日本大阪自由行之旅2017-12-10第三天Part 1(晴天)

星期二.....好多野做.....完.................本身放工想跑下步...但係落雨~咁無辦法啦~唯有盡情咁回家抖抖啦~~~~星期三......今日無落雨...但我下班是多麼的累....還是抖抖好了....日日都咁多野做.....個人皮膚都差d.......但我有成個星期無跑步了...下星期要的起心肝跑下先得喇....好驚呀!!!!!星期四...放工約左Diana食飯~~好開心~~約左去打邊爐~但我都咁乖番黎出左blog先去玩~依家我個肚打哂鼓~~咦~下星期二勞動節假喎~~~咁星期一....(向你單單眼~)



2017/12/10
Day 3---Part 1(日本,大阪 Japan,Osaka->京都 Kyoto->枚方市 Hirakata Shi->大阪 Osaka)
早耶~今日一早~搭JR出發~噚日都在搭地下鉄~大阪駅內連接JR跟地下鉄的梅田駅很方便~今日我地出發去京都~~大阪駅到京都駅在840円區間內~(840円=58.4hkd)





噚晚已經上定JR網睇班車既時間~其實有好多車可以去到京都.....差在係幾耐去到....如果搭淺紫箭咀哥班普通車要超過1小時才到(普通車站站停).....如果搭紅色箭咀哥班快速就20幾分鐘就到了~(有好多個站唔停)




成功上車~極度多人!




企左一陣~咁都有位俾我坐~望下窗外風景~今日超好天~咦...有少許紅葉喎~(如果去四國哥時係咁既天氣你話幾好呢?)






到達京都駅~但唔係我地既終點駅~我地又再轉車喇~~~京都駅極度大...我覺得仲大過大阪駅...(個人認為..無度過)




我地係轉JR奈良線~~~但我地唔係去奈良~~係去奈良線會經過既稻荷駅~~~




極!!度!!多!!人!!!!!!!!!!!!!!!!!!!得一個出口....跟人潮行~




我終於黎到喇!!!!!!!我講左好多次要黎既!!!!伏見稻荷大社!!!一出JR稻荷駅就會見到..就係對面!!方便!!





第一次想黎既時候落超大的雨~終於等到今次的好天氣~~好開心~(輸左...我無帶con...戴唔到墨鏡)




我諗我地10點幾到...又以為自己好早...點知....你估全球得你一人放假咩~







差一步就行入正門去參觀但最後轉左邊行...因為...我地未食早餐.....俾一陣食物香味引左我地轉左邊~華~~好多檔野食呀!!!




我地俾呢檔煎和牛粒攝走左個魂...一串500円=34.8hkd....可惜既係醬落得太多有點過咸...同埋煎得過熟...牛味係幾唔錯可惜有筋(呢串野出現左3次可惜)





小孩咁乖排隊買咩呀?原來係買佢最愛既粟米~呢支烤粟米300円=20.9hkd....又幾唔錯喎~粟米嫩嫩甜甜~





好喇好喇~食飽飽正式參觀喇~~留意有參拜順路路線~






經過見到火焚串....寫低自己願望....照字面估....應該會幫你燒左佢(全估計).....記得係自助的~記得入錢呀~~見d日本人寫完願望寫自己名..照跟~






仲有d平安符買~但我無買~




華~我終於見到喇~點解我咁想黎伏見稻荷大社呢?因為我好想睇呢個好多好多好多鳥居既景~好靚~(係咪叫鳥居?)






但係發現呢度唔係一般多人....係極!!!度!!!之!!!多!!!人!!!!!!!!完全難以拍到好照片.....





行過完大鳥居...到左兩排小鳥居..但兩邊係有無盡往返既人..........




等左一陣...咁都俾我捕到!!!讚下我先啦~~~





成功捕到~再向前行~




其實係開始越行越上~係上山哥隻上!係開始越行越少人...話哂都上山....參觀既人又有老有嫩...都有可能無行到咁上~







睇睇地圖...行左大半個鐘度....都只係行到黃色箭咀哥度....其實我地勁想行到上去稻荷山!!!最高最高的!!!但...我諗無番兩個鐘來回都唔掂...為免唔想誤左之後既行程....就...作罷~




如果大家想影d無咩人既鳥居靚相~記得早d黎同埋行高d喇~




回程某個位毛寶幫我影的....講真..我真係幾有型...幾靚~(hehe~)..你地問心喇..我係咪靚先?(如果答案係唔靚就唔使打出黎喇..我知係假既~)





好啦~快快手遊覽完~~又坐JR番京都駅~~




巴士站就係正京都駅對面~仲見埋京都塔~hi~




第一件事...就係自助機買張一日票先...500円=34.8hkd...聽講由於當地人覺得太多遊客搭巴士影響佢地生活而投訴...所以一日票將會加票價希望減少遊客(我地當時未加價)....但....有d地方....根本唔搭巴士去唔到或者唔係最到位咁去到目的地喎......之前計過好似搭3次既話已經超過500円....所以如果你搭超過3次一日票係可以入手的....




