2016年7月7日 星期四

南美洲4國新奇探險之旅2016-02-19第七天Part 1(雨天及後轉晴)

星期二好多野做~~好攰~仲多野做過星期一~~~~唉呀~好多間餐廳想試呀~~~~~~不過星期日要學野~~~唯有忍一忍啦~~~今晚無飯食...食左個杯烏冬就算~~~聽日終於都星期五喇~~好野~~好開心~~~等左好耐喇~~~~呀~~係喎~~~唔記得講添~~~~七公子~~~係七公子全體星期六會過香港一齊玩呀~~~~~~~好開心~~~~唔知會唔會撞到大家呢~~~好緊張呀好耐無過香港玩同埋食野喇~hehehe~~



2016-02-19
Day 7---Part 1(玻利維亞,烏尤尼 Bolivia,Uyuni)

早晨!!!說來真的挺早~你知啦~我地今日報左凌晨3點既星空+日出團嘛~(03:00-08:00).....我起身沖涼洗頭時就聽到外面好似仲有雨落(嗚嗚)......呢日有車黎旅館接我地既~(得呢個時間既團先有...其他都要去旅行社自己集合)....首先車我地去試岩自己既水鞋先~(個團包..你都可以唔著既...著番自己鞋...不過就...........)




咩色咩碼都有....我就揀左藍色.....記得著襪...d水鞋污糟~




我真要講呢件事........咁出發係天黑黑嘛.......咁呢段係雙程路黎既.....左軚車右上左落嘛......開頭好地地...一上高速哥段路架架車都係我地後面爬我地頭......個司機開得慢唔緊要...但係....佢揸揸下過左隔離對頭車條線.....再衝落離開公路既斜"駁"位差d反車...........................大佬...你擺明訓著左啦!!!!!!!!!!!!!!!!!!!!!!!!知唔知我當時幾x驚....佢仲同我地講話因為落雨喎...下...........佢地3個大叫..你當我唔識揸車呀?正常一陣之後架車又開始飄向左....因為阿Sam坐司機位隔離....大喝佢.....問佢係咪揸車唔ok?!如果唔ok我地可以cancel個團佢番酒店..佢又話唔好..又話唔會再係咁...........頂...我地四個差d死係玻利維亞番唔到黎寫blog再見大家!!!....................................記得!!!!記得安全帶呀各位!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!




一路上都黑munk munk的~~不過我地打醒12分精神...(唔驚哥條友再訓著咩)............搭左大約無一個鐘...就到喇....我地到左天空之鏡喇~~~係日本人先改到d咁靚既名~~~其實佢地當地只係叫烏尤尼鹽沼(Salar de Uyuni)...好搞笑呀~~~好似鋪左地磚咁呀~~~~~~一落車.......痴線架~~~~好凍呀~~~~~~~~~即刻流左行鼻水出黎~~~~~~~~打哂底著哂厚衫對腳貼埋暖貼....仍然極度凍!!!!





我地呢個係星空+日出團嘛......星空呢就......擺明就落緊雨咁架喇....落雨就點呀......有雲囉....有雲就點呀.....無星囉....所以.......上車訓擺啦...又凍.....(個司機d鼻寒仲大聲過我..岩喇...訓啦.......回程唔該你精神d!!)




訓左粒幾鐘之後....0我~日出了~




影到油畫咁...wakakaka~




開始光喇開始光喇~可惜~厚雲~大風~鏡都散~






有無唔開心???少少啦~不過大自然既野都唔到我控制~反過黎諗丫~~有邊個睇過下雨中既天空之鏡丫~~~~~~~~個個都post靚靚哥d架啦~~~~~我就睇到跟別人不一樣的~威威~





超大風~沒有平靜的鏡面~




雖然無咩特別野睇~但我地都好興奮咁周圍影影影~








日出d陽光色好靚~其實我地出發之前有問旅行社可唔可以幫我地睇下呢幾日天氣點(其實我自己上網check過呢幾日呢個地區都係雷雨).....佢就同我地講...其實睇黎都無用...因為你係呢度好天...但入到鹽田可能係另一回事...0我..我明了~






