新加坡熱辣辣聖誕節之旅2017-12-23第二天Part 2(晴天)

星期五....六.一兒童節喎...勁多小朋友.......我都唔明...幾時開始會放呢d假.....勁爆多野做...依家只有多野做同勁爆多野做之分......放左工去左飲華生行燉湯x家和魚蛋....呢個配搭真好~要輕鬆下嘛~咪食多少少野囉~星期六...中午買左杯沙北筋勞去毛寶家痴餐....下午菓子軒黎左玩~晚上去左慶祝毛寶爹生晨~星期日~一早起身在家播左3隻濕爬既碟搞旺個場佢~中午試左仰光小館...個魚湯粉又幾好味喎~個豆餅又幾好味喎~個春卷又幾好味喎~再去Uniqlo買買淨色tee~下午在家看大叔之愛大結局.....睇到我眼濕濕...追左7個禮拜...笑足7個禮拜!多謝部長~~<3多謝春田田<3~~多謝maki~~....是我滿意的結局...但不免有點心痛!......夜晚食左外賣~今次唔錯喎~叫左葉公~叫燉湯送糯米飯~抵~...又一個星期~星期一...好多野做...個心靠諗住下下個星期既旅行黎支撐...頂住呀!!



2017-12-23
Day 2---Part 2(新加坡 Singapore)
食飽飽榴槤就回程了...回程會經過泰山藥行...地址：2011 New Bridge Road(China Town), Singapore 059428




第一樣要掃既係朗公子拜託我買既陳皮~佢話好正~睇下d人搶得幾快~




第二樣梗係我認為最勁既清熱氣丸啦~~~佢呢度賣得算平~~~SGD$6.8=39.5hkd.....我熱氣就快要喉痛成日都係靠佢~(仕燊你要唔要一盒試試?睇你都係熱氣底)




行番酒店順便行過搵下有無咸蛋薯片賣..點知係商場入面搵極都無~




明明今次係想試住呢間酒店架!!唔知點解又訂左另外一間囉!




番酒店坐陣休息下先啦~~好熱呀~~~我買左呢d野~~人地去胡振隆買肉乾~我就走去買蝦米卷~~~個沙爹腰果都不錯吃~~~~貓山王榴槤乾都好好味~~




太陽無咁曬我地又貢出黎~去左附近既克拉碼頭(Clarke Quay)逛逛~




逛乜鬼丫~其實貢出黎食雪糕三文治架咋~不過今次個叔叔超惡~~(好似同上次哥個唔同人~)





我揀左榴槤味~毛寶揀粟米味~我估大比一定係揀薄荷朱古力~SGD$1.5=8.7hkd一舊~唔算貴~我地個個都揀夾餅乾唔敢夾三文治~怕食得太飽食唔落飯呀~我仲食到成件衫污糟哂~~~污糟貓~~~





周圍影下相~






喂~好熱呀~之後貢入商場涼下冷氣~~聖誕樹又幾靚喎~~阿Sam仲係度配左個眼鏡~




咁呢~毛寶既三伯父同埋堂家姐都會join我地一齊玩呀~佢地係香港哥邊過黎~我地就約左夜晚一齊食飯會合~梗係食珍寶海鮮舫(Jambo Seafood)啦~~~記得記得上網訂位~~因為真係好多好多好多人~我地梗係揀克拉碼頭哥間食啦夠近丫嘛~地址：30 Merchant Road #01-01/02, Riverside Point, Singapore 058282.....不過預約d時間一係好早一係好晏....唯有揀早d啦~怕老人家肚仔餓呀~(天都未黑就去食野~)...而且我訂講明要室內位...上次坐過室外位食熱到我呀.....




