2016年12月6日 星期二

南美洲4國新奇探險之旅2016-03-08第二十五天(晴天)

星期五好多野做..仲要俾個客黑我面..算啦我慣...過左一個咁樣既艱辛星期工作周...放工約左其中幾位公子去順軒食下皇帝蟹~~~順軒幾好丫~又可以食中式又可以叫西式又可以叫日式野食~食完再上去佢個Bar度飲下野傾下計~~~星期六中午食左我其中最愛的文華東方午餐~~下行左好多野~又去睇碟啦~~又去Garment Park啦~~又去攞d旅行小冊子啦~~又去睇書啦~~夜晚本身諗住去食度小月既..點知佢無位..佢話可以坐去阿鴻小食哥邊坐...仲可以叫兩邊既野食~咁梗係好啦~~~然後夜媽媽12點呀!毛寶又引誘我呀!話要同我去UA睇多次怪獸與牠們的產地喎~~~~~~~~~~因為哥度塊巨型紙牌呀...好吸晴呀!!要去影啦!!!咪去睇多次捧多次場囉~~~呀~第二次覺得仲好睇d添~對呢個故事有更深的認識~~~我覺得真係好靚呀我個造型~.........星期日中午食左某泰國餐既白魚蛋肉碎冬蔭功湯貴刁..唔錯~然後又去左羅浮咖啡~約埋公子一齊去tea一tea~因為依家d tea set永亨信用卡做緊半價優惠~去試試~~~.......夜晚又食左關東煮外賣~....星期一...要ot...本身心情sad..但放工約左公子去食新麻蒲韓國餐~血吃後又一條好漢~呢間韓餐幾好味~不過食完好口渴~番到屋企又要睇天與地~所以好忙唔得閒寫blog~今日又係忙...依家無淡季架(汗)..........呀~不過番埋聽日~星期四係公眾假期~~~~~~~可以放一日假抖抖~~~好開心~~~~~星期六訂左間我好想試既飲茶呀~~期待中~~~



2016-03-08
Day 25(阿根廷,烏斯懷亞 Argentina,Ushuaia)

睡飽飽起身食早餐喇~我地係烏斯懷亞d行程都好鬆散的~今日就只參加左一個出海既tour~er....咦...點解呢間酒店d早餐咁難食既.......................包類都超難食...算吧啦..食少少出去行行~




華~今日天氣好似唔錯喎~~~~有太陽~~~~(不過睇到有d厚雲...)....黎到烏斯懷亞真係要留意下...因為呢度d氣溫又低少少的.....同埋有d大風~要著衫呢~




華下......呢頭有示威呀好驚呀...唔知示威d咩....人在外地又言語不通都係快快走開為妙.......





行行下行到郵局喎~~~雖然係Calafate都寄左信喇~但係都可以睇睇有無咩特別郵票喎~~~~~點知一入去...勁多人排隊搞手續中...放棄~





呢度係一個gallery喎~外牆幾得意~




仲行過一間寫住"世界盡頭 中國餐廳"....咁有綽頭..點都"裝"入去睇睇啦~~~~~或者他鄉遇故知會見到中國人老闆係入邊呢~~~點知望入去全部都係外國人...信唔過~~(如果係外國廚煮中餐就唔試好過)




行左d紀念品店~但發現d紀念品麻麻地靚...我一件都無買~到左中午食飯時間....行左好耐未有岩心水野食...黎到碼頭附近...又見到係El Calafate食過既哥間Casimiro Bigua...唔得喇~~~又想去食阿根廷牛扒喇~~~




麵包不錯吃~配d醬同之前食哥間唔同~都幾得意~




叫左個Corn Soup....$89ARS=45.3hkd.....又飲唔出好濃既粟米味喎~一般~塊包幾好味~




Classic Spaghetti....$119ARS=60.7hkd......原來係就咁得d茄醬~不過耐無食過意粉~都ok既酸酸地~側邊塊脆芝士最好食~




叫左個T-Bone(上圖)...$429ARS=218.8hkd.....同埋Argentincan Grilled Short Ribs(下圖)....$360ARS=183.6hkd......港澳呢個價絕對吃不到的牛扒呢~~~~~~~~~





佢地d牛扒生熟度拿捏得真好~!