帶我地黎既四驅車~我地玩到癲哂司機訓到流哂口水~(呢個司機真係好差)




阿Sam set緊機幫我地影相~~~~




一邊仲黑緊...另一邊已經光哂~






其實光哂都幾靚既~唔可以偏心架~都要影合照架嘛~




其實就未到時間走既~不過見又凍~又大風塊鏡都起哂水波咁~就算啦~走啦~橫掂下午都有join團玩~







來看看動態的天空之鏡~



走lu~




咁其實係個鹽湖度呢....佢要行得好慢好慢既~唔知係咪唔想d鹽整round架車(自己諗咋)......咁行左一陣間....突然望見....咦!!




雖然有一大舊黑雲係頂......但..........前邊有一忽仔無雲有反射喎!!!!!!!






然後我地叫個司機停低俾我地行落去睇睇!!!!!




真!係!好!靚!!!!!!!!!!!!!!!!!!!!!!!!!!!!!影到我極度帥氣!!!!!!!!!!!!!!!!我真係好鐘意呢張相!!!!!唔係標準的靚靚天空之鏡...但咁樣更有味道~~~~~~~~(其實咩都係我講)




然後我地發現好多人都鐘意操兵既....唔知點解?





大家係係度研究點影先靚~~~





我都係求其攞iPhone影咋~都有呢個效果真係算係咁~




又望過另一邊~又唔同感覺~~~~呢邊都好靚呀~~~








把握機會影~~~~下午團唔知咩環境咩天氣!






堅走喇~




再送動態版~我真是一個貼心的孩子~



駛過鹽田.....經過泥地...再上高速公路....依家天光終於睇清.....我地講緊有幾興奮呀之類之類.....發現架車又開始衝過隔離線.................................一野叫番醒佢!!!!!行番自己條線之後我地超嬲!!!!同佢講你咁樣真係超!危!險!真係好嬲好嬲!!!!你睇張相個倒後鏡!!!佢咁易恰眼訓佢仲學人戴黑超!!離譜!!!真係差d死!!!









2016/07/07的開心事:
咦~~聽日凌晨德國對法國喎!!!!
加油呀Ozil bb!!!!!!!!!!!!!!!!!!!!!!!!!!!!大家集氣~~~~~~~
最開心梗係聽日係星期五啦~~~~如果聽朝一起身..
又係星期五~德國又贏左法國喎~
仲係唔係一個開心星期五~~~~~~~~~~~~~



報時:距離"七公子"帥帥出使東京之旅2016仲有---86日~
報時:距離冰島環島自駕遊之旅2016仲有---121日~~~~~~
報時:距離合家歡台北聖誕之旅2016仲有---175日~

48 則留言:

  1. 嘩,咁架佢,你地有無返旅行社complain 佢呀!!!外國揸夜車真係好驚,又無街燈,仲遇着件極品司機!!
    D 水鞋外面都好似幾新,但諗起超多人著过,心理上唔多舒服囉!
    好彩你地報咗幾個團咋!

    回覆刪除
    回覆
    1. 有呀!!!!!!!我地仲話之後哥幾團都唔要佢再做司機!!(話哂包團喎~~點都有d要求啦可~)
      係呀...個心真係實一實...真係要著襪!!
      無錯~~所以留多幾日真係為左咁~~

