁不停"筆"雪糕入口...不知道這是不是口是心非的答案!)






個人認為set lunch入面既主菜偏向一般......但頭盤真的異常出色~~~~~~~比較建議就咁走入黎食個任食自助頭盤好了~(而且一定夠飽).....咖啡忘了記低幾錢~我叫左凍齋啡~毛寶叫了熱齋啡~都不錯~





另外外的小姐叫左Latte?忘了~只想講佢地d拉花好參差~(拉花可以用拉得肉酸黎形容)...但佢地就話幾好飲既~





最後~再次送上七公子帥帥賀壽圖~祝你乜都好~





同場加映：哥日我地食完呢餐中午飯.....飽到食唔落晚餐~所以去左新開外型古怪既摩珀斯酒店(Morpheus)走走(真係齋走走)...佢入面有一間中菜我好想試~(但仲未試~)






同場加映2：今日真係賣大包~有兩個同場加映~因為就黎去旅行~本小姐心情好好~(可能無人想食我個大包....)......就係!......送出係呢次生日會既半個月後.....麥公子個人仔就出世喇!!!!.....名叫八寶少爺~~~~我地係毛寶哥次生日會晚飯前有上去探下佢~~你睇下佢~~~~可愛到~~~~細細粒小孩~~~~~~~~~~~~我好鐘意bb隻腳仔~~~~





呢張超搞笑~~~~佢地哥個枕頭仔好似係俾佢訓靚個頭型既~但佢又好固定佢訓住唔會郁黎郁去~~~~~令佢訓到成個大人咁~~~~好直呀訓到好搞笑~~~我地話佢又似麥公子~又似戈巴~




八寶少爺：七公子祝你~身體健康~快樂成長~








2018/10/11的開心事：
仲使問?!去大旅行喇喂~~~~~~
仲有呀....去完旅行番黎第二日...
我就會過香港睇Supper紅館尾場演唱會呀!!!
我個心好亂呀~~~~~~
d紀念品我要買到哂呀!!!!!!!!!!!!!

仲要買夠兩round!
Sunny：準~備~睜開~此刻將見證艷美野火痾~~~~~~~
搞到我又期待又害怕旅程咁快完...
我好矛盾~



報時：距離天團蘇格蘭高地之旅2018仲有---2日~
報時：距離鳥取自駕遊之旅2018仲有---50日~
報時：距離與三大長老聖誕台中遊2018仲有---71日~
拿拿拿~
記得M記得E記得ME架!
應承過我架~
等我番黎呀~~~~
掛住我咪入黎留個言俾我囉~
你會發現你打掛住我既話會有橙色心心彈出黎XXD