2016年12月12日 星期一

南美洲4國新奇探險之旅2016-03-09第二十六天(晴天)

星期三..一貫的多野做~開心既係~番埋呢日~星期四放公眾假期~~~~~~~星期四放假我梗係偷懶唔寫blog啦~~預告左你地知啦~~~~~中午試左間我未食過既茶餐廳..佢地有墨魚翼食喎~幾新穎~下午毛寶幫我剪頭髮~夜晚約左chlo子去食星際品味坊~~星期五做到隻劇咁.....放工去左參加公司既聖誕聯歡~~~~今年參加既原因係因為今年食中菜~七公齊人參加!!我地張枱超旺!!9個人有6個人抽中獎!!!!!7公入面有5個人中獎!!!!!!er...我係其中兩位無中獎...........最威係毛寶!!!!!抽中3獎!!!!係一部32吋電視!!!!好!!!!開!!!!心!!!!...星期六一早起身....已經發現個胃有d唔舒服..銀住銀住...毛寶都話唔舒服左成晚....去洗牙~醫生讚我d牙刷得好靚~好開心~~中午請左媽媽去麗軒飲茶~遲下出blog~然後成個下午奶哂....個人突然發冷...同埋有微燒......飯都無食就跑番屋企...嘔左出黎...燒左成晚...星期六大好夜晚就咁無左.............................星期日起身個胃仲係麻麻...相信係聖誕聯歡哥餐搞到我腸胃炎.....中午食左半個粥....訓左成個下午...夜晚冰其食左個粉.....整個周末就咁無左...................好嘔心.......................今日ot...好多野做....中午食4份3個包就飽...諗住下午食埋佢...點知完全無得閒過.....完....



2016-03-09
Day 26(阿根廷,烏斯懷亞 Argentina,Ushuaia)

一起身~我地無食酒店早餐喇太難食..費事浪費食物~出街食個Brunch~本身揀左間外表好靚既...點知一入去佢明明見到我地都唔so我地...到so我地時明明有好多枱時又話無枱俾我地....算囉~東家不吃吃別家囉~揀左佢隔離街既Tante Sara~望落係比較隨意的餐廳~都幾好丫~





記憶中好像蠻不錯的麵包~




我同大比呢對咖啡孖寶又出招~我叫左Cafe con Bailey's(下)...$102ARS=52hkd.....大比叫左Chocolate Tante Sara(上)...$91ARS=46.4hkd....我覺得噚日下午飲下午茶哥間好飲d~




毛寶叫左個Beef Salad...$170ARS=86.7hkd....我覺得個沙律真係值$86喎!佢d菜勁新鮮汁酸酸的好開胃...加埋d半熟既牛(牛勁有牛味好好味)....正!




大比的Seafood Salad....$208ARS=106.1hkd....呢個d蝦好新鮮~~而且個汁有少少似日式風味~我又係大愛~




我同阿Sam都係食漢堡~阿sam的Americana...$176ARS=89.8hkd...佢話好好味~




我就叫左Francesa....$176ARS=89.8hkd....我覺得一般...呢度d沙律似乎吸引d~




好喇~又再番去旅行社集合喇~~希望今日出到海啦!!!!牆上既圖有我地呢日出海既路線~(綠色哥條)




好野~得到好消息~~今日出到海~佢俾左張卡我地~叫我地係出面排隊去碼頭上船就ok~




入到碼頭仲要每人都交離境稅~忘了幾錢~唔知去南極係咪都係呢度上船既呢~




天氣巧巧呀~





呢隻就係我地今日坐既船喇~~~都唔錯喎~好多玻璃位可以睇到出面~





不過一開左船我地就出左去坐喇~吹下海風真疏肝~好彩唔怕太凍~



第一個景點....整個島都俾一種叫鸕鶿既雀霸哂~好多雀屎~






又再~出~發~雖然烏斯懷亞係世界最南城市~但一路行(隻船)....其實智利既土地好似更南喎(不過佢可能唔係城市囉~)




咁似以前d水翼船既~~~行既時候超多水花飛起~




巧有型話~




第二個景點係海豹島~條條都勁懶咁攤係度曬太陽~成個島發出腥腥臭臭既氣味~~







再向前行多陣.....見到喇!!!!!!!世界盡頭之燈塔!!!!!睇過春光乍洩既人唔會唔識~~~~毛寶係呢套戲既忠粉~自然想看看這個燈塔~~~~(我個鼻的確是曬傷了無誤)








