2016年7月18日 星期一

南美洲4國新奇探險之旅2016-02-20第八天Part 1(晴天)

又到星期一喇喇喇喇喇....好攰呀大佬~~希望憑信念就快d到星期三呢個中間位~~~~星期五一放工就番屋企食左野~就去左睇7點9既海底奇兵2(Finding Dory)...幾好睇喎~~開開心心兩個鐘~~好多個位都笑到我人仰馬翻~~連我阿媽都睇得超開心~~星期六中午食左間新既餐廳~不過麻麻~之後就約左另外5位公子去小丸子展覽喇~~~影相影得好開心~~之後就去左Garment Park買左個新銀包~幾抵~夜晚食埋創意軒~不過一般~食哥d蒸氣火鍋呢~再食埋Yogo~開心~星期日中午本身想食珍榮瓦煲腸粉..點知無開..............食左雲吞麵世家..超多味精好口渴~~食飽又去上堂~今堂開始寫下自己塊木板~~對藝術呢d野我真係零信心~~上完堂去左好耐無去既一間餐廳飲個高茶...但係個creme brulee同戚風蛋糕都勁難食...同兩三年前去差好遠.........無限伏...無開名已經俾左面你......夜晚食左牛仔屋~完滿~係呀....我食飽飽仲去訂梁詠琪............



2016-02-20
Day 8---Part 1(玻利維亞,烏尤尼 Bolivia,Uyuni)

早晨~呢日一早起身~因為我地又報左團~~今日參加左一日團~10點鐘係旅行社門口集合~~所以起身我地就係酒店度食早餐先~~~~~~~睇睇酒店個餐廳可以話係靚啦...點解間房咁污糟?!(呢個地區超多烏蠅~~~~)





早餐都算係唔錯呀~~~~個炒腸仔仲好好味添~~~~辣辣地咁~~~~重點係:呢度可以自制飛碟....我真係好開心~~~~




我地準時去到旅行社集合...見未齊人出發...我地就入去諗住報多個聽日玩...但點知得到既答覆係由於聽日佢地國家選舉投票日佢地唔開.....所以聽日淨係得一個星空加日出團會出發(正確黎講係接住既凌晨..即係我地第一日join哥個)....今日呢個團係10:00至20:00...然後03:00至08:00又黎過?!...我地諗左一陣....梗係報啦~~~~最多聽朝08:00番黎之後咪成日都訓~~好彩預多左時間係天空之鏡~如果唔係預得岩岩好無啦啦有一日同我講話因為某d原因全部旅行社唔開無得去我都唔知點好~有時d野都係預鬆少少個時間好d~



咁呢~由於呢個一日團如果包車會貴d.....所以full day tour我地就揀左同其他人同車~點知我地同車的團友原來唔係住呢頭附近~係住接近天空之鏡入口既貴貴鹽酒店~佢地之後先會上車~咁我地出發喇~~~~~~~~可以睇到佢地d街周圍爛地.....有d十字路口既中間仲會有一堆垃圾.....你真係唔怪得我個gip上次推完咁污糟~




又去左揀水鞋著先~其實佢地有洗既....仲有曬下佢..不過淨係洗走表面d鹽...裏面無洗既...所以記得著襪呢~




揀完水鞋就再~出~發~~~今日天氣認真唔錯~!




咦~原來個full day tour會黎呢個爛火車地標架喎~~我見上網睇到好多join4日3夜哥d都有去~~叫做到此一遊啦~因為我無咩感覺~~~~好多人都爬上d火車度影相~我淨係覺得勁曬勁熱~~(沒情趣的女孩~)








好喇...上番車又去另一個景點....就係鹽做手信攤檔逛逛....即係購物團呀.....原來玻利維亞都興喎~熱到跳舞喇大佬~




鹽造既紀念品有磁石呀之類之類~~~有d都幾靚既~咁呢...我傻到呢..真係有諗過lam下佢係咪真係鹽造~~~~~我都買左兩粒鹽造既磁石番屋企......





