2016年1月28日 星期四

冰島格陵蘭自由行之旅2015-10-17第二十一天Part 1(陰天下雪)

er.....有無人知我今日個心有幾傷?.....今日一起身........摸摸自己塊面期間摸到自己有粒野....以為生瘡......點知一照鏡....係粒充滿水既水泡....................................大佬....我個心一沉...........扮唔小心bit爆佢.......之後....佢就不停咁出水....我要不停印.............................我好驚...我呢d靠面口搵食既服務業既演藝生涯會就咁玩完.........................我真係好驚...驚到我即刻中午放飯衝去睇醫生...今次放棄巢佬(因為根本等唔到)......走去睇第二個....一去到即刻有得睇......最後...我就係咁......今日使左$1616.............................................我好後悔...點解我當初既志願唔係做一個皮膚科醫生?



2015-10-17
Day 21---Part 1(格陵蘭 Greenland,Ilulissat)

早晨~又一個豐富的早餐~~~~~~~~




發現新食法~毛寶教我攞個包切開佢..然佢塞隻溫泉蛋入去食!!!!!勁正!!!!!!!!!!!!!!!!!!!!!




食飽飽上午未有活動~我地自己決定出去行下~




而且唔要酒店車~~~自己行去市中心~~~~~~好勁~而且呢~噚晚開始落雪~兩旁d雪加厚左~




周圍都多左好多雪~







係酒店行過黎Greenland Travel旅行社..同埋Main Street大約30分鐘左右~~~慢行喎~~~(唔算遠但有d攰~)...因為噚日既city tour我地係行落去~今日決定行上黎~行下d紀念品之類~




行到Main Street最頂有間超市~~~~我最鐘意行超市架喇~




呢間超市都算係幾大間下~~~~~




咩都有得賣哥種~衫又有鞋又有~有毛寶哥對爬山鞋牌子~佢話平香港少少咁多~(不過隻色唔靚~)..DKK1,699.95=2,026.5hkd




我發現佢地都幾鐘意飲朱古力奶架喎~其實我都幾想試~不過太大支..我驚我飲完下午個行程會賴屎..................






仲俾阿Sam呢個可樂狂熱份子搵到呢支格陵蘭出既可樂!!個玻璃樽既形狀真係好特別~~~我都忍唔住買左支送俾鐘意儲可樂既Diana~~~




係超級市場買完野出到黎見到對面有個公園~過去睇睇~




超大架聖誕老人車同埋郵筒呢~~~~




偷望過真係有信係入面架喎~見公仔都知係寄俾聖誕老人啦~




知唔知盪鞦韆時有幾凍???我流住兩行鼻水~





行過隔離油站買下中午飯食~估佢唔到佢d雞肉串超級樣衰但有肉汁之餘仲唔怕鞋!好味!




大比食牛角包~佢話好味~




hehe~我就食熱狗~~~不過我覺得麻麻~丹麥同埋冰島的好食d~不過欣賞French Hot Dog中間開孔~唔怕d醬周圍飛~




下午節目~~就係坐船遊~~~我開頭以為係普通既船~因為隻船好細俾左錯覺我...原來我地係坐破冰船呀~~~~~~~我第一次坐咋~~~~超興奮~尤其香港團友同我地講話佢係芬蘭坐過要3,000hkd一個人....................




一上船就開始落大雪喇~~~~~~




我係第一次見到落咁大既雪呢~傻仔咁呆左~~鄉下仔即係鄉下仔~



出發~





可以好近距離見到超大舊冰~~~~見唔見到哥種冰涼藍~






真係超大雪~




毛寶影靚靚~




見唔見到我地條船後面破開哥條路~





白茫茫的世界!晴天可能更美~但咁樣白色世界加上落雪我認為有另一番美~








同埋破冰d聲好清脆~~好好聽~~




睇下我頂帽~~勁大雪~~~哎呀~~呢個女仔邊個黎架??好可愛呀~~~~





倒影很美<3




睇睇呢個冰雪世界~真係想唱番首Let it go~







2016/01/28的開心事:
今日我個心沉到.....要我諗一件開心既事...
真係好殘忍呀...
好彩聽日係星期五搵到d野講下...
好野~~~~聽日公子有聚會~~~~~~~~~~~~~~
(塊面可唔可以乖乖聽話等我去旅行可以影靚靚?



報時:距離南美洲4國新奇探險之旅2016仲有---15日~
報時:距離日本大阪之旅2016仲有---106日~
報時:距離"七公子"帥帥出使東京之旅2016仲有---246日~

31 則留言:

  1. 嘩,你同媽媽真係温馨到殺死人^^
    咁陰公又生瘡,好番d 未呀?
    個公園好原始feel, 木製的,有風味!
    我又真係好想知係咪真係可以放信入郵筒架?
    係呀,今日睇新聞話中南美有蚊的傳染病,咁你地記住小心喇!!
    㨂Jason 定金剛,我會答你........x那星,兩個都唔L㨂!!!!!