春光乍洩入面話...熱戀既人要去伊瓜蘇....失戀既人就會去世界盡頭燈塔~當時失意既黎耀輝(梁朝偉)同打工識既小張(張震)去飲酒...因為小張即將辭工再去旅行見識世界....小張沿路都有用錄音機錄低人地既秘密....佢都叫黎耀輝對錄音機講低唔開心既野...幫佢去到世界盡頭既燈塔播出....唔開心既事都會隨之而散(幾有詩意~)....諗起呢幕心都實埋........出發前我好天真咁諗係可以好似張震咁跑上燈塔既....原來事實係並無呢回事~~~~~果然有d野真係拍戲先有~呢個咁傷心既故事配上一個晴天的燈塔有少少唔襯...因為世界盡頭呢4個字應該配上陰天的(神邏輯).......幫佢加做黑白照先....




好興奮咁睇完燈塔就到我好想睇既企鵝島喇~~~~~~





都算係幾近咁睇到佢地喎~~~~~~見到小企鵝...令我感到我跟南極有少少近~~~~~(其實並不)





做咩自己一個人呀~~~~




一隻船既前邊有兩個位特別近d可以睇到企鵝既~我地醒呀~一早出黎霸左其中一面可以清楚d睇到企鵝仔呀~




假想自己可以掂到小企鵝~(白日夢)





做咩全部都係同一款黑白企鵝!!無啦啦有3隻黃腳黃咀招積企鵝混入其中~~~~~你地3個拍緊荒失失奇兵呀??





好彩我地早黎到~另一公司隻船遲過我地到要等我地影完先有得攝我地個靚位泊俾d團友影相~







好啦~走喇~拜拜~~~~~唔阻你地游水喇~~~~~隻船仲停係企鵝島哥時我地影完已經衝番入去坐~如果唔係連位都無~回程哥程船好似搭左好耐先番到去~番到碼頭已經天黑黑!




呢個係3個景點合埋既小短片~多謝觀看~



係船上面已經討論晚餐~雖然噚晚食左佢己預先剝好既淨蟹腳好難食..但我地已經決定最後一晚係烏斯懷亞既晚餐我地要食番整隻蟹~~(3日都諗住食同一餐廳..忠誠度很高的4人)...點知去到.....佢話今日無原隻蟹賣................................見到魚缸真係一隻蟹都無...點解會咁架!!!!!!!!於是店主就推介我地去另一間食原隻蟹~(店主仲幫其他人推銷)



根據店主既描述..我地就黎到呢間佢推薦既餐廳~咦~原來係我地噚日周街行我都有影低呢間餐廳既門口(因為佢個招牌好有氣勢).....就係郵局既對面....叫La Cantina Fueguina de Freddy.......地址:9410, Ushuaia, Av. San Martin, 318......我地之前都有諗住入去試下既~不過見佢餐牌寫蟹係Price per kilo.....仲要$600ARS=306.1/kilo....真係海解呢d野..任佢點秤架咋喎....我地之前兩晚食哥間就有明碼實價寫明一隻蟹幾多錢........不過又諗住:算啦~~~過埋呢晚都唔知幾時再有得黎烏斯懷亞....食好d既!!!!!!!!!(呢張相係我之前一日朝早行過影既~因呢個時間其實佢已經入左夜架喇~)




都係小店式~都幾多人食~





先上包..華~好難食呀~包很柴~柴得黎牛油又無味~




Mejillones Al Escabeche...$160ARS=81.6hkd.....佢餐牌有英文既...我地見係前菜類既青口咪叫黎試下囉~點知......極度難食~~~~~~~~~~~~~~~~好鬼酸!!!我當你係以佢為前菜要開胃要酸酸地喇.....大佬...酸得黎叔架喎~~~~~~我地平時都唔鐘意浪費食物的.........但真係頂唔順~




Rabas....$160ARS=81.6hkd....炸魷魚是也~其實呢樣野只要新鮮既話就點整都好食~但佢就係有本事整到橡筋咁硬~~佩服~




Tagliatelli Con Mariscos....$220ARS=112.2hkd.....呢個係Spaghetti with Seafood Sauce....我地諗住叫個一樣既野同之前哥間比拼下嘛.....點知一叫又賴野~~~個汁本身已經整得糊糊的又無味.....都唔止...個汁同個意粉都好似撈唔埋一齊咁~~~~~~~~~~簡直同之前哥間無得比~成堆垃圾咁....




