2018年6月11日 星期一

新加坡熱辣辣聖誕節之旅2017-12-24第三天Part 2(陰天)

星期五...打左成日3號風球....小朋友放假又跑哂黎~放工去左食荷!里!活!!!!!係某公子最愛!!!!懷舊鐵板牛扒餐!!!澳門真係買少見少~~~~隻味真係好懷舊..又令我想起同爸媽細個去鋸扒哥種感覺~係食懷緬過去既味~間唔屎食一次好喇~之後去同菓子軒玩一陣~星期六....中午去左試御蓮宮....但係....下午去左睇侏羅紀世界:迷失國度~~~~夜晚食左紫來坊~星期日...中午食左某Cafe...佢以前開係新口岸區...依家搬左去某豪宅頂樓會所.....個景一流..對正中央公園....但野食仍在低下水平..不會再去~下午在家搵埋和歌山係maps me入面既位~超乖的我....毛寶幫我剪下頭毛~夜晚同左衰公衰婆食銘記~星期一....今日好多野做...但今天不憂鬱~~~~因為我要走過呢個禮拜先可以去到下個禮拜去旅行嘛~



2017-12-24
Day 3---Part 2(新加坡 Singapore)

行完Art Science Museum~就徒步行去附近的...




Gardens by the Bay!就在Art Science Museum附近~





我地上網買左飛架喇~所以今次唔使排隊買~




但佢又好低能喎.....我地上網買左飛...因為今次我地除左買佢Cloud Forest同Flower Dome既入場劵之外...仲買左個聖誕先有既Christmas Wonderland入場劵~成人SGD$33=191.8hkd......咁...Cloud Forest同Flower Dome就可以直接用呢張電腦print出黎既野當係入場劵...但....Christmas Wonderland哥張就要去某個位再換飛..........................下...咁你不如直接用呢張紙就係全部飛一係叫我一次過係ticketing換哂全部飛仲好啦..................唔知搞咩~~




換左飛就入Cloud Forest參觀先啦~~




新加坡真係好熱~所以我特別鐘意呢個dome~因為勁涼快~




大合照~毛寶爸呢日著夏威夷恤成個大佬咁款~好有型~




有人話我影大合照影得好出色所以獎勵我同我影張合照!真係好多謝哂~我真係好開心~




好啦~影完一大輪瀑布~就開始參觀啦~




由下面望上去時~我覺得係幾有天空之城feel既~在~天~空中~有座城~~~有~小~鳥花~飄~香~~~~~~~~~





個觀光路線係沿路去搭(車立)先既~然後再順路一路行落黎一路參觀...呢日多人到!!!誇張呀!!要排隊搭!!好似玩緊機動遊戲~~(大佬..呢日平安夜呀!)




好彩都唔算等得耐~~一上到去成個熱帶雨林咁~~有d用lego砌出黎既食人花~





除左用lego砌食人花之外~其實佢仲有種d真既小小食人花係度~~~好得意~佢仲有塊牌寫d野都好好笑架~~





呢度由頂到最底都咁多綠色植物好舒服~~(最重要係涼~~)




呢度望落去好似睇緊微型世界~好得意~






然後行落一層....係睇水晶既....個style變得咁快既?




轉個彎又出番黎呢個位~有人話獎我同我合照~多謝你~似唔似天空之城je~~似唔似je~~似唔似je~(講得天空之城呢套卡通片都唔慌後生得去邊~我唔迫你地話似喇~)






落到最底又有另外既展覽區~但查實我都唔知講咩~





然後有間放映室播出呢100年間氣溫上升對大家有咩影響







好啦~走喇~




然後行黎呢個俾我覺得好似阿凡達既地方~





其實係因為個christmas wonderland就係呢幾棵樹哥度~~~但今次無揀行sky walk~(上次同公子有行~)





醫醫肚先..又肚餓~去左佢地入面個food court度求其食~我叫左個傳統娘惹叻沙....SGD$9.9=57.5hkd...又估唔到幾好味~仲叫左個薏米水...SGD$3=17.4hkd...又係唔錯~(因為很解暑~




三味串燒沙爹拼盆...SGD$9.9=57.5hkd...又估唔到的不錯~




炸雞..SGD$5.9=34.3hkd....薯條..SGD$5.9=34.3hkd...脆炸雞中翅..SGD$7.9=45.9hkd....正常口味~





食完野出黎....華...好熱呀...有人野餐既...