      刪除
  2. 今日黑雲的天空之鏡有點失望,你重有幾日睇到呀﹗

    回覆刪除
  3. 個司機真係唔掂呀,真係好容易出事架
    雖然有雲,又未到好鏡......唯有寄望另一個團

    回覆刪除
    回覆
    1. 係呀驚到賴屎!!
      其實我覺得都幾特別既~~

      刪除
  4. 係好雲呢...不過都好靚的風景

    回覆刪除
    回覆
    1. 係呀~不過我覺得都ok呀~另有一番風味啦~

      刪除
  5. 星期六,來香港邊到玩呀...一天遊嗎
    ★*¨✬好友☁・゚♦甜夢安睡嚟☾。゚☆週五╠╣aΡpy

    回覆刪除
  6. 山長水遠去到真係失望到爆燈,如果就咁離開玻利維亞堅唔忿氣,好彩你哋仲有下半場......
    以前搭的士都遇過司機瞓著,真係嚇到鼻哥窿冇肉......司機戴黑超就係唔想俾人見佢係合埋眼揸
    嚟尖咀睇小丸子呀?使唔使我接待貞公子呀?

    回覆刪除
    回覆
    1. 我地預左幾日係哥度~就係驚有d咁既情況發生~
      真係嚇死囉大哥呀.....哥度仲要人生路不熟!!!
      真係有打算睇呀~不過唔夠時間~

      刪除
  7. 我女女大學畢業之後也去過南美這個旅行,但係佢無你們咁詳細去玩,這幾個國家兩個多星期走完。。。

    回覆刪除
    回覆
    1. 兩個星期!!??!?!好短時間!!不過我去一個月都仲係好短時間~

      刪除
    2. 係呀,剛畢業唔可以用咁多錢啦,有機會年輕人可以再去

      刪除
    3. 你講得岩!!!佢仲有大把時間再去啦~~~~~~
      自己俾錢去旅行既滿足感其實都好大~~~

      刪除
  8. 呢程車真係好似死過番生,好心個司機眼瞓就唔好接job啦!

    回覆刪除
    回覆
    1. 可能係旅行社衰俾唔夠時間佢地休息呢.....我都唔知邊個衰...

      刪除
  9. 個司機真係超離譜 佢仲已經訓左架啦啵 都仲係咁既
    嚇死人咩真係
    睇唔到星空 繼續期待下午團 yeah

    回覆刪除
    回覆
    1. 係呀...佢係架車訓得仲耐過我...
      嚇到我地個心離一離!!!
      第一日真係幾失望~

      刪除
  10. 七公子過大海,一定開心,但不要震沉我地,哈哈哈
    好彩路上無事!(不過天空之鏡是值得去的。)

    回覆刪除
    回覆
    1. 哈哈~~~放心~~~香港仲未沉~~~
      係呀..但哥日我好驚~

      刪除
  11. 哈, 你地係香港, 一定唔會見到我, 就算我今晚去機場SIT-IN張機票, 搭飛機回來, 都要星期日零晨才到香港, 到時你地一個二個校哂返去澳門了.

    對於影天空之鏡呢, 我有個想法, 普通相機好難影到靚到無波紋, 因為要反射的角度好細喎, 即是呢, 要遠距離影過去嘛.... 即是呢, 你要有部遠ZOOM鏡, 可能講緊200-300MM的TELE LENS, 再加枝棍固定相機佢.

    回覆刪除
    回覆
    1. 你番左香港呀??????近排好似番得密左咁喎~
      我邊有d咁貴既相機去影佢丫~~~~~~~~~我連相機都無帶~~~wakaakkkaka~~

      刪除
  12. 又望過另一邊~又唔同感覺~ << 呢張好靚呀!

    回覆刪除
  13. 我覺得已經好靚喇, 好想去呀!! 你覺得南美危唔危險呀?
    我係FB都睇過有人又係坐呢啲車, 個司機撞車, 搞到有乘客要入醫院,真係好危險, 我唔明呢啲司機究竟一日返幾多個鐘架,明知要楂早車, 就早啲訓啦!咁樣好易搞出人命架嘛!!

    回覆刪除
    回覆
    1. 我都覺得咁樣係另一番既靚~~~唔...其實我去哥幾個又唔算危險既.....不過我又去得唔多~唔可以就咁答你成個南美安唔安全...d大城市就要小心d....小城市我覺得都ok~
      華~~~好恐怖呀~~~其實我哥次真係好驚!!!!!