主角要來了~~~呢個係佢生既狀態~佢俾我地影張相先~最搞笑係....隔離枱自己又唔叫...係咁攞我地哥隻猛影...............




咦~~~又幾大隻喎~~~大隻過之前哥間哥隻既係~~~好驚呀~~~呢度計重量架~~~唔知要計我地幾多錢呢~~~驚呀呢日...一隻4個人分咋~





好彩~成餐最好食既野就係你~無左你~我都唔知黎呢間野做乜?........蟹真係非一般的好吃~好鮮味~唔知你幾錢呢~




睇番張單....隻蟹價值$1,083ARS=552.6hkd.....計番即係1.805kg?隻蟹好大隻喎!!先1.805kg?!?!呢度哥隻確係大隻過我地之前哥間食哥隻...所以我認為隻蟹既價錢係認真地合理~但除左隻蟹....呢間餐廳我懷疑我已經試哂佢最難食既野......成餐飯食左$1,758ARS=896.9hkd..每人224.2hkd..食哂蟹咁..可以接受~







上個禮拜晚晚都有睇天與地....
其實我係期待睇攻頂哥邊多過天坑多d~
我開頭估係黃德斌係最後一個放棄既...
點知佢係3個入面最早放棄既一個...
係第三集佢地哥part最尾...
佢講左句:年少多好...時間多恐怖
再起年少無知既Chorus.....
我打哂冷震!!!!深深認同阿德斌(好似好熟咁)!!!
年少多好!!!
後生多幾年...我去旅行就唔會成日扯蝦啦!!
後生多幾年...我去秘魯庫斯科就唔會成個咀俾高海拔變到紫哂!!俾人笑到依家!!
不過我既青春同你一樣已經一去不復返~~~~~
好彩有你地陪我~(拉人落水)
個心舒服哂~~~~~~~~~~~~~~~~~~~~~~~~~(痴筋的blogger)
華...如果真係俾我攻到頂....望番出去個景時....
我諗我會感動到跪係到喊!!!!!!!!!!!!!!!!!!!!!!!!!!



2016/12/12的開心事:
最開心係見到你!!係你!!就係你!!!!!!
同埋今日派左假紙.....
苦惱下年去邊....同埋放幾時........
去完南美..個人好似無哂目標咁....



報時:距離合家歡台北聖誕之旅2016仲有---11日~
下~~~~突然少於兩個禮拜~~~~
好明顯我地就快要過聖誕喇~~~~
hohoho~

36 則留言:

  1. 咁快要mark定下年假?打算放幾多日呢^_^啲蟹抵食過我在北海道食﹗

    回覆刪除
    回覆
    1. 係呀好鬼煩成日要一早mark定....下年放好少咋...
      因為我今年放得太多~~~~無咩假帶落下一年~

      刪除
  2. D企鵝幾得意~~~
    又食蟹吸死人啦........又平又抵食

    回覆刪除
    回覆
    1. 係呀係呀~~~
      哥度最抵就係蟹~~點可以唔食喎~

      刪除
  3. 阿根廷呢個城市都幾靚喎。
    有D野真係要趁年少時去做呀(搖頭嘆氣)...
    會唔會考慮下年去北海道呀? 還掂你話未去過,趁無咩地方想去時就計劃下囉。

    回覆刪除
    回覆
    1. 係呀~我幾鐘意呢度~
      咪囉..我依家搭長途機都驚驚架....不過都仲頂到~
      成日都話未去過~但又未的起心肝去~

      刪除
  4. 好友🌟・゚🌛晚安囉☁*¨*🌙
    ╔═╗ʚïɞ・゚⊹。💟
    ║╩╠═╦═╦═╦╦╗
    ║╦║╬║╬║╬║║║
    ╚╩╩╩╣╔╣╔╬╗║
    ────╚╝╚╝╚═╝💝週二💗
    💕♣💚♧💖❀💙✿💞♣💜♧💛

    回覆刪除
  5. 公司咁快有聖誕聯歡....仲有大獎抽,真好!!
    係咪食咗其中一兩味嘢唔新鮮所以腸胃炎?
    出海風景真美,值得一來看燈塔和企鵝
    其實如果齋叫蟹又得唔得?果個老闆可能都明知喱間其他餸菜唔得,更顯佢自己果間好食啲wakakaka...

