2016年1月25日 星期一

冰島格陵蘭自由行之旅2015-10-16第二十天Part 1(陰天及後轉晴)

今日星期一...我真係唔想相信一個星期既第一個工作日係最凍既....起身時我以為我自己去左北極.....我成身衣著係參照舊年10月去旅行時咁著.....我覺得....澳門真係..好凍.....星期五放工去左食財神日本野~有人請~多謝衰公多謝衰婆~星期六真係好凍凍~~凍到...我係用係冰島既裝束黎對待澳門既濕凍天氣.....雪褸都著埋上身(擋風呀嘛)....中午食左觀光塔既C4FE on Four就宅在家中....實在太凍了~夜晚同左朗仔去京尚慶生~日式放題......都ok...不過我係以佢9點半後特價既價錢講呀~正價我就應該唔會食~......星期日有冰粒落呀澳門!!!生到咁大個人都係第一次見~~連市區都有!!我覺得真係凍過格陵蘭.............中午食左壹仔之後又宅在家中睇康熙~夜晚去左打邊爐~~咁凍真係出去打邊爐係最好的~又唔使洗~



2015-10-16
Day 20---Part 1(格陵蘭 Greenland,Ilulissat)

一起身拉開窗廉~~呀~~今日無陽光添~




落到大堂望望顯示版...呢幾日天氣.....好似麻麻咁喎.....唔緊要啦~~~~~~最緊要我地走哥日晴天~~~~(走唔到真係煩喇...我地仲要番澳門架嘛)




唔理啦~~~首先去食早餐先~~~~我要向大家推介~~~呢間酒店既早餐真!的!很!不!錯!!!!!!!!!!!!!!!!!!!都算有幾多野食下~~~又芝士又熱香餅又煙肉又生果之類之類~~~~~~好過冰島任何一間~~~~~~~~~~~~仲俾我地見到個新裝置~~~~~見佢有部機不停咁烚蛋....仲諗緊隻蛋咪好老..既時候.......原來佢keep住係50幾度水溫~~~~所以這是溫泉蛋喇~~~~~~鄉下仔表示驚奇~~




我的早餐~呢個只係第一碟~煙肉超正!!!!係我超鐘意食哥種一咬脆卜卜既質感~~~~~~~極度好吃~~~




好正呀~~~~~~~




食飽飽後首先進行我地噚日無做既info meeting...又見番噚日個帥哥喇~~~~~~~~~~~(曬花).....由佢向我地講解呢幾日既行程.....其實唔會有領隊架....一日得一至兩個活動....到活動既時間就某d活動佢黎接我地.....一d就自己去Greenland Travel度集合~.....由於我地酒店同市區有一段距離....酒店每小時有兩班車來回Greenland Travel呢個地方(其實旅行社在市中心最中心位置....搭酒店車出去等於出到市區)........其實都可以自己行出去既..又唔算真係十分太遠...慢行大約25分鐘左右啦~......好喇~~~~~~~~~你人又帥又高~~~唔好跪住講解啦~~~我受不了了~~~~~~(連呼吸也害羞)




食飽飽聽完info meeting之後仲有時間可以上房坐一陣~其實真係好難唔望個景~太靚~




好喇~跟酒店車出去Greenland Travel喇~沿路景色~







好喇~到集合點喇~今日得一個活動既...就係Culture/Historical City Walk




等緊集合期間~我地醒呀~坐係出面點呀!攞番個鐵蓮花出黎先囉~~~~大家仲記唔記得佢呀~




直接著上鞋度~~佢有dd難著....因為好難拉開...不過就係因為咁...佢緊緊咁扣得住我地對鞋~~~~~其他人包括香港團友都入左旅行社入面買用麻繩質地整既套住對鞋.....哥d就唔係幾套得實....我見香港團友成日都甩.....好似話成200幾hkd架!!!!!淘寶真係偉大~10幾蚊~扣得緊~用完又可以dum~




鐵蓮花伙伴~




好彩都夠衫~夠暖~呢日得-2度咋~(堅係澳門凍d)





呢條係Ilulissat既Main Street....係正Green Travel哥度~




好喇~鐵蓮花戴好~出發~~~~好開心呢~~~係帥哥帶我地行呢個City Tour~~~~~(因為另一團係姨姨帶的)...橙衫就係佢喇~





其實我真係第一次去d咁凍既地方旅行...之前去哥d唔係唔會落雪...係我去既時候未落~~所以真係有d新奇~真係極推介鐵蓮花!我見同團有個叔叔著皮鞋黎...步步都跣......