咁我仲買左呢隻鹽造既草泥馬~係唔係幾靚架...不過玻利維亞真係無咩買之下點都想揀樣野攞走......根據線報(個線報其實係大比)....由於澳門既天氣太潮濕.....d鹽造既紀念品......竟然化成一攤水............................買唔買真係諗清楚...




好喇..查實都無咩買~我地就上車....去接埋我地另外兩個同我地同車住係鹽酒店既團友~係兩個女仔~我好八~擰轉頭問人地係邊度黎......華~~~~係日本妹妹黎架~~kawaii呢~~~~~~見人地係日本黎high了起來~咁車埋佢地之後我地就出發再入鹽湖~首先佢就係入口放低我地話影相....查實我地都唔知影咩~~因為司機唔係好識英文..淨係識西班牙文~~溝通唔到~~咁求其影幾張啦~哥個唔知係咩碑.....






呢個人以為自己著左水鞋就衝落d水度~~~以為淺水丫拿~~~行左幾步就行番黎~~~




又回來了~今日更好天~~~~~無話比之前靚既~因為我相信我每一次睇都係唔同既靚~







驚嘆造物主的神奇!!!世上有咁大個鹽湖俾你去反射!!





根本靚到我用iPhone都影到咁既效果~~靚景真係點影都靚~







又送上動態版天空之鏡~配埋司機開到超大聲既玻利維亞歌~又估唔到地幾襯喎~~~~~~~~~~~~



停定落地玩玩~我覺得佢d形狀好得意呀~~有無人解答到我點解佢地會形成咁既形狀既?




你就好啦~咁細個就去過咁多個地方!!!!!我成30歲人先有得黎呀!!




呢個女仔好靚呀可?佢係想提醒你.....防曬要跟身!!!!!!防曬要跟身!!!!!!防曬要跟身!!!!!!很重要!所以要重覆講3次!!!!!!呢日曬到癲!!!!!我就係天空之鏡...不停補防曬!!!!!!!而最後....我仍然成塊面黑哂.....仲曬傷左個鼻.......................記得戴帽遮烈曬!!!!!!!!!墨鏡也真的是必需!!我就係呢度...失去我到依家都未搵番既白滑....................你得到夢想...也同時付出了一些.......




我偷偷地話你知丫..............我執左d鹽黎食呀~~~~~




拿~我都有幫你影靚相架~




上圖哥張好似踩住d雲咁~~~好靚~~





呢段都係毛寶幫我錄架~佢叫我咁樣錄的~依家成為其中一個我好鐘意既南美短片~(好喇...毛寶又要預備上奧斯卡頒獎台喇....)...老天爺爺特批我呢個凡人係天堂遊覽~



好啦好啦~俾你地睇下日本妹妹真身啦~(雖然有點遠~~~)...兩位都好好傾好有禮貌~(聽見佢地咁流利既英語...我一估就估中佢地做咩職業~)




正在諗.....咦...個一日團包餐架喎....點解成兩點都未車我地去食飯既.....之際.......司機大叫我地過去...........下!....開飯喎~~~~~~~~~~~~係~~呢~~度~~~~~~~~~




華~~~都幾豐富喎~~~~~~~~~而且幾均衡營養呀~~~有飯~~有熟既蘿蔔薯仔~~有生既青瓜蕃茄片~~有炸豬扒添~~~~仲有飯後果西瓜~~有水有可樂~~~真係幾多野食喎算~




唔知係咪好我地好彩呢?我上網睇有人係食草泥馬扒......而且唔講笑...真係幾好味!!飯係有味飯~炸豬扒亦幾好味~~好感恩~~一定好味過我地之前食草泥馬扒哥餐~~




係呢個環境食飯....就算食d咩...我諗你都會認為係夠哂風味~~~~~~~~~~~





食飽飽又再玩~攞埋司機d櫈去玩~咁樣影d櫈又真係幾靚喎~





哈哈~~天團好低能~





隨後我地覺得其實人多影會開心d同靚好多~我地邀請左兩位日本妹妹同埋司機同我地一齊影~~~~超靚!!!!