襯未入黑christmas wonderland未有咁多人...行下個聖誕市集先~阿sam正同團友講解集合時間~





個聖誕市集....er...唔...呀.........................唔多野賣囉.....




其實最主要我係想黎睇夜晚既燈飾~但依家未著燈~





個聖誕市集悶屎人...唯有退場去左flower dome先~真好~又有冷氣涼~




喂!極光呀喂!




開頭以為係猴麵包樹~




唔知點解呢幾棵樹令人好怕醜~




著左燈係幾靚既flower dome...但如果你真係想睇花就建議日光日白黎喇...因為家陣黑munk munk都睇唔清d花




開頭網站寫7點放極光我仲好期待~~點知原來真係只係咁....仲要係低清~





好咯~~~終於等到christmas wonderland亮燈喇~~~呢個時候入勁多人!!!!!!!!





之前睇雜誌就係呢個牌坊景喇~~~~~~




但行到埋去勁難影~~個鏡頭都唔夠大影~~~要套個廣角鏡先夠影~~





本身影完諗住走...因為真係勁多人!!!!!!!!點知突然有音樂....有燈光show~d樹著燈勁靚~之前都無留到夜晚~~







呢張out左fo似唔似燒緊煙花~




我超鐘意呢幾張~真係好似去左阿凡達~








我地靚d定d阿凡達樹靚d?(仲使講?小心d講呀!)




係夜晚亮左燈幾靚~但係園區等得太耐~我地留左係度成4個幾鐘~~同埋呢日由於太多人...所以的士站超級的多人!又塞車...又有人咋咋帝打尖......你打我後面尖我理得你呀...你係我前面我實出聲...你咪使旨意!!!!!等等下仲有白牌車拉生意.....我地問佢幾錢....個答案係大約600hkd.....傻的嗎?新加坡有幾大呀?......於是我地唔理佢.....照企的士站等....大約等左半個鐘.......終於有車...(我地8個人分兩部車)




我地分批搭的士黎到老!巴!剎!(Lau Pa Sat)....地址:18 Raffles Quay, Singapore 048582, Singapore...好熱鬧呀~~~~





我地今次揀左坐室內位呀~~~因為出面好熱~入面有吊扇~~




一坐低就有人過黎now生意~叫我地叫小菜呀海鮮呀~好啦~你咁進取就叫你哥間啦~




叫左小菜後行出去叫左沙爹先~~又係揀食第6檔~~~叫左個3-4人餐...SGD$60=348.8hkd.....有成20支雞20支牛15隻蝦2舊米糕






買埋野飲就衝番埋位等d野食黎啦~~~~沙爹套餐既蝦~~華~~今次又變番好食喇!!!!!!好好味呀!!!!!!(上次燒得太熟..同埋重胡椒味~)





沙爹餐哥40支沙爹......正呀~~~~~(好彩叫3-4人餐je~如果會叫其他野食既話其實8個人食3-4人餐剛好~)