我真係第一次感受咁樣踩入雪堆滋味!!(我講緊成年後)




第一站去參觀個工場...即係好似之前係Kangerlussuaq既紀念品店見到既哥d用Musk OX角整既愛斯基摩人~不過無話迫我地買野既~放心~~~





我幾欣賞呢個...做得幾精細~後尾係酒店見到...好似要千幾hkd




繼續跟帥哥行啦~~~~~




依家行落碼頭方向~






極多船泊係度~~




仲有個self service既油站~~~~~佢地家家戶戶都會有隻船~因為佢地去其他地方都係坐船去多~~因為有d地方係無路可以去到~~~一係坐飛機~~~~都岩既~~差唔多全部沿海城市嘛~





我地聽日都有個節目係呢度上船架~




就係坐類似呢d船出海喇~~~做咩~~~聽日既行程你咪知囉~




行過......好恐怖....中間隻船有岩岩打獵完既海豹屍體......就咁擺係船尾.........(其實我係唔識分海豹海狗海象海獅類)




仲有好多偷食既小偷~~~




係碼頭行番上黎就見到Ilulissat既的士~~又幾型仔喎~不過帥哥話佢地搭巴士多~




消防局~~




再繼續行.......我好似第一次係咁多雪既地方行......我真係好鄉下仔.....




講真.....就算著左爬山鞋...兩對襪....長時期咁樣俾雪埋住對腳....我都覺得幾凍下....而且每步路都有d難行.....




行上黎就係睇個紀念碑...但我沒注意聽係咩紀念碑.......不過上到黎風景很美~





有好幾家人都有養雪橇狗呢!其實雪橇狗仔個樣好可愛




其實我好難想像一個地方10月中已經咁大雪....再過多一個月....生活會係點?




咁岩行過仲俾我地見埋佢地既巴士~~~~




呢d係佢地d社會房屋~窗口個鹿頭骨真係有氣勢到嚇親我




之後再一路行過...咦....大家直望一下...已經係海邊?!





雖然我知格陵蘭全部有人住既城市都係沿海(因為中間都係冰川)......但我無諗過咁輕易就行到海邊...




呢個係佢地既巴士站





仲要一物兩用....除左係巴士站..仲係一個攞水既地點!!見到中間條水柱嘛~好似有人係入面尿尿咁....




睇到方東昇既世界零距離介紹格陵蘭~~我見佢都有去Ilulissat~~仲同我地住同一間酒店~~~佢話有好多蚊...我真係要澄清下~~~因為佢地去哥時係夏天~~~~~~所以先咁多蚊...我地去哥時係一粒蚊都無既!!!!!!!!!不過望下佢條馬路....啡啡地........我諗都係泥地~~~~所以夏天黎應該真係會堅多蚊~~~~~~~~~~~~~~~~~~~~~




行得越近海邊越清楚見到.....唔係一個普通既海~~係一個浮冰海~~~~~~~~~~~~~~~~~




途經一間教堂~





好靚話~~~如果我係度住~~~我諗我得閒都會行出黎睇下充滿浮冰既海~




好啦...講左咁耐....要俾你睇下帥哥真身既..我唔自私既.....天呀~又有笑容又帥哥....我地私底下叫佢做Justin....唔係話佢似側田呀..係似Justin Timberlake呀~~~~~~~~~離哂譜~~~香港團友係佢地旅行社買既麻繩質地冰爪成日甩...佢見狀即刻跪係度..你無睇錯...係求婚哥隻單膝跪哥種!!!!幫香港團友整番好佢....我只能嘆一句:為何我的鐵蓮花cool得那麼緊?.....大家跟我一齊大叫:格陂蘭真係好山好水!!!!!.......(關咩事...查實Justin係丹麥人過黎打工架咋...)





市內觀光最後一站....類似魚市場批發地........我見到中間哥個真係魚黎架???我覺得好似海...................





