2016-02-21
Day 9---Part 2(玻利維亞,烏尤尼 Bolivia,Uyuni)
不停在影東邊日出的位置....但在另一邊西邊d顏色更柔和~好靚~~~~~~~
借助兩張櫈仔~又可影到好照片~隻粉色好舒服~
呢塊鏡真係望極都唔厭~
唔知睇埋呢個短片有無令你有想去的衝動~
但多一陣粉色橙色無哂~只淨天與地的藍色~
呢個時間其實未到7點散band時間架~不過太陽已經高高掛~曬到屁股超辣~所以要求司機打道回府了~
包車既好處就係:你鐘意幾時走就幾時走~唔使就其他人~
然後出鹽湖時俾d警察截住(好多車一齊截)...停左好耐唔知做咩.........之後再放大家通車...但最後所有司機放d團友係某一點....大家一齊落車就行番酒店....(因為前面已全面封路...今日投票日嘛~).....完全唔知點行....見人就一齊行相同方向(誤)......好曬好曬...極度曬....行得超辛苦....經過咁多日既天空之鏡.....個鼻又曬到傷哂喎(我係超鐘意自己白既人....所以我已經不停搽防曬..但都搞成咁).......又熱又曬係我最憎既...
行行下望下地下.....咦~佢地d路令我聯想到鹽湖一格格鹽粒~~係巧合定特登架?
紅色箭咀d人就係等緊投票喇~(不過我唔知投票d咩~)
行左成半個鐘先番到酒店呀救命~~又熱又曬...仲要之前哥晚我地無食過飯直接訓.....今朝凌晨又出去無食過野~~~好彩仲趕得切食酒店早餐~~~~算係幾豐富~~唔錯~辣汁炒腸仔好味~(你無睇錯..全部都係我一個人食哂~哥隻飛碟脹到~)
查實我噚晚係連涼都無沖~食飽早餐就番入房沖埋涼執埋行李又出走~因為呢間酒店又係爆滿只可住兩晚~換酒店ing~(其實我都唔掛住呢間酒店....大佬!x毛喎!)
換左呢間Le Ciel d'Uyuni....地址:Calle Sucre esp. Av. Potosi, Uyuni, 9999.......華下~個門面呢...............實在好難形容.....望一望入去.....華....要上樓梯的.......................我有d不詳既感覺.....................
一入房....都算正正常常既...夠光猛...一間二人房476.5hkd...每人每晚233.8hkd.....不過你咁諗...證明少年你真的太年輕了...........打開張被.......有一大舊塵係度...........
一入廁所....望望個花灑頭....成堆電線狀既物體纏住既?
都唔緊要!!扭開水喉.........咦以!華下!.............................即係今晚唔使我沖涼洗頭啦..................(突然又覺得x毛酒店同焗到扯蝦酒店都無咩野je....覺得自己長大左~)
個心嚇到離一離之後...安頓好就出去食下中午飯.....揀左呢間食~
點解我地會揀呢間??因為我地係外面見到.....呢度有辛!辣!麵!食!!!!!!!!!!!!!!!!!!!!!!!!!!!!!!30Bs.=34.2hkd......你話係玻利維亞食呢個即食麵貴唔貴????唔貴~~~~~~~~~~~~~~好平添~~~好過食貴過佢又難食既草泥馬肉~~~~~~~~而且離開左澳門短短9日我已經我掛住平時會食既野!!!!難得有得食!!!!!!!!!!我地4個每人一個麵食得超開心食得超津津有味!!加埋冰涼可樂~人生一樂也~
呢日已經無哂行程架喇~因為旅行社都唔開~(好彩預左鬆少少時間係度~如果唔係真係咩都睇唔到~)大比同埋阿Sam去左行街~話周圍睇下~我就嫌曬同熱~又無野行~就同左毛寶番酒店抖下訓下玩下電話~
夜晚又去番第一晚好好食既pizza~萬無一失啦~叫左個茶飲~10Bs.=11.4hkd....飲熱茶真係好舒服~
Greek Salad....30Bs=34.2hkd...仍然無得彈!