      刪除
  14. 德國輸左囉.......
    星期六是最熱的一日、唔知係唔係歡迎妳黎呢......哈哈
    有冇食肥姐呀?

    回覆刪除
    回覆
    1. 唉...好傷心...唔想提...
      真係好熱...我哥日熱溶左喇...
      無呀唔夠時間我都勁想食好耐無食過!!!!!!!!

      刪除
  15. 天空の鏡真係好靚靚呀^^ 多謝分享呀

    回覆刪除
    回覆
    1. 不客氣唷~~~大家互相分享趣事~

      刪除
    2. 每日睇你個blog係我必做既事,你要加油呀 ^^

      刪除
  16. 香港歡迎妳, 嚟多啲, 我哋總有日相遇 ^.*
    已經好靚喇, 真係鏡到呀!!!!!!!!!!
    個司機真係好離譜, 喺香港我遇過恰眼瞓嘅巴士司機同的士司機, 所以最信自己, 免得過都唔用公共交通工具

    回覆刪除
    回覆
    1. 我其實都信我地會有日相見架~~~~~~
      係呀!!!我覺得咁都好特別呀其實!!
      我堅係驚...但係哥個地方一定要跟團先得..自己去唔到

      刪除
  17. 遇着個瞌眼瞓司機真係好鬼驚~~~~~!!@@
    黑雲走咗之後見藍天真係幾靚幾有mood
    原來鹽田啲水唔係好深咋喎,我仲以為係至少四五寸深,咁凍啲鹽水都無結冰嘅?

    回覆刪除
    回覆
    1. 係呀!!!!!嚇到賴尿喇就黎!!!
      我都覺得幾特別~~~
      如果佢雨季落暴雨都會變好深架!!但好深水既時候就會唔俾入架喇!!d車都入唔到

      刪除
  18. っˆヮˆ)っ好友♦・゚☼早晨&午安好☁*`☀
    ❥*¨❣╠╣aΡpy。゚♡話咁快又週一喇喂❤ღ♥

    回覆刪除
    回覆
    1. 哈哈~~~今日先星期一咋~~~幾時到周五呀~~~

      刪除
    2. 好友★。゚☾眨吓眼時間過得好快嚟
      又瞓覺豬喇喂☁¨*☆好夢♦・゚✬晚安
      ╔══╗────╔╗╔═╦╦╗─╔╗╔╗¤
      ║╔═╬═╦═╦╝║║║║╠╬═╣╚╣╚╗
      ║╚╗║╬║╬║╬║║║║║║╬║║║╔╣
      ╚══╩═╩═╩═╝╚╩═╩╬╗╠╩╩═╝
      ──────────────╚═╝•*◇Zzz
      ❥*¨❣╠╣aΡpy♥。゚♡話咁快又週三喇喂❤ღ

      刪除
  19. 真好彩,一返來香港就見到你寫天空之鏡,好懷念呢~
    就係帶黑超唔比你地𥄫到佢,好似周星池黐眼嘅貼紙係眼皮一樣,呵呵~

    回覆刪除
    回覆
    1. 你番來喇~~~~~~歡迎回來~~~~~~
      我番工睇到你呢句...笑左出聲~~~~~頂!!!好心佢咁易眼訓就唔好戴黑超啦...望d景黑munk munk咁!!!仲易眼訓!!

      刪除
  20. 好開心可以見到你的BLOG UPDATE, Welcome Back~~~

    真係好怕好怕好怕遇到呢亭司機, 鬧極都唔(甦)醒 (T_T)

    回覆刪除
    回覆
    1. 真係嚇屎人無命賠~~~~~~多謝你黎探我~~~

      刪除
  21. 回覆
    1. 係喎~唔怕我幫你去搵番佢出黎~

      刪除