冰島格陵蘭自由行之旅2015-10-13第十七天Part 1(晴天)

雖然我成日話自己好肥....而事實我真係好肥.....但我從來都無放棄美味既食物....我個故事真係好勵志~~~~今日終於可以講：聽日星期五喇~~~~~~~~~~~星期五同星期六都安排左一連串既活動~~~好心跳好緊張呀~~~~~~星期日就要乖下喇~~~~~~(咦...又話紮炮既?)



2015-10-13
Day 17---Part 1(冰島,雷克雅未克 Iceland,Reykjavik)
呢間民宿幾好訓~~~梳洗好出街逛...我有無眼花呀??雷克雅未克天晴~~~~~~~~~




呢日係我地係冰島既最後一日有行程喇~~~個心...真係實一實~~好唔捨得~~~~最後一日我地就周圍行行睇下有無野想買添~晴天行街心情真係好d~





好似望所有野都可愛d~






又行番去Tourist Information哥條街度~




寄埋最尾幾封信~~




我就暫時仲係無收獲~周圍影相多~




係囉~仲未食早餐嘛~係囉~唔知點解又行左黎呢頭喎~不多說~我最愛的熱狗店~






ISK400=25hkd...我個人....食左兩條.............佢d生洋蔥同埋炸洋蔥加埋真係無敵~~~~好想再食~





由於我地有d格陵蘭既voucher要print....於是搵tourist information幫忙..點知佢話無得咁print...叫我地去圖書館度借電腦........行去圖書館途中見到佢........................同我地既心情一樣呀~~~明天要離開冰島了.....




hehe~我地算唔算深度遊呀?連人地圖書館都去埋~~~~wakakaka~




要俾錢上網的...ISK100=6.25hkd....15分鐘..又唔算貴既....係印出黎d紙貴囉~印野另外計~~~~唔記得確實幾錢....印左20張度...成百蚊hkd




呢位同學好用心上網呀~




印完野就行番去Reykjavik Old Harbour度搵食~~你地好似岩岩先食完兩隻熱狗喎...............................




睇左好多間餐廳出面既餐牌~最後揀左呢間Hofnin...地址：Geirsgata 7, 101 Reykjavik, Iceland......其實一入舊碼頭就會見到~相當易搵~




超鐘意多自然光既餐廳~呢間感覺都唔錯~





餐牌唔算多野食揀架~但岩我地心水囉~




Mojito.....ISK950=59.4hkd.....我其實幾鐘意飲Mojito的~~(可能因為有薄荷).....但一黎.....咦...呢杯同我平時認知既Mojito..有d唔同喎..........一飲.....極!!!!好!!!!飲!!!!!!!!!!!!!!!!!!!!!!!!!!!!!!!!!原來佢寫冰島文我唔識睇~呢杯應該係一杯無酒精既士多啤梨味Mojito!!!!!而且唔係用糖醬溝出黎架!!!!係有好多好多既士多啤梨肉打爛的!!!超解喝~我極速扯完一杯之後：one more pls~~~~~........係澳門叫自己唔好飲咁多凍飲....一黎到冰島好似發左瘋咁~~~~~~~~~~~~~侍應問我係咪好好飲..我話係...佢仲好認叻咁話係佢調既~好啦~抵你認叻~




麵包ok~




叫左兩個Shellfish Soup with Langoustine, Mussels, Scallops, Fennel and Whipped Cream...ISK2,650=165.6hkd/個.....好貴下喎~一個湯....但佢一上~咁既~




野~~原來係人地面前倒湯既~~~~~~(一係我面前倒湯我就會覺得成件事好雷!)....幾吸引咁喎~





極香濃!!!!!!極好飲!!!!!!!!!!!!!估你唔到!!兩個人一碗剛好!外國的湯真的不宜一人一碗~我覺得呢個湯好似過隔離Saegreifinn d湯~




Mussels Steamed in Beer, Three Sauces, Herb, Mustard and Garlic with French Fries....ISK3,990=249.4hkd(全份...另有半份可以揀).........天呀!!!!好大份!!!!!!!呢個價錢我覺得好抵!!!!肉很嫩!!!!而且味道比起前日快樂小鎮的更好食!!!!!!!大推!!!真係好好味!!!!!而且薯條也極美味!!!!!!!!!!!!!!!!!!!!!!!!!驚為天人!!!!!




Pizza NAN....ISK2,690=168.1hkd....唔算大個!但極好食!!!餅夠薄夠脆!!!仲要有龍蝦肉!!又係大推!




原來有時放手一搏...反而找到好味的!!(當然有時都會伏啦!)......無跟旅遊書搵到的..天難能可貴!!!我個人認為呢度個湯....比起同樣係Reykjavik Old Harbour既Saegreifinn既龍蝦湯更值得一試!!!!!!!!!!!!!!!!!!!!我之後再黎都唔會去Saegreifinn了~反而會再黎Hofnin!!推介!








2016/01/14的開心事：
我阿媽學肥媽整翠玉瓜蜆呀~
不過佢蜆變做沙白~仲正~
肥媽快d教多d簡易好餸啦~~~



報時：距離南美洲4國新奇探險之旅2016仲有---29日~
報時：距離"七公子"帥帥出使東京之旅2016仲有---260日~
下!!!!!!!!!!!!!!!!!!!!!!!!!
少於一個月喇??????????????????
好驚呀!!!!!!!!!!!!!!!!!!!!!!!