望望佢地個網頁原來淨係得3間分店...有兩間在El Calafate..1間在Ushuaia~~3間我地都試左兩間了~~~~都好好味呢~~~不過Ushuaia呢邊呢間價錢貴少少咁多的~(大慨每樣野多$20ARS-$30ARS)..有機會去呢兩個地方不妨試試佢地d牛扒~咦~明明話下午上船唔好食咁多野怕嘔架~




食飽我地番左酒店抖下去下廁所~之後再行番去碼頭附近旅行社集合~~~~~一入去.....以為今日係出海好天氣..又有太陽咁...點知原來佢地話出面海好大風呀....要聽日先有得出海.......................華!!!!好彩我預左聽日都係烏斯懷亞咋!!!如果唔係咩都無!!!!!!!!!!!!!!!!!!!!!!!!!!




好囉~即係呢日變相無野做~咁又周圍行下~附近有個小市集咁~去行下先~不過行過之後覺得d野幾貴又唔係幾靚~無收獲~




你兩姊妹做乜也呀~~~~~~XD




有間麵包店我地行過左幾次次裝裝下.....望左超多次~~~~然後望望下原來有得坐低架喎!!!咁呀~~橫掂無野做~~~去嘆啡咯~~~~呢間叫Ramos Generales...地址:Maipu 749, Ushuaia, Tierra Del Fuego, Argentina





一入到去...好鐘意呀!!!!!!裝修係懷舊風!!!!!!!!!!上網睇先知原來佢真係開左好耐...係1906年開架~




唔知點解....賣麵包呢個位好似去左以前既歐洲咁~~~~~~~侍應哥哥既裝扮都配合埋~~~~~




華~~~仲有好多靚靚甜品蛋糕既模型呢~




叫左野食就周圍影下相喇~~~佢d裝修真係好靚!!!!!我地坐係度等野食哥時望左超耐~~








而且每一張枱面都有唔同既裝飾~咁岩線無人我就影影~




呢張我地架~~~好得意~





呢杯係我既~Cerdena....$85ARS=43.4hkd...有酒..杏仁同cream係入面~幾好飲~




呢杯係大比既Ramos Generales....$85ARS=43.4hkd...有bailey's係入面既~幾好飲~~




呢杯係阿sam既Submarino...$80ARS=40.8hkd....即係朱古力奶~但呢種叫Submarino的似乎係自己加朱古力入去調味~佢俾左條朱古力係自己加~鐘意幾重味都係自己揀~




由於全個餐牌都係西班牙文點菜都有少少困難~所以我地都係係麵包櫃同甜品櫃指下指下咁點野食咋~~~~牛角包....$17ARS=8.7hkd....咦..好似平過我屋企樓下間垃圾麵包鋪個牛角喎~~~好味~~隻碟好靚~




蝴蝶酥....$6ARS=3.1hkd(個)....平到!!!!!3個幾一個蝴蝶酥仲要勁好味!!!!!!!!!!!!




呢個係指蛋糕櫃入面個蛋糕叫既~Alfajor Ramos....$80ARS=40.8hkd......個樣好靚...但我唔鐘意...因為好甜~




就咁樣說說笑笑過左個輕鬆下午~~~~多謝$444ARS=226.4hkd~每人才56.6hkd~享受左個懷舊feel既下午茶~~~~~~~下次再來烏斯懷亞我會再來這裏~食個飯~(原來佢除左係一間仲係一間bistro)






行下d運動鋪...佢地有收獲~同埋呢度d賣野既鋪頭有午休架喎!!!仲休幾長下!!!好似13:00-16:00咁上下~~~要逛街的要留意~




番酒店休息下訓下晏覺之類之類.....再傍晚再出黎搵食~~~(望望個天~希望聽日好天出到海啦~如果唔係我地又要飛走喇)





哈哈~我地又再食番噚晚哥間~~~好變態~~~~呢晚超多人~好彩有4人枱~其後黎既人已經同佢地講無哂位了~El Viejo Marino....地址:Maipu 227/229, Ushuaia, Tierra del Fuego, Argentina.......坐低點好餐又送上麵包配好味醬~




今日乖呀無飲酒呀~~再飲呢個Crab Soup....$100ARS=51hkd....一如之前..一樣好味!!