咦~點知佢安排左我地去二樓另一個鋪位喎~第一次黎~好正~冷氣夠~我地坐低一陣毛寶三伯同埋堂家姐就到喇~hi~....我叫左椰青飲....SGD$6.8=39.5hkd....勁清甜勁多汁~~~~~~推~




wow~很有食力的一枱人~(但我相信七公子可以過之而無不及)...7公子幾時再去新加坡呀~~~~~




脆炸蘇東仔...SGD$16=93hkd(小).......即係炸魷魚~~甜甜脆脆脆的~~好開胃~~好味~




魚子醬龍珠果龍蝦沙律...SGD$20=116.3hkd...都真係有好幾舊龍蝦肉架喎~唔錯~不過得小小的一個~




干貝皮蛋莧菜苗....SGD$30=174.4hkd(中).....都幾勁大個~8個人食都夠~而且都幾好味~




華!!!呢個好有氣勢呀!!!我之前都無係呢度食過~係阿sam話好好味~~我地今次又叫下啦~就係蒜蓉蒸竹蚌~~每人叫左一隻爽下~~




每隻計!一隻SGD$14=81.4hkd.....幾大隻下!肉幾厚....但蒸得剛好!!!!!唔怕硬~~~好好味呀~~~連下面d粉絲都好好味~~~





活蝦炒麥皮...SGD$36=209.3hkd(中)...勁熱氣~~~但勁香口勁好味~~~~~~又成為我心頭的一塊肉喇...




清炒芥蘭仔...SGD$21=122.1hkd(中)....呢個叫中既又唔係太多喎~但都好好味~佢d芥蘭仔同我地哥d好似唔同咁既~




黑胡椒蟹...SGD$176=1,023.1hkd(兩隻)......每隻511.5hkd......勁爆大隻~~~~~~





勁爆大隻!!!睇下隻鉗幾大!!!!而且好足肉~~~~~




味道.......仲係咁惹味~~~~~~~~~~~~~~~~~~勁勁勁爆好味!!!!!好味到想報警!!!!!!我期待左呢餐勁耐!!!就係為左黑!胡!椒!蟹!!!!!!!!!!!!!!!!!!!黑胡椒勁香勁惹味!!!但一d都無搶到蟹既鮮味!!!!!好掛住呀...我好想食呀...嗚嗚.....




緊接住出場既係辣椒蟹~~~SGD$176=1,023.1hkd(兩隻)




食呢個一定要叫小小的炸饅頭點下d汁啦~~~SGD$0.7=4.1hkd




呢隻蟹鉗仲大隻!!!!!!!!!!!!!




上次覺得黑胡椒蟹出色過辣椒蟹...但.....今次係兩隻都咁好味呀!!!!!!!!!!!!!!!!!!!!!!!!!!!!!!好!!!!!正!!!!!d汁又好味~~(睇下我d手指幾乞人憎~)




食完蟹~就享用汁同饅頭啦~




藥材醉蝦...SGD$40=232.5hkd(500克).....SGD$8有100克...最少要叫300克.........呢個又係我次次黎都叫~~~好香好好味~~d蝦幾大隻下~~~個點蝦豉油都係精髓~





馬來炒麵...SGD$20=116.3hkd(小)....辣辣地幾好食~阿sam話好好味~




hi~三伯~堂家姐~拉屎吐meet優~呢餐真係食得開心~~~~好好味~~~~




呢餐食左SGD$846.15=4,918.7hkd....每人食左614.8hkd~雖然唔平...但真係吃到好吃的!雖然個個都話珍寶遊客先食...但真係好好食...我真係放棄唔到....嗚嗚...點解新加坡唔係好似台灣咁離我咁近....




食飽飽出到黎已經天黑啦~





竟然俾我地係珍寶隔離間7-11搵到咸蛋薯片呀~~~好野~~









回想起上一個星期日...
我還在摸仕燊的手手<3



2018/06/04的開心事：
朝早食左個辣魚撈米囉!幾好食!



報時：距離和歌山嘆溫泉自駕遊之旅2018仲有---13日~
報時：距離與毛寶慶生泰國食揼嘆之旅2018仲有---115日~
報時：距離天團蘇格蘭高地之旅2018仲有---131日~
我求下你唔好打風唔好打風唔好打風!!!!
我好需要去呢個旅行!!!!