2016年1月27日 星期三

冰島格陵蘭自由行之旅2015-10-16第二十天Part 3(陰天及後轉晴)

今日真係好開心~~~~上午得閒到不得了~~~~~下午又有野做得黎又唔忙~~~~真係好~開~心~~~~~~~~~咦...其實差唔多新年喇喎....但我咩都未準備過......今年係放年廿八廿九初一初二初三.....感覺上放好少假.....因為成日慣左初三後有補假.....依家初四就要番工...感覺好差~~~~~~(貪心的人上)



2015-10-16
Day 20---Part 3(格陵蘭 Greenland,Ilulissat)

番到酒店見天色幾好~又未肚餓~咁咪係酒店範圍逛逛囉~Hello~狗仔們~極度靚仔佢地!!





我覺得有時藍天不一定最美~加點點雲襯托其實都唔錯~




成日係我地房望出去見到好似有條散步徑咁~行下睇下先~






睇黎係一個睇日落唔錯既地方呢~




風景好靚~~而且係一個極度食風既位~~我又流兩行鼻涕~




而且發現呢~呢度有幾間酒店房係度架!!!全部向海~~仿照愛斯基摩人既冰屋呢~我上網睇過係5月到10月可以預約~如想睇酒店內觀請按我.....其實裏面好細...不過如果有極光睇呢度真係一絕!........不過我查唔到幾錢一晚.....我睇過我地住哥間房應該係屬於Kajak Suite....原來要DKK2,275=2712hkd一晚!!!!!!!!!!!!!!!!!!!!!!!!!!!!下...個package先萬五hkd.....淨機票都要8,000hkd以上.....兩人4晚酒店10,848hkd...其實淨機票加酒店都超過14,000hkd/每人......個package仲包埋其他活動(直升機另外自費)......真係抵到爛......再想查下其他房價請上Hotel Arctic睇睇~






冰屋酒店就係望呢個景!





行番轉頭又見到佢地~~~提提你~有告示牌叫你唔好行咁埋~~~~~~因為佢地會.............群起一齊吠~~~~~~






毛寶點解你影得咁靚既?影到好似d廣告相....




番入房休息一陣~無啦啦聽到怪聲...以為突然咁大風.....點知一望出去....原來雪橇們要開餐了~~~~~~~~




睇下自己呢兩日買左咩先~~~呢幾張係Kangerlussuaq個紀念品店買的~(佢地可以歐羅美金或丹麥克朗付費...但唔知係咪匯率問題....美金或歐羅付款計番hkd會比丹麥克朗貴好多~都係俾丹麥克朗碌卡過數好喇~)




呢d係我地酒店買既~~~好彩有郵票買咋~~~~~~~~




由於我地買international郵票得一種~所以個個朋友我都係寄呢種~




因為我見到佢郵票簿有超多其他款郵票...於是我就問佢有無其他international的..佢話無呀哥d係唔同面額既郵票....於是我再話:咁我買夠幾個面額搭夠寄國外既錢咪得囉~...我實在係太聰明!於是我有多咁多種郵票寄番屋企~好靚好靚...我好鐘意~




呢d係係旅行社等直升機遊時買架~~~最上哥兩張係立體卡~~超出色!!!!!北極熊都好靚呢~




點解我又買postcard...其實好大原因係我又發現唔同款既郵票~~~~~~~~~~~(其實我手信方面使得最多錢一定係買postcard同埋郵票!!)..我應該買左幾百蚊郵票




因為神秘團友好鐘意國旗既pin~所以買黎送俾佢~呢d都係旅行社買~




咦~影完戰利品又日落~呢個景我真係好鐘意..睇極都唔厭




好喇~今晚我地上一樓試另外一間餐廳~~~~呢間格局好似輕鬆d~有漢堡包咬下既!




但呢間仍然係有靚景的..放心~





華~~~輕鬆d即刻食番買番黎既牛油~~~




Bouillabaisse....DKK95=113.2hkd....即係Soup with Seafood from Disco Bay....真係幾多料...有舊cream狀物搞埋一齊飲(我地逐少逐少落...幾漏)...我地4個人叫兩個湯....但我極度建議4個人先叫一個...極大個...好多料...同埋我覺得好咸.....如果得兩人....勸你唔好飲好過~




Deep Fried Scallops from Sisimiut with Salad and Sauce Tarta......DKK125=149hkd....極度好吃!!隆重推介!!帶子唔怕炸得老~出色~




Steak of OX Filet...DKK275=327.8hkd...超大份...不過過熟~我麻麻~




主角出場~~~~Snow Carb from the Disco Island....有兩種的~As a Starter...DKK125=149hkd....As a Main Course...DKK235=280.1hkd.....我地梗係揀做主菜啦~呢個價我覺得好大份喎~





好大條肉呀~~~~~~~~佢有醬同檸檬俾....但佢超級鮮味!!!根本唔使用醬~~~~~~~~~~~~~~~




食飽飯黎杯Greenlandic Coffee....DKK145=172.9hkd.....我飲之前...無望過價錢...亦唔知整法...係諗住黎到人地地方就要試下佢地d野咁解...我係打blog呢刻先知咁貴~~~~~一飲....華....................差d咳~~~~~~~~~~極重極重酒味~~~~再睇番介紹成份:Whisky...Kahlua(Coffee Liquoir)....Grand Marnier(Orange Liquoir)....Coffee....Cream.....華...唔怪得啦...................