今晚懶..我地叫左Natural King Crab(Only Legs)....$270ARS=137.7hkd.....一黎到覺得..好抵丫!!咁大碟喎!!唔使自己拆喎!!!一食入口....根本同噚日隻蟹係兩回事!超!級!難!食!!!!!!!完全無味架!!!!勁唔新鮮!!!!!!俾幾多檸檬都無用呀!!!!!記得...如果食呢間!!記得要叫全隻蟹!!!記得要叫全隻蟹!!!記得要叫全隻蟹!!!...真係好緊要.....如果唔係食全蟹千祈唔好叫呢個!!勁難食!!!!!




Mixed Salad....$70ARS=35.7hkd..佢d菜麻麻新鮮~




Noodles with Seafood....$200ARS=102hkd.....呢個又係難以預計的好食!!!!!!食完蟹腳本身已經心屎....點知俾呢個海鮮麵救番成件事!!!!!好好食!!!海鮮都係哥d...帶子仔青口蝦哥d...但好新鮮好鮮味...配埋佢哥個汁..好正!!!必點!!




Fried Squid Rings...$120ARS=61.2hkd....樣不好看但勁好食!!!粉漿開得好好~薄薄的~味道新鮮對辦呢~~~~懷念!!




呢間餐廳都唔係全部野好食~~好彩俾我地試到~~如果唔係下次你地去哥時先試到就掃興喇~必點整隻!!係整隻!!係整隻!!既king crab~~~~勁好食....Crab Soup...炸魷魚圈同埋Noodles with Seafood也是該店必點~(記得唔好叫齋蟹腳!!伏!)




番去見到火地島國家公園既火車~~~~~今次無安排到去添!!我下次一定要去呢!!!!!!!!哥度仲有個全球最南既郵局嘛!!!








2016/12/06的開心事:
絕對是不用開OT~~
放工前仲食左同事d台灣手信添~
正~



報時:距離合家歡台北聖誕之旅2016仲有---17日~

29 則留言:

  1. 原來世界盡頭不是懸崖,而是中國餐廳,哈哈哈(還是中國餐廳是懸崖呢?)
    無OT,好開心囉!

    回覆刪除
    回覆
    1. 哈哈~~你呢個觀點好獨特呀下~~
      今日又有呢...嗚嗚...

      刪除
  2. 嘩又有假放~~~妳果邊星期四係乜東東假呀???

    回覆刪除
  3. 嘩...喇喇...仲有17曰,又去玩

    回覆刪除
  4. 好友🌟・゚🌛晚晚甜夢安睡囉☁*¨*🌙
    ╭~╮
    ╰╭╯
     O
       o
     .∧_∧。゚💤
     ( ・ω・ )
     |⊃/(___
    /└-(____/
     ̄ ̄ ̄ ̄ ̄ ̄
    ╔╗╔╗╔╗╔╣◇*¨*✨
    ╚╣╚╝╚╝╚╝º°¨*¤。。゚⊹
    ╚╝..___☆╔╗─╦─╔╗─╦╦─╔╦╗*
    ____★__║║─║─║╗─╠╣──║
    __✬____╩╚─╩─╚╝─╩╩──╩❉
    💙瞓醒大家💞*¨💜╠╣aΡpy💛周三💚。゚💕

    回覆刪除

  5. 在歐美, 很多麵包店都跟CAFE十分相似, 有位座有野飲, 只不過. 飲野無咁多選擇, 尤其咖啡種類可能得一兩種囉.