番到去旅行社解散.....望見main street有小朋友帶雪橇出街呢~~~我都想玩~








話說...
上個星期四...見到有個e-mail
有人係blog留言俾我...係兩年之前既一篇講野食既blog..
一睇之下......
匿名人說:睇完你食評,就知你係一個唔識食野既人,
你連食材都唔知係咩就話難食,笑了
.........................................................................
我想問下....我有係呢個blog自稱過我係專業食評家?
我有咁介紹過我自己?
唔通....我想係自己個blog度表達下我個人口味意見都唔得?
一定要好專業咁了解各國食材先有資格係自己個blog寫野?
依家呢度話哂係我日記.....不過叫做一個公開既日記
叫做其他人會睇到....
當然寫得出黎既野我先寫..唔寫得我自己過濾啦..
講得唔好聽唔通我邊日無屎痾我又寫出黎咩.....
我寫出黎係想同人分享下je......
難道塊crepe個皮個味係燶左既.....我又要了解下係咩食材整先?
唔通我了解完塊皮係花膠做既我又要好專業咁講呢塊皮係花膠整既所以有燶味都係佢特色?(係致癌哥隻燶味喎大哥)
你又唔係坐我隔離同我一齊食....就算係咩名貴食材都好..
佢整得難食就係難食.....你唔係同我一齊食
你都無資格批評我寫哥篇野....
當有朋友問我一間餐廳好無食時如果我無專業知識...
我係咪唔可以答我朋友????????(答左唔好食就唔識食架喇你又唔知佢咩食材..千祈唔好答)
唔通你睇完食評人好專業既意見分析寫好食然後你食完覺得唔好食...唔通你又要跟識食既人講好好食?
其實我唔介意你話我唔識食...因為我真係無話過我識...
不過希望你係人地個blog留言都有禮貌d..
如果我講錯資料...我歡迎你善意指正
我呢個唔係專業食評網.....
如果你想睇專業到不得了既分析....
我呢度絕!!對!!無!!!!!!!!!!!!!!!!!!!!!!!!!!!!!!!!
唔該你唔岩睇就過主...我無求你黎睇
同埋我寫篇野出黎又唔係收你錢先可以入黎睇...
我無受過人薪寫任何野....
亦無受過任何人/餐廳邀請寫blog....
唔好講到我唔了解食材又呢樣哥樣啦...
幫你打工兼前世欠左你既咩
最後講一次...呢度係唔會有專業食評...專業遊記都無!!都係志在大家blog友分享下.....
我係真嬲...因為你真係好無禮貌!!
講完



2016/01/25的開心事:
hehe~~今日中午我咁岩無飯食~
咁岩又有人買肥仔記食......咁我咪..............
真係好正.................................
仲有阿貞送左袋麵包俾我~
其實我真係超開心!!!!!!!!!!!!!!!!!!!!!!!



報時:距離南美洲4國新奇探險之旅2016仲有---18日~
報時:距離日本大阪之旅2016仲有---109日~
報時:距離"七公子"帥帥出使東京之旅2016仲有---249日~
下~~仲有兩個幾禮拜咋~~~~~
點解既點解既~~~~~

28 則留言:

  1. 個早餐好豐富呀,個海遠處是有好多浮冰嗎?個雪爪好有呀,比個班昨天上大霧山睇冰的人用就好啦,咁就吾使消防員係咁去救人,我昨天都出動去北海道的雪褲^_<

    回覆刪除
    回覆
    1. 係呀~係好多浮冰~早餐超正~~~
      哈哈~真係岩佢地喎又~

      刪除
  2. 哇 果個人真係好冇禮貌 好唔好食既感覺係好主觀
    果個人真係呀 咩料呀 激嬲你
    夠膽留言又唔夠膽用真身留言

    得返18日好快呀
    我都好快呀 咩都未plan過 好擔心呀><

    靚仔真係好charming 心心眼

    回覆刪除
    回覆
    1. 係...我覺得佢真係好無禮貌..我係嬲呢樣
      哈哈~~好少睇你會講咩料呀~~~~~~~~錫錫baby~

      係呀好快呀我連錢都未換~
      唔使驚~~~~你好似後我少少出發呀係嘛~

      係呀~~~心心眼~~

      刪除
  3. D又無禮貌, 又無聊的人, 唔洗理佢
    呢個世界真係咩人都有, 我地一班你既忠粉一定支持你到底, 加油

    回覆刪除
    回覆
    1. 哈哈~多謝你地呀~
      我會努力寫blog的~

      刪除
  4. 您有去冰島和格陵蘭的經驗和裝備,澳門有冰粒落都唔怕啦!(我們那些沒有準備去北極的便悲慘啦!哈哈哈)
    溫泉蛋好正呀~~~~
    宇文公子全副武裝,又型又帥啦!
    分享自己的經歷,不存對錯,祇在乎開心,不要理他/她。

    回覆刪除
    回覆
    1. 哈哈~~~最弊澳門真係凍過我去哥兩個冰國~~~
      好好味架~~~超濃蛋味~~~
      我真係好帥氣~~~
      無錯!!我地大家都加油~

      刪除
  5. 早餐豐富好正喎~~~~
    妳又咪去打邊爐.........
    妳唔似會害羞喎.....扮嘢....哈哈哈
    不懂尊重別人、妳不用理會他啦.....