然後叫司機幫我地影左呢張~~~~~反射得好好丫~~成個圖形出哂黎~~~呢6個人好似人形蜈蚣咁~~wakakakaka~~~呢個鋪屎超難做架!!!!!第一...做企係度哥個都好辛苦架(即係我同阿sam).....因為真係要好夠力咁拉住佢地唔俾佢地跌.....而另外4位更唔使講....因為鹽湖個地下超界手......而且好難撐起自己~~~所以呢張相真係好正~~




好喇~唔煩司機喇~我地自己玩自拍~~~~~








我都唔知點解我地6個人可以同時間一齊跳起..好似係一take過的~~~好似異形~~~唔知有無人知邊個係我呢~~




呢張我幾鐘意~




影影下我地見到好多日本人係度操兵...我地個司機又話幫我地影下.....開頭覺得做咩無啦啦操兵呀.....點知佢幫我地影完睇番......華!!!!!!又幾靚呀!!!!!無諗過咁影!!幾過癮~~會去玻利維亞既朋友仔不妨試下咁影個短片!!!幾唔錯~~~~~我記得我地錄緊哥時笑得超開心~






講起梁詠琪....
我中學時的超級偶像...
短髮女星當時好似無幾多個~~
仲要咁清新咁靚女咁甜美~~
雖然佢唱歌唔係好好好好聽~
但我真係好鐘意佢既歌聲~係哥種小清新~
好鐘意佢d歌!!!!尤其佢d普通話歌!!
我d普通話都可以話係透過梁詠琪學番黎~~~(絕對唔係學校)
佢最近出左隻新歌!!"B面第一首"~幾有意思~
8月就出新....唔係CD....佢講明呢隻歌唔出CD!!
係出Cassette呀大佬!!!!!!!!!!
隨Cassette仲跟埋Walkman呀!!!!!
頂!!!超懷舊呀!!!!!!!我以前無錢買CD哥時...
就係番大陸買佢d正版Cassette!!!!!!!!!!
點解!!!點解!!!!點解我前幾年手多dum哂d Cassette!!!
我頭先就係去左落訂!!!買佢8月出哥套Cassette~~~~
落訂$100.....但cd鋪話唔知幾時有...貨到call我
亦唔知幾錢.....(我依家有d劣....希望唔好4位數)
即係話我就黎有walkman但無哂cassette聽~~~~~



2016/07/18的開心事:
無申請人或申請人父母串我~
百忙中的一點小確幸~



報時:距離"七公子"帥帥出使東京之旅2016仲有---74日~
報時:距離冰島環島自駕遊之旅2016仲有---110日~~~~~~
報時:距離合家歡台北聖誕之旅2016仲有---164日~

44 則留言:

  1. 那裡好似任何時間都好靚,不過逗留一天又真是沒有可能。
    為夢想,小 t 變黑 t,哈哈哈
    6個人的相很有效果。

    回覆刪除
    回覆
    1. 係呀~同埋好曬~~哈哈~~
      已經黑左啦~
      靚~

      刪除
  2. 後尾好疊馬啲相靚得嚟又搞鬼,睇都覺得開針......司機拍條片勁正

    回覆刪除
  3. 真係好羨慕,青春結伴到處遊.

    回覆刪除
  4. 日本妹幾靚女喎......hehehe

    回覆刪除
    回覆
    1. 難得的是你看到重點來~~~~~~~~~~~~~~~~~~~~~~~~~~~~~~~~~~~~~

      刪除
  5. D合照張張都好靚~~真係越多人構圖越靚~~~
    做足保護都黑左~! 真係好犀利呀D太陽 !

    回覆刪除
    回覆
    1. 我都好鐘意d合照~~~好有氣勢~
      係囉....我隻手到依家都仲係好黑...

      刪除
  6. 日本人係空姐?
    綠凳嗰個係你?

    回覆刪除
  7. 好鬼靚的天空之鏡,你坐係食碟頭飯果張好好笑,和個景好吾夾囉﹗

    回覆刪除
  8. 好友★。゚☾又瞓覺豬嚟☁¨*☆晚安♦・゚✬週二╠╣aΡpy

    回覆刪除
  9. 天氣好呢...拍攝到靚境了

    回覆刪除
  10. 瓦煲腸粉,我想試吓,可否揾日出blog 介紹吓??
    早餐又幾好樣喎!
    日本姐姐好高吓喎!都係人多好玩d,影出D黎d相都豐富d,尤其有d 團友有model 咁嘅質素!!

    回覆刪除
    回覆
    1. 我仲有問题呀,你又話好熱但又成日見你地著晒外套,究竟係熱定係唔熱,外套是否為咗防晒呢?

      刪除
    2. 可以呀~不過要等等先~~我搵番d相同埋整相~(你又知我有影相blog咁醒既~)
      唔錯架!!係間房..
      高!!兩個都又高又瘦~~~~無錯~有佢地一齊影靚好多~

      刪除
    3. 因為太陽太曬了..真係唔著會燶架~~~同埋有時無陽光好大風又會凍~著住無咁煩費事成日又除又著~

      刪除
  11. 在天空之鏡中食lunch真係幾正,操兵拍出來的效果好特別,真實與倒映世界對調了^^
    是日本空姐?
    冇晒一輪應該好快可以白返嘅
    買Cassette送Walkman正喎,好懷舊,我都仲剩返少少盒帶

    回覆刪除
    回覆
    1. 係呀~傻傻的天與地分不清了~~
      無錯~
      隻手仲係咁黑~
      我無哂喇....前幾年dum哂...依家好肉痛!!

      刪除
  12. 係囉, 間餐廳係唔錯喎, 估唔到間房會咁污糟
    嘩, 啲相一批靚過一批呀, 呢批係完美級別, 都真係同天色有關。
    影人嗰啲最正嘅pose係砌圖案嗰款, 唔通難度愈高真係會影得愈靚?! ^^
    操兵條片超爆得, 影影吓轉轉吓已經搞唔清人同影喇, 好amazing!

    回覆刪除
    回覆
    1. 簡直不成正比~
      無計~第一日比d失敗我地先會感恩之後既靚~
      真係俾佢地就黎扯到手都斷~~
      係呀!!好開心司機過幫我地影!!好得意~

      刪除
  13. 靚到無朋友!!講完。

    回覆刪除
  14. 呀靚女,今篇啲相靚到超哂班,好靚,好靚,真係好好好靚!!!

    回覆刪除
  15. 現在看到你這篇, 才發現出來旅行, 女仕有些地方是勝過男仕, 我自己出遊大多都不會去搭訕女性, 隨非對方一群人有男又有女, 又或對方是年紀大一點的男和女, 有次, 遇上一群日本年青男性, 原來他們群體向心力很大, 但不能容易接受群體外的人.

    回覆刪除
    回覆
    1. 咁又係既..男仔可能會俾人誤會~我都幾鐘意同女仔搭訕..同男仔真係比較少~我怕醜~
      會唔會佢地英文唔太叻...聽唔明你講咩?

      刪除
  16. 腸粉呢, 現在大陸D米有很多問題, 連我這裡買的米都有些問題, 現在香港用來做腸粉的米, 可能係用D有加過料的米, 小心小心.... 如果食落去劑住個胃, 即是加左料.

    回覆刪除
    回覆
    1. 我依哥間唔怕架~~好滑好好味架~

      刪除
  17. 我都係只鍾意睇好笑嘅電影,咁可以考慮去^^ .
    啲相真係好靚,個個pose都咁好

    回覆刪除
    回覆
    1. 去睇啦~好好笑呀~
      我都好鐘意~

      刪除
  18. 最靚係你地做o既六角雪花圖案呀!

    回覆刪除
  19. 嘩~張張相都靚到可以拎去博物館展覽!😲👍👍👍👍👏👏👏

    回覆刪除
  20. 喂小T,乜入鹽興著水鞋咩?我當時同其他車都無架。我地就赤腳!
    係呀! 鹽手信太潮濕會變水,好在我果兩隻草泥馬救得徹,即時放入防潮箱,長期心切治療。

    回覆刪除
    回覆
    1. 係呀~~興呀~~因為個團包埋~我眼見得一個人無著~~唔怕腳痛行到?
      我地真係唔適合買鹽手信~~~

      刪除