    那些去殼蟹腳, 因為是在工廠做去殼工夫, 不是在餐館裡, 之後才急凍運去餐館, 所以一定無咁好味. 那裡極地, 一切蔬菜係外地運入, 一定又貴又唔新鮮.

    回覆刪除
    回覆
    1. 法國都有~其實澳門都有~不過佢呢間特別靚~~所以覺得華一聲~
      唉...依家學精左啦..以後都唔叫淨蟹腳...

      刪除
  6. 2個留言又係無左個留言, 真奇怪

    回覆刪除
  7. 果間面包鋪真係整到好靚呀 ! 1906年已經開 ! 好勁呀 !
    有時旅行輕輕鬆鬆周圍行唔洗趕都幾好~~~ 發掘到更多既野 ~~~
    星期四有得放假, 實在太正啦 !
    原來仲有十幾日又去玩啦BABY你~~SO GOOD ! ^^

    回覆刪除
    回覆
    1. 係呀~~我以為係特別扮懷舊..點知原來係真舊間麵包鋪~~~
      係呀~~輕輕鬆我覺得好舒服~
      係呀好開心~~12月開心係因為多假放~
      我真係又好需要一個假期喇~~~

      刪除
  8. 好彩留多日,如果改唔到期咁有冇得回水?
    下午茶間cafe又真係幾有懷舊味道,仲有古董收銀機,張桌設計又盞鬼

    回覆刪除
    回覆
    1. 我估有~
      係呀!!!!!我初頭以為係特別扮懷舊..點知原來係真舊間麵包鋪~~~

      刪除
  9. 啲客口黑面黑當睇唔到算啦,費事浪費自己嘅好心情,週末一下又到啦,笑下啦。

    回覆刪除
    回覆
    1. 我做左咁耐會適時調適自己心情..但如果d客太衰一定會講出聲..因為如果唔係收埋收埋好易有情緒病~~~~wakakakakaka~

      刪除
  10. 好友♦・゚☼黃昏好☕傍晚好☁*`☀
    💕天天都過得歡樂精彩💕
    ╔═══╗💚⊹。*💛
    ║███║ ┈*¨*🎶*¨✾ഐ
    ║ (●) 🎵*¨❉•♩°。♪.♬*。.♫
    ╚═══╝💙ღೋ*¨💜
    ۩۞۩╠╣aΡpy周三Ϡ₡

    回覆刪除
  11. 你地仲點左兩碟蟹腳,食唔哂喇!海鮮麵好食有冇再點呀?

    回覆刪除
    回覆
    1. 其實都食左好多~
      無啦好大個夠食囉~~

      刪除
  12. 見天氣咁好,突然又出唔到海,有時旅行就喺咁,可以順利到妳唔信,有時頭頭碰著黑,又喺旅途的經歷,食嘢真喺唔錯,我見妳餐餐長腳蟹,好鬼正,仲咁平。

    回覆刪除
    回覆
    1. 妳有食蝴蝶酥,我在like架,仲好似香港地道麵包舖出品,好靚!
      見妳好詳細影埋張單,貨幣對換通常用港幣話俾我地睇,好易明白,
      但我想知澳幣同港幣對換率喺咪仲喺1:1??
      我真喺失禮,好耐無去過澳門...

      刪除
    2. 係啦~所以有時都係預番多少少時間~~~如果唔係好想做又做唔到就會好失望~

      刪除
    3. 係呀係呀~~~蝴蝶酥真係好好味~~~
      哈哈~~我係咪好勤力呢~~
      應該1.03左右啦~即100港幣等於103葡紙
      唔失禮~~~~傻既~

      刪除
  13. 我都係只夠膽係無咩客嘅情況下狂影人哋鋪頭入面嘅相,勁怕被人啤。

    回覆刪除
    回覆
    1. 其實我都係~~
      不過如果有寫明唔準影相我就會唔影囉~

      刪除