    回覆刪除
    回覆
    1. 係呀~~~好好味~~~
      哈哈我好耐先打一次嘛~
      我超會怕醜的~其實我好內向的~
      知道啦~

      刪除
  6. 鐵蓮花.....我記得呀,扣得緊又好,扣唔緊仲好呀,咁細心服務真係比個讚佢
    無名字人可能係餐廳的人,咪鬼理D人啦

    回覆刪除
    回覆
    1. wakakakaka~~~佢真係超細心~~~~~係女仔都冧啦~~~
      我唔估佢係咩人lu~反正嬲完~

      刪除
  7. 個烚蛋機裡D水, 見到好多泡呀, 唔知道乜原理.

    我在這裡冬天行街, 就算著-20C的靴, 都會腳趾凍, 我通常著2對襪囉, 所以我買雪靴時, 一定會買大DD.

    你地幾時組織左個鐵蓮花黨? 哈哈哈....

    回覆刪除
    回覆
    1. 我都唔知呀~~不過真係好正呀d蛋~~~~
      係呀....真係腳趾心都凍埋...真恐怖~~~~~我哥時都有著兩對架~~太凍~~~我哥對都有買大到~
      wakakakka~個名真係好核突~

      刪除
  8. GOOGLE BLOG有點怪, 我回應一多一長, 就會好易唔見左, 真奇怪, 你這裡係咁, VENUS 那邊又係咁.

    回覆刪除
    回覆
    1. 我哥次見到你個留言架...但只係send左去我個mail度...但blog就唔見左!!

      刪除
  9. 呢位側田唔似justin timberlake喎.
    激嬲你換嚟你用咁多字xx佢可能已經係條友一生最大成就.

    回覆刪除
    回覆
    1. 唔似咩?但好靚仔喎~
      華.......唔好咁講~~~我又唔係邊個~~~

      刪除
  10. 回覆
    1. 真係好凍..新加坡有無低溫左少少?

      刪除
  11. 個早餐好好樣呀!!
    我有個同事的家在加拿大,我星期一最凍果日問佢,边度凍d,佢話香港三四度就好似加拿大-10度咁,但果边所有室內有暖氣,所以覺得HK凍好多,而且外國無HK咁濕,所以HK 同澳門得幾度係堅凍,但我又無法想像住响Greenland呀,北歐的人如何生活,好好奇
    嘩,又幾靚仔喎,多謝分享^^
    你真係好嬲喎,可能佢係果間野的老細!唔好嬲,我地支持你^^

    回覆刪除
    回覆
    1. 超正佢地個早餐~~
      下...原來差咁遠架....咁我地哥日1度真係會係佢地既-10幾都有之喎~~~
      不過我都唔係幾鐘意成個冬天冰天雪地咁~
      真係好靚仔~成日甜笑~
      我唔估佢係咩人lu~反正嬲完~好多謝你地~

      刪除
  12. 格陵蘭同冰島的風景又有啲唔同喎!!
    好彩你有朵鐵蓮花,唔係一定跣到暈
    喱個Justin都ok喎,你有冇問人攞fb先kakakakaka.....
    會唔會係果間食店的老細呢又?

    回覆刪除
    回覆
    1. 係呀~成個格陵蘭都冰天雪地咁~
      無錯~真係好好用~
      梗無啦~我怕醜妹黎架~
      我唔估佢係咩人lu~反正嬲完~

      刪除
  13. 嘻嘻嘻嘻,佢真係靚仔得好charm 呀~

    唔值得為無聊人嬲,個blog係俾朋友睇既,完全唔使理呢d人

    回覆刪除
  14. 嘻嘻嘻嘻,佢真係靚仔得好charm 呀~

    唔值得為無聊人嬲,個blog係俾朋友睇既,完全唔使理呢d人

    回覆刪除
  15. 撐你小T,blog係日記,舒發感受,並不是討論區或投稿去雜誌,不用理會

    回覆刪除
  16. 唔洗嬲呀, 呢個世界好多人都痴痴地線又有閱讀問題, 成日將自己諗既野當左人講~~
    所以真係唔洗嬲!!!

    回覆刪除