但我是一名怪人...查實我係鐵定坐兩次架咋~所以買pass一定係蝕少少(其實真係好少)....但我都堅持買pass....因為佢係落車先俾錢.....為免我無散銀...為免我數唔切銀仔...為免我阻住其他人落車(被等待既目光實在太有壓力)....我同毛寶講：不如俾我買pass咯..................哈哈~未過機之前無日期既...一過左第一次機就會有當日日期~






當時我地就係京都駅總站上左5號巴士~(呢架車係我地落左車先影~~我地唔係搭呢架~)...好似大約搭左6個巴士站度.....去到四条高倉站...想知時間表及搭咩車請按我....打出發地站名同目的地站名就會知有咩車可以去到~





對對!!我地就係要來錦市場~




因為呢度有d野我地係好念念不忘既~第一就係呢間叫錦 だいやす既居酒屋喇..係錦市場入面最尾尾的...地址：京都市中京区錦小路通高倉東入ル中魚屋町509....佢開12點..我地都好似係12點幾就去到...但已經超多人等位ing....我地都等左10分鐘度~好彩兩個人易搵位~




呢間係食蠔架~有生蠔有燒蠔~





排緊隊時睇到寫住生蠔係北海道產....而燒蠔就用三重県鳥羽產~




好~就坐~坐得超迫~人夾人......同埋發現餐牌唔同左(有英文餐牌).....好多之前食過好食想再叫的都無左.....毛寶叫左熱既sake...700円=48.7hkd




我就叫左梅酒...500円=34.8hkd~




北海道產生蠔.....540円=37.5hkd(隻).....每人限叫兩隻....咁限叫梗係叫盡佢....係幾大隻幾厚肉幾新鮮...但唔係我鐘意既味...好creamy...........我鐘意海水味重d清爽d哥種





叫左個刺身盛合(中)...1,480円=102.9hkd....不過不失




燒蠔...300円=20.9hkd(隻)....最少要叫兩隻.....都ok既呢個....但我想食哥隻係之前哥隻...佢有d山藥一齊燒的勁好食...依家已經無左.............




叫左燒魚...720円=50hkd....味道不錯~不過我以為係一條條d魚...唔係咁樣一片片的~




仲有燒蝦...980円=68.1hkd(兩隻).....呢個算係呢餐入面最好食既野~蝦肉勁彈牙燒得剛好~




睇下坐得幾迫~好彩我地生得靚~(好像沒關連~).......今餐滿意度一般咋.....同上一次食感覺差超遠....想回憶上次食過既請按我......上次有好多野都好好味!!燒大蜆呀~京都生蠔呀~燒蠔呀~燒魚呀~燒扇貝呀~如今只剩下回憶了~




今次食左7,140円=496.2hkd....每人248.1hkd.....呢間餐廳只收現金....唔會再掛住呢間野~拜拜~




同頭先錦 だいやす距離唔遠又見到呢間我上次食過超好食既抹茶スイーツ処茶和々.....




見到你喇...我流哂口水喇~~~第二樣令我地念念不忘既就係呢個綠茶蕨餅!!!!!!一杯120g...300円=20.9hkd....上次黎同毛寶同埋貞公子買兩杯分享吃.....今次唔諗一人一杯~




期待已久...但由於頭先受過傷害...所以好驚佢走樣..一食....綠茶粉仍然好味.....蕨餅質感無走樣~~仍然qq軟軟的....真的真的食完覺得自己好幸福.....好~~好~~味~~~呀~~~~






哈哈~我又周圍試吃~~~唔知係咪我錯覺呢?我覺得賣醃漬物既鋪好似少左咁既?




呢間上次有食過唔錯~今次揀左紫蘇章魚口味..450円=31.3hkd...但食唔到紫蘇味喎~都係上次哥個芝士好味d~






坐係度食食下然後小孩雙眼一亮~*o*：我地食唔食呀??食唔食呀??....我：梗係食啦~~~~........小孩平時少吃凍野..但佢竟然問我：係咪一人一個呀???.......我：唔係呀我食唔哂架~~~~~~




上次去四國哥時食過真係驚為天人.....見到一定要再食啦~550円=38.2hkd......睇下小孩攞雪糕個樣幾咁恭恭敬敬~




好好味呀好好味呀大佬~~





d栗子勁大粒...對上一次見到咁大粒栗子應係同朗公子一齊澳洲哥時~





最念念不忘系列.....其實黎呢度最重要做既事就係：俾毛寶買佢好想食既幼幼麵...上次買過佢話好好好好好味..又夠幼~終於圓左個小孩心願~功得圓滿~




意外收獲：係食到北海道海膽~1,300円=90.4hkd~










2018/04/26的開心事：
就係我因間要去食好西~~~~



報時：距離和歌山嘆溫泉自駕遊之旅2018仲有---52日~
報時：距離與毛寶慶生泰國食揼嘆之旅2018仲有---155日~
報時：距離天團蘇格蘭高地之旅2018仲有---170日~