出發之前聽人講陵蘭無野食....一係就d野食好貴....親身黎到...無事喎...好味喎...唔貴喎.......可能我俾澳門既高物價訓練得多...我真係覺得ok喎...仲幾享受添



然後呢晚仲有節目~~~就係去去睇極光喇~~~~重點係:又係Justin帶隊~仲有Justin親手沖既Greenlandic Coffee~~~~~~~~早知頭先唔叫啦~





睇下點沖出黎~其實佢沖哥杯幾好飲喎..(可能佢靚仔卦)



不過.........呢晚....就好似呢張相咁....咩都無~~~~~~~~~大家向住同一方向...捕左好耐都無....(其實呢晚仲有另一位領隊...遲下介紹~)







一番到屋企...
媽媽:黎~放工攬下先~
有靚女要攬我我梗係張開雙手去迎接啦~
就係兩母女攬住轉圈周圍有心心飄出其間...
我:媽媽...我係咪瘦左呀~
媽媽:(陰陰笑)梗係~你瘦哂呀~食番多d野先得呀~
我:(甜笑)hehehehehehe~~
周圍繼續有心心兩母女再攬住轉圈....
其實呢兩母女真係好痴線~~~~~~~~~~~
wakakakakakakka~~~~~~~~~~~~~~~~~



2016/01/27的開心事:
er....er....今日天氣暖番少少囉
依家打blog都無咁凍~



報時:距離南美洲4國新奇探險之旅2016仲有---16日~
報時:距離日本大阪之旅2016仲有---107日~
報時:距離"七公子"帥帥出使東京之旅2016仲有---247日~

23 則留言:

  1. 仲有16日!仲有16日!仲有16日你就出發去一個新嘅國度啦~~~~好快呢!你地一玩便是一個月。。。貞依家已經開始掛住你了>.<

    回覆刪除
    回覆
    1. 係呀...我其實好緊張...因為未去過....所以唔知咩情況...
      我都會好掛住貞架><

      刪除
  2. 聽說南美有傳染寨卡病毒的蚊, 你去時要多帶蚊怕水

    回覆刪除
  3. 北極熊postcard真的很美 嘿嘿
    果個境真係好靚 希望我去韓國仲有少少雪比我見下啦 好想見下雪景呀!

    回覆刪除
    回覆
    1. 靚呀le~~~~
      你3月去可能仲有喎~祝福你仲睇到!

      刪除
  4. 妳食個餐好似唔錯~~~Snow Carb幾正喎~~~
    妳同媽媽既生活方式都幾特別....

    回覆刪除
    回覆
    1. 好好味呀蟹腳~~~
      無錯~咁先係我同我阿媽~

      刪除
  5. 其實呢兩母女真係好痴線,我覺得好sweet

    回覆刪除
  6. woof woof , 我哋初三就番工啦 XD !

    回覆刪除
  7. D狗狗好有性格囉~~~
    HK$2712一晚,唔平喎!
    Snow Carb 好正。

    回覆刪除
    回覆
    1. 超靚仔~~~
      係好貴...我未住過咁貴既酒店~
      好好味~

      刪除
  8. 好友♦・゚☼早晨&午安喇喂*☁`☀快樂星期四
    今天瞓醒,落雨.超潮濕喔.好彩唔太寒冷呢
    我D感冒+咳咳好番哂呢.不過還是貧血要多休息喔
    因對得耐個MON真係用唔少精神.眼好容易累喔
    所以我都係少上網.多數在瞓覺.起身就食,食飽看電視
    謝謝大家*關心*我一定會養精蓄銳,再見面時精神奕奕的

    回覆刪除
    回覆
    1. 咁你真係要休息多d喇!!祝你快快好~

      刪除
  9. 係時間開始諗下執咩行李喇~~~
    覺得d雪狗有點慘,但...不能當家中寶貝狗看代,怕佢凍,又怕拉車會辛苦
    可能哩d就係佢地既生存貢獻
    塊面要快d好返呀

    回覆刪除
  10. 好溫馨的心心~~~~^^咁以後放工返屋企都攬下啦XXD
    咁計起來萬五蚊package又真係抵到爛喎.....
    四季風景同postcard都好靚
    postcard有時我會唔捨得寄驚摺皺咗
    澳門的物價真係好貴呀依家

    回覆刪除
  11. 我間仿冰屋呀,好懷念呢~ <-- 講到好似我嘅咁,哈哈~
    你杯天價咖啡正嗎?

    回覆刪除
  12. 嘩!靚到唔識形容!哈哈哈~轉圈!好正好warm!(=^・^=)

    回覆刪除