新加坡熱辣辣聖誕節之旅2017-12-25第四天Part 1(陰天酷熱)

星期二.....以為下大雨會少人d黎?孩子...你想太多了~諗住放左工去跑步輕鬆下...點知放工時係整日落大雨落得最大既時間~~可能個天覺得我瘦左唔好睇~wakaakkaak~星期三.....噚晚我竟然諗公司d野諗到訓唔著...仲越諗越嬲....都幾戇居....下午超多人遲到.....我查實真係最憎人遲到....仲要有10幾個人遲到.....做到我最後哥個鐘隻眼攰到梅哂....好心你地啦.....咁大個人....準時到使死咩.......又無得跑步....放工下雨.....我好耐無跑喇...有d掛住跑步添.....星期四.....又俾我得知d學校考完試喇喇喇喇~~~~~又係超多野做....超多野做之中仲要撞到d無理既客...我地可以點?....今日終於無落雨.....我本身勁想跑步唔寫blog.....因為我真係好耐無跑步隻腳好痕~但我還是寫了blog.........會有人因為咁開心嗎?.......呢兩日個膊頭都痛到痴哂線.....幸好番埋聽日...我真的放假了!!!!!!!!!!!!!!!!!!!!!!



2017-12-25
Day 4---Part 1(新加坡 Singapore)
呢日既早上係自由活動~我同毛寶悠悠閒咁行去最近哥間商場有間cafe既~叫Craftsman Specialty Coffee....地址：6 Eu Tong Seng Street Clarke Quay Central #01-58/59 Singapore 059817.....






毛寶叫左杯熱既long black...SGD$5=29.2hkd..有粒朱古力仔~




我就叫左杯凍既long black~SGD$6=34.9hkd.....原來long black都唔錯~




毛寶叫左Multi-Grain Loaf Healthy....SGD$15=87.2hkd...靚丫~而且好食~有毛寶最鐘意食既牛油果~唔知點解我望住呢個包有點點北歐feel~




我就叫左3 Tiers Brioche Shaved Ham & Cheese Sandwiches....SGD$16=93hkd.....我揀左Poached Egg~佢上面個醬唔似平時食既味...佢仲加左少少辣粉....而且個醬唔漏~好味喎!個三文治入面有火腿夾~點埋蛋漿一齊食好好味~





個早餐好寫意~




食飽飽早餐就番酒店會合大家~一齊出發去小印度(Little India)逛下~..d彩色屋好靚~





華....呢個時侯係酷熱!!!係酷熱呀!!!!!!!熱到我頭頂出哂煙~






新加坡d回教堂都幾靚~






唔得..真係太熱...行到黎呢度....搵個地方解解暑先~




好彩呢條街有間雪糕店~食球雪糕解解暑先~揀左伯爵茶味~




好喇...太熱喇~小印度就假行下就算喇~~~~~用腳行去下一站....真係好熱...好曬.......黎到呢間白蘭街閣蝦麵(Blanco Court Prawn Mee)....地址：243 Beach Road, #01-01, Singapore 189754.....雖然枱很多...但都幾難搵位~





坐低驚覺...下!!!!淨蝦麵sold out!!!!




只好揀蝦排骨麵.....SGD$5.8=33.7hkd....加辣椒豉油同吃好好味~




食飽飽就轉過隔離街既Haji Lane逛逛~







好多塗鴉之餘仲有特色小店~




次次黎親呢度都會落雨~我就無野買呀~反而毛寶爸有收獲~估唔到呀~





呢個裝飾超抵死.....吹氣裝飾之餘仲要識轉~




哈哈~又好攰喇~~又要搵間野坐下~呢日既第3餐~~揀左The Populus Coffee & Food Co....地址：146 Neil Rd, Singapore 088875





樓下環境唔錯~可惜無哂位~安排我地坐樓上~




唔記得毛寶叫咩茶....SGD$7.5=43.6hkd




我想飲哥樣野無...求其叫左Fentimans English Elderflower....SGD$6.8=39.5hkd....唔怕太甜...算係咁...我幾鐘意elderflower味~




大比叫左Chai Tea Latte...SGD$=37.8hkd.....挺不錯~外貌與味道兼備





坐低飲野點都要叫少少野咬下既~Sweet Potato Fries....SGD$7=40.7hkd......番薯條~~估唔到又幾唔錯喎~




Truffle Fries with Parmesan Cheese.....SGD$12=69.8hkd....超香超熱辣辣超好食~~~有d掛住呢個...因為澳門好似無一間有呢間咁好食~




嘆完咖啡.....慢步行番酒店~周圍影下咁~新加坡d舊建築物真係幾靚幾好影~





哈哈~又行過第二日食過既榴槤檔~又食~好食~





個口根本成日未停過....食到日落....今次真係行番酒店喇








2018/06/14的開心事：
毛寶黎探我班~



報時：距離和歌山嘆溫泉自駕遊之旅2018仲有---3日~
報時：距離與毛寶慶生泰國食揼嘆之旅2018仲有---105日~
報時：距離天團蘇格蘭高地之旅2018仲有---121日~
我下個禮拜要去玩喇~~
你地記得掛住我呀!
泰國仲係咩都未訂~~~~~哈哈~
去完旅行番黎慢慢搞~~~~
成個暑假我都超閒~個個周末都幸福忙啦~
求求你不要打風不要落雨呀!!!
我想開心玩輕鬆下...
工作令我很抓狂...
我只想放鬆!