個自製茄醬意粉唔記得幾錢~唔錯~記得唔貴~
自己不停猛加toppings~大約130hkd(Large Size)......超好食!!!!記得要加焦糖洋蔥~~~~~~好好好好好味~唯一會掛住的玻利維亞食物(可惜唔係佢既傳統食物)...最開心既係第一次黎食我地天空之鏡都未去~第二次去食已經討論緊不同時間既天空之鏡有幾靚幾靚lu~
食飽飽行番去~個天黑哂.....開始落大雨~(感恩今朝無落雨~)
呢間野流流地...鎖左門都好驚.......唯有用個櫃同埋gip頂住對門...............
佢地仲勁~佢地住我地樓上~成張枱擋住對門~
真慘...大比佢地仲要落雨漏水.......................哥晚無啦啦條街有人叫囂.......有疑似槍聲....我地好驚...話驚訓近隻窗會中流彈~~~~~~~~~~最後偷偷打開好小好小窗廉望下.....原來佢地打緊鼓慶祝緊仲有煙花放(等我地仲以為有槍聲~~~~人在外地都係小心d好d~).....唔知同今朝既投票有無關~
哈哈~呢張係下午時影既....名為:心中有鏡既話...那裏都可以是天空之鏡~~~~~~~~~~
呢篇既最後為大家送上由陰天早上下午黃昏夜晚至日出既天空之鏡一天中會見到美照~等大家一次過重溫~名為:天空之鏡之日常~....好開心我地join左咁多個散團~咁就可以留係塊鏡度睇到唔同既美景~全部相都無執過無添加的~同埋除左同日本妹妹大合照同埋影夜晚月亮哥d係用大比部sony神機影之外....其實全部都係用我部iPhone 6s影~~景靚真係點影都得~
報告就仲要等多3個月....(好耐)
抽完血照完心電圖之後入去見醫生
醫生:你....有少少肥.....要....減少少肥......
好衰架!!!!!話人地肥既!!!!
我話番俾媽媽知...
媽媽:咁你減少少好喇!減得多唔好睇架~
(完全係放縱小孩的概念~~我諗我知我點解咁肥喇~)
2016/07/28的開心事:
明天是星期五~~無限期待~
報時:距離"七公子"帥帥出使東京之旅2016仲有---64日~
報時:距離冰島環島自駕遊之旅2016仲有---100日~~~~~~
報時:距離合家歡台北聖誕之旅2016仲有---154日~
冰島即將進入雙位數階段!!!!!
我真係好興奮!!!!!!!!!!!!!!!!!!!!!!!!!!!!!!!!!!!!!
最後整壇"天空之鏡之日常",呢個動作好有電影感,有埋自動,配樂同v.o就very good.
回覆刪除你簽埋經理人做星呀?下海拍愛情動作片呀?
我以前去酒店都好鍾意搵嘢頂住度門......
我懶呀~又唔想整咁多野咪post番d相就算囉~
刪除梗係啦~男主角仲要係ozil bb添呀~~即係拍啦~~~最好一開場就係動作畫面添呀!!
穩陣d je~個門鎖好流呀..
一開場就毆打你打到尾,頂得住冇?
刪除打者愛也...睇黎佢真係太愛我~
刪除唔肥吖!有啲肉地好睇啲!
回覆刪除hehe~多謝媽媽們~~
刪除貞旗下的藝人好勁架喎!哈哈哈
回覆刪除嘩!您的早餐勁大份。
少帥 t,您真的太年輕了,未夠十八廿二,下次小心D啦!
wakaka~發達喇佢~
刪除成20小時無食野喇~~~~食番多d~
哈哈~~知啦~
伯母真係風趣啦,媽媽:咁你減少少好喇!減得多唔好睇架~天空之鏡真是一睇再睇都係咁靚﹗
回覆刪除佢搞下笑je~~
刪除多謝~
天空之鏡之日常😂😂😂😂
回覆刪除你真係才氣橫溢!
話哂七公子報數時我係報1號架~
刪除天空之鏡之日常😂😂😂😂
回覆刪除你真係才氣橫溢!