    回覆刪除
    回覆
    1. 係呀我地通常好早搞~晏dd同事放哂假都無人理lu~
      一定係啦....個胃勁唔舒服
      燈塔有點淒美~
      得架~不過我地又諗住呢間計kg會唔知佢點秤嘛(俾港澳呃慣所以諗人地都係咁)
      如果知佢咁平我寧願食兩隻蟹算喇~

      刪除
  6. 回覆
    1. 年輕嘅妳唔好咁刺激我這個老人家喎, 哈哈哈哈

      刪除
    2. 嗚嗚....個胃勁唔舒服~

      刪除
    3. 哈哈~無刺激無刺激~

      刪除
  7. 去旅行前小心飲食,唔好影響行程呢!
    終於靚模出現了~~~~~
    小 t 有個小字,還有quota~~~~~
    哈哈哈

    回覆刪除
    回覆
    1. 知道~~
      無啦無啦~~~得個名有個小字~~~~個身超大隻~

      刪除
  8. 好彩隻蟹最後係好味渣~如果唔係真係陰公豬呀~
    就黎可以去台北瘋狂吃吃吃啦~正呀!

    回覆刪除
    回覆
    1. 係呀如果唔係真係慘喇~~~
      好開心呀~~我接你力呀到我去喇~~

      刪除
  9. 我好老餅咁又講...真喺要小心身體飲食呀,
    妳又轉天氣又病..好辛苦,媽咪,朋友又擔心,
    依家仲有禽流感,
    睇完妳南美blog好有得著。

    回覆刪除
    回覆
    1. 妳哩餐都喺巨蟹至正,其他嘢食可以忘記佢,
      真喺抵食只喺八佰幾,剩隻蟹都唔止,
      拍戲麻梗令人有幻想。

      刪除
    2. 知道....下次不貪公司d野食喇

      刪除
    3. 無錯無錯~早知佢咁平就叫兩隻食啦~~~

      刪除
  10. 其實後生去多啲地方遊歷喺啱,見多識廣,唔好浪費人生,我都好讚同妳有能力再走遠啲,妳仲好後生,大把時間,我又睇天與地,好感受到德斌的上唔到去嘅無奈,我比佢年紀仲大,可以跑出去地方時間更少。

    回覆刪除
    回覆
    1. 唔算太後生啦~行路都扯蝦~~哈哈~~又真係弱左d既我~~
      但都想再行遠d~~~等老左先去d嘆d既地方~

      刪除
  11. 妳又要去"垃圾留言欄"揾番我嘅回應喇

    回覆刪除
  12. 好奇一問,由於未中過大獎,中32吋電視係咪要自己抬走定其他?

    回覆刪除
    回覆
    1. 係呀~要自己抬架~公司話之你啦~
      同埋32吋好細架咋~

      刪除
  13. 世界盡頭之燈塔,唔上得呀!有d失望 !
    大大隻蟹,見到都想食.

    回覆刪除
    回覆
    1. 我知道之後都有d失望~~~因為睇戲有得上~
      蟹真係一流~

      刪除
  14. 你隻蟹好吸引呀。。。。 好想食呀。。 但間餐廳真係好奇怪,其他野既然咁難食

    回覆刪除
  15. 呢篇色香味俱全,隻蟹實在太兇狠喇!👍

    回覆刪除
    回覆
    1. 我地兇狠過隻蟹~~因為我地食左佢~~

      刪除
  16. 係囉, 有朋友陪住, 青春一去也不用煩了,

    其實, 其他五公子有無奶野? 這餐咁樣, 真係要同你公司反影一下.

    回覆刪除
    回覆
    1. 淨係有3個公子(計埋我同毛寶)有肚痛

      刪除