最正係點哥個醬呀~~~~~~~~一定要點重醬~~~





又再叫呢隻叫大頭既貝殼類~SGD$16=93hkd.....好味~




蒸扇貝...無影哂餐牌....所以不詳~.....但唔好食~




蠔餅...又係價錢不詳~~又煎得唔錯喎~我食左好多~個辣醬都唔錯~




炒左兩個菜...又係價錢不詳~兩個都炒得好有獲氣好好味~下圖個炒菜個汁甜甜地既~





螄蚶(小)....SGD$10=58.1hkd......好鐘意食但唔夠膽係澳門食~d血腥味好好味~





仲有炒米...價錢不詳....好幼既米粉~~好好味~




最鐘意叫到成枱野食~





華~終於買到魚皮喇~~想試魚皮~




番到黎之後試哂兩樣....咸蛋薯片掛咸蛋醬既情況唔理想~只係食到油油的薯片




魚皮係好食既薯片既~當為乾身d~掛咸蛋醬既又理想d~但不得不說呢隻金鴨無後來有人講我食的Irvins好食喎!!!俾我會買Irvins不買金鴨....因為金鴨係偏甜既...而Irvins係咸蛋咸香~重點係兩間係香港依家都有得買~你地就好啦~








2018/06/11的開心事:
內心只想著旅行的事宜



報時:距離和歌山嘆溫泉自駕遊之旅2018仲有---6日~
報時:距離與毛寶慶生泰國食揼嘆之旅2018仲有---108日~
報時:距離天團蘇格蘭高地之旅2018仲有---124日~
喂!!!!好緊張呀!!!!!!!!!!!!!!!!!
我要去旅行呀!!!!放我出去呀~~~~~~~

24 則留言:

  1. 串燒個醬是靈魂所在,好味道呢^_^好想食呀﹗

    回覆刪除
  2. 我那天在Cloud Dome見到你同毛寶在排隊呀,我還同DD講妳係我嘅澳門網友,哈哈哈。太多人唔好意思打擾妳們。

    回覆刪除
    回覆
    1. 下!!!!!!!!!!原來我地係相遇架!!!!!好可惜呀!!
      如果唔係可以同你合照下啦~~~~~~~~~~

      刪除
    2. 如果下次再係新加坡見到代表我地真係好有緣!!!!!

      刪除
  3. 人多最大好處係可以盡情試好多菜式^0^

    回覆刪除
  4. 提早祝妳旅遊愉快.食得暢快.買得爽快.平安回來。
    lego食人花有趣喎....夜景巧靚........
    螄蚶我鐘意食呀........咸蛋魚皮未食過喎

    回覆刪除
    回覆
    1. 多謝多謝~我好驚落雨~~好似上次四國咁~~嗚嗚~~~
      係幾得意呀~~~
      螄蚶我都愛~~.咸蛋魚皮香港有喎~

      刪除
  5. 間嘢啲嘢食勁惹味!!但會唔會食到滿頭大汗?
    金鴨差唔多平一倍喎

    回覆刪除
    回覆
    1. 又還好~坐裏面有風扇好d~
      係咩??!?!有咁誇?

      刪除
  6. 好友🌈我的早晨🌞你的午安好嚟⛅
    玩完返嚟🐾我要回家瞓飽💻回覆大家啦
    ╔═╗齊齊享受天天美好🎈開心萬事得
    ║╩╠═╦═╦═╦╦╗・゚。🦋
    ║╦║╬║╬║╬║║║.☼╭══╮
    ╚╩╩╩╣╔╣╔╬╗║╭╯ΘΘ ║
    ────╚╝╚╝╚═╝╰⊙═⊙╯•♥。゚♡╠╣aΡpy週四
    🌴🏠🌵🌼🌹🌻🏡🌲💒🌳

    回覆刪除
  7. 我都記得當年係室外走入兩間 DOME 時真係舒服左好多~~兩間 DOME 都有換左少少野~~

    回覆刪除
    回覆
    1. 新加坡真係太熱~有冷氣我就最開心~

      刪除
  8. 猴麵包樹都有?好粗碌肥嘟嘟^^

    回覆刪除
  9. 600蚊搭的士真係食懞佢...

    回覆刪除
    回覆
    1. 所以我地咪唔睬佢囉~都係等半個鐘je~

      刪除