多謝~
刪除精華即係精華,相超正,係你地嘅無限回憶!!
回覆刪除早餐唔錯喎,咁耐無食嘢,梗要食多d喇!
吓,酒店—間差过—間咁慘><
边有媽媽鍾意個寶貝女減肥架!
真係無限回憶~都未必再去~
刪除咪囉咪囉~~
係呀...真係好難搞.................
都係架~~但對健康唔好~我都係撒下嬌je~
呢塊天空之鏡100分完美! 真心想去!
回覆刪除(舉手)超鍾意自己白!
酒店衛生係最緊要, 唔通呢樣就係睇天空之鏡嘅代價?!
其實真係好靚~~~如果唔望d酒店既話真係想去多次~
刪除係呀....真係一白遮3醜~~~
無錯!!你講得岩!!
又頭痛.係咪夜訓呀?
回覆刪除好大個Pizza呀.....l like
日本妹又出現啦.....
我都話妳成日食、又唔做運動、快D跳番鄭多燕舞減肥.妳應該無事既~~~~DON'T worry be happy
唔係呀都無夜訓!!
刪除好好味~
你唔好咁啦~~~
唔worry呀~~~
好友★。゚☾又瞓覺豬嚟☁¨*☆晚安♦・゚✬週五╠╣aΡpy喇喂
回覆刪除好友♦・゚☼早晨&午安好☁*`☀
刪除❥*¨❣忙樂╠╣aΡpy♥。゚♡週日❤ღ
周五咁快又到周一~
刪除又開始加油的一周~
刪除Tiffany, 星期五啦啦啦。。。。^^
回覆刪除話咁快又星期一喇喇喇~~~~~
刪除天空之鏡我覺得最關鍵係無風,咁就一定反映個天好平好靚.....
回覆刪除有塵都可以掃走佢,有毛就真係有啲惡頂!!
放多啲水沖走啲黃泥水係咪會好啲?唔沖涼洗頭唔得架喎
咁喱位經理人係咪會抽佣先?XXXXD
通常啲阿媽都係唔會嫌仔女肥,成日叫人食多啲嘢wakakakaka...
無錯~同埋唔好落雨囉~~~
刪除兩樣都衰~~
無用....開幾耐都係咁~~~~
但佢做過d咩先~~~~
無錯~~~你又看出重點了~~~
好正好正好正呀, 再睇返你啲相,真係好吸引呀!!!
回覆刪除好好好羨幕呀!!!
減少少啦, 你行多啲出街玩POKEMON就得架喇!
真係好正~~~但係我頂唔順d酒店~~~
刪除我唔玩~~~~~我唔要pokemon~~~~
原來車軚痕可以係鹽湖上留下一條條的印痕, 十分好看.
回覆刪除醫生叫你減磅, 是從你健康上的考慮, 不是好看不好看. 太重, 會令你身體負荷過大,
去落後地區, 好多時對旅店要有心理準備, 因為真係無時間去換, 唯有照住.
其實個鹽湖真係幾靚既~
刪除梗係啦~~~~~~我梗係知唔係因為唔好睇啦~~
係呀...哥日唯有....容許自己唔沖涼囉...
又熱又曬,但乾燥無汗出咪得囉,哈哈~
回覆刪除花曬果一大堆電線我都經常見,用來整熱D水。
靚景真係用乜機影都靚,我都考慮近下個旅程唔想帶多部傻瓜,只帶一部大機及電話就算了。
都係既~出埋汁就會似港澳咁樣~~
刪除我真心頂唔順d水黃色.....d水幾熱都無用...
我以前都鐘意帶相機....但太重了....近幾年旅行都係用手提影算了~~~反正原裝正本在我腦海中~~~~~(極光除外~哥d真係要帶相機~~~仲有非洲影動物哥d都要帶~)
7架車個張相,原來有咁多人去鹽湖,大家都阻唔到大家影相,個湖大到好犀利。
回覆刪除其實哥日我諗有成廿架車一齊排排企~哥日特別多~
刪除好正好正既天空之鏡精華.
回覆刪除我都覺得好靚~~~
刪除