    回覆刪除
    回覆
    1. 係咪好嘔心呀~~
      生左一粒...不過係水泡所以我先驚...好番d喇
      可以架~係真架~我見入面有信架~
      係知道!!我買左蚊貼架喇~
      wakakakakak~點解呀~~~點都迫你二選一~

      刪除
  2. 哎呀﹗做乜塊面會一夜間敏感?你睇個位皮膚科醫生好出名?診金好貴呀﹗

    回覆刪除
    回覆
    1. 我都唔知點解..真係堅慘...
      唔係呀我見近我公司咋

      刪除
  3. 盪千秋果張相影得好好睇呀~~~~
    毛寶影相真係好靚呀~~~
    塊面好快冇事架啦~~~~ <3

    回覆刪除
    回覆
    1. 哈哈係呀~~
      我都好鐘意佢影既相~
      希望啦~~~~~

      刪除
  4. 點解妳次次去旅行前都有d病症呀~~~~

    回覆刪除
  5. 好友♦*¨*☆大家都養精蓄銳過農曆新年呢★。゚☾晚安安☁¨✬

    回覆刪除
  6. 咩樹呀,睇一睇就1600蚊,嚇屎人咩個價錢
    親身見到破冰真係好過癮

    回覆刪除
    回覆
    1. 真係好貴........我諗下次未必睇
      d聲真係好正~

      刪除
  7. 小t, 我喺阿根廷都追番妳嗰幾篇blog喇,係咪抵錫先 :)
    希望妳塊面快啲好番,休息多啲,唔好用手搞佢喇。
    唔好為啲冇品嘅人勞氣,我好同意妳話唔啱睇就唔好睇,又要睇又要睇唔順眼,為乜呢!
    十月嘅ilulissat好靚,我嗰陣係夏天,感覺好唔同,我都係住hotel arctic呀,又一樣品味喇。講真,個團堅抵,我嗰陣2010年訂都要接近2000一晚,所以淨酒店同機票已經抵晒,明晒妳點解為咗個團遊飛機河,真係好值得!我明天飛烏斯懷亞喇,會掛住妳架

    回覆刪除
    回覆
    1. 你真係好抵錫!!!!!!!去旅行都記掛住我!!!!
      係係!!我會休息多d架喇~~
      係呀所以我打完出黎就當發洩左~無謂上心~
      下~~~你哥時都係分開訂架?你自遊行去????好勁喎!!!!哥間酒店真係堅正~我好鐘意
      希望你睇到你想睇既!!!!!!祝福你!!

      刪除
  8. 我留咗好大段呀,驚唔知會唔會無啦啦消失,補句話妳知我留咗言先

    回覆刪除
  9. 靠面口搵食既服務業===>咁公司有冇得claim返?
    冰山倒影同盪千秋果張都靚呀
    落大雪好開心^^

    回覆刪除
    回覆
    1. 粒瘡好返晒未?
      過年食少啲熱食嘢^^

      刪除
    2. 無架~~~~~~我講得誇張左d~~~
      我都好鐘意~
      我第一次見咋~~

      刪除
    3. 好番好多喇~~~多謝關心呢~

      刪除
  10. 「係粒充滿水既水泡」,好慘喎!(要靚臉口,就要先戒口~~~~)
    溫泉蛋包,正正正
    您就好,可以坐破冰船。

    回覆刪除
    回覆
    1. 我知道喇~~~~
      好好味架~~諗起又想食喇~
      真係一個難忘既體驗~

      刪除
  11. 那些地方生活艱苦, 街上無行人, 就知道10月天冷己經令當地經濟活動受影響.

    你見我這裡聖誕後D衣褲大減價, 其實背後的理由跟那裡一樣, 皆因為一個凍字, 但那裡比我這裡更甚.

    回覆刪除
    回覆
    1. 都係架..前排睇介紹格陵蘭...佢地會因為全球暖化d冰融咁d而開心...因為少d冰佢地冬天都可以出海捕魚喎!
      我好彩哥時去唔算太凍~感恩~

      刪除
  12. 你盪鞦韆幅相幾俏皮.
    朱奶咁吸引你又忍得手唔買嚟飲??

    回覆刪除
    回覆
    1. 我不嬲俏~
      我真係驚上破冰船會賴屎

      刪除
  13. 好可憐呀!咁靚女...無喇喇生咗個水瘡
    依家無乜事麻!
    坐破冰船好正,又刺激,
    我好like雪,見到咁大雪,好開心

    回覆刪除
    回覆
    1. 依家好番d喇~我會注意下架喇~
      第一次坐~真係唔錯既體驗~
      我都係第一次見~

      刪除
  14. 保重啊!皮膚有事真係會洗人好多錢!(^_-